7 нояб. 2014 г.

Ааайкааай!

Поздей агай нулдӥз монэ Айкайлэн концертаз Аксионэ (хоть мар малпалэ, кинлэн кыӵе бурной фантазиез).
"Айкай". Уг кельшы вал, что соос туала инструментъёсын шудо. "Ну,- малпаськыса пукисько концерт учконъям,- арган но куке туала инструмент вал удмуртъёслы. Нош али барабанъёсын установка, бас-гитара мед луозы выль инструментъёс. Озьы ик удмурт дэремъёсын но. Куке но ас дыраз атласной удмурт дэрем но вновинку вал. Нош али син солы дышемын ини". Кстати, вал нылкышноос, кудъёсыз удмурт кислотной дэремъёсын лыктэмын вал. Сыӵе муспотон потэ мыным, ку удмурт мероприятиосы лыкто сыӵе дӥсяськыса.

Кырӟанъёс тодмоесь, эктонъёс но тодмоесь. Адӟылэме вань. Учкыса пукисько детальёс шоры.

"Эктон коркаез" учкыкум тожо озьы ик пуки вал. Отын матысен адӟи, учки паймыса, кызьы пыдъёссэс вошъяса вутто шуыса. Нош татын кыдёкын пуки. Так что вообще мукет малпанъёс вал :) Туж мусоесь потӥзы тол дӥсен потэм беразы. Ыжгон сапегъёсын. Эктон пумазы сапегъёссэс куязы но ыжгон носки коже эктӥзы. Ну нылъёслэн татын, конечно, носкиоссы ке носкиоссы!

Кыдёкысен пишто ява) Огезлэсь мукетыз чебергес кадь. Вот сыре малпаськисько: али ведь ыжгон носкиен уг но ветло ини нылъёс. Нош азьло куное ке мыно...кутске ини вал чеберъяськон. Кинлэн тузигес, кинлэн тунсыкогес пужыез. Пиос но адӟо вал ныл кибашлы шуыса. Нош али мар? Ваньмыз басьтэмын. Уг но луы возьматыны ныл кибашлы-а ӧвӧл-а. 

Ӧй на адӟы вал номерзэс, ку нылъёс пото сюлыкъёсын. Сыӵе йыре кылись номер. Вообще. Эпичной кыӵе ке шуысал) Со туж чебер адӟиське. Йӧн-йӧн. Мон но сыӵе дӥсен бызьысал.

Шорт миськон обряд возьматӥзы. Туж тунсыко. Тожо ӧй на адӟылы вал. Мусо-мусо.
Даже антракт дыръя залын пирожки зын вӧлмем но мусо-мусо потӥз:)

Быдэсак концерт туж кельшиз. Трос удмурт кылын вераськизы. Чынзэ.

Нош мон ыж кадь пуки. Малы? А вот малы. Поздей акыльтӥз кадь. Мон котькудаз юалляй а таиз кинь? А соиз кинь шуыса. Со мон шоры бадӟым синъёссэ эшшо бадӟым карыса, паймыса долка: "Тынад, Сергеева, возьытэд вань-а? Кызьы тон Айкайысь адямиосты уд тодӥськы?!" Не. Мон тодӥсько Смагинаез, Ворончихинэз, Бимаковез... "Тӥни учкы ай Бимаков шоры, кыӵе со шудэ арганэн. Со быдӟа мугорез и сыӵе пичи арган. Сыӵе кияз шудон, кудӥныз со мар каремез потэ каре. И копак со солэн,"- шуисько, синмаськыса учкыса. Не. А кытысь мон тодом, вералэ. Али дышемын кадь интернетэ пырыса, ваньзэ шедьтыны. Контактын Айкайлэн вань группаез, лэсьты вал отчы бичет фотоосын, гожъяса кудӥз кинь. Каньылгес луысал.

"Собере,- малпасько,- школаын дышетскуку тазьы концертэ лыктысал ке, номыре но ӧй валасал. Малы? Али со мон тодӥсько кыӵе обряд, марлы сӥзем кырӟан, кыӵе дэрем, маин висъясько закамской удмуртъёс лымшор удмуртъёслэсь. Благо эшъёсы правильноесь, дышетӥзы. Нош школаын дыръя мон сое уг тодӥськы вал. Умой луысал, если ке программкаос лэсьтысалзы. Гожтысалзы отчы мар номер шуыса, кыӵе обряд, кыӵе костюм комплекс, марлы сӥзем кырӟан. Полезно луысал. Удмуртъёс гинэ ведь уг лыкто концертэ, ӟучъёс но вал. Тодматскысалзы.

...Шумпотӥсько, что инстаграммзы вань Айкайёслэн. Кыӵе ке современноесьгес луо кадь, егитъёслы матын. Гастрольёсы ветлэмзэс фотое пуктыло. Эшшо классногес луысал, репетициоссээс ке пуктылысалзы.

Я. Трос зулисько. Опять кулэтэмзэ верай кадь.

Комментариев нет:

Отправить комментарий