26 февр. 2015 г.

Бурдъёсын-а бурдъёстэк-а?

Куинетӥез, кинэ мон висъясал Удмурт Кылбурчи группаысь - Микаль Михайлов.

Та авторлэн туж сюлэме пырись кылбуръёсыз. Адӟыны луэ пуш дуннезэ воргоронлэсь, мар сярысь малпаське со. И ваньмыз та гожтэмын туж бай удмурт кылын.
Ку мылкыдын ӧвӧл, как раз солэсь кылбуръёссэ можно лыдӟыны, соос соку тонэ будто валало.
Лирической герой ӵемысь жадемын та улонлэсь, адямиослэсь. Малы меда? Может со трос адӟемын ини? Яке жадемын интылэсь но солы воштыны кулэ ваньзэ (но мар ке сое уг лэзьы кошкыны)? Син азе пуксе туж мур малпаськись воргорон, вераськисьтэм, серьезной ымнырын, кудӥз адӟе сое, мае уг адӟо мукетъёсыз.
Лирической герой юанъёс аслыз сётэ: малы улӥсько, мар понна? Мугор улэп, нош лул, сюлэм кулэмын ини (Сьӧд басмаен ни синучкон Сюлмез со нош ик шобыртэм)



Котьку кадь ыштыса, серем пыр тусбуйме
Дэри пыр лёгаське уж пала сюрес
Йырын утчамъяське выльысь та юанме:
Малы татчы вуттӥз вамыш та улонэз?

Пинал бурдъясь мылкыд валлян ини ортчиз
Лёгаськылӥз гань-гань тузон бугырскыса
Вань ужаны тыршон куарусёнэн кошкиз
Коньдон басьтон нунал усиз питырскыса

Нуналысен нунал, курыт сьӧд ымныръёс
Визьмо выллем тусын кутско вераськыны
Укно шорын куасьмем пичи кут виштыос
Тунсыкогес юртто луллы буйгатскыны

«Тон ук писпу ӧвӧл, бен вошты интыдэ»
Нош пель сьӧрам кылдо мур шокамен кылъёс
Та ар гинэ бон, мед, ортчоз – вошто гуэз
Капчи на вераны, Инмар кызьы гожтоз…

#МикальМихайлов

Сиськон инты но газ плита...
Ӵын вӧлме борддоретӥ,
Дыр мынэ ӵукна пала,
Калго синъёс укноетӥ.

Мон улӥсько? озьы но, бон
Тае ваньзэ Инмар сётэм...
Сьӧд басмаен ни синучкон
Сюлмез со нош ик шобыртэм

Вань сыӵе кылбуръёс, кытын лирической герой индылэ, кинэ ке "улыны дышетэ". Со индылонъёсысь адӟиськом кыӵе ке правилоосты, кудъёсызъя ачиз лирической герой улэ (луымтэез сярысь сюлмаськыны кулэ ӧвӧл, урод кылъёсты но кылыса йырдэ вылӥе ӝутыса улоно, сётӥськыны дырызлэсь вазь уг яра, секытлэсь шӧмзэ веръятэк, улонлэсь ческыт шӧмзэ уд веръя ). Шӧдӥське кылбуръёсъя - лирической герой егит на, нош малпанъёсыз, визьмыз мӧйы улонэз адӟем адямилэн кадь.


«Малы малпаськиськод улон сярысь?
Дырдэ эн быдты тон сюлмаськыса
Нокин уг тод на мар луоз нырысь…»
Пушкысь куара вера, азьланьтыса:

«Нунал ай ӵуказе со, адӟытоз.
Тон ул шумпотыса, ӵабъяськытэк
Кема керӟегъяськид, таре тырмоз
Ас улондэ тон тод но, пукы тэк».

Сыӵе ваньмыз капчи ке луысал…
Пуш куаралы сёто на валэктон -
Дунне вылэ, тазьы, бон, валаса
Вакчи визьем ой вордӥськы, дыр, мон.


Тыршы тон котьку но ӝутскыны.
Лёгам лулэд валтэ ке улӥе,
Котькуд вамыш юрттоз азинскыны,
Костаськисез отчы ик со вые.

Мыным но шуг вал, мон бугыръяськи.
Улон сётъяз ке но ангес лыам.
Тӥязы ке но, нош пумитъяськи,
Вирсэр мертай ке но,мыжгай гадям.

Бон, котькудӥз аслыз сюрес шедьтэ.
Ачиз ортче но вань шӧмзэ вала.
Усьсал ке мон азьло ик улӥе,
Туж ичизэ но ӧй ортчысал дыр на.

Лыдӟиськод куд-ог кылбуръёссэ но шокан пась быре кадь. Ӝокаськод лирической героен ӵош. Котыр сомында кадь омыр, эрик, нош ӝутскемед уг луы. Апатия ваньмыз вылэ. Трос бугырэяськиськод ас пушкад, нош юанъёслы валэктонъёс уд шедьтӥськы.  Уг тырмы тулыс лирической геройлы. Тулыс, ку инкуазь воштӥськемен, ачид но воштӥськыны ӧдъяськод кадь. Вань мылкыдзэ герой аресэныз герӟа. Может арес янгыш? Хендрикс, Моррисон, Кобейн кема ӧз улэ, улонлэсь вань шуг-секытъёссэ, умойзэ йӧназ адӟыса но ӧз вуттэ дыр. А может наоборот, соин ик шумпотыса кошкизы.


Кынтӥсь лымы сулеп кельше мыным,
Зор шапыкъёс но ке вандо, кельшо.
Ӧс усьтэмын ке но, уг лу ӝутскын,
Мылкыдъёсы бурдъяськыса ышо.

Та выль вамыш,оскыто асме,
Сюбег шугъяськонам ик нош выё.
Мон сюй пушкын, шундые орсьме,
Пумит тӧллы азьло вал кынмисько.

#МикальМихайлов

Малы меда сьӧд тулкымен
Монэ нош ик шобыртэ?
Синэз пытса, кысэ пумен,
Изъянтыса кадь сэрпалтэ?

Шулдыр мылкыд, кытын-о тон?
Вай ни мыным тулыс шӧмез.

Котькуд нунал шузимытон,
Учкылӥсько ӵем вирсэрез.

Янгыш ӧвӧл меда арес,
Сьӧд уй пыдсы вуттӥз шуса.
Хендрикс, Моррисон, Кобейн
Кошкизы шумпотыса.

Берпуметӥ кылбуръёсаз лирической герой воштӥськемын. Малы? Солэн сюлмаз каръяське оскон. Адӟе пеймыт корка сигысь тӧдьы сэрегэз.  Васькем бераз аслыз ачиз лирической герой юан сётэ: малы гинэ тубай корка сиге? Тулысэз отысь адӟиз, нош васькыса, обратно огшоры улон ӧраз пыриз (улонзэ толалтэен сравнивать каре). Но табере укноосаз тулыс шуккиз, кыӵе ке воштӥськонъёс луозы мед-а? Кылбур быре туж оптимистично, шуод-а мар-а.


Уин корка сиге туби.
Сюриз кытысь ке но тубат.
Лымы пелля, адске ичи,
Пулъёс кыллё кечат-вамат.

Лымы ни шобыртэм ваньзэ,
Мон утчасько мае ке но.
Ялан бугыръясько вужзэ,
Сюлэм уг чида - утчано!

Тӧдьы сэрге синмы вае,
Югыт пиштэ со быдэсак.
Малы утчай меда тае?
Туби уин татчы пырак.

Берлань толалтэе чигнай.
Тулыс шуккиз укноосам.
Марлы отчы меда тубай?
Тӧдьы бурдъёс тыбыр сьӧрам.

Предпоследний кылбураз но воштӥськон адӟиське. Татын потэ выль образ - Толэзь ныл. Толэзь нылЫ, пе. Лирической геройлэн. Мар тодмо со ныл сярысь? Со пумиськем кинэн ке, синмаськем, нош собере вуэм дыр люкиськонлы. Вераны ас сюлэм висёнъёссэ вамыш ӧз лэсьты. Ӧжытак мистической ныл, эрико (липет вылтӥ ветлэ кышкатэк)  - в противоположность лирической геройлы.


Пеймыт лулъёс ветло сьӧд музъемтӥ,
Пурысь тӧлъёс ӝутско кӧбератэк.
Чик номырлэсь но юн ик кышкатэк,
Толэзь нылы ветлэ липет вылтӥ.

Солэн туннэ берпуметӥ уез,
Люкиськонэн дунне герӟаськемын.
Кылиз улон толон пумиськонын
Трос люкетлы пазяськылӥз сюлмез.

Тодаз лыкто кужмо кион синъёс,
Бералтӥзы солэсь пинал лулзэ.
Вань кужымзэ бичаз но вамышсэ
Ӧз лэсьты...одно...сое витёз...

Та кылбур берпуметӥез "Удмурт Кылбурчи" группаын. Туж тунсыко учкыны, кызьы лирической геройлэн воштӥське улонэз.

Микаль Михайловлэн потэм ини кылбур бичетэз (кылем арын Куарагурын вормем понназ кадь). Тани скоро луоз презентациез. Лыдӟем потэ ини).




Кылбуръёс басьтэмын Удмурт Кылбурчи группаысь.

24 февр. 2015 г.

ӵуж мылкыд

Ням! вал первой кыл, кудӥз лыктӥз йыре выль Дартлэсь вылзэ адӟыса (24 тулыспал, 2015)



Мар каро сюлэмез Дарт редакциысь адямиос!) Кыӵе ке пыдло фантазиосты (удмурт егитъёслы газет ласянь) потто кадь. Берло толэзьёссэ синмаськемын выль шӧмо Дартлы.

Ок. Конкретика.

Таиз номер тырмемын обычной, отвлеченной темаосын (кудӥз удмуртлыкез ук йӧтылы). Мыным кельше, что авторъёс туртто дуннеен, Туала адямиосын тодматыны егитъёсты. Дуннеен, кудӥзлэн границаос Удмуртия сьӧры пото. Вань, конечно нырысетӥ бамаз, солэсь нокытчы уд пегӟы. Гожтэмын туж лякыт гинэ Куарагур сярысь (ваньмыз, пе, умой вал), Марайколэн Дэбесэ ветлэмез сярысь, мынэсьтым но лякиллям постме.

Высший пилотаж возьматэ мон понна тандем ШШ. :) Мыным кельше кызьы соос гожто примеръёсын. Сураса притом. Удмурт литератураысь но дунне улонысь, например, "Мукет ӧвӧл мултэс" но "Пиосмуртэн одӥг тубат вылын" статьяос. Адӟиське, что авторъёс туж начитанноесь. И дугдылытэк, отвлекаться кариськытэк лыдӟиськод.

...(ох, чебер пи пыриз, вунэтӥ мар гожтӥсько вал)...

Так вот... 
Туж кельше, что лэсьтӥсько обзоръёс книгаослы, киноослы. Туала книгаослы но киноослы. 
А эшшо спорт ласянь но пичияк обзор. Не обычной спорт, а Удмуртиысь спорт сярысь. Берпуметӥ страницаез тунсыко пӧрмем. Мода ласянь но вунэтэмын ӧвӧл. Йӧтэ, что 8 страница со туж ӧжыт, лыдӟысал но лыдӟысал кадь. Кино, театр, мода, книга, литература, картина - вань удыс пичияк кутэмын. Со туж классно. Разнообразие синэз шумпоттэ.

Интервью но басьтэмын. Першинлэсь. Со сярысь уз гожтэ, например, мукет удмурт изданиосын, ну, может быть, Инвожоын. 

Ну, конечно, "бичиятӥсь" темаос кутӥллям, кудъёсыз бере конечно же споръяськонъёс курисько кыл йылэ. Чагыръёс сярысь, феминизм сярысь. 


Валтӥсь редакторлэн кылыз только таяз номерын ӧвӧл. Пайми ӧжытак. Бырйыны асьсэ пӧлысь таки быгатӥллямтэ-а мар-а)

Ох, вунэтӥсько вал ни шикарной 6 бам сярысь. Тӥни кытӥсь туала егит Удмурт Кылбурчиослы вдохновение басьтоно. Анна Чорыговалэсь. 

Мынам всё.


Суред басьтэмын Dart-газет группаысь

21 февр. 2015 г.

Арбуз.

Так, дальше (блин мар мон гожъяса пукисько, диплом ведь гожъяно).

Удмурт Кылбурчи группаын вань мынам яратоно гожъяськисьёсы,- шуи вал,- кудъёсыз отличаются".
Марайко сярысь гожтӥ ини.

Туннэ гожто Пелагея Куликовская сярысь (и не из-за того, что со мынам троюродной сузэре луэ).
Кин ке мыным шуиз:"Мон адӟисько, что со - будущее удмуртской поэзии". Конечно, может со туж лестно, но нылашлэн будэмезъя, мон малпамъя, воштӥськоз ай стилез (тани яратӥз ке, интересно луоз, воштӥськоз-а уз-а гожъямез ). Нош али солэн туж крутой кылбуръёсыз, конечно, ӧжытак с "налётом Анфиногенова", но всё равно мукет.
Пелагея (ну озьы шуо ини, хотя непривычно) возьматэ, что помимо яратон сярысь можно вераны чыры-пыры сярысь но. Туж вроде бы незамысловатоесь стихъёс, незамысловатой рифмаен. Эшшо ке син азяд пуктӥськод кызьы со боз-боз куараеныз стихъёссэ лыдӟе, мылкыд ӝутӥське.

Можно "яратӥсько" шуыны не пияшлы, а, например, колбасалы (почему бы и нет?).



I love you - мон тыныд шуисько,

I love you - мон тонэ яратско,

I love you - мон тыныд шыпырто,

I love you - тон ческыт но мусо,
Тон шорам мыняса учкиськод,
"Си монэ!"- мынэсьтым куриськод,
Мон ӧй чида шорад учкыса...
Мон тонэ яратско, КОЛБАСА!!!


Сыӵе нырысь интрига кадь. Зэмзэ но-а мар-а ванильной стих гожтэм шуыса, нырысь лыдӟи (интрига), нош пумаз вуыса пайми, нежданчик сыӵе. Таӵе стихъёсыз лыдӟыса мылкыд каньыл луэ. Со, вроде, малпаськыны но уг косы кадь. Богдан кадь яратэ сураны удмуртэз но, ӟучез но, англи кылэз но. Та сярысь миллион пол но гожъямын кадь ини (глобализация, туала кыллэн состояниез, туала нылпиослэн вераськемзы и т.д и т.п.)

Маиз сразу син азе усе? Солэн туж крутой, здоровой юмор, ирония шӧдӥське стихъёсаз.


Сӥземын векчиясьёслы (диетаын пукисьёслы)



Изён азям пиньме миськи,

Нош собере эшшо сиськи,

Малы, малы кӧтме тыри?
Мон кӧяло табере, БЫРИ!!!
Слонлэсь но трос дыр кыскисько..
48 кӧгӧ (кг) - со ОГО ГО!!!😄


Стихлэн названиез туж эпической :) Кутске сыӵе бытовой. Сразу син азе пуксе дор, кызьы ачид изьыны дасяськиськод. Кылбуръя валаны луэ позицизэ авторлэсь, иронической отношенизэ диетаын пукисьёс вылэ. Тожо туж незамысловатой стих, незамысловатой рифмаен, но маиныз ке но бордаз кыске. Сыӵе несерьезной йӧтэ стих, но малпаськиськод ке, туж актуальной тема ӝутэмын ирония пыр.




От души нискылай😏 



Ныр ул чиля гурезь кадь ик,

Гурезь чиля ныр ул кадь ик.
Сапег гыркын но силь сьӧрын,
Лымы визьтэм кадь пыремын.
Дӥськут сачырмемын, мон парсь кадь лӧптэмын,
кырын минус 30 градус, мыным нош мар? ӝокыт!
Жуммемский кеч кадь бертӥсько,
Мон жадьыса дорам,
ӧвӧл та апокалипсис,
та БАЙТЭРЕГ урам!!!

Тазэ стихэз лыдӟыса, валаськод кызьы туала нылпиос асьсэ куспын верасько. Сыӵе своеобразной сленг. Даже кылбурлэн нимыз ик. Сразу. Ну и еще смайликъёс (колӟоос) Пелагея лякылэ кылбуръёсаз. 
Тожо туж простой кылбур кадь, но нырысетӥ чурзэ ик лыдӟыса дльше лыдӟем потэ. "Ныр ул чиля гурезь кадь ик, Гурезь чиля ныр ул кадь ик..." Серем потэ, сразу мылкыд ӝутске. Сыӵе серем (чылкак ми кадь вераськем) сравнение "лымы визьтэм кадь пыремын", "парсь кадь лӧптэмын", "жуммемский кеч кадь". Сачырмемын :) Сыӵе жестокиесь кадь сравнениос, но соос стихлэн настроениезлы  туж тупало. Сыӵе стих-гочатон. Типа, эй, хватит пукыны компьютер сьӧрын, ойдолэ ураме, урам зынэз вунэтӥды ни, дыр.



Вуи ини 8 классэ.

Ой, уг поты дышетскеме!
Быдэс нунал йырме тӥяме,

Лучше мон дорын пукысал,
Сериалъёс учкысал.
Телевизор вай, сиён,
Всё, считай улон умой!
ТНТ, Disnay но Пятница,
СТС, Discovery но FOX.
Учкысал нунал лумбыт киноос,
Учкысал мон мультфильмъёс.
Winx, Спанч Боб, Гравити Фолз,
Возьмало монэ соос..
Нош нырысь дышетсконооо,
ЕГЭез но сётоно,
Институтэ пыроно,
Сессия но сётоно,
Сиёнэз но пӧсьтоно,
Ужаны интыяськоно,
Урокез но лэсьтоно,
Туганме но шедьтоно,
"мама, папа, лэзь уксё!!
Кулӥсько а то воксё!"
Институтэз быдтыса,
Одно ик луоз лафааа!!
Мон бадӟым будо ни, ДА..
Ужаны интыясько,
Туганме но дыр шедьто,
Ужысьтым бызьыса берто,
Телевизорме лэзё
Мультик вай мыным, сиён
Всё, мынам улон УМОЙ!!!
Winx, Спанч Боб, Гравити Фолз
Возьмало монэ соос..

Среднестатистической школьниклэн йырвисёнэз та кылбурын :) Вот ведь уг валало, что университетын секытгес дышетскыны, дас полэс но потоз обратно школаяд. Кылбуръя учкыны луэ, кыӵе туала нылпиослэн предпочтениоссы. Учкиськод но перечисление шоры (ТНТ, Disnay но Пятница, СТС, Discovery но FOX, Winx, Спанч Боб, Гравити Фолз, ) и малпаськод: конечно луоз глобализация, если даже кыӵе ке пичи гуртъёсын вань спутникъёс, кудъёсыз олокыӵе но каналъёсыз возьмато. Ах да, пичи кадь ай но тодэ ини но план действий на следущие 15 ар вань ини. Озьы ик улӥськом, правилоосъя. Созэ-тазэ кароно поочередно, а малы не наоборот?

Кутэ извечной проблемаез: удмуртъёс быро, кулэ удмурт кылэз утьыны, вераськоно удмурт кылын. Акыльтӥськиз кадь ини со темалэсь. Вожзэ поттэ восклицательной знакъёсын. Нырысь куненыз, а собере по нарастающей. Грубоватой кылбур. Пумыз ӧжытак агрессивной. Да и вообще быдэс стихез агрессивнойгес.


Вазь мыным удмурт сямен,

Валало мон тонэ нырысь кылысен.
Вожме поттыса юаськод: "как дела?"
-умой мынам "дела!!!"
Удмурт семьяын будэмын тон, нылпи.
Анай кылыдлэсь тодӥськод туж пичи.
Удмуртиын улыса, уд тодӥськы кылдэ.
Кин тон сыӵе удмуртский ӟуч яке бигер?
"Мар занимаешься, кыӵе живёшь?"
- Удмурт филолог юаз одӥг пол.
"Мон тӥлед уг валаськы!!!!"
- шуо но кошко.
Пуксе но малпаське сыӵе ке тӥ визьмо!
Кызьы яратскод тон табань сиыны,
Озьы ик яраты анай кылын вераськыны!!!!!
(вожме эн потты!)


Таин тырмем, дыр. Пелагея - туж сочной, стихсэ лыдӟыны кутскиськод, будто арбузэс куртчиськод. Ческыт, сочной, чебер, необычной цветэн, котрес, сакыро, трос тӥсё.

Та кылбурчи будэ син азьын, соин ик туж интересно луоз эскерыны, кызьы солэн мировоззрениез, ценностьёсыз воштӥськозы.



Кылбуръёс басьтэмын "Удмурт Кылбурчи" группаысь

19 февр. 2015 г.

ТристАн но ИзольдА

2 курсын зарубежной литератураын веразы вал, что 90-тӥ аръёсы асьме театрын туж тунсыко постановка пуктӥзы "Тристан и Изольда" удмурт шӧмо, всякой любовной напитокъёсын "Иднакар". Мон соку туж пожалела о том, что али уг ни возьмато сое. Учкем потыны кутскиз.

Вообще, туж яратӥсько мар герӟаськемын Ирландиен. Кыске монэ отчы. "Тристан и Изольда" лыдӟем вань, кемаласьгес ини. Туж кельше. Рыцарской романтика. Вечной яратон да мар да.

И вот мон адӟисько афиша, что Генеральской юртын луоз видео-возьматон "Тристан и Изольда". Как раз со постановка, кудӥз сярысь вераз вал дышетӥсьмы кык ар талэсь азьло. Мон вань ужъёсме куштыса мынӥ, конечно. Тем более тодыса, что та спектаклез пуктӥз Ольга Александрова. Мон та нылкышнолы синмаськи, ку учки солэсь "Три свадебных" напева постановказэ.

Егит артистъёс. Чебересь, йӧноесь. "Иднакар" творческой объединение. 

Алексей Ложкин шудэ Тристанэз. Ох, кыӵе со поромытэ вал, дыр, нылъёсыз. Кыӵе со чебер. 
Ольга Ганева шудэ Ирландской Изольдаез, нош удмурт Изольдаез шудэ ачиз Ольга Александрова. Кытысь мар тӥ шуоды.

Так вот. Сюжетэзъя. Туж вакчиятыса. Нырысетӥ акт. Ваньмыз веросын кадь. Тристан синмаське дядяезлэн невестаезлы, соос случайно юо волшебной напиток любви но синмасько ог-огзылы пыраклы. Тае ваньзэ шараяло. Тристан кошконо кариське мукет музъемъёсы. Отын со, веросъя, кышнояське, собере обратно бертэ Изольда доры, нош солэн вожез потэ но улля Тристанэз. Тристан мынэ обратно кышноез доры, отысен кулэ. Изольда тае тодыса тоже кулэ. Соосты вато. Шайгу вылысьтызы писпуос будыса, ӵошен бинисько. Сыӵе, пе, зол яратон. 

Нош постановкаын кыкетӥ актаз Тристан вуэ аръёслэн музъемазы. И кутске трэщ. Со нечаянно сюре вӧсяськонэ (мон таки ӧй вала вӧсяськон вал-а со или мар), кытын удмурт нылкышно йӧн-йӧн пуке пиосмуртъёслэн пельпум вылазы, вайяськыса, возьматыса кин кузё. Сыӵе таш-таш матриархат. Тристанлы тае адӟоно ӧй вал, соин ик солы пришлось кышно басьтыны удмурт Изольдаез. Собере ини солань-талань Тристанлэн ветлэмез опять веросъя.

Монэ мар паймытӥз то? Конечно, туж крутой постановка. Мар ке мында символъёсын, кудъёсыз шоры учкиськод малпаськыса, даже пересмотреть кароно, чтобы умой-умой валаны. Туж тунсыко возьматэмын эротической сценаос. Пайми. Кылӥськизы удмурт кырӟанъёс. Татын аръёс кыӵе ке секталы укшало вал. Туж аспӧртэмлыко дӥсьёсын. Даже чем- то перекликается ирландской костюмъёсын (например, айшон укша вал фатаен колпаклы). Монэ туж зол паймытӥз кыӵеен татын возьматэмын удмурт нылкышно. Со туж властной, копакеныз яратонлы сётӥськись, даже мстительной (ирландской Изольда уйвӧт адӟе, кызьы со доры лыктэ удмурт Изольда но вандэ солэсь йырсизэ). Ӧжытак юзыр-кезьыр луыса кошконо учкыса. 

Туж на самом деле смелой постановка. Смелоесь костюмъёсын, действиен. Мыным кельшо экспериментъёс.
Нош кыӵе кырӟанъёс гожтэмын та постановкалы. Соос туж тупало. Кырӟазы музейын Надежда Уткина но Игорь Шкляев. Туж чебересь кырӟанъёс, соос копак тонэ вутто кытчы ке Ирландие. Кыӵе ке балладаос кадь.

Мынам туж потэ, чтобы та постановкаез выльысен мед шудозы сцена вылын. Однозэ.


18 февр. 2015 г.

Божественной комедия

Куарагур. Нырысьсэ татын. Сояз аре ӧй ветлы вал. Али трос букваос луозы, дыр.

Кутскиз. Резко тодэ лыктӥз "Шундыкар" ку кырӟасьёс потӥзы сцена вылэ ваньзы ӵош асьсэды возьматыны. Озьы вожатойёс обычно пото асьсэнызы тодматыны. "Дело не обошлось без Пьянковой",- малпай мон. Нош собере ку Пислегинаез адӟи сразу валай ини что к чему, берло ини, ку йылпумъянъёс лэсьтӥзы, веразы, что Пьянкова Жанна но Пислегина Аня пуктӥзы эктонъёсыз. Ӟечокъёс. Только ваньмыз "Шундыкар" вал мон понна. Ну концерт то адямиослы ведь, правильно? Соос ӧз на адӟе ваньзэ тае :)

Кырӟаз Пикуль нырысетӥ. Нырысетӥ Куарагурлэн вормисез. Клипсэ но возьматӥзы. Пикуль шоры учкисько ке, мыным туж спокойно. Со сыӵе дыртӥсьтэм. Лад-лад выре. Клипез, конечно, туж крутой. Главной героиняез Кузёбай ныл - Августина Михайлова. Туж малпаськытӥсь клип.

Ведущийёс - Костя Никитин но Надя Наговицина. До того мусоесь, что трос косякъёссэс можно вунэтыны.

Альбина Беспаловаез нырысетӥ ялӥзы. Потӥзы кыӵе ке но накаченной сексуальной танцоръёс куинь кузя. Профессиональноесь. Син шумпотэ шоразы учкыса. Альбиналэсь только кылӥсько "Яратӥ вал тонэ, яратӥ вал.." и короче больше номырзэ не запомнила. А нет. Запомнила, что Альбина туж тулкымъяськиз, куараезъя но шӧдӥське вал. Со сомында пол сое повторяла, что мынам али тани кылйылам пӧчкы потоз ини сое повторять карыса. Пластинка заела шуо кадь.

Собере потӥз Яна Пушина. Номыр ик вераны уг быгатӥськы. Сыӵе ик лиричной кырӟан яратон сярысь, кыӵезэ кырӟаз Альбина.

Верано, что туж трос каллен, ненег кырӟанъёс вал яратон сярысь. Соос конечно разной яратон сярысь. Но. Вань нылъёс вал кузь чебер дэремъёсын. Номыр уд шуы. Но малы ке со нылъёс йырын сураськыны кутско - кудӥз кин вал вообще. Дарали лу ини костюмер сыӵе концертъёсы. Кырӟало, например, подростковой яратон сярысь и потэ ныл мар ке кузьда дэремен. Всё равно мукет восприятие луэ.

Собере потӥз кадь Тимеева Ксения. Наконец-то разбавили шыпыт, лэйкыт кырӟанъёсты ӧжытак динамичноенызгес. Кылъёссэ но гурзэ гожтэм Николай Анисимов шуизы но залын нылкышно восторг прошёлся. Ок. Шундыкарысь эктонъёсын вал таиз номер. 3 пар эктӥз полуудмурт полуӟуч костюмъёсын. Иван Купала праздник малы ке тодэ лыктӥз. Незнай. Кырӟан и кырӟан. Тожо яратон сярысь.

Так, сыре Окунев Владимир потӥз. Пелисьтыз кыдёкысен ик синэз мальдытӥз угыез. Хм малпай мон. Собере потӥз пияш. Эктӥз-эктӥз но наконец-то потӥз вӧзаз нылаш. Эктӥзы "нежной" эктон всякой поддержкаосын, бизьылыса, тэтчаса. Ну тӥ представили луоз. Тожо яратон сярысь кырӟан вал. Ок, шуи мон.

Дальше учкисько. Собере вал кадь Лиана Корепанова. Кырӟан кутскиз, нош микрофонэз уг ужа.

Сыӵе косякъёс трос вал мар ке. И вообще, мар ке звуковик косячил трос. Кизэ ышкал... А ну ярам. Тодэ лыктӥз али, кин отын пукиз.

Так вот. Кырӟаз. Яратон сярысь, но кызьы Зинаида Рябинина берло отметила - яратон сярысь, кудаз яратон кылэз ик ӧвӧл. Кылъёссэ гожтэм Марина Пахомова, огез гожъясьёс пӧлысь, кудзэ мон яратӥсько лыдӟыны. Эшшо татын луоен суредъёс лэсьтӥзы, кудзэ бадӟым экран пыр учкыны луэ вал. Так ке Марина Пахомова - со уже гарантия вормонлы.

Собере потӥз пияш. ызьы вал ай солэн нимыз... Мм.. Владимир Суворов. Опять со эктӥсь пияшъёсын. Позыръяськон сярысь кырӟан вал. Суворов мыным резко напомнил "Дюна" группаысь Рыбинэз. А эшшо можно вал солы поныны кепка, сьӧд очки и со укшасал Анфиногеновлы. Потому что дӥсез напоминать каре вал Уллапалалэсь стильзэ. Ныл эктӥз на эшшо. Ну сыӵе клубной кырӟан вал. Опять вань внимание эктӥсьёс борды кылиз.

Собере вал Мария Бочкарева. Адӟиське, что нылаш лэсьтэ на вамыш бадӟым сцена вылэ. Туж скованной сылӥз. Сыӵе драйвовой кырӟан вал, но кузь дэремен опять. Влад Степановлэн кылъёсыз но крезьгурез но вал. Туж крутой кырӟан, туж крутой музыка (та одӥгез кырӟан кудӥз мыным самой кельшиз ваньмыз пӧлысь) но малы, малы отчы потӥз эктӥсь нылаш пасям калготкиен но эктӥз туж странной эктон султӥз на лопатки но воздухын пыдъёсыныз ӵыжаськиз. Мон йырме оши. Мария Бочкарева тросгес потаз ке сцена вылэ, луоз туж крутой кырӟась, мон оскисько.

Собере потӥз Образцовалэн эшез, кудӥз кузь йырсиё пияш но эшшо Писпу группаысь барабанщиксы. Куттэм пыд, тӧдьы, чырты дортӥз пужъятэм рубахаосын. Пуксизы гань-гань и кутскиз бохо музыка. Хиппи уске шуод-а мар-а. И потӥз мусо гинэ Ульяна Хохрякова кузь тӧдьы дэремен. Просто прелестно шуысал мон. Но валай, идеальных не бывает. Та кырӟан уг тупа Ульяналы. Мон дышемын солэн мукет кырӟанъёсызлы. Всё-таки та кырӟан кельше Образцовалы ик. Но Ульяна молодец, ӧз кышка чылкак вылез борды кутӥськыны. Самой яратоно номере таиз.

Влада Митрофанова. Алнашысь нылаш. Туж умой кырӟанэз, тоже огез яраоно кырӟанъёсы пӧлысь та вожвылъяськонын.  Эктӥсьёсыз - Никита Моисеев но Аня Пислегина. Угадайте кыӵе эктон? Правильно. Почти сыӵе ик, кыӵе вал Окуневлэн кырӟаназ. А эшшо вал бааадӟым котрес толэзь. Ну тӥ син азяды пуктӥды.

Ну и берпуметӥ - Peace Pu группа. Ох. Соос туннэ туж крутоесь вал. Особенно туж брутальной Гриша Григорьев. Туж уверенноесь. Тожо огез ярась номер луиз мон понна.

Антракт бере пичик концерт "бывалойёслэсь". Мон синме кыньыса кылзӥ "10 гужем нунал" группаез. Соос классно кырӟало хоть ма вера. Кылзӥ самой крутой актёрез "Пузкар" киноысь - Роман Болтачевез. Вал на Черепанова. А сре потӥз Образцова. Выль кырӟанэныз. Туж строго пуктӥз ноги на ширине плеч, кизэ кус бордаз кариз серьезной ымнырын. Сыӵе дак мусо адӟиське сыӵе ненег адями озьы дауртэ ке :) "Ну, -думаю,- сейчас серьезной кырӟан". Кельшиз :) А собере "сладкое":) 

Потӥз Белослудцев. Правда кык пиосын но нылашен. Гань-гань пуксизы,ношВаня сылэ. Акустической концерт, пе, возьматом. Ваньзы мусо дӥсен. Атмосфера луиз ганяк. Эшшо свет ненег, ӵуж. Сыӵе йӧтыны кутскиз, что мон кыӵе ресторанын, кытын дыртытэк кырӟало пичи сцена вылын. Кин ӧз ветлы та концертэ - гурпумъёстэс куртчылэ. Тае адӟоно вал ас синмын. Со вал сыӵе эстетической наслаждение. Просто с восторгом учкыса пуки сцена вылэ но кылзӥ Ванялэсь куаразэ. 3 кырӟанзэ кырӟаз, быдэс концерт хочу. Эшшо ке, фоназ лэзизы суред кыӵе ке но космической, вокщё кыӵе ке трансэ уси кадь)) Тае вераны луэ вал одӥг кылын, но мон уг вера. Туж неприличной кыл. Олокин но лыдӟе ведь.

Нош собере ялӥзы SWG. И потӥзы кык кузя - Светӥ Ручкина но Вова Жуйков. О, таиз но сюрприз вал кыӵе ке. Кык полэс куртчылэ гурпумъёстэс кин ӧз лыкты. Тожо акустической номер возьматӥзы.Сиротской кырӟанзэ кырӟаз. Пигонъёс султо, юзыр-кезьыр луыса кошкисько. Синкылиос потӥзы. Собере берпуметӥ кырӟан - Эмезе. Просто кылъёс ӧвӧл сое вераны. Концерт быриз туж... Божественно шуод-а мар-а.

Жюриос пӧлын: Зинаида Рябинина, Алексей Ложкин, Марина Галичанина, Света Ручкина,Татьяна Федорова.

Вормиз Лиана Корепанова. Марина Пахомова кылбур гожъясьёс пӧлысь умоез луиз, нош крезьгур гожтонъя Влада Митрофанова но Влад Степанов. Хеппи Энд.


Нет. Ӧвӧл на. Театрысь потӥ. Горький парк тыр кырӟан. Кинлэн? Лади Светилэн "Пӧяд" кырӟанэз. Идеальной картина. Пеймыт парк, гирляндаос но удмурт кырӟан. Всё. Хеппи Энд.

17 февр. 2015 г.

Туала гожъяськисьёс

Кемалась ини гожтэме та постэз, но весь малы ке кышкасько или мар.
Мон же удмурт литературовед ӧвӧл. Но, раз уж Иванова Настялэн берпуметӥ кырӟанэз та темалы ик сӥземын - мон но гожто.

Мон котьку лыдӟисько удмурт кылбурчи группаез. Трос гожъяськисьёс, син ик мальдэ кадь. Но ваньмыз зэм но однообразной. Темаез, сравнениос, эпитетъёс, кыл сочетаниос. Мӧзмыт ик луэ куддыр. Ну со котькудӥзлэн аслаз ини ужез мар гожъяны.

Вань пӧлазы мыным тужгес но кельшисьёсыз. Туннэ таиз cярысь (кылбуръёс пыртыло).

Марайко (и не из-за того, что со мынам эше). Солэн кылбуръёсызъя шӧдӥське нылашлэн сюлэмшугъяськонъёсыз. Солэн нылаш ке, то визьмо (!), ненег, кыӵе ке но таинственной (грубо вераса, вераське чебер,через образы):

ТОЛЛО
Кӧшкемыт уйвӧтъёс,
Жин! вазись камали.
Шумпоттӥсь туганъёс,
Чалмытскем чингыли.

Толло уй тулкымам,
Улонам, сюлэмам,
Собере йырвизям
Выльысен улӟылоз.

Нош али малы ке
Син азям пуксизы,
Но льӧмпу вайёс пыр
Инбаме лобӟизы.


Тунсыко синтаксисэныз, например, таӵе кылбурез (Фет кадь паймытъя :)), кудӥз почти копак глаголъёслэсь пӧрмытэмын:


ТЫРО

Пештырскы, серекъя,
гочаты, кылиськы,
кыскы но ю, веръяса.

Кылзӥськы, синйылты,
шӧдылы, пыӵаты,
тырмы но кул, пуштыса.

Но сопал дуннеын
сёравно вордӥськод,
бубли кадь, туж шудо.



Метафораосыз тунсыкоесь, на пунктуационном но уровне малпаськытэ. Повторяться кариськись образъёсыз вань, ӵемгес со - бурдъёс.

Солэн разнообразноесь кылбуръёсыз, соин ик сое лыдӟыны яратӥсько. Потому что ВАНЬ марзэ лыдӟыны.

(кылбуръёс басьтэмын Удмурт Кылбурчи группаысь)

15 февр. 2015 г.

Пельёсы но синъёсы

Уг тодӥськы кызьы пельменьфест ортчиз. Пуки дорам.

Тодӥсько кызьы со быриз но кыӵе адямиослэн мылкыдзы вал.

Дорын пукыса, учкисько инстаграммез, кыӵе фотоос куяло адямиос фестивальысь. Кыкез-куинез гожтэ:"Бертӥськом #пельменьфестысь сютэмесь". Огез гожтэ:"Мырдэм но кызьы сюрем пельнянь". И фотояз ог 5 ямсыз пельнянь (тестоез будто сюен сураса лэсьтэмын, мыным сыӵе пельнянез непривычно адӟыны). Думаю, ярам.

Нуназе ик ӧте ини вал площаде, нош мынам ӧз луы. Луиз ӝытпал. Как раз быриз салютэн, пазяськись тылгизьыосын сцена дортӥ, сцена вылын флаген сэзъясь участникъёсын. Видимо котькуд калык, кудӥз улэ Ижын возьматэм аслэсьтыз кухнязэ. Вормем азербайджанской кухня.

Собере ини вал Электроникъёсын дискотека, 4 кырӟанзэ кырӟаз Богдан. Туж трос удмурт кырӟанъёс лэзьязы.

Сыӵе ощущение алама кылдӥз, котырысь кудӟем арлыдо муртъёсыз адӟыса. Егитъёс ӧжыт ик вал кадь. Ито удмуртэмъёсыз ортчыса, исаса кадь учкизы сцена шоры. "Это еще мар, -шуиз одӥг эше, - Ручкина кырӟаку юэм воргорон нелицеприятно туж кесяськиз, малы ӟуч кылын уд кырӟаськы шуыса. А вал сыӵе еще, что кудъёсыз но соосыз пельёссэс ворсаса сылӥзы, возьматыса, что соослы уг кельшы, но как бы асьсэос сцена палась уг кошко".

Ярам ӧй ветлы но ӧй адӟы.

Вань удмуртъёслы отношение адӟиське, аха.

Кыӵе ке кезьыт фестивален ик кылёз малпанъёсам.

Самой шумпотэмын вал Лёша Шкляев.