28 авг. 2014 г.

Dart

Туннэ вуиз Dart. Лӧптыса бамъёссэ усьяны кутски. Пумозяз пока усьясько мылкыд малы ке куашказ. Нырысь ӧй вала малы озьы. Собере усьяны опять кутски, кутски вчитываться.

Нырысь ик ӧй вала нырысетӥ бамысь фотоез. Со ӧжытак мыным потӥз не в тему, шуод-а мар-а... Слишком личной, интимной, не для всех. Вот. И как бы не валтӥсь событие та толэзь понна. Может умойгес луысал, если Шундыкар фото отын луысал? Или арт-экспедицилэн?

Валтӥсь редакторлэн текстэз туж кельшиз. Единственной мар мыным кельшиз кадь та выпускысь, ну плюс берпуметӥ бамысь комикс (если сое озьы можно шуыны).

Паймытӥз ӧжытак хэштэг: блогеръёс акыльтӥзы. Ну по личным причинам кадь таиз. Блогеръёс зэмзэ но акыльтӥзы лэся, слишком соос котырын трос ӟуронъёс.  Хотя со ӟуронъёс ке ӧз луэ, блог лыдӟись но уз луы. Адямиослэн ӧвӧл на  привычказы блог лыдӟыны. Удмурт блог, можно шуыны, повседневной мар ке луиз ини интернет улонын. Син медаз усь только.

Собере. Потэ лыдӟем пӧртэм авторъёсты, а не только Марайкоез. Озьы ик адӟем потэ пӧртэм туспуктӥсьёсты. Не в обиду кинлы ке верамын та если что. Ато туж личной потӥз таиз выпуск малы ке.

Басьтӥллям мынэсьтым постъёсме. Мынам ныр ӧжытак ошиськиз ик. Всё равно туж трос тупато. Гожтэме будто вообще не мынам. Кӧс кыӵе ке кылем. Мон малпамъя так, мон эмоционально туж гожъясько, экспрессивно кызьы шуиське. Нош газетын со ваньмыз быремын. Односложной кыӵе ке предложениос кельтэмын. И мон лыдӟисько, будто бы со стороны, и мыным йӧтэ, что Марина Сергеева ӧжытак шузигес. Кыкетӥ классын гожъяськись кадь, кудӥз гожъяське примитивной предложениос, вразброс, одӥг темаысь мукет темае тэтчаса.
Ну может озьы ик вань. Ярам. Серекъялэ.

Dart потэ, а не личной дневник.

25 авг. 2014 г.

Улмо. Яблок. Ческыт зын. Валалод.

Ветлӥм мамаен вазь ӵукна песяйлэн вуж юртаз. Мон куке та юрт сярысь гожъяй ни вал. Сояз аре, августэ ик. Вордӥськем юртэ. Куажга ини копак. Мылкыд ик быре шораз учкыса, кема кыллеме уг луы ни татын, нош азьло почти каждой нунал вуылӥсько вал. Вань, самой ӟеч малпанъёсы, пичи дыр малпанъёсы та юртэн, урамен герӟаськемын. Нош али урамез но шал-шал кылемын ини. Мама шуэ: "Азьло та самрй шулдыр урам вал, дыр. Нылпиос каждой коркан вал, нош али будӥзы но кошкылӥзы ини. Аслым но секыт ини та урамын кема дыр кылльыны, кошкем потэ." Пинал дырыз угось тожо та урамен герӟаськемын. Тожо вӧсь учкыны. Котьку пыре но садэ вералля кызьы бабаеным писпуос мерттыло вал, кудӥз кыӵе писпу ку мерттэмын, мар йырин мерттэмын. Шудо егит дыр. Пинал семья.

Малы ми ветлӥм? Улмо бичаны. Туэ туж трос улмо. Только пуд бордаз ик сисьме ини. Песяйлэн садаз улмопу трос. Кыкез корка азяз ик будэ. Мон вордӥськон азьын бабай мерттэм вылэм, али корка ӝужда будэмын ини. Антоновка огез.
Корка вӧзын ик будэ палэзьпу. Мон мамалы вераны кутски: "Вот азьло ныл ке вордӥське вылэм, мертто корка вӧзы палэзьпу, а если ке пи - льӧмпу". Мама: "Так ке ярась вал палэзь мерттыны, со шуо уте касамлэсь". Касам? Касало? Касаны? Мама, кытысь тон сыӵе кылъёсты тодӥськод? Мынам со туннэ слово дня вал кадь. Нырысьсэ кылӥ. Завидовать карем, пе, со. Мон пайми. Куддыръя оломар но кылод мамалэсь но, не только ӵужайлэсь.

Озьы вераськыса бичам но бертӥм, опять сюлэм висьыса. Ӵем ветлоно ӧвӧл, дыр, ини со ураме.

24 авг. 2014 г.

Филологическая дева

Мон оломар кадь вераськыны кутски кадь. Мама шуэ: " Мар кадь вераськиськод тон? Перестань".
Северной удмуртъёслэн кылъёссы пыро: мышкад, ӧрекчай.
Шундыкарын мон, Миша Николаев но Никон таш-таш вераськиськом вал кӦтӦн шуыса (кытын). Кылзӥсько но Мишаез микрофон пыр вераськыкуз, паймисько. Сыӵе жёсткой, грубой всё-таки милям диалектмы. И мынам невольно кошке кЫтЫн шуыса. Нош пичи пияш журналистика отрядысь сыӵе умиляться кариське вал вераськемелы. Сыӵе, пе, мусо кылӥське, сыӵе, пе, кельше!

Вот. Сыӵе ӧжытак филоло малпанъёс. Дышетскем потэ ини. Чалякгес кутсконо ини вал.

Вакчияк.

Кызьы ми ветлӥм Эктоникае.
Шундыкарысь вожатойёсты Ваулина ӧтиз эфире.
Гань-гань потӥськом сюрес вамен, нош мукет палаз милемыз мыняса пумитало полицейскийёс.
Котькудмылэсь 500 манетэн. Трос вал уксёмы, конечно... Эфир куськытозь 3 минут кыле на вал, шокпуль луыса вуимы. Эшшо ке лифт ӧз вырӟы интыысьтыз, лобаса тубим кулэ этажозь. 
Кыкетӥзэ ини радиоын. Нырысьсэ Марайкоен ветлӥмы вал, возьдаськыса мар вераны но паймисько вал. Нош али гань-гань вал.
...Ваулина довольной писэй кадь. Интригаосты, авантюраосты яратӥсь. Сётӥз ик со юанзэ гомӟем яратон сярысь. Эшшо на руку кыӵе ке ныл юан лэзиз, вал-а яратонъёс шуыса. Гомӟем - тӧлӟем. Мон уг яратӥськы личной улон сярысь ӟурыны. Акылес.

23 авг. 2014 г.

Азьтэм

Сыӵе азьтэм. Ваньмыныз удмурт кылын вераськем потэ, ӟуч кыллы переключаться кариськем мыл уг пот. Чуть автостанциысь буфетын вуз карисен удмурт сяин вераськын ӧй кутскы.
Лентяй.
Быдэс гужем удмурт кылын вераськыса ӟучсэ но вунэтод ини.

22 авг. 2014 г.

Удмурт дискотекаос скоро кутскозы

Толон валлян вал кадь. Лыктӥ значит шор площаде, кулэ вал пумиськыны эшеным. Ну мон как обычно - сверхпунктуальна, шуод-а мар-а. Вуи вазьгес. Учкисько - азям тур-пар дыртыса лыктэ Поздеев. Нокинэ котырысьтыз уг адӟы, туж кытчы ке кыле кадь. Ӟечбур! Вази но дугдӥз. Ойдо, ай, пе, мон сьӧры, заценишь мае ке, может тынад решениед валтӥсь луоз. Мыным даже тунсыко потӥз кадь. Мынӥ сьӧраз. Вуим "Резиденция" клубе. "Аха, -малпасько, - кытысь ке кылылӥ ни вал, что удмурт дискотекаосты татын ортчытъяны ӧдъяло. Неужто озьы?" Озьы, пе. Пыримы. Татын али ремонт на. Кельшиз туж. Интыез трос, сценаез ӝуӝыт но бадӟым (юэмъёслэн точно кечыръяськемзы уз луы:)), кыкетӥ этажаз бар но ӝӧкъёс. Пепелацын барез эктон зал шорын ик вал, соин интыез туж ӧжыт ӥӧтэ вал. Эшшо ке вӧлдэтэз лачег. Нош татын вӧлдэтэз вылӥын. Омырез трос, шоканы ик капчи. "Ну, - шуэ Поздеев, - мар малпаськод? Кельше-а?" Йырыным кивалтӥ. Ну всё, пе, уске, татын ортчытом.

Кемалась шуисько ни вал, чтобы инты мед воштӥськоз. Пепелацын акыльтӥз ни вал. Наконец-то. Ура.

Лыктэ ни ӧскалтыны сентябре. Однозэ.

Шундыкар фотоос. ӧжытак

Вот, малпасько вал, классноесь фотоос пуктыло Шундыкаре лыктӥ ке. Не тут то было. Вожатойлэн тэк пукон дырыз но ӧвӧл, фотое пуктылон сярысь уг вера ини. Оломар... Атмосферной фотоос пуктылыны интересной арбериос но шедьтӥ ни вал, так и  ӧй вутты пуктылыны... Тани ӧжыт фотоос мистик нуналысь.