Театральной калгисьёс

Гуртын улӥсь адями малы ке туж яратэ концертъёсты но театръёсты. Ну так ке валамон кадь ини малы. Гурт адямилы трос уг йӧты культурной событиос. Милям хоть гуртамы туж ярато клубе концерт учкыны потаны.

Школаын дышетскыку милемыз куддыр нулдо вал Иже театре. Со вал мон понна туж бадӟым событие (ой ну ветлӥмы ни, дыр, кык пол). Ижлэсь кыдёкын улӥськом бере. Мон туж сак кылзӥськисько вал. Берлозэ бадӟым классъёсын ветлӥмы вал кадь. Кин ке пиос пӧлысь малпам ассэ возьматыны. "Колокольчик" напиток интые блейзер понӥллям. Со зын туж тошнотворный вал. Али но тодӥсько на. Копак балкон тыр лосъяськиз зыныз.

И вот мон малпасько вал: дышетскыны пыри ке однозэ ветло театръёстӥ.

Я, пе.

Дышетскон куспам ог витьпол ветлыны вуи ке, ярам.

Дышетӥсь луыса вот мукет. Вот кытын кужым но власть. Ветлы кӧня потэ. Эшшо ке дунтэк. Татын самой валтӥсез - дышетыны нылпиосты театр культуралы. Нылпиос ортчо пӧртэм стадиосты:

1. Заставление. Боды улысь. Так-с, нылпиос, театрен тодматӥськомы. О нееет, неееет,  Марина Юрьевна! Сӥт..., то есть кулэ ӧвӧл милемлы со! Малы ми учкыны кулэ кыӵе странной адямиос шоры!? ...
Тазьы мон соосты нуи нырысьсэ Удмурт театре. Ревизоре кадь. Мырдэм нылъёсты дэрем дӥсяны косыса, нош пиосты брюкиен рубашка

2. Попытка новшества + заставление. Нылпиос! Мыномы театр оперы и балетае. "Чиполлино" балет учкомы. О неееет ! Мы что должны смотреть на прыгающих в лосинах людях? Нет, нет! Татын, Марина Юрьевна учке отточенной взглядэн. Что?! Платья, рубашки, брюки?! Одобрительный кивок Марина Юрьевналэсь под всеобщее негодование. Нылпиос йырзэс ошо, но мыно.

3. Принятие. Так-с, дети. Послушаем оперу "Иоланта" нашего земляка. Ну куда нам деваться? Уже уг юало дэрем сярысь. Просто дӥсяло.

4. Бырйиськон + шантаж. Табере, нылпиос, мыноме "Дон Кихотэ". А та балет, яке опера? Балет. Нууу, мыным опера кельшизгес. О. Классно, балет. Так, бырйиськыса ум улӥське, мынӥськом ваньмы, шуи. Ладно, ладно, географиен дышетӥсеныды верасько ӵуказе контрольнойзэ медам ортчыты шуса. Так-с, а вот из кфс твистер,это лишнее, Полина, ё-маё, дай сюда мне в сумку!

5. Отвержение + просветление. Так-с. Мынӥськом "Щелкунчике". Да ну. Ум, надоело. Ты что, чувак, это же классика (тае вера самой сорвиголова пияш). Это же нужно знать! Хоть потом всем говорить будешь, что ходил, что знаешь. Театр опера и балетаысен пиос: мы сюда уже как домой ходим. Нылъёс мукет школаосысь дышетскисьёс шоры учкыса: ну господи, кто в джинсах ходит по театрам, еще бы в трусах пришли. Ну вот какой нормальной человек в театре сухарики жрё...(Марина Юрьевна синкаӵсэ ӝутӥз) ест!?

6. Смирение + попытка выудить из этого полезное.  Мынӥськомы "Капитанская дочка" постановкае, нылпиос. Окей,  Марина Юрьевна. Мамаоссэс дэрем басьтыны косо нылъёс: ну чтобы в театр ходить,мам. Нош пиос асьсэос (!) догадались бабочкаос тэчыны чыртыязы.

Будӥзы ке "Партизанъёс" доры нуллэм потэ. Театр оперы и балета туж яраз. Удмурт театрез кезьытэнгес пумитало. Ӟучаз таки ӧм ветлэ на. "Птицае" тоже нулдоно вал.

Камали.

Туннэ Удмурт драмтеатрын ортчиз туала удмурт кырӟан  "Камали" студилэн концертэз. Нуизы егит артистъёс Костя Исаков но Настя Шубина. Даралилы шуисько:"Ааа.. Бесит правильно верасько ке удмурт кылын..." Со ганяк гинэ вера(али сыӵе йӧно нылкышно луэмын, йырсизэ ӵышкем ):"Сергеева, тон безграмотной адями малыке шуоно удмурт удысын. Так что шып! пук." Ярам, уг споръяськы. Зэм но. Вӧзам же удмурт удысын образованной кык удмурт филолоос пуко - Белослудцевен Тубылов.
Дарали сьӧраз пакетэн ваем басма-образецъёс. Камалиослы, пе, дӥсь вуроно.  Озьы, пичи дырысенызы мед дышозы сцена вылэ потаны нестилизованной удмурт дэремъёсын.

Концерт кутскиз. Мусо, пичииииии гинэ нылаш потӥз нырысь. Юля Романова . Таш-таш вераськемез но уг луы на, но сыӵе йыг-йыг сылэ сцена вылын.
Тужгес но шумпоттӥз Полина Келарева. Кыӵе со эктэ, кыӵе со кырӟа. Мусо дак! Зэмос артист луоз ини. Син гинэ медаз усь. Туж усто кырӟазы Женя Барановен ӵош. Бадӟымъёслэсь кырӟанзэс пичиос ке кырӟало сыӵе со маскара. Умиление прямо.

Камали кырӟасьёс шоры учкыса, дышетӥсьёссылэсь выросъёссэ адӟиськод. Аня Образцоваез тӥни Ручкина Света дышетэм эктыны. Адӟиське сразу. Образцова паймытӥз таяз зэм но. Белослудцев но паймиз кадь, таӵеен, пе, адӟеме ӧй вал на. Мукет шӧмоесь кырӟанъёсыз. Бохо -бохо кызьы мон ас поннам шуисько). Ярам, умой со. Ваньмыз одӥг кадь медаз луы.

Тросэз пӧлысь адӟиськод: тани таиз луоно Алина Антонова, таиз, может быть, Котельников Ваня, нош таиз Тимерханова Алёна чылкак :)

Учкисьёс пото сцена вылэ сяськаосын, уг чидало чупатэк,  вешатэк пичи артистъёсты. Уню-нюнь.

Берпум кырӟаназы потӥзы анайёссы. Нош ик сыӵе умиление. Мур-мур.. шуэм потэ. Мамаелэсь мӧзмыса ик кошки кадь.

Сыӵе со пичи мусо комокъёс тыршо.

Вӧзам Тубылов тожо пуке умилённой ымнырын.

Каньыл мылкыд таӵе концертлэсь кыле.
Выль вормонъёс Камали студилы сӥзем потэ но тросгес спонсоръёс. Мед эшшо но золгес пушъёз. Эркишев лэсьтэ ӟеч уж.

вауууу, оуууу, ууух, оооохх, еееееааа!!!

18:00. Бикузин шуэ: "Ойдолэ, ойдолэ мон тӥледлы туж курутой инты возьмато".
 "Енисей". Забегаловка кыӵе ке. Ми 7 кузя отчы пыримы. Син азяды пуктэ: пуко пиосмуртъёс юыса ужзы бере и ми отын ӟабыльтӥськом удмурт сяин. Со забегаловкаын вань туж курутой аппарат, кудаз куштӥськод уксё и быръиськод кырӟан. Туууууж бадӟым быръёнэз. Чынзэ. Удмурт кырӟанъёс но. Бырйыкузы зӥбизы случайно кыӵе ке удмурт попсовой кырӟанэз. И вань воргоронъёс ми шоры паймыса учкыны кутскизы. Кырӟан мар ке быдӟа куараен. Ми асьмес куалектӥм. Шыпытак, пырсэкъяса кофе 3 в 1 юиськом перепечен (туж бадӟым выборез, кыстыбей но. Зэмзэ вераса ке, "Перепечкинлэсь" ческытгес татын сӥлен перепечсы). 3 удмурт кырӟан кылзыса вырӟим Сайлентъёсыз кылзынаы.

Пукиськом, возьмаськом ку занавес усьтӥськоз. Зал трос адямиез.

Усьтӥськиз. Ымен ӵош. Сыӵе лаконично сцена вылын адӟисько 5 удмурт кизилиос но оркестр Сайлентъёсын...

Кутскизы кырӟаны. Ӟазег ку луыса кошкисько кадь кылыса. Акыльтэм кырӟанъёс выль шӧмо луизы. Мылкыдэз кылъёсын гожтыса уг луы валэктыны. Только куддыръя, малы ке, кырӟасьлэн куараез "ворса" вал оркестрлэсь шудэмзэ.

Шумпотӥсько сыӵе кырӟась вань шуса. Чебер, кужмо куараен. Ручкина - зэмос удмурт кизили. Шумпотӥсько Алнаш палъёсысь шуса. Туж органично эктэ гуръёсызъя (туж мусо адӟиське вал, ку со дирижёр вӧзын эктэ, нош соизлэн выремез тожо эктэмлы кельше вал:). Туннэ особенно. Света бурдъяськемын. Залэн вераське, серекъя, шумпотэ. Мусо, чебер, мунё кадь.

Ярам, асьмелэн вань таӵе группамы. Кудӥз шоры учкыса шуиськод, что удмуртъёс вамышто "в ногу со временем". Тросгес сыӵеос мед луысалзы.
SWG-лы сӥзисько азинскон но выль кырӟанъёс.

P.S. Галихановзы сярысь чылкак вунэтӥзы вераны. Нош со пукиз "веньёс вылын" кадь, чуть ли интыысьтыз уг султы. Йӧтэ, потоз сцена вылэ но гитараез кутыса шудыны кутскоз.

Ӟучъёс трос вал. Шумпотӥсько.

Вераськонъёс:" Ой, давайте ум вераське удмуртлык сярысь. Акыльтӥз ни. Улэм потэ гань-гань".