2 нунал. Иземе йӧназ ӧз луы. Нырысь бадӟым кут бызэтыса лобаз, собере писейпи мон вылтӥ выдон инты утчаса ветлӥз. То пӧсь, то кезьыт, то ву юэм потыны кутске.
Султӥ мырдэм. Зоре. Ну всё. Ваньмыз мӧзмыт луоз. Колтр -колтр сапегъёсме кутчай (мон же предусмотрительной адями) но мынӥ клуб пала.
Пресс -конференция кутскиз. Кудаз мон сиськон йырин бергес вуи. Таки умой учкыны ӧй быгаты кин пуке вал ӝӧк сьӧрын. Кыдёке пуксьыса син ӧз адӟы мар гожъямын вал табличкаосын. Точно Шаркан администрацилэн главазы вал кадь, Быги гуртлэн но.
Маро. Ӧжытак мактаськытэк уг ортчы номыр но:)
Мар сярысь вераськизы? Ну тросгес, конечно, со сярысь, мар кароз Быги 2-тӥ финн-угор шоркар быръем бере. Туртто-а кыӵе ке гостиницаос гуртэ пуктыны. Веразы: татын милям гостиницаос интые - гостевой коркаос. Туристъёстлы туж кельше. Соос ас синмынызы адӟо удмуртъёслэсь улонзэс. Татын ик соослы лэсьто мастер-классъёс но возьмато обрядъёс. Баба Лида, кудӥз дорын ар куспын пӧртэм мастер-классъёс ортчизы, но шуэ, что солы аслыз тунсыко выль адямиосын тодматскыны, кудъёсызлэн мукет менталитетсы. Если ке, пе, туристъёс но куноос вуылозы ми доры даже перевыборъёс бере, то та гостевой коркаос луозы официальноесь. Нош али со бизнес ӧвӧл на.
Юан: ошмесъёстӥ экскурсия сяна мар тунсыкозэ возьматыны быгатоды на?
Милям, пе, вань драматической театр, единственной в своём роде. Мукет ёросъёсын, пе, ӧвӧл. Эшшо, пе, милям гуртмы ужа Тол Бабай проектын.
И вообще, пе, кулэ улыны не материальной арбериосын, а кулэ адямиосын, гурт улӥсьёсын вераськыны, чтобы тодматскыны умойгес удмурт яке мукет культураен.
Юан: кыӵе ситуация удмурт кылэн Шаркан ёросын.
Валэктон: али 82.6 процент удмуртъёс Шаркан ёросын. Котькуд дышетскон интыосын дышето удмурт кылэз. Арняяз 4-5 час. И вообще, пе, милям малпаммыя али "устойчивое улучшение культуры, языка наблюдается".
"Кыӵе льӧль малпанъёс"...- малпай мон ас поннам.
Оглом вераса, вань валэктонъёссы туж позитивноесь вал.
Собере, пресс - конференция бере, вал лекторий финн-угор кухня сярысь. Возьматӥзы презентация Людмила но Айвар Руукел кузпалъёс. Таиз сярысь луоз лыдӟыны, наверно, Лушалэсь. Со гожъяса пукиз.
Собере мон потӥ ураме и монэ кутӥз Дарали. Пуктӥз вуз карыны дарали лавкаысь чыры-пырыен . Зор улын сылӥ, кынмай (али тани ӝыны час кизьнэм потэ ини, а кизьнеме уг луы). Зато кыӵе азарт потэ вылэм вуз карыку... Паймод ик.
Утыр шунды потэ, утыр пилемъёс ворсало но сое кисьтыса зорын кутске, то шундыен ӵош зоре. Берын кытын ке жи-куаш потто. Мешокъёсын пиос брус вылын нюръясько, юбо вылэ тубыса ӵошатско... Утыр ог дасо адями дорам лыктэ но ваньзэ юан кутско уксёзэс сэзъяса. Яратоно кылыз начальникелэн таӵе ситуациослы: трэш полный.
То ли сабантуй, то ли гырон-быдтон, то ли фестиваль быг-быг. Везде синэз басьтӥсь буёлэн лентаос, шаръёс, поп-корн, сахарной вата зын, "Шаркан трикотаж" продукциен солань-талань калгись француженкаос, мӧйыос.
Всё смешалось: люди, кони... Шуисько мон сыӵе дыръя.
Вӧзам ик Эстон кухня. Соослэн ажиотаж. Быдэс орава сылэ отын. Собере гинэ валай малы. Вуз карем берам ини мынӥ сиськыны. Эстонъёс доры. Ваньмыз соослэн 1 быг сылэ(1 быг = 10 манет). Коть мар: сӥль, пыжем перепёлка ( таосыз понна полной вожмаськон потӥз отын. Каждой партияз повар пыже 10 перепёлка. Кин кылиз возьма черодзэ. Пыжо соос 30 минут. Нокин обидё медаз кыль шуыса котькуд 10 адямилы сёто пластиковой пуньы, ку перепёлка вуэ, пуньыез сётӥськод вузкарисьлы, а со тыныд - перепёлка. Пуньы ке солы ӧд мичы, со но тыныд перепёлка уз сёты. Вот сыӵе справедливоесь но мусоесь эстонецъёс). Эстонецъёс вокщё шумпоттылӥзы басьяськисьёссэс. То уксётэк сильзэс мичозы, то ӝожонзэс, то кырӟалозы: ну где же ложки, ну где же ваши ложки шуыса:) Исаса. И вообще паймим, кытӥсь соос тодо со шузи кырӟанъёсты?:) Исасько, серекъяло, верасько дугдылытэк...
Синмаськытӥзы.
Кема ик собере ӧй ни кылльы. Отын но татын сиськыса, веръяса сюрес вылэ потӥм.
Тросгес таӵе фестивальёс кулэ. Туж необычной фестиваль. Тау та 2 нунал понна.
Комментариев нет:
Отправить комментарий