4 авг. 2014 г.

7-тӥ нунал. Иваново-Самарское

Та гуртэ вуимы ми толон ӝыт. Черновъёслэн но Коротаевъёслэн семьяоссы пумитазы милемыз. Черновъёс дорын, пе, улом. Ваньмы туж жадемын фестиваль бере, чалякгес потэ вал выдэм. Нош мунчо бере незнай кытысь потӥз на кужым дискотекаязы мыныны... Татысь пиоссы бурдъяськизы ик кадь.
Изи номыре шӧдытэк, кулэм мурт кадь. Ӵукна вазь ик султӥм. Соловьёвъёс доры, пе, мыном. Милемлы отын мастер-класс возьматӥзы. Куд -огез нылъёсмы дышетскизы перепеч пӧраны. Туж тунсыко но дружной семья.
Собере сиськыны мынӥмы на. Вообще, та экспедициын маза ӧвӧл, весь сюдо, вылысьтыз вылаз.
Сиськем бере - мастер-классъёс асьмеос ортчытӥмы. Ну кызьы... Мон опять не аслам уженым вырыса ветлӥ, татын интернетсы алама, пе, соин ик, монэн нокин но ӧз тунсыкъяськы. Ветлӥ шалтай-болтай. Мукетъёссэ фотое пуктылыса ветлӥ, кызьы соос мастер-класс лэсьто. Вообще, конечно не в обиду верамын луоз, но мынам сыӵе представление кылдӥз, что уйпал нылпиос творчествоез  валалогес. Соослэн тонкое чувство-а мар-а. Нош лымшоръёсызлэн таш-таш. Хотя али вераме туж некорректной, дыр. Ну, со мынам малпаме ук.
Эшшо ведь ветлӥмы на туж кибашлы нылкышно доры. Вера Захаровна доры. Солэн быдэс корка пушкыз пужъятэм ӵушконъёсын ошылэмын, аслаз вырезать карем гардинаосыз, вӧшъёсыз. Егит на нылкышно, куинь нылпиез. Лэсьтылэ на капрон чулкалэсь шудонъёс, кулэсь подвескаос. Возьматӥз нылэзлы вурем удмуртсэ, собере аслэсьтыз. Мыным мерттаны со дэремез сюриз, Пурга дэремез та дырозь мерттаме ӧй вал на.
Собере гуртсэс ӧжытак котыръямы. Сразу адӟиське, что лымшор удмуртъёс доры вуимы шуса. Коркаос лад-лад лэсьтэмын, баесьгес гуртъёс, капка азьёсазы тракторъёс, машинаос сыло. Коркаос чуть ли не трёхэтажноесь:) Но та гуртын трос на пулэсь коркаоссы, нежели, например, ми дорын. Бай. Тросэз лэсьтӥсько, гуртын кылӥське молот шуккылэм, бензопила куара. Гурт улэ но улоз на. Трос выль коркаос пуктӥсько.
Урам трос нылпиос, соос шудо, великен лобатыса ветло. Шумпотӥсько гуртысь адӟисько ке таӵе суредэз. Умиротворение.
Собере, ми ял мед каромы шуса, нуизы милемыз пасекае. Ох... Наконец-то. Гань-гань, шудӥмы футболэн, пылаським но обратно кошким:)
Коскамынгес ини, ӵуказе ӝыт луоз концерт, нош собере потом сюрес вылэ. Алнаш ёросамы вуомы бер ӝыт.
Татын, пе, ныл кельше ке, сое пытсаса кельто доразы но Уг лэзё ни. Капустино гуртын озьы, пе. Шимес. Трос дискотекаостӥ уд калгы, дыр, табере, а то толон нылъёс котыртӥ бергаса ветлӥзы пиосъёс, кудъёсыз, пе, как раз со гуртысь.

Комментариев нет:

Отправить комментарий