24 мая 2019 г.

Долкам

  Кыкетӥ нуналзэ султӥсько  ини мырдэм, будто даже не гужем вуэ, а толалтэ.
   Шунытэз кысӥзы коркаын но урамын но, носкиен, штаниен, рубашкаен дорын выдыса кыллисько лыз диван вылам. Тылэз ӝуатэм уг пот. Дол тӧдьы борддор шоры учкыса кыллисько.
Ар пумын вань вир юэмын кадь, йыр школа бере висе поръяса. Туннэ столовойын сиськи  1 минут куспын: Марина Юрьевна, ми лыктӥмы кыкъёсмес тупатъяны, нош тӥ кабинетады ӧвӧл. Ваньзылэн потэ ини долгъёстэк ял каремзы. Пал киеным эскерисько ужъёсты, пельёсыным кылзӥсько устной веранзэс, палян синмыным учкисько гожъяськисьёс шоры, ымыным верасько: Так, Саша, заман кушты телефондэ, опять кык пукто. Тӥ вообще тодӥськоды-а нылкышно 3 ужез лэсьтыны быгатэ. Тӥ отын Артём Равильевич дорын озьы дауртэ, нош мон ваньзэ адӟисько! Сейчас кык салё, мар опять ӧд дышеты?!
Бӧрдон калэ но вуод. Кужымме сётыса ,валэктӥсько кадь но. Нет. Мон, конечно, валасько, ӟуч кыл кудӥзлы кулэ но уз луы. Нош экзамен кызьы ке сётоно ук. Мон кышкасько  сыӵе дырлэсь, ку мыным шоро луоз сётоз-а уз-а нылпи экзамензэ.
Мыным секыт. Малы ке шуоно мон сыӵе адями, кудӥзлы ваньзэ лэсьтоно умой. Ку сыӵе сямы быроз, быроз-а со вообще? Уг тодӥськы.

Дальше выдыса уло. Долкаса борддоре шоры. Просто резко блог сярысь тодэ ваи

12 февр. 2019 г.

Театральной калгисьёс

Гуртын улӥсь адями малы ке туж яратэ концертъёсты но театръёсты. Ну так ке валамон кадь ини малы. Гурт адямилы трос уг йӧты культурной событиос. Милям хоть гуртамы туж ярато клубе концерт учкыны потаны.

Школаын дышетскыку милемыз куддыр нулдо вал Иже театре. Со вал мон понна туж бадӟым событие (ой ну ветлӥмы ни, дыр, кык пол). Ижлэсь кыдёкын улӥськом бере. Мон туж сак кылзӥськисько вал. Берлозэ бадӟым классъёсын ветлӥмы вал кадь. Кин ке пиос пӧлысь малпам ассэ возьматыны. "Колокольчик" напиток интые блейзер понӥллям. Со зын туж тошнотворный вал. Али но тодӥсько на. Копак балкон тыр лосъяськиз зыныз.

И вот мон малпасько вал: дышетскыны пыри ке однозэ ветло театръёстӥ.

Я, пе.

Дышетскон куспам ог витьпол ветлыны вуи ке, ярам.

Дышетӥсь луыса вот мукет. Вот кытын кужым но власть. Ветлы кӧня потэ. Эшшо ке дунтэк. Татын самой валтӥсез - дышетыны нылпиосты театр культуралы. Нылпиос ортчо пӧртэм стадиосты:

1. Заставление. Боды улысь. Так-с, нылпиос, театрен тодматӥськомы. О нееет, неееет,  Марина Юрьевна! Сӥт..., то есть кулэ ӧвӧл милемлы со! Малы ми учкыны кулэ кыӵе странной адямиос шоры!? ...
Тазьы мон соосты нуи нырысьсэ Удмурт театре. Ревизоре кадь. Мырдэм нылъёсты дэрем дӥсяны косыса, нош пиосты брюкиен рубашка

2. Попытка новшества + заставление. Нылпиос! Мыномы театр оперы и балетае. "Чиполлино" балет учкомы. О неееет ! Мы что должны смотреть на прыгающих в лосинах людях? Нет, нет! Татын, Марина Юрьевна учке отточенной взглядэн. Что?! Платья, рубашки, брюки?! Одобрительный кивок Марина Юрьевналэсь под всеобщее негодование. Нылпиос йырзэс ошо, но мыно.

3. Принятие. Так-с, дети. Послушаем оперу "Иоланта" нашего земляка. Ну куда нам деваться? Уже уг юало дэрем сярысь. Просто дӥсяло.

4. Бырйиськон + шантаж. Табере, нылпиос, мыноме "Дон Кихотэ". А та балет, яке опера? Балет. Нууу, мыным опера кельшизгес. О. Классно, балет. Так, бырйиськыса ум улӥське, мынӥськом ваньмы, шуи. Ладно, ладно, географиен дышетӥсеныды верасько ӵуказе контрольнойзэ медам ортчыты шуса. Так-с, а вот из кфс твистер,это лишнее, Полина, ё-маё, дай сюда мне в сумку!

5. Отвержение + просветление. Так-с. Мынӥськом "Щелкунчике". Да ну. Ум, надоело. Ты что, чувак, это же классика (тае вера самой сорвиголова пияш). Это же нужно знать! Хоть потом всем говорить будешь, что ходил, что знаешь. Театр опера и балетаысен пиос: мы сюда уже как домой ходим. Нылъёс мукет школаосысь дышетскисьёс шоры учкыса: ну господи, кто в джинсах ходит по театрам, еще бы в трусах пришли. Ну вот какой нормальной человек в театре сухарики жрё...(Марина Юрьевна синкаӵсэ ӝутӥз) ест!?

6. Смирение + попытка выудить из этого полезное.  Мынӥськомы "Капитанская дочка" постановкае, нылпиос. Окей,  Марина Юрьевна. Мамаоссэс дэрем басьтыны косо нылъёс: ну чтобы в театр ходить,мам. Нош пиос асьсэос (!) догадались бабочкаос тэчыны чыртыязы.

Будӥзы ке "Партизанъёс" доры нуллэм потэ. Театр оперы и балета туж яраз. Удмурт театрез кезьытэнгес пумитало. Ӟучаз таки ӧм ветлэ на. "Птицае" тоже нулдоно вал.

24 янв. 2019 г.

Зулён

Мон паймисько кыӵе будэмъя бызок луоно. Уг тодӥськы малы озьы.

... мынам кылем арын гужем кулӥз песяе (ӝытаз мон пыд висьытозям эктӥ матысь эшелэн сюаназ, нош вазь ӵукна ивор тодӥ. Мыным йӧтэ, улон куддыр шудэ адямиен). Песяй со адями, кудзэ мон яратӥсько вал вань сюлмысьтым. Мынам сыӵе адямиосты шер адӟылэм вань. Со уз пыкылы, уз индылы.  Со вала кадь: адями ачиз тодоз мар карыны, малы лишной раз кулэтэм кылъёс вералод. И сыӵе гань-гань вал песяй вӧзын. Кулэ ӧвӧл вераськон  причина, тема утчаса кылльыны. Просто шып пукиськод вӧзаз и тыныд умой (ну вот, опять син трос синкыли кылдӥз ини). Мон трос зулись адямиосты уг яратӥськы, кыӵе ке сверхэмоцианальнойёссэ, гиперактивнойёссэ. Мон курданы кутскисько.
...зар-зар бӧрдӥ, викышъяса,  нырысетӥ выны мар карын паймыса ӟыгыртӥз. Будэм бераз огпол но ӟыгыръямез ӧй вал кадь. Мынам озьы бӧрдэме ик ӧй вал кадь ноку.
...ӵужай сӥзьыл ваем шу кисаль,  мунчо бере как раз ческыт сиыны луоз шуыса.  Марина яратэ, сиёз. Пуньыен омыртӥ но долкай. Собере ӝожоми. Синкыли нырысь но синмысь но вияны кутскиз кадь. Ватыны турттыса копак бам наштаськиз. Мама ӧч карем кадь песяен уйвӧтсэ со вадес ик веран кутскиз. Нош мон синкылиосын валче шу кисальме сиыны кутски. Ӵужай валаз.  Мар, ӝожомид? Мар? Мар? Песяй котьку лэсьтэ вал шу кисаль, потому что Марина яратэ. Со шу кисальлэсь номыр ческытэз ӧвӧл.

Женяен мама весь уйвӧтало песяен. Нош мон курыса но уйвӧтэ уг пыры, ӧчкес.

... подъездамы поджог декабре лэсьтӥллям, пырон азьын ик. Али кутскиллям оти мар ке ремонт нерге лэсьтыны. Подъезд тыр свежий кот пу зын. Ныре туж зол мертчиське.  Гроблэн зыныз, малпай резко. Сыӵе ик. Опять син азе пуксиз гужем куазь но корка шорын сылӥсь гроб.

... бертӥсько ке, нырысь ик учкисько песяйлэн изён палаз. Весь йӧтэ отын шуыса. Мама но шуэ, доре бертыны замангес турттӥсько, весь песяйдэ учконо кожасько кадь. Кылем арын тулыс инсульт шуккем бераз, койка вылысь ӧз ни султылы. Каллен ортчозы со шӧдонъёс, вунозы. Кӧшкемыт кадь.

... атаймы сирота кылиз ук. Малы? Ӧз. Солэн учкы ай кудбыдӟа семьяез. Со понна ик семья кылдытӥське, дыр. Огнад мед кыль шуса. Озьы, дыр. Нош мон тӥни весь малэсь ке курдасько на.