29 апр. 2014 г.

Ческытньылосъёс:)

Туннэ наконец-то ветлӥ боксам. Нырысьсэ висеме бере. Мӧзмиллям)

Еще огпол валатӥськи пиосъёс ческыт сиыны ярато шуыса. Тренермы шуэ:
-Тренировка азьын ӧжыт ке но ческытсэ, сакырозэ сиёно. Тренировка бере уг яра ни.
Мукетыз вазиз:
-Аха, каньыл вераны. Огпол кутскиськод ке, дугдыны уг ни луы. Доре ке вуиськод одӥг сюрес лёгиське:  телевизор-холодильник-телевизор. Весь мар ке сиисько.
Тренер:
-Уг яра. Алама со. Тӥни кӧтыд ошиськем ини... Мон туннэ кык кусок штрудель сии.. Ой... Ну тодӥськоды, дыр, улмо слоёной тестоен.
Мукетыз шуэ:
-Эн гочаты ини ай.
Мукетыз (16 арес солы):
-Ой. Тодӥськоды-а кыӵе ческыт штука Kinder. Бисквит. Ой. Дугдэм ик уг луы.
Мукетыз (таизлы 30-эсь ортчемын ини):
-Оо.. Точно, точно. Пиелэсь веръяны басьтӥ но ваньзэ сиыса быдтӥ.
Тренер шуэ:
-Ну -ка. Что за? Тани тышкало ай. Сила волиды кытын?
Мукетыз:
-Тышкалэ. Мон всё равно чутыса ке но мыно холодильник дорозь..

)))Серекъяса пукисько. Мусоесь. Бадӟымесь, кужмоесь, нош ческыт сиёнлы кулыса быро)

Мынам атай озьы. Чаяз поноз 3 чечыпуньы сакыр, еще пряникен яке вафлиен куртчыса юоз. "Лякиськоз,- шуисько,- кытитыд ке". Мед шуэ но дальше юэ чайзэ)

28 апр. 2014 г.

Блогтур

25 числое ик вал блогтур, кудзэ лэсьтӥз АРГО. Мон отчы, если честно, кызьы вуэмме но ӧй вала. Туж тунсыко вал.

Ветлӥмы Ижевской оружейной заводэ. И не просто котыртӥз котыръяським, а пырам пушказ. Ми паймим, ку шуизы, что историкъёсты но даже пыраны уг лэзё отчы.

Ижевской оружейной завод кармылэн байлыкез но данъяськонэз. Таӵе заводъёс, пе, 4 гинэ Россиын. 39 ар пуктӥськиллям солэн зданиосыс. 1846 арын гинэ копак вуттӥллям.

таиз фото басьтэмын Генеральской коркаысь

Пока пукто пожар но луыса вуэм. !834 арын. Ачиз Николай 1 юрттэм собере.

90-тӥ аръёсы 20 дауре ворсаллям заводэз.

Пушкыз кӧшкемыт. Куке но Екатерининской двореце ветлӥмы вал. И отын фотоос вал, кудъёсыз лэсьтэмын Быдӟым война бере. Кӧшкемыт фотоос. Ваньмыз тӥяськемын. Вот татын но почти сыӵе ик.






Та дырозь серьезной исследованиос вылӥллямтэ на. Али но уг тодо кудаз кыӵе комнатаосын, зданиосын маин выро вылэм азьло.  Али гинэ кутскиллям ай. Хотя та завод - памятник федерального значения. ЮНЕСКО-лэн наследиез ӧвӧл, малы ке шуоно, завод кема ворсам режимын ужаз.
Заводэз музей-заповедник карыны туртто, пе. Нижний Тагилын таӵе заводзы кемалась ини музей. Мед улыса вуттом ини отчыозь. Адӟысал мон.

Али малпанъёс гинэ ай кыӵе луоз Ижкар заводлэн музеез. Скоро, пе, архитекторъёслэн "котрес ӝӧксы" луоз. Со, пе, луоз "дворец науки, искусства и современных технологий". 

Тросэз Ижын улӥсьёс татчы вуылэмын ик ӧвӧл. Ижкар улэ центртэк. Вот мукет каръёсын вань крепостьёссы. Со соослэн карзылэн центрез. Нош асьмелэн крепость интые - завод, кудӥз тани-тани куажгалоз, если сое ӧз ке тупатэ.

Собере милемыз нуизы возьматыны плотинаез. Сюрестӥ мынонъя заводлэсь берзэ адӟим. Мар веранэз ини...






нош таиз куке но черк вылэм


Собере милемыз нуизы возьматыны Индустриальной паркез.Вообще музей ке луиз та инты, то кыклы со люкемын луоз: ӝыныез исторической, ӝыныз современной (как раз таиз ик нимаське индустриальной парк) Так вот. Индустриальной парк - со кыӵе ке инты бизнеслы, кудаз ваньмыз вань кутскись бизнесменъёслы (оборудованной). Кортэн вырись бизнесменъёслы, пе. Огез лэсьтэмын ини сыӵе инты. Завод корпус, кудӥз лэсьтэмын 60-тӥ аръёсы и шобыртэмын пластикен. Та парк нырысетӥез Удмуртиын.



Вот. Собере ми мынӥмы Бодалевлэн сур поттон заводаз. Заводзэ лэсьтыны со ӧтьылэм Германиысь архитекторез. Неоготика стилен лэсьтэмын. Та завод, пе, Россиысь наукая академилы принадлежит. Татын, пе, Совето союз дыръя институт физики и механики вал.
Нош али заводэз тожо музей карыны туртто. Кудӥз кармылэсьлэсь Совето Союз дыръя улонзэ возьматоз. Нош али татын лэсьтэмын ресторан-а яке кафе-а (так и ӧй вала).
Фото вӧтэсысь басьтӥ ини. Мылы ӧз поты фотое пуктылыны.
Пушказ но  йӧназ номыриз ӧвӧл.


Собере Генеральской корка пала вамыштӥм. Сылэ со Милиционная урамын. А. Точно. Ӧвӧл. Мукет ини, пе, та урамлэн нимыз. Улица имени Ермолая Грена. Кудӥзлэн ке генераллэн нимтулыз кадь. Та корка пуктэмын, пе, 1857 арын. Кыӵе ке архитекторен. Иван Коковихин вал кадь.




Татын уло, пе, вал заводлэн генералъёсыз. азьло со мукет вылэм. Кык флигельзэ галереяос уг, пе, огазеяло вал. Совето Союз дыръя, пе, пуктӥллям галереяоссэ.  Али татын пӧртэм организациос вань. Эктон, фото школа.
Но тае тожо музей карыны туртто, даже вуж арбериос но вайылэмын ини отчы. Ижкарлэн историеныз герӟаськем музей, пе, тожо луоз. 
Ах, шуыса учки укнотӥ. Кыӵе чебер учкон. Нош вӧзын грустной нылкышно сылэ вал. Эктон школалэн кивалтӥсез вылэм, берло тодӥ. Соосты скоро татысь уллялозы.

Туж шумпотӥсько вуылӥ шуыса таӵе интыосы. Мон зэм но оскисько, что соос куке но музей луозы шуыса.
Адӟоно вал только сре....


БГ

25 числое вал Борис Гребенщиковен усьтэм лекция МВЕУ-ын. Кин вуиз - гожтӥськиз со лекцие.

Со ӧз лэзьы трос фотое пуктылыны, диктофонэ гожъяны.

Нокыӵе кылын уд вера мылкыдэз, ку адӟиськод сыӵе бадӟым адямиез.

Тодӥськоды-а, сыӵе малпан йыре лыктӥз. Со трос ӧз вераськы, юанъёслы валэктонъёс гинэ сётъяз. Тросэз валэктонъёс сыӵе огшорыесь. Например юан:"Как вы думаете, Бог - личность? Если да, то какая?" Валэктон: "Да. Конечно. Но бесконечная." Ильяе тодам лыктӥз. Со но озьы абстрактно вераське.

Кутсконаз ик со вераз, что со муш, кудӥз каллен гинэ чечы бича отысь но татысь собере банкаен чечы люкаське.

Озьы ик со мыным представлениям кылёз табере. Ужась муш.

Миша эшме суреданы косисько вал. Со шуиз.
"Куке сыӵе адямиез адӟиськод улонысь, валай, мынам уз луы сое суреданы."

27 апр. 2014 г.

Эль ныл 2014

Туннэ вал удмурт мода фестиваль. Арт пространство "Сахар "-ын. Туж туала юртын.

Трос коллекциос туэ вал. Пӧртэм дӥсьёс, син гоча, чебер  модалиос, куноос мар ке мында (не только удмуртъёсыз), инты ваньзылы уг тырмы... Зэмос модной событие. Татьяна Москвина, Зоя Лебедева, Улмо Руслана,  Polina Kubista, Лиана Трофимова, Ксения Матур, CHOZA... и эшшо олокӧня нимъёс.

Ми но Тихонова Таняен Эльвира Панченколы дэрем вуримы.  Туннэ со выль кырӟанзэ кырӟаз. Мукет шӧмо.
Со сяна Надежда Уткина, Мурӝол Андеграунд, Белослудцев Ваня, Олеся Дыдыкай, Аня Камали  но мукетъёсыз кырӟазы, шулдыртӥзы.

Нырысь бичам модалиос но потазы. Ужзэс тодо, йӧноесь, чебересь, уверенноесь. Зэмос модалиос. Юртто туэ бичамъёсызлы.

Дарина Якимова луиз Эль ныл 2014. Мон малы ке озьы ик малпай. Мон сое нырысьсэ адӟи, ку Бурановое Зоя Лебедева доры куное ветлӥм. Кельшиз малы ке сразу. Дарали но вералляз туж тыршись нылаш шуыса, котькуд мероприятиосы вуттӥськись, котьку дыр шедьтэ... Ма модали кадь ик дӥсяське. Синъёс ведь всё равно нырысь ымныр, дӥсь шоры учко. Лякыт ымныр но характерез зол.

Ӟечкыласько сое. Мон понна со ик однозэ луыны кулэ вал. Луиз.

Тау Даралилы асьмелы сыӵе праздник лэсьтэ шуыса. Кыӵе со ачиз копак шумпотэ модалиосыз понна. Синъёсаз гожтэмын, ваньзы понна сюлмаське.

Туж шуныт атмосфера вал. Только ӝикыт но ӝокыт ӧжытак вал...

25 апр. 2014 г.

Воскрешение

Толон ӝыт бадӟым "сюрприз" лэсьтӥз мыным гугл. Шугмисько ни вал. Малы? Кызьы? Сыӵе гинэ на юанъёс поромытӥзы йырме. Удалить каризы блогме. Кытчы пырон пась шедьтытэк, кинлы вазиськыны ик паймиськиз кадь.

Ваньзы юало мар луиз шуыса. Нош мон ачим уг валаськы.
Оломар но олокытчы но гожъяй кадь.

Кытчы, кытчы? Неужели сомында гожъям ышиз-быриз.
Лушалэн сузэрез ӵукна гинэ юаз вал ай яра-а уг-а блогысь гожъямъёсме аслаз исследовательской ужаз кутыны шуса...
-Ну вооот, -шуэ Лиза, - кызьы-озьы то?! Малы одно соку, ку мон турттӥсько вал гожъяны?

Ма маро со?..
Быриськиз.

Ӵукна султыса ваньмыз умой луиз. Ваньзэ тупатӥллям. Ӵукна ӝытлэсь визьмогес, зэм но.
Со понна оломар уйвӧтъёс адӟыса потӥ.

24 апр. 2014 г.

92!

Туннэ бадӟым удмурт диктантлэсь Перепечкинын йылпумъянзэ лэсьтӥзы, умой гожтӥсьёсты ӟечкылазы.

Мон аслым ачим пайми. 92 баллы гожтӥськем. Воксё мар вераны ик пайми.

Тросэзлэн люкаськемъёс пӧлын 99,98 баллъёс. Нош кыкезлэн воксё 100 балл. Визьпогъёс. Паймисько котькуно сыӵе адямиослы. Мувырысь ныл но Кузебай Герд нимо гимназиысь пияш. Фотозы татын ик.

Оглом, 600 гожтӥсь вылэм. Трос. Прогресс. Пӧртэм номинациос сётъязы: кунгож сьӧрысь гожтӥсь, самой чебер почерк, самой пинал гожтӥсез но самой арлыдо гожтӥсез, самой трос янгыш, самой грамотной удмурт филолог но мукет.

Куарагурысь кизилиос но лыктӥллям ӟечкыланы Юля но Артемий Гавриловъёс.

23 апр. 2014 г.

Кутске, кутскы

Огез электроникъёс полысь шуиз: "Предлагаю профессиональной фотографез мукет сезонын кутыны Пепелаце, НОРМАЛЬНОЙ клубъёсын кадь, фотоосты обрабатывать карыса".
Ну и кин лыктоз меда? Таш-таш юэм ымнырез, монъя, нокыӵе фотошопен чебер уд кары. Если, тем более, фотое пуксьылыны уг быгато. Котькудаз партретын одӥг кадь выраженизы ымнырзылэн, одӥг кадь ваньзы чиньыоссэс, кукъёссэс урдыло, одӥг кадь ваньзы дӥсясько. Мар карод если адямиослэн фантазиязы ӧвӧл? Собере шуо:"У, Бармин сыӵе-таӵе, адями кадь пуктылыны уг быгаты, мар шуш ымныръёсты пуктылэ..." А мае пуктылод?  Извините, мар вань. И кулэ ӧвӧл вераны, что "курутой фотографлэн ямсыз, юэм ымныр но чебер потоз".
Лучше, чем партретэ пуктылӥсьёс сярысь сюлмаськытозь, тросгес выль кырӟанъёс гожъялэ, ява? Ато весь одӥг пластинкады заело кадь. Адямиос наизусть тодо ини кадь мар бере мар тӥляд шудэ. Вань кырӟанъёсты "на зубок " тодо ини. Эркишев кутскиз шудыны. Таня нырзэ кисыртӥз. Акыльтӥзы ни весь одӥг кырӟанъёс шуыса. Соосъя эктыны но мылкыд быре... Ӧз акыльты ни-а асьтэлы, незнай кӧнятӥ арзэ, одно и то же шудыны? Роботъёс кадь.
Эше вань. Тожо клубной музыкаен выре. Ӟучъёссэ только лэсьтэ. Паймизгес ик кадь тожо. Со шуэ:"Просто конкуренцизы ӧвӧл, соин ик застой. Конкуренция ке луиз, кутскозы выльзэ гожъяны".
"Ойдо, -шуисько, - лэсьты конкуренция. Учкы гожтыса одӥгзэ-кыксэ кырӟан. Учком,  кызьы адямиос пумиталозы."
Мон уг малпаськы вал, что со зэмзэ но монэ кылдӥськоз. Кык нунал ортчыса лэзе кырӟанъёс. Пайми. Хоть мон троссэ уг валаськы крезьгурын, но всё равно шӧдӥське, что солэн туалагес -а мар-а крезьгурез... Всё равно мукет шӧмо.
Кылзэ ай тӥ но. 
Кылзэ.


20 апр. 2014 г.

Сюрес

Доре бертӥ. Автобусысь потэм берам резинка сапегме кутчай. Шор урамтӥмы дэри, дыр, шуыса. Ваннапалан но уллапалын тузи, щебень кисьтамын. Бакча берто малпай, отын возьвыл, гуждор, дэри ӧвӧл. Аха, конечно. Дэри. Вань лымы шунамтэ на. Доре вуэм бере учкисько укнотӥ - шор урам кӧс ини. Ӝыныез кӧс, ӝыныез дэри. Кытчы шунды весь усе, отын тузон пурӟе ини, нош мукет палаз, салкым интыяз, лымы шунамын ик ӧвӧл на. Капка азьын напра (дэри уске, кин уг тоды). Кудпалаз урамлэн мон улӥсько? Конечно, напра палаз.

И всё равно. Асфальт вӧлдэмын ӧвӧл ке но, тодӥськоды-а кыӵе приятно сюрес вылтӥ ветлыны? Шӧдыны музъемез. Гурт сюрестӥ малы ке пыд но уг жадьы. Нош городтӥ ветлыса, асфальт вылтӥ чаляк жаде. Мон с наслаждением васькисько автобусысь но доре васькисько. Пыдъёсы ик ял каро кадь.

Не в тему фотоос, но чебер.

18 апр. 2014 г.

Куара

Толон Пепелацын ортчиз Куарагур ӵошатскон. Эркишевлэн но Катковлэн командаез. Чудья Промо жюри вал.

Жюри луыны секыт. Туж. Кык командаос. Кыкез ик зол, шуысал мон. Эркишевлэн командаяз, конечно, люкаськемын вал опытнойгес кырӟасьёс. Мар веранэз. Катковлэн командаысьтыз ӧжытак переволновались. Вунэтъязы кылъёссэс, адӟиське вал дыркуалекъямзы. Нош Эркишевлэн командаез туж ассэ сцена вылын йыгыт возизы. Адӟиське - соос удовольствие басьто от процесса, шуод-а мар-а. Зэмос артистъёс. Может мылкыдзэс ӝутӥзы учкисьёс. Эшъёссы трос вал залын. Кивалтӥсьсы но татын ик вал. Нош Катков командазэ огназэ кельтэм.

Хоть кырӟанъёссы так... Одӥг мотивен. Ӧжытак мӧзмыт шуод-а мар-а. Костя Никитин - артист (будто Америкаез али усьтӥ:)), зэм но. Быгатэ кокыръяськыны сцена вылын, шумпоттыны, мынятыны. Катковлэн командаысьтыз соин споръяськыны быгатоз, наверно Артемий Гавриловзы. Ӧз возьдаськы кырӟакуз, ӧтиз не просто огшоры нылашэз, а Тутаева Настяез-  туала Чеберинаез. Йырыз чаляк ужа пияшлэн.

Паймытӥзы Катковлэн командаез соин, что выль шӧм пыртыны турттӥзы вашкала кырӟанъёсы. Тросгес просто, репетировать кароно вал, дыр. Алина Егоровазы зол. Куарагурлэн концертаз со ик ӵапак вормоз, дыр. Ассэ сцена вылын возьыны быгатэ. Ӟечок.

Туууж бадӟым, кӧй, вӧё минус. Сцена вылэ потӥськоды ке, пожалуйста, чебер дӥсяське. Мӧзмыт кырӟандэс кылыса, мӧзмыт дӥсьты шоры учкыса, эшшо но мӧзмыт луэ.

Эшъяськон вормиз. Позьдей так шуиз. Берпуметӥ кыл солэн вал.

Мар вераны луоз ачиз позыръяськон сярысь. Ма одӥг кадь. Пиос озьы ик урмыса, жугиськон утчаса ветло, нылъёс онгыратозязы юо.
Пиос мар ке чебер дӥсяськыса ветлыны кутскизы. Паймод,  ява.

17 апр. 2014 г.

Эмъяськонни

Вот Марайко гожтӥз вал: "Лучше сразу кулод, чем висёд ".
Зэм, но. Мон шуысал, лучше вообще висьыны ик кутсконо ӧвӧл. Кӧня уксё быдтӥ ини йӧнатӥськисько шуыса...

Кусме вырӟытӥськем. Боксёрша недоделанной. Яратоно ужме шедьтӥ но табере котьмар мешать каре соин вырыны. То ӝытозь параос пуктыло, то кус вырӟе.  Эмъясьёс юало мар сыӵе дауртӥд шуыса, картошка,пе, ӝутъяд-а мар-а. Боксэн выриськемъяськисько шуисько ке, синъёссы чарка быдӟаесь луо. Мар, пе, эктыны ветлэмед уг луы вал-а или, шуом, уяны? Созэ но тазэ но уг быгатӥськы, уг но тунсыкъяськиськы. Огез вокщё шуиз, чтобы мед вунэтом бокс сярысь. Ныры ошиськиз.
Сотэк но ыштӥзы, дыр, ни монэ отын...

Больницаысь больницае. Меньме быдтыны малпай. Лазерен.  Мынӥ. 5 минут куспын быдтӥзы. Зынъяй адями пыжем ку) Ой. Фу. Марайко адӟиз менелэсь пытьызэ. Нырзэ кисыртӥз. Шуэ: "А вот пияно нылкышноос кинэ ке вӧсь каро ке, соослэн вордӥськем нылпизылэн кытчыяз ке бадӟым мень потэ,пе." Озьы, дыр. Уг тодӥськы.

13 апр. 2014 г.

Экзотика

Пыри лавкае. Сыӵе обычной лавкае, кытын оломар зын потэ, кытын кырсь. Син азяды пуктӥды, дыр. Басьтӥсько йӧлвыл. И татын шуак кылӥсько, что вузкарись вазиськиз вӧзысьтыз вузкарисезлы удмурт кылын. Мон воксё вунэтӥ кадь малы пыри лавкае. Сюлэм ик интыысьтыз мукет пала тэтчиз кадь.

Экзотика будто бы. Сыӵе реакция. Ачим аслым пайми кадь.

Шудон корка

Мар ке тодэ лыктӥз.
Усьтӥськиз удмурт лавка. Берло мар ке фотоосты опять учкылӥ.
Пичи дыръямы озьы ик шудӥськом вал вузаськыса. Пичи гинэ ураммы вань гуртамы. Вуж школа пала васькись. Урам но со даже ӧвӧл. Вот отын усьтӥськом вал лавкаосмес. Кин маин вузаське: кампет кагазэн (капмет шуса), вуж книгаосын но эшшо оломаръёсын. Ог -огмы доры ветлӥськом вал. Прилавокъёсмы кузь пуослэсь лэсьтэмын, вылаз товармы тыремын.

Сразу та тодэ лыктӥз, опять учки но фотоосты:-)

Двоечница

Гожъяй бадӟым удмурт диктант. Еще раз валай, что мон янгышъёсын гожъяськисько.

Адямиез трос ӧй вал. Мон малпасько вал, что быдэс аудитория луоз. Пайми малы ке. Малпасько вал, что тросэз лыктозы удмурт филологиысь...

"Кизили " журналлэн валтӥсь редакторезлэн веросэз диктантлы кутэмын вал. "Чакара" нимаське. Тунсыко верос. Туж. Из области преданий.  Яратӥсько сыӵеоссэ. Шедьтэлэ. Лыдӟелэ.

Секыт ик ӧй вал ке но, малпасько мар ке мында янгышъёс лэсьтӥ. Али но тани гожъяськисько.

4 часэ ӝыт кутским эскерыны ӟуч диктантэз. Возьмало вал таяз аре 3000 пала адями. Но, примерно, шуизы, что 1900 кадь. Сояз аре 1800 вылэм. Мар ке мында. Кинез но ӧвӧл! Паймоно кадь. Куддыръя токарь дышетӥсьлэсь умой гожтэ.
Бертӥм 9 часэ ӝыт.

Текст вал мынам яратоно Алексей Ивановлэн "Поезд Чусовская-Тагил. Когда поезд вернется". "Географ глобус пропил" гожтӥз на со) Текстэз туж асьме Россиысь калыклы тупа. Зэмос. Сыӵе ӟеч, мусо. Ваньзылэн озьы вал, дыр. Уг гожты мар сярысь. Лыдӟе. Учкиды ке, лыдӟиды ке "Географ глобус пропил", валалоды кыӵе атмосфераё та текст.

Секыт вылэм пунктуация ласянь. Туж трос кыкъёс но куиньёс. Олокытысь но ужъёс: ИжГТУ-ысь, УдГУ -ысь, МВЕУ-ысь, ИЖГСХА-ысь, ИГМА-ысь...

Йыр онгыраса потӥмы УдГУ -ысь. Жадьымон ик. Нош дышетӥсьёс эшшо кылизы на.

10 апр. 2014 г.

Сакыр усьтӥськиз

Туннэ усьтӥськиз арт-пространство "Сахар ". Отын удмурт лавкаез, пе, луоз но удмурт моделькаослэн офиссы. Атмосфераез мылкыдэз ӝутэ.

Туж туала инты, мар шуод на. Егитъёслэн карзы луоз.
Товарез пока странноватойгес. Тросэз лэсьтэмын ӧвӧл на кадь. Но моделькаос шумпотыса мерттаськизы. Зэмос моделькаос. Мылкыдзы лӧптэмын, синъёссы ӝуало.

Кильтыр -мальтыр дӥсь трос вал. Малы ке мукетсэгес адӟем потэ вал кадь.
Кыӵе чебер укноысь вид. Урамлэн мукет палаз Удмурт театр, Горький нимо парк, Иж оӵ, шунды пуксемез учкыны луэ (туннэ со туж живописной вал). Синмаськымон интыез, зэмос Европаын кадь, ява.

Сэрегын удмурт кар, укноос отысь как раз театр шоры учко. Мусо интыез, туж. Касимовлэн бадӟым мунёез сылэ, ваньзы отын партретэ пуксьылӥзы.

Адямиез туж трос вал. Ӟоскытгес. Удмуртъёс но вал:-)

Дарали лӧптэмын.  Жадем. Ӟечок.

9 апр. 2014 г.

Тамагочи, денди но "Ӟечбур!"

Пичи дыр сярысь вераськон мар ке потӥз туннэ. Эше:
-Ой. Яратӥсько вал дендиен шудыны..
Мон:
-А вот мынам ӧй вал сыӵе шудонэ.  Всякой тамагочиосы но ӧй вал. Наверно,  уксёмы ӧй вал.
-Мынам вал. Уйшоре но султылӥсько вал ӧз кулы-а сютэм тамагачие шуыса.
-Мон али но уг тодӥськы кызьы соин шудыны. Незнай.  Кызьы ке но ми улӥськеммы сотэк но. Милям даже магнитофонмы ӧй вал, мар веранэз ини. Так что всякой "Руки вверхъёсын", "Краскиосын", "Стрелкиосын" мон ӧй висьы. Эшъёсы кулыса быро вал. Мон пичи дыръям уг кылзиськы вал сыӵе кырӟанъёс. Малы пичиослы бадӟымъёслэсь кырӟанъёссэс кылзод? Пичи дыръя мукетэн выроно. Ми урамысь ум пыраське вал. Шудӥськом вал.
-А милям вал магнитофонмы и кык кассетамы. Огаз Пудова вал, нош мукетаз уг тодӥськы ини кин.
-Незнай.  Милям мама весь газетлы гожтӥське вал. "Ӟечбур!"(татчы гожъяськеме но вань), "Размышляй -ка"(кроссвордъёслы кулыса бырисько вал. Ма али но адӟисько ке, однозэ турттӥсько лэсьтыны), "Волшебный ключик". Вот. Огпол но тамагочи но денди но куреме ӧй вал.
-О. Ми еще "Кизили " басьтӥськом вал.

Мда. Кинлэн мар. Мон пичи дыръям "ноу-хауослы" уг но кыстӥськиськы вал. А Ильяе али ик шуэ ни:"Мыным паншет вай, ява?" "Лыдӟиськыны дышеськы ай сначала",-шуи. Али ик ини пичиос висьтэммо телефонъёслы, ноутбукъёслы, планшетъёслы.

Кинъёс соос луозы?

6 апр. 2014 г.

Истинной пикаперъёс)

Ноку  уг тодӥськы йӧназ маин мон берто и маин мон кошко Иже. Туннэ ӵужмуртэ келяз Можгаозь. Потӥ машинаысьтыз автостанцие. Шунды пиштэ. Синь мальдэ. Автгстанция азьын пань-пань загорать карыса сыло таксистъёс. Азям султӥзы уллёен.
-До Ижевска?- юало ваньзы ӵошен.
-Да.
-Давай, садись. Тебя только ждали. Сразу поедем.
-Я пить еще хочу. Зайду в магазин.

Пырай лавкае. Басьтӥ ву. Потӥ. Малы ке водитель вӧзы пуксьын косӥзы. Нош пиос пуксизы бераз. Паймоно кадь. Обычно вожмаськыса малы ке туртто пуксьыны азяз. Ярам, ас поннам малпай мон. Мыным умойгес. Нош мукет таксист шуэ(улмо смачно куртче но оценивающе йырыныз шона, синзэ шунды мальдытэ):
-У. Королева... Ох, королева...

Пф. Пикаперъёс. Оломар но вералозы со таксистъёс. Кылзы кузь, возьдаськонзы ичи.

Таки ӧй вала малы королева только) Ярам, озьы мед луоз.

Крестьянской сиён:-)

Илья шуиз:"Апай, курегпуз сием потэ".
"Qui",-шуса мынӥ холодильник доры. Малпасько: "Так, обычно со сие пӧзьтэмзэ". Пуктӥ пӧзьтыны. 10 минут улыса пуктӥ азяз. "Мыным таӵезэ кулэ ӧвӧл",- шуэ. "Жарить кароно-а", -юасько. Кивалтӥз йырыныз. "Yes,"- шуыса султӥ плита доры жаритьтыны. 5 минут улыса азяз пуктӥ. Мыным таӵезэ кулэ ӧвӧл, пе. Воже потыса:" Кыӵезэ на бон?! " Ыльзэ, пе. "А!?"- паймем синъёсын учкисько шораз. Ыльзэ. Пили кукей, шукки сое, сылал пизьнай. Нянь, пе, еще вай.

Пукисько, учкисько кызьы со ческытэн сие ыль кукей.
Ӧй но малпасал. Ну так-то ыль кукей ческыт. Ачим но куддыръя паймисько ке мар сиыны, озьы ик моктӥськисько.

"Кин бон дышетӥз озьы сиыны",-шуисько. Песяй,  пе. М. Валамон.

Ӝытпал песяй парсьёслы картошка пӧзьтыны пуктӥз горшоке. "Картошка в мундире" нимало ӟучъёс. Илья куриз картошка. Семавӧй пон на, пе, тусьтые и сылал, пе, пызьна отчы.

С кем поведёшься от того и наберешься. Зэм но.

4 апр. 2014 г.

Кино. Учкелэ.

Толон ӝытлы пумит учки кино. "Опасная иллюзия" нимаське. Шудо яратоно, мусо актеръёс: Шайа ЛаБаф, Тиль Швайгер, Руперт Гринт.
Туж чебер кино. Боевик ке но. Так то гожтэмын мелодрама, триллер, боевик. Суро -пожо. Яратон сярысь. Эшшо одӥг кино, кудӥз вера: улонын яратон понна улоно.

Туж чебер актриса. Вакчи, горд йырсиё. Ӥӧно. Контрабасэн шудэ Бухарестлэн оркестраз.

Действиез ортче Румыниын.  Бухарестын. Необычной, мукет город пейзаж. Романтичной.

Учке. Кельшоз,  дыр, тӥледлы но. Ваньзэ верай ке тунсыко уз луы.