29 дек. 2014 г.

Печаль-тоска съедает монэ

Ж:ыт пал мыни: школае. Туннэ эшшо оди:г вынылэн Выль арез. Выпускникелэн. Тодыса, что отын луоз ог 25 адями. Да, милям 9-11 классъёс ч:ошен сомында гинэ на. Со суред шоы туж секыт учкыны. Адями школаын о:жыт но о:жыт кыле. Гуртын уж о:во:л, адямиос выжо мукет интые. Егитъёс тросэз обратно уг берыкти:сько, кылё каре.

Блин. Туж о:жыт. И мар карыны паймиськод кадь.

Зато школаын вань вайфай, вань интерактивной доскаос (или доска). Ваньмыз вань, чтобы дышетскыны. Школа кирпичлэсь, кык этажъем, 11 классозь.

Ми бадз:ым классъёсын ик, тоди:сько на, адями о:жыт вал ини. Нош ку начальной классъёсын вал, соку мар ке мында адями вал. Или со пичи дыръя озьы йо:тэ меда? Хотя о:жыт адями ке луысал, школа но о:з пуктысалзы, дыр. 3 гуртысь но трос нылпи уг люкаськы.

Во:замы вань на Кузёбай гурт аслаз шикарной выль школаеныз. Отын дак милесьтым но о:жыт кадь дышетскисьсы. Куке но кыч:е ке классылэн ми доры но ветлэмез вал дышетсыны.
Хотя весь вал озьы, что куке но Кузёбайёс ветлыли:зы милям школаямы дышетскыны, куке ми палъёс соос доры ветлыли:зы дышетскыны. Но соку то школа о:во:лэн, а табере то кык гуртын но школаос вань. Кыказ но автобусъёс вылесь. Кудаз ветлозы инь?


Лымыя

Туннэ Ильялэн Выль арез вал.

Мамаен чош ветлимы.

Пичи дыръя садиклэн собыдза спорзалэз йотэ вал. Собыдза ёлка, сомында адями. Ваньмыз бадзым йотэ вал. Мар ке кадь кема праздник кыстиське потэ вал.

Нош али) Ваньмыз пичи: спортзал но, ёлка но, адямиос но). 30 мин вал дыр но всё.

Ураме потыса, Илья шуэ:"Тол Бабай ведь тини отысь." Возьматэ инбаме чиньыеныз.
Туннэ куазь но кыче ке Выльарский. Лымы усе но усе. Адямиос жадизы ни кадь капка азьысьтызы лымызэс мичыса. Соин но урамын адями туннэ трос. Толон гинэ потай куасэн нискыланы но пайми вал, что бусыосысь кылем жаг турын лымыен ворсаськымтэ на шуыса. Туннэ точно ворсаськоз ини. Чукнаысен лымы усе ни кадь.

27 дек. 2014 г.

Трос букваос Дэмен султӥллям

Дискотекае то мыныку ведь уд малпаськиськы, что ӵуказеяз как бы экзамен сётоно.

Изем потыса ӵукна колтык-калтык мынӥ экзамен сётыны.
5. Ну всё, изё сейчас пыс-пыс бертыса, ӝытозь. Мама, пе, туннэ лыктэ концертэ. Али ведь национальной театрын Дэмен концертъёс ортчо. Вот и гуртысьтымы дэмен лыктыны малпаллям кинъёс но соос. Мамаен адӟисько шуыса ӝыт мыноно кариськи театр пала.

Изи ни, пе. Изьыны маза ик ӧй вал.

Мама шуиз:"Басьты, пе, билет. Концертэз туж интересной шуизы". Вань-а меда. Кылем-а меда билет? Кылем на огез балконэ, самой берпуметӥ рядаз. Ок.

Пока автобусэн мынӥсько театрозь мама дас пол но жингыртыса вуиз кадь кытын ини тон шуыса. Ми, пе, блинное пока пыримы.

Вуи. Пыри тожо блинное. Люкаськиллям отчы кыӵак. Тросэз дышетӥсьёс. Вешаськизы. Удмурт кылэн дышетӥсе шуэ:"Ой, тон трос ик гожъяськыны кутскемед. Туж умой гожъяськод. Лыдӟисько газетысь. Молодец". Ой, ну ярам хоть блогме уд лыдӟиське Нина Александровна, малпанды воштӥськысал :)  Собере интеллигентно ӟуч кылын дышетӥсе вешаз номыр шуытэк, типа тон ачид тодӥськод малы мон тонэ вешасько)

Концерт ласянь. Мон думала, ладно, изё татын. Туж изем потэ.

Концерт кутскиз но изён кытчы ке кошкиз.

Ох. Кемалась сыӵе удовольствие ӧй басьты ни вал концертлэсь! Ням-ням. Ческыт кошкиз, тау! Пель ял кариз туала, егит артистъёслэсь. Татын вал маститоесь кырӟасьёс. Геннадий Бекманов, Светлана Смагина, Михаил Ворончихин, Вячеслав Цветной, Геннадий Кузнецов, Ольга Зорина но мукетъёсыз. Прямо син шумпотэ но ял каре со йӧно адямиос шоры учкыса. Малы ке умиление потэ. Светлана Смагина шоры весь учкисько, пичи дырысен ини: юсь. Вот йӧн-йӧн, гордой, чылкыт юсь. Выросъёсыз но сцена вылын. Нош Бекмановен Кузнецовъёс! Сыӵе капчи мылкыдоесь. Шуныт мылкыдзы быдэс зал трос кисьтӥське вал кадь. Мон шузи кадь долкаса, мыняса пуки соосыз кылзыса. Со конечно с непривычки. Мон же соосты туж шер кылӥсько. О. А Вячеслав Цветной! Нокыӵе стендапед но кулэ ӧвӧл. Кстати, мед со дышетысал пиналъёсты озьы ик мадьыны. Со классно луысал. Собере удмурт стендап ӝытъёсы но ветлысалмы. Кыӵе зал соосты пумита. Ооооо, шуыса возглас кошке пото ке.

Нош почти жиетыса пумитазы "Ерпечкаосты". Шӧдӥське, публикалы соос вылесь на.
Ашихминлы туж зол чабизы. Таяз мон солэн не чебер, ческыт ымныраз учкыса кылли, а чиньыосыз шоры. Капец. Кужмо пияш со. Кызьы чиньыосыз меда чидало.
Пичиос, кстати, тожо уг кылё бадӟымъёслэсь. Сыӵе ик артистичноесь.  Камалиысь нылпиос вал.

А егит театр артистъёс - со вообще. Мон шумпотыса соос шоры учки. Концертлэн ас сценариез вал. Туж тунсыко но серем ик. Конечно туж тупой шуткаосын но всё равно.

Антракт. Театр тыр лосъяськиз колбаса зын, пакет шылтыртэм куараос кылӥськизы. Мама доры партере васьки. Сиемед, пе, потэ-а. Мон со шоры кырыж учки. Со:"Ну да, дурацкий идея".

Кыкетӥ частяз поталлязы со ик артистъёс, кудъёсыз вал нырысетӥ частяз. Мӧзмытгес но ӧжытак луиз.

Концерт бере огез нылкышно шуиз:"Вуж кырӟанъёс, тодмоесь. Ӧжытак мӧзмыт ик вал. Мон, например, Анисимовез кылзысал на эшшо. Тросгес туала кырӟанъёсты". Видимо соослы акыльтэмын ини со "тодмо" кырӟанъёс. Ку мон понна, со "тодмо" кырӟанъёс совсем "не тодмо" ик.

Ну мон шумпотӥ так-то, что та концертэ ветлӥ. Ветлэ тӥ но обязательно. Вуэлэ 28-тӥ декабрёзь.

Со наслаждение. 

Всё смешалось - люди, кони...

Толон опять вал Резиденциын дискотека. Концерт бере. Кыкетӥ нуналзэ Эктоникалэн концертэз мынэ ини татын.
Малы мон мынӥ дискотекае? Ведь алигес вал на. Цель пуктӥ: экто. Ато весь фотое пуктылыса, пуктылыса эктытэк но кылисько.
Люкаськиз шайка, кудӥныз ми шулдыръяським.
Вообще, ачид ке шулдыръяськиськод, уд ни адӟиськы кызьы мукетъёсыз юо.

Хотя нет. Мынам, видимо, всё равно син усе. Потыкум мискинь нылаш пуке вал вандӥськем синкаӵен. Кытчы со вандэм - непонятно. Жаль потӥз, оломар луыса кошки. А со бертон азям вал. Бертонэ целой историлы пӧрмиз кадь.

Шулдыръяським. Аж тыбыртӥ ву ваське, мунчоысь потэм адями кадь. Кыӵе ке ваньзы шулдыресь вал. Кыӵе ке хаос, кин мар дауртэ. То есть ваньзы экто, но оломар дауртыса.

Время вуиз, бертоно кариськи. Шыпытак пегӟоно кариськи, олокинъёс медаз дорозям келялэ шуыса. Пока тӥни потыны моктӥськисько, со нылашез адӟи. Собере почти потӥсько ни вал и монэ кутӥзы. Марина Сергеева шуыса. Тып! дугдӥ паймыса. Учки но пайми. Кристаллысь нылкышно (мусо диалогмы сярысь верай ни вал:)). Ӝыны час сылӥм урамын вераськыса. Мар сярысь малпаськоды? Опа! Ӧд тодэ. Ми вераським туала удмурт эстрада ласянь. Собере потӥз эшшо одӥг нылкышно но вераськон выжиз Кристаллысь удмурт дискотека постэ сярысь. Ньыль пол лыдӟим, пе.

Пока вераськыса сылӥськом, монэ ыштӥллям. Ваньзы шыльтыр! потӥзы ураме. Потӥз келясе но. Кыскыса, поттӥз толпаысь но келяськисько, пе, пока мыным Пронин впаривал мар отличает идеальной нылэз обычной ныллэсь.. Собере незнай кытысь Антонова потӥз. Куиньнамы шулдыр келяським, йӧ гурезьтӥ нискыласа. 

24 дек. 2014 г.

Бадӟым нунал.

Грусть. Печаль. Тоска.

Ну нет. Адямиос жаль пото. Мыным то мар?

Богдан ми понна туж бадӟым, зарни эш. Соин, дыр, солэн сборникезлэн презентациез ми понна туж бадӟым событие вал. Номыр шоры учкытэк мыныны тырши "Сахаре " (а именно татын ортчиз та мероприятие).
Кин кызьы конечно относится со вылэ. Гажасьёсыз, валасьёсыз чынзэ но лыктӥзы. Кин сюлмыныз висе та адями понна.
Соин но мон малпасько вал, что адямиез трос люкаськоз. Малпасько вал, что трос егитъёс луозы. Я. Может котьку но озьы кулэ ӧвӧл астэ алданэз?

Пичильтык, туж мусо сборник. "Айшет будущего" нимаське. Яркыт. Вылыз чылкак возьматэ пуштроссэ, возьматэ Богданлэсь стихъёсызлэсь философизэ. Зэм. Шуи ни вал, что берпуметӥ Dart-ысь Лара Дмитриевалэсь со смаком лыдӟи критиказэ та выль сборник ласянь. Со туж умой ваньзэ валэктӥз. Прямо в точку, шуо сыӵе дыръя. Мон понна, та сборникез арлыдоос, конечно, уз валалэ. Туж трос соос понна тодмотэм, выль кылъёс.

И вообще мон Богданлэсь стихъёссэ лыдӟыса, паймисько: кызьы, кызьы сыӵе можно визьмо луыны, что сыӵе секыт темаосты простой, бытовой кылъёсын можно гожтыны. Сыӵе тупой, обычной кылъёсын пӧрме мар ке быдӟа смыслэн кылбур? Кылбур, кудзэ соласянь но таласянь луэ ас поннад шараяны. Мынам (кыӵе ке филологической маньячность) чуть ли не дӥльды уг вия. Кызьы пӧртэм ласянь можно анализ лэсьтыны Богданлэн кылбуръёсызлы. Аж йыр онгыраса кошке ява.

Самой нерваме сииз ситуация, кудӥз кылдӥз "Сахарын ". Со сӥть кадь непунктуальность. Ладно смертной адямиослэн, но блин кузёослэн.
Кызьы кузётэк можно кузёяськыны мурт коркан? Вералэ. Лыктӥз значит публика, и уг вала мар карыны. Просто ӝыны час возьмаса сылӥзы, мар луоз. А мар? Номыр.

Туж непонятной презентация вал. Да и валай ни мон. Лавкаын ортчытъяно ӧвӧл таӵе арбериосты. Пукиськод в прострации: котыр ошылэмын товар, кытын ке кин ке горе, вераське, кин сылэ, кин пуке. А кин ке но просто мероприятие шорын султэ но кошке.

Мон малпасько вал, что луоз диалог. Вал просто эстафета. Богдан лыдӟиз кылбурзэ сборникысьтыз, сётӥз кинлы ке черод лыдӟыны и т.д.

А собере вал календарьлэн презентациез. #оломарно нимаське календарь. Блогерской календарь. О. Ооо. Кыӵе со чебер календарь. Мон даже уг быгатӥськы кылъёс подобрать, аха. Мактало ини асме но нылъёсыз. Зэмос профессионалъёс ужазы та бордын.
А. Мон луи Удмурт Блогиня 2014. Шумпотонэ ӧй вал. Малы? Малызэ тодо ваньзы. Кырсез таяз вожвылъяськонын трос вал.
Ну ярам. Мон номыр шуыны кулэ ӧвӧл. Лыдӟисьёс гинэ мед луозы.

Ваньзы поздравить каро. Нырысь уг валаськы мар понна. Собере ваньзы (синъёссы кыӵе ке чёртикъёслэн кадь луо) верало кикбоксинген вормеме сярысь :) До того мусо бон.

Зато шулдыр пуким собере. Кемалась озьы пукылэм.

20 дек. 2014 г.

Филолог.

Номыре уг тодӥськы ни. Тодӥсько кызьы Осто шуыса потӥ и всё. Тодӥсько на кышкам, жуммем ымнырзэ соперницаелэсь. И всё.

Али кутскиз пыды висьыны. Только незнай малы паллянэз. Буреныз гинэ вроде ӵыжай. Незнай.

Та нунал ортчиз. Мынам нырысетӥ боевой крещение. Кин ке оскиз вал-а вормо шуыса? Ма мон ачим но уг оскиськы вал. Арня куспын 53 килоысь 51 кылиськем.
Фотояз соперницае туж кӧшкемыт йӧтӥз мыным. Выны тожо малы ке, озьы шуиз: "Ох, мар ке со туж курдыт но мощной. Кокалоз инь тон. А мама тодӥз ке?". Ма мама тодэ вал. Толон жингыртӥз: "Позорить монэ эн кар. Мыжга золгес." Нош атай сразу юаз гадь вылын защита луоз-а уз-а шуыса, собере юаз:"Видео снимать карозы-а?")
Собере вормем берам жингыртӥ но туж паймизы.

Тренере нош кыӵе сюлмаськиз мон понна. Нош собере кыӵе шумпотӥз, рингысь ӝутыса ик васькытӥз. Эшшо огез пимы вормиз на. Куинез ӧз ворме. Тренере шуиз: "Ну всё, ныл вылэ равняемся". Пичи вормонэ )
Сэрегысь потон азямгес адӟи Поздейкинэз. Нош собере нырысетӥ тренерме. Лыктэм ик. Шумпотӥ.
Нош собере адӟи этотэз. Кин валай. Вунэтӥсько нимзэ. Короче, кин "Пузкарын " валтӥсь ролез шудӥз. Со тодэ мынэсьтым соперницаме. Соос палан кыллиз. "Ах, тон..."- малпай ас поннам.

Я. Ортчиз.  Табере шутэтсконо ӧжытак но вуись арнялы дасяськоно. Сессия. Нош собере школаын практика. Уж таӵеез пережить карем бере, школаез точно переживу)

19 дек. 2014 г.

Нервоз

Дас пол но асме тышкаськи ини, малы, ну малы я шуи соревнованиосын выступать?
Ӵуказе ини тыпыш-тапыш жугиськыса ринг вылын сыло. То ли мон, то ли соперницае вормоз. То ли синякъёсын экзаменъёсме сётъяло то ли мар... Оскиськод но аслыд уд но кадь. Сыӵе нерваос. Кӧшкемыт ик. Тренере мынэсьтым но зол сюлэмшугъяське кадь.
Шыпытак гинэ потасал но ринг вылэ и всё. Нет ведь, Юмшанэ ваньзэ одно поттоно вал. Акылес мар ке.
Нет. Ну всё равно огпол ке но потано ринге. Мон сое валасько. Сотэк кыӵе тон боксёр? "Первой жугиськонме мон проиграть кари вал",- шуиз тренере.

Шӧдоно соперниклэсь мыжыксэ. Мынам, зэмзэ вераса, огпол но нылъёсын жугиськеме ӧвӧл на, даже тренировкаосын. Тренировкаосын мон весь пиосын. Ито отын тон жаляса но мыжгиськод кадь. Нош соревнованиосын тон жаляд ке, то тонэ уз жалялэ.  Кырмы мыжыктэ золгес. Эшшо йырыныд малпаськы на. Ӵуказе соревнование кикбоксинген. Татын куслэсь улӥе ӵыжаны уг яра(ӵыжиськод ке, ӵыж йыре, яке почкаосы ), пидэсын шуккылыны уг яра. Нош мон дышетэмын тайской бокслы, пыдъёс асьсэос кыстӥсько сачак ӵыжыны макесэ. Самой жестокой бокс, пе, тайский. Зэмос сыӵе жугиськонын (не спортын), адями усе ке, сое еще и добивают.

Эшшо мо фотографиосын история. Тренере серекъяса пуктылыны кутскиз вал инстаграммаз, нош ми туж зол жадемын вал. Мон мын ини татысь шуыса, серекъяса шор чиньыме возьматӥ. Сое адӟыса соперникъёсмы но фотозэс понӥллям, милям тӥледлы ответмы вань шуыса.

Соперницае, шуо, тросгес борьбаен выре. Но киосыз шаплыесь, мыжгамъёсыз но золэсь. Со мынэсьтым ӝужытгес. Но со тожо огпол но потамын ӧвӧл на ринге. Со тожо али ас понназ ассэ сие, дыр.
"Вообще, адями нырысьсэ ринге ке потэ, ассэ мукет сямен возе ",- шуиз тренере. Так что еще валантэм на.
Ваньмыз ӵуказе тодмо луоз инь.

16 дек. 2014 г.

Йыркуръяськонъёс да куатаськонъёс.

Кыӵе ведь кырсь то а.
Малы та кырсь ӧз поты ачиз ӵошатскон дыръя? Ваньзы шыпыт, мирно пукизы лыдӟыса.

Малы ке сояз аре таӵе срач не устраивали. Наоборот, блог нуон пушъиз только так. Чем тросгес блогеръёс, тем тросгес шум и гам, видимо. Котькудӥзлэн вормемез потэ (и вот кулэ ӧвӧл вераны ик, что так то так, чик ӧй ик малпаськылы). Адями лэсьтэмын озьы - аслаз ӧраз нырысетӥ котькинлэн луэмез потэ.

Татын но. О, азарт, пе, и эшшо мар ке. А собере мылкыд быре, бере ке кылиськод.  Кутскиськод утчаны причинаоссэ малы бере кылид, малы ӧзгес пӧрмы. Мургес но мургес пырыса, адямилэсь лэсьтэм ужзэ фу шуыса. Сыӵе дыръя даже кылъёс но уг кельшо ни. Блогер кыл но, пе, ямсыз.

Мылкыд, пе, гожъяськыны быриз та ӵошатскон понна, и вообще, ку гожто следующий постме - незнай.
Валантэм, пе, вообще малы, пе, блогеръёс вискын ӵошатскон лэсьто?

Ну а малы уске писательёс пӧлысь быръё самой умойзэ, малы киноос пӧлысь быръё самой умойзэ? И кытын отын критерийёс прописать каремын? Озьы ик быръё - келшиз /ӧз.

Ӵошатскон шоры учкытэк гожъяно но гожъяно. А не только соку, ку шуизы:"На старт! Внимание! Марш !" И кутскиськод жадьытэк строчить карыны.

Если тынад вообще ке мылкыдыд вань гожъяськыны, то, извини монэ, тон гожъяськод. Если тон сюлмысьтыд ке гожъяськод, тон нокыӵе ӵошатсконъёс шоры учкытэк гожъялод.

Конечно, каньыл, дыр, мыным сое вераны. Но блин. Мон самой пумаз ке но кыльысал, то номыр ӧй верасал йыркуръяськыса, куатаськемме ваньзылы публично возьматыса.

15 дек. 2014 г.

Фальшивой

Туннэ тодӥськоды-а кытчы мон вуи?
Резиденция клубе. Нуназе куазен. Малы? Туннэ отын снимать каризы удмурт голубой огонек. Монэ ӧтизы туспуктылыны. Удмуртъёс оккупировали ини "Резиденциез".

Вуыкум ик адӟи ДК "Металлург" азьысь вуж, сыномем, домбылё, ныро автобусэз. М. Валамон.

Зэмзэ ке вераса, Выль ар мылкыд ӧз пыӵа.  Может мон та праздникез воспринимать уг кариськы (ох, кыӵе мон бесчувственной, странной адями, да? Кызьы можно Выль арез яратытэк? Ну уг яратӥськы. И всё). Ваньмыз наиграно со, потому что. Вань чабонъёс, эмоциос. "Эн пуке грустной ымнырын! "- черекъяса ветлӥз Поздей. "Чабиськом! " "Серекъяськом!" Ну и со выллем. Ма любой шоу озьы лэсьтӥське, валасько. Просто телевизор пыр но учкыса, сое малпаськод но вань мылкыд быре кадь.

Куинь чилясь Светаос нуизы та огонекез. Кытысь но дэремъёс шедьтӥллям:)
Залын то. Огезлэсь мукетыз чильтрогес.

Хей. Зато мон туннэ нырысьсэ кылӥ "Тулкым", "Ӟечбур!" группаосты. "Элькуновиденилэн" емышъёсыз . Ничо. Соосын ӵошатыса, "Ерпечкаос" вокщё кизилиос ини. Да и вообще, монъя, Ерпечкаос самой стильноесь, брутальноесь воргоронъёс удмурт сцена вылын. Соослэн "Льӧль сяська" кырӟанзы луэм 2014-тӥ арлэн кырӟанэз.

Тросэз сыӵе кырӟасьёс вал, кудъёсыз синэз мозолить карыса ӧз на вуттэ туала егитъёслэсь, например. Любовь Быкова, Светлана Смагина, Анатолий Эркишев,  "Шулдыр ӝытысь" нылъёс (правда со вечной протодедморозовский горд халатикъёсын ), тӥни со ик "Ерпечкаос", "Тулкым ", "Ӟечбур!". За исключением Анфиногенова, Анисимова, Антоновой, Андреева но Электроников :) Ну мед. Со тожо туж умой.

И ничо что под фонограмму. Шоу ведь.

А эшшо малы ке мыным туж уг кельшо со эктонъёс, кудъёсыз сцена азьын. Незнай малы. Валэктыны уг быгатӥськы.

Мыным ӧз тырмы мишура,  ёлка (вал кык ёлка сцена вылын: огез ӝужыт, а огез тӧдьы, лапег куинь Светаос сьӧрын), серпантин, хлопушкаос. А эшшо кызьы зэмос "Голубой огонёкын" артистъёс асьсэос пуко ӝӧкъёс сьӧрын и урааа!  шуыса бах! усьто шампанской, а эшшо ог-огзы борды серпантинэн ыргаллясько :) и со лапша кадь ваньзы бордын ошылӥськемын.

13 дек. 2014 г.

Воршуд ик меда?

Юри. Юри кыли таяз арняе городэ, чтобы ветлыны "Воршуд " фестивале. И мар? Мон проспала. Первой часозь изиськем  ук. Сайкаса телефонме пазьгем потэ ни вал кадь. Зарядкае но пуктыса, зарядиться кариськымтэ, ӧчкес. Йыркур луыса, синкылиос ик потыны малпало ни вал.
Марш -бросок лэсьтӥ редукторозь. А мар? Хоть ӝынызэ ке но адӟо. Как раз вуи, ку перерыв вылэм.

Ма маро со.

Самой тунсыкозэ кельтӥськем. Брангурт песянайёс кырӟаллям ини (вуж составез), повседневной традиционной мотивъёсын дӥсен показ вылэм ни, традиционной но костюмъёсын показ вылэм ини... Мыным адӟыны кылиз на сценической но костюм будущего. Валамон, дыр, оветь мар вал сценической костюмъёсын показын. Ну так ке. Мар. Ваньмыз кыӵе ке одӥг кадь. Пумаз Кубисталэн коллекциез вал. Образцовой коллекция сыӵе. Типа, учке кызьы кулэ. Зэмос егит моделькаосын, а не губырскем, чутык-чатык ветлӥсь "модельёсын".
Писейгурт школаысь но вал. Ну, думаю, сейчас луоз нечто. Тыбыры шонерскиз, вся во внимании. Со ведь "Бурдо-бурдо". Потӥзы но каллен-каллен гинэ тыбыры обратно губырскиз. Ну мар со? Мар? Огезлэн дак (ну мыным озьы йӧтӥз) модельлэн дэремез тодӥськоды-а кыӵе вал? Берпалаз монисталы укшась маке. Ма... Тьфу. Без слов.

Вал, конечно, сыӵеосыз, кудъёсыз шоры учкыса паймиськод. Паймиськод адямилэн фантазиезлы. Марлэсь но лэсьтэмын ӧвӧл!

Сыктывкарысь куноослэн адӟиське: ужамын. Ужамын кема, тыршыса. Синэз басьтыны уг луы. Туж замысловатоесь коллекциоссы. Бохошикской)

Блин, адӟиське вал, что коллекциослы трос аръёс ини. Соос вылесь ӧвӧл.
Мастер-классъёс вал на. Самой прошареннойёсыз сразу мынӥзы Полина Кубисталэн мастер-классаз) Чыртывесь лэсьтӥм. Горд сюй бусинаослэсь. Вот так.
Малпаськоды кыӵе кырӟанэн быриз ужрад (предпоследний кырӟан, собере вал "ой эшъёсы кырӟалом ӵошен")? Туж символичной, кудӥз скоро гимн луоз ни, дыр, вань удмурт шӧмо мероприятиосын. "Супер удмурты" кырӟанэн, аха.

И да. Таӵе мероприятиосыз кулэ ӧвӧл ортчытъяны сцена вылын. Подиум (ну или что-то подобное), кулэ озьы, чтобы учкисьёс мед адӟозы дӥсьёсты матын, а не кыдёкысен.
Сцена вылысен вообще уг луы адӟыны детальёсты, адӟыны малэсь лэсьтэмын дӥсь.

12 дек. 2014 г.

Ӝук

Невиданной доселе адӟон! Паймымон. Кык удмурт дискотека одӥг нуналэ. "Кристалл " но "Резиденция" клубъёсын. Скандал (кинлы ке), интрига, мар луоз?

Али трос-трос букваос луозы но мар ке кузьда пост. Чидан тӥледлы.

Мыноно кариськи нырысь Кристаллэ. Учконо ук. Фотоос уг тыры, ибо кышкасько.  Верало собере малы.
Итак. Лыктӥ мон значит отчы. Тубисько тубаттӥ, крезьгур уг кылӥськы. Отчы ик а пыри шуыса тубисько. Собере кылӥськыны кутскиз арган куара. Аха. Вуи. Охранникъёс, кыӵе ке нылкышно азям султӥзы. Нылкышно мон шоры учке, мон со шоры. Уг валаськы мар карыны. "Кызьы нимтулды? Тӥ списокын?"-юа со. Мон валаса, малы со мон шоры учке:" А, ӧвӧл, ӧвӧл". "Ну уске 200 манет". Ӟуч сямен озьы со монэн вераськиз.
Курткаме кылисько берам со нылкышно ик вераське:" Дак спрашиваю, ато потом обижаются, если они в списке, но заходят платно "... и собере ӧй вала мар куспысен воштӥськиз темаез, но со вераны кутскиз Юмшан нгруппаысь берло пост ласянь. Типа малы Резиденцие мыноно, а Кристаллэ кулэ ӧвӧл. Видимо, Электроникъёс лэзиллямтэ кырӟанъёссэс Кристаллын лэзьяны.

..О, детка, кырсь удмурт шоу-бизнес зын потӥз, ява.

Ярам, пыри кадь ини ай. Учкисько. Мусо мар ке действие мынам син азьям ортче. Шудо. Кышет улэ пыраса.
Сэрегын тӥни даралилавка, вӧзаз ик книгаос на.
Адямиез 80 пала, может. Мон асме ӧжытак не аслам тазикам кожай, аха. Зэм но эктон куамын. Егитъёс ӧвӧл.
Дальше учкисько. Я тӥни ведущиез поръя залтӥ но, утыр сцена вылэ но тубе. Ачиз Бисар вылэм со (со радъя та дискотекаез). Ну со крутая, шуыса веразы мыным. Ачиз, пе, ваньзэ лэсьтэ, радъя. А. Тамада вылэм, контактысь учки ни собере. Туж куанык кадь нылкышно. А тӥни, шуизы мыным, диджей солэн картэз.
Музыка ласянь. Пельёс ял каризы Электроникъёслэсь. Чынзэ. Мон трос уг валаськы ке но, точнее вообще уг валаськы, музыка ласянь, но татын Всё равно шӧдске вал 90-тӥ аръёслэн, или 2000-тӥ аръёслэн эффектъёсыз. Ну да ярам. Главное ваньзы экто но ваньзылы шулдыр. Пиосмуртъёс но нылкышноос но.
Ӧжытак концертной программа но вал. Уткина, Тимерханова(?), Котельников(?), Анисимов(?) но...этот, кин ай со ёк-коколёк кырӟась. А эшшо Светлана Ермакова. Та нимез  мон толон аслым усьтӥ. Кырӟась. Туж мукет, необычной, зол куараен. Собере пичияк мода вал Ильинскысь вуриськись нылкышнолэсь.
Конкурсъёс вал, кузьымъёс. Ну, сюанын кадь. Туж мыло-кыдо пыриськизы конкурсъёсы.
Короче, одӥг ӝыт куспын возьматӥм ваньзэ, мармы вань. Одӥген, одӥген кулэ, дыр. Даже артистъёсыз но ӧтьылыны. Ато котькуд дискотекаын паймытыны немаин луоз ведь, адямиослы акыльтоз (а мон, кызьы валай, таӵе дискотекаос ортчытъяны малпасько ик. Январе но, пе, луоз).
А так туж умой малпан ортчытъяны таӵе дискотекаос. Не егитъёслы (ну в смысле...ну ярам, тӥ валады ). Ато адямиослы, кудъёсызлы 30 арес но тросгес, немар карыны, соос не задействованы нокытын, шуод-а мар-а. Со кызьы "Шундыын "- школьникъёс 8 арескысен 14 аресозь нокытын не задействованы. Или мар ке со выллем.
Туж приятной, шуныт атмосфера, кудаз егитъёслы кулэ ӧвӧл пырыны. Малы? Да соос атмосфераез быдтозы, соос азьын уз эктэ ни, уз шулдыръяське ини. Асьсэды некомфортно чувствовать карозы.
Ай, блин. Вунэтӥ ук ай гоу-гоу эктӥсь нылъёс сярысь. Горд купальникъёсын но монистаен. Пырыкум дак вокщё ажурной, облегающий комбинезонэн но кус керттэтэн.
Это вам не вашкала гоу-гоу.

Вот. Мыняса сылӥсько, учкисько, любуюсь значит кызьы адямиос шулдыръясько, вунэтыса шуг-секытъёссэс и бац! мон доры султӥз тӥни со нылкышно, кудӥз сылэ вал пырон дорын. Ӟуч сяин кутскиз монэн вераськыны. Тани примерно таӵе диалог пӧрмиз милям:
-Девушка, а вы для себя фотографируете?
-Да.
-Вы из телевидения?
-Нет.
-А у вас есть лицензия, разрешение, чтобы фотографировать?
-гм..эээммм...мммм... А нужно? Нельзя фотографировать?
-Ну вы будете это где-то выкладывать?
-Нет, это для себя.
Котыр учкиз но опять юа:
-Вы от Владислава Алексеева, да?
Мон долкай. Йырам бергатӥсько кыӵе Владислав Алексеевез тодӥсько шуыса. Аааа. Аааааа... Валаай. Электроникъёслэн ведь страницазы контактын.
-Нет.
-Ну ладно.
Ярам кошкиз кадь. Вань шуныт, ненег впечатлениме унитазэ смыть каризы кадь.
Даралиен вераським вал 11 часэ Резиденцие вырӟом шуыса. Возьмасько. Киям планшетсэ сётӥз, кыӵе ке бинем афишаоссэ. Сыл, пе, возьма. Дӥсяськыса ул.
Я. Дӥсяськи. Возьмасько. Опять со нылкышно лыктӥз зарни чыртывесеныз шыльтыртыса.
-Нет, всё -таки скажите кто вы.
Шораз учкисько ини долкаса.
-Ну вот что за папка у вас в руках. Вы туда что-то записывали?
-Это планшет.
Адӟиз "сахар" гожтэм наклейкаез.
-А. Вы с Дарали?
Сюлмыз мед каньыл луоз шуыса оо шуи ини.
Кизэ лэзе на вал афишаос борды. Ас палам кыскыса вази:
-Это Просто афиши.

Кошкиз. Мар сыӵе тулкымъяськонэз, если тӥляд совестьты чылкыт? М?
Еще раз унитаз звук мылкыдам.
Спец агент под прикрытием, ёпа.

Вырӟим Даралиен Резиденцие.
Адямиез ӧжыт. Организаторъёслэн мылкыдзы ымныразы гожтэмын.
Настроениез ик ӧвӧл.
Я. Кылли гримеркаын эшъёсын вераськыса.

Может обратно Пепелаце?