30 июл. 2014 г.

2-тӥ нунал. Александрово.

Туннэ как ни странно туж каньылэн сайкай. Гань-гань, нокыӵе паникатэк. Умывальникъёс трос, черодын сылоно ӧвӧл.

Туннэ быдэс нунал лэсьтӥськом мастер-классъёс. Мынам нокинэ ӧй вал, соин мон шуак натурщица луи. Аня Образцова дышетӥз суредаськыны пиналъёсты. И тодӥськоды-а, мон малпамъя, зэм но та мастер-классъёсысь нылпиос асьсэлы ценной советъёс быгато басьтыны. Огез нылаш, пе, Дэбесэ пырыны, суредасьлы турттэ. Со туж пӧрмытэ, Аняез туж сак кылзэ. Аня но советъёс сётъяны быгатэ, йӧн-йӧн суредась кадь:)

Концертысен ӝыт учком ини малы дышиллям Надялэн но Костялэн пичи артистъёссы.
Собере натурщица бере, клипын свэговой нылаш луи)) Богдан кырӟанэзлы дас нунал куспын клип снимать карыны малпам. Вообще, отысь монэ адӟиды ке... Возьыт табере мыным...
Клипын дебют бере, мынӥмы мон, Алина но Богдан гуртэз учкыны, фотое пуктылыны, адямиоссэс учкыны.

Паймымон гурт. Нюлэс котыр, кызъёс урам кузя но будо, топольёс интые. Туж мон понна тунсыко но паймымон. Коркаоссы тросэз кирпичной. Пуктылӥ, потто на вотэсэ.  Собере пастухасьёсты адӟим. Соос валъёсын. Конечно, мон туби вал вылэ. Алинаен Богдан ӧз дӥсьтэлэ. Огпол гинэ, куинь ар талэсь азьло, ворттылӥ вал, ито поводоксэ ачим кутытэк, нош татын вокщё огнам. Ой. Кыӵе со умой! Кӧты ик тыриз кадь, номыр но кулэ ӧй вал ни.

Собере Кузямувыре мынӥмы. Кузямувыр но Александрово одӥг гурт кадь лыдъясько. Но. Но Кузямувыр вокщё мукет. Татын коркаоссы буямын, теремок кадесь ик. Вообще кыӵе ке ӟеч атмосфера. Александровояз же мукет. Шимесгес-а мар-а...

Дырмы трос ӧй вал. Чималилэсь дорзэ гинэ адӟыны ветлӥм:). Кезысь лыктыны кулэ скоро вал Мертчан ансамбль. Чалякгес кулэ лыктыны клуб пала, Богданлы кулэ соослэсь фольклор бичаны. Вуимы.  Чынзэ ке верано, мон малпасько вал, что попсовой кыӵе ке ансамбль. Но. Но паймытӥзы. Сыӵе мукет кырӟанъёс. Может, конечно, из-за того, что мон Алнаш палась и сыӵе кырӟанъёсты ӧй на кылы. Диалектъёс северноесь вал. Туж мусо дэремъёсын, песьтеръёсын, кык воргоронзы кырӟало.

Собере концерт отчётной вал. Паймытӥзы. Кык нунал куспын оломарлы но дышиллям Костя но Надя дорын. Таня но Лиля дорын вуриллям монистаос. Туж мусо концерт луиз. Костя Надяен бадӟым ӟечокъёс, быгатӥзы серекъятыны. Чын праздник каризы калыклы. Шумпотымон, дыр, со.

Туж мыло-кыдо адямиосын татын тодматским.

Светлана Валерьевна. Белослудцев Ванялэн анаез. Сыӵе мыло-кыдо нылкышно. Александрово школалалы (кудаз 7 гуртысь ветло дышетскисьёс ) завучен туж повезло. Со сразу ик султэ милемын эктыны, ваньмыныз тодматскиз, вераськиз, сюлмаськиз.
Антон. Тожо Белослудцев (татын соос трос. Эшшо Ворончихинъёс, Спешиловъёс). Сыӵе со мусо. Котькытчы пыриське. Эктэ, кырӟа, актёрской талантэз кыӵе! Сыӵе возрастэн пиос обычно пассивноесь.

Тау соослы.

Ӵуказе вазь ӵукна вырӟоно Кабачи гуртэ.

28 июл. 2014 г.

Арт-экспедиция. Нырысетӥ нунал. Александрово.

Сюрес... Чем уйпалагес вуиськод, тем нюлэсо но нюлэсо луэ. Вистэм- воштэм, конца и края не видать. Везде-везде векчи сяська. Сыӵе со чебер! Син ик мальдэ тӧдь-тӧдьы ромашкаос, ӵуж-ӵуж, льӧмлет, сирень. И вож. Котыр вож... Зато гуртъёс кыӵе ке быремын. Кызьы коркаоссы вылазы уг куажгало, сисьмем, шундыя куасьмем липетъёсын. Кырыж-мерыж.
Инкуазь ньылэ кадь со гуртъёсты каллен...

Кез. Кез. Кез. Пичи дыръям представлениям сыӵе ик вал. Почти гурт, кырсьгес. Александровоёзь эшшо кемагес мыноно на Кезысен. Сюрес асфальт ӧвӧл. Колтыр -калтыр.
Александровое вуыку туж сием потэ ни вал. Малпасько: "Вот бы перепечен мед пумитасалзы..." Кырӟаса но эшшо пумитазы на:) Мир исполняет ваши желания. Сыӵе со мусо вал. Туж. Клуб азязы пумитазы, собере школае пыртӥзы. ОБЖ классын матрасъёс, миндеръёс, шобретъёс. Ӟеч. Изён инты вань - можно улыны. Эшшо, пе, сюдозы. Ма вообще праздник:) Ганяк.
Гурт кыклы люкиське, пе. Кузямувыр но Александрово.

Потамы ӧжытак экскурсие. Гурт шоразы. Азьло отын черк сылэ вылэм. Али бадӟым пулэсь кирос. Проект, пе, гожъяллям часовня пуктыны, кулэ кариллямтэ. Черк, пе, пуктэмын вал 1902 арын. Архитекторез Невский соборлэн, Свято-Михайловский черклэн. Фотозэ возьматӥзы но... Маиныз ке кельше Невской соборлы но Свято-Михайловской соборлы. Революция йырин кесяллям но собере пуктылӥллямтэ ини. Бускель гуртэ нуыса, клуб пуктӥллям, кудӥз собере, конечно, ӝуам. Берло ини черк интые корка но пуктылӥллям, пуктыкузы склеп шедьтӥллям, кирпичъёсыныз гур пуктӥллям. Собере со семьяын алама кулонъёс вылӥллям. Черк кесям бере, конечно же, легендаос. Например, клад, пе, кытын ке ватэмын. Али но утчало на, пе.
Кылемын кык иконаос со черкысь. Огез икона кема ӝӧк интыын кыллем.

Кылемын на пулэсь кык этажъем корка. Со черкен ӵош пуктэмын. Отын, пе, священникъёс уло вал. Нош скоро сое кесялозы. И номыр, нокызьы утемзы уг луы.

Мынӥмы сиськыны. Сиськем бере - мастер-классъёс нырысь милемлы возьматӥзы. Нырысез - ибыр-весь лэсьтон. Пулэсь. Сусыпулэсь (можжевельник ). Зыныз ческыт. Микробъёсты, пе, быдтэ. Асьмеос ик наждакен вӧлятыса пуким. Азьло, пе, ныл вордӥськыку мертто вал корка вӧзы палэзь, нош пи ке - льӧмпу. Трос вераським писпуос сярысь. Малэсь соос утё, малы именно писпуос. Со сыӵе тунсыко.

Кыкетӥ мастер-класс - гын сапег лэсьтон. Син азямы ик ыжгонлэсь лэсьтӥзы сапег. Мар но уд адӟы, малы но уд дышетскы карыны олокытӥ ке ветлӥд: ) варсь но пӧзьтыны, гын сапег но лэсьтыны.

Собере ини асьмеос мастер-класс лэсьтӥмы. Блог лэсьтонъя мастер-классэ лыктӥзы кык библиотекаръёс. И мар? Номыр. Школьной компьютеразы фильтр сылэ, номыр карыны ӧм быгатэ.

Куроен лэсьтӥськизы, вуриськизы, актёрской мастерствоез постигать каризы туннэ. Вот.
Ӝытпал удмурт эктонъя мастер-класс вал. Так. Шуимы ми. Сомында нунал ортчим ке, ми дышетском наконец-то эктыны. Ваньзы шумпотыса пыриськизы.

Собере пичияк вал дискотека. Вот лэзё видео, вуи ке городэ, тӥ паймоды. Пичи нылаш эктэ ке эктэ!

Игонина тылъёсын собере шудӥз. Паймытӥз ваньзэсты. Алнашысь пӧсь нылаш.
Али почти час уйин ини. Нош ми школа трос гитараен кырӟаса улӥськом:))

Сюрес вылын

Бз,бз,бз...
Кыӵе уг яратӥськы вазь сайкалляны! Чёрт. Придется быдэс августсэ вазь,султылыны. Ми потӥм сюрес вылэ. Кез ёросэ. Огпол но ветлэме ӧвӧл на.

7 час ӵукна. Ваньзылэн синъёссы мырдэм усьямын шӧдске. Истинной удмуртъёслэн кадь али ымныртусъёссы. Шуо ук, что удмуртъёслэн синъёссы ӧжытак раскосоесь:)
Изем страшно потэ. Нош туннэ ужано ни.
Кин ке Юр-Яр бере... Соос эшшо но жадемын. Соослэн ик синъёссы сыӵеесь:) Кема, пе, иземын ӧвӧл, жадемын эшшо, палаткаосын иземын.
Мон но толон бер изьыны выдӥ, ӧч карем кадь нокызьы изем уг луы, бисерен пужъятскыса пуки 2 часозь кадь.
Сюрес кузь. Изёно.

26 июл. 2014 г.

Вуоноез

Чёрт. Ӵуказе улыса арт-экспедицие кошконо ини. Почти кык арнялы. Олокытӥ ветлоно. Блин. Опять со дурацкой малпанъёс:"Может кулэ ӧвӧл мыныны? Мар ке мыл но уг пот кадь..." Котькуд сюрес потон вылэ сыӵе малпанъёс.
Мед гинэ тунсыко луоз ини. Куазь но мед удалтоз.
Сумка дасямын ик ӧвӧл на. Да и сумкае но ӧвӧл. Кемалась ик мон сомында дӥсен ӧй ни пота кытчы ке.  Еще ке спальной мешок, постельной белье сьӧре кыскаса нуллоно...  И незнай кыӵе куазь луоз, мар дӥсь нуоно. Сыӵезэ но таӵезэ но... Нош сумкае ӧвӧл. Кинлэн вань сумкаез бадӟым? То есть рюкзак. Туж-туж кулэ.

24 июл. 2014 г.

Озьы ини со. Валасько, дыр, но...

Да чёрт! Что за вообще?! Лыдӟыны кутски вал со вербатимлы дасям интервьюосты (или мар со вообще?!). Кыӵе ке 30 аресъем нылкышноос верасько. Тани татысь короче http://yumshanpromo.tumblr.com/post/92724088201
Кутсконзэ гинэ лыдӟыны кутски но, воже потыса, дальше ӧй ни лыдӟы. Аааааааа....... Кызьы? Ну кызьы государственной служащийёс озьы могут вераськыны?! Со же визьмо адямиос по сути дела луыны кулэ.

Ладно. Тани успокоюсь но выльысен кутско лыдӟыны. Нунал пумын шузи луоно кадь со.

23 июл. 2014 г.

Ымныръёс

Хоть мар шуэ, но удмурт но француз нылкышноос одӥг кадесь















Музейын кадь.


Та фотоосты пуктылӥ, ку ошмесъёстӥ ветлӥм.
Быгы - пу коркаёгес гурт. Вань пӧртэм коркаос, но ваньзы почти наличникъёсын. Вань кирпич фундамент вылэ ӝутэм коркаос, копак кирпичен лэсьтэм, вань кык этажъём пу коркаос (мынам гурты сыӵеос ӧвӧл).
Я бен,уг ни тодӥськы кыӵе урам вал. Вылӥ урам кадь. Шляпа урам, пе, эшшо шуо)

Механизаторъёслэн урамзы, пе)




Сирень забор

Необычной буёл удмурт коркалы)




Ну таиз теремок ке, теремок инь)


Ошмеслы пумит


Ошмес дурын. Вузэ курыса юоно.
мукетыз ошмес






Ыж бертэмез, пе, возьмаськом)
Уллёен ветлӥм кырӟаса. Ваньзы укнотӥзы учко.


минимализм)




















Чебер ук. Син шумпотэ таӵе шоры учкыса. Нош туала мар? Кирпич корка? Мар солэн чеберез? Азьло коркая учкыны луэ вал: кибашлы-а воргорон ӧвӧл-а. Нош али одӥг кадесь кирпич коркаос но профнастиллэсь заборъёс, капкаос...


Быгы фотоос


Киосы наконец-то вуизы Быг-быг фестивальысь фотоос борды.
Нырысь ик син усиз оформление шоры. Сыӵе мусо. Дизайнеръёс но кулэ ӧвӧл)

Та оформление возьматэ, марлы сӥземын фестиваль.




Таӵе гуръёс вӧзын пӧраськизы. 2 гур чотай кадь.

Сиськонни азбар)
Туж малпаськиллям куноос сярысь. Котькытын сыло вал указательёс.






Ми Марайкоен туж вазь вуим. Час ортчыса гинэ вуылыны куткизы кыдёкысь куноос. Соосты пумитазы туж шуныт. Ну кызьы шуныт, постановочногес ик адӟиське вал со стороны ).

куинь капка пыр потоно вал куноослы.

вань уродзэ капка сьӧры кельтоно, шулдыръяськонэ умой мылкыдын пыроно.


Тазэ мон ӧйгес вала. Надпись шоры учкыса: тазалыкты мед луоз шуыса, отчы уксё пононо.

Нырысетӥ капкае сӥньыс думоно вал. Фотое пуктыкум ӧй но учкы кине пуктӥсько. Собере гинэ адӟи ӟуч кыллы дышетӥсе вылэм) А мон так смутно учки, дышетӥселы кельше шуса, собере малпай:"Да ну, мар со тати ветлоз...")

Вуизы ӝоген кизилиос но.





Так Быгы улӥсьёс ӟечокъёс. Сомында лэсьтэмын, ваньмыз, адӟиське, кемалась ик лэсьтэмын ӧвӧл. Мае но сое, кылем ужзэс, фестиваль кутскон азьын но лэсьто на вал. Кин тодэ, ошмес котыръёссы но котырскысалзы меда, та фестиваль ке ӧз ортчысал? Нылаш вераз мыным: "Тодӥськод-а кыӵе та фестиваль гуртоосты ӵош кариськытӥз? Ваньзы туж мыло-кыдо юрттӥськизы. Кин мар лэсьтыны быгатӥз, лэсьтӥз. И вообще та финн-угор шоркан луон милемыз воштӥз, мукет кариз".

Сейчас мукет постам лэзё гурт фотоосты. Кыӵе чебер гурт ини та Быгы!