29 апр. 2015 г.

Урамын почти гужем.

Пукисько дасяськыса экзаменъёслы. Урамын гужем кадь ик туннэ. Кин кызьы дӥсяськемын. Сыло сюрес дурын, светофорзэс возьмаса. Огез сарафанэн, пыдаз балеткиос, мукетыз пальтоен, пидэсозяз сапеген, мукетыз зӧк курткаен башлыксэ понэм на йыраз. Кемалась гинэ ӧвӧл ай, лымы усиз.

Коркан ӝокыт, укноос вӧлак усьтэмын. Почти укноос улын почти котькуд нунал ярато люкаськыны егитъёс. Туж ышык инты, соосты отысь нокин уг улля. Со школьникъёс. Кытын ке 9-10 класс 7 кузя кадь. Тодӥськоды -а, сыӵе оломар кадь возраст. Шузиесь кыӵе ке. Соос пуко юыса. Утыр шыпытало, утыр туж зол кесясько. Кыӵе ке инфантильностьсэс возьмато. Асьсэды кыӵе ке мукет кожало. Шаплы карисько. "Ху*!"- черектӥськиз пияш. Со сьӧры эшшо одӥгез, собере нылаш и черодъя. Кыӵе ке обрядзы кадь. Собере опять шыпытало. Гучык лэсьто, дыр. Кыти ке но скорой уэтыса кошке, нош таосыз дальше юо но куараоссы бадӟыман кутско. Мон дасяськисько экзаменлы. Малы соос юо? Незнай. Огшоры, дыр, номыр карыны. Куараоссы зол луизы. Туж ямсыз верасько. Кырӟаны моктӥсько. Кык куинь строчказэ Коржлэсь ньылонзы кесиськымон черекто. Туж вызывающе серекто нылъёс. Хоп, одӥг бутылказэс шуккыса пилизы, ӧжыт улыса эшшо одӥгзэ, кин ке куштӥз жагкуянэ. Жаль пото. Шузиесь.

26 апр. 2015 г.

Кырсьсэ милемлы!

Мар борды адями кыстӥське? Конечно, ӵуж пресса борды :) Калыклы кулэ кырсьсэ, скандальнойзэ. Сое можно прекрасно учкыны мынам блогысьтым статистикая. Юмшанэ потто ке гожтэмме кыӵе ке кырсь заголовокен, сразу учкисьёс трос луо. Особенно удмурт дискотека сярысь гожтӥсько ке. Толон понна почти 400 адями пырам лыдӟыны. Нош именно дискотека постме лыдӟем 200 адями. Тани Мисс Финно-угрии вожвылъяськон сярысь гожтӥ. Час ортчыса, учкисько: 100 адями лыдӟем ини со куспын.
Оштолэзь куспын пыраллям 2100 адями. А вообще, в целом, блог усьтэм тырысеным 40 500-лэсь ятыр пыраллям ини.
Я, шумпотӥсько, лыдӟиськоды ке.

Туннэ юазы: "Сергеева, тыныд гожъяло-а адямиос, ку тон критиковать соосты кариськод? Мон огпол кари но мыным кыл веразы".

Незнай. Огпол но аслым ӧз гожъялэ (ӟечсэ гинэ личкае гожто, яке пумиськыса верало). Зато комментировать каро ке кытын ке, кыл йӧтэ ик. 

25 апр. 2015 г.

FU не фу?

Туннэ ортчиз Мисс студенчества финно-угрии выльдэм опера но балетлэн театраз. Кхм, и монэ быдэс 3 час не покидало ощущение, что ваньмыз уже решено (кстати, мон малы ке вал уверена, что вормоз Карелиысь нылаш. Незнай малы. Мон даже солэсь ымныр туссэ не запомнила. То ли со сярысь веразы, то ли кин сярысь, что родной кылзэ уг тоды, али гинэ дышетыны кутскиз на шуыса).

Валамон ини вал, что Тутаева Настя уз вормы, слишком затратной уж со 2 пол подряд сыӵе международной конкурс ортчытыны. Да и вераськонъёс всякой трос вал. Но со вотэсысь голосованиын вормиз. Всё-таки со мар ке сярысь вера.

Зэмзэ вераса, мон в прострации пуки. Мон сураськи копак кин кытысь. Ваньзы одӥг кадесь йӧтӥзы. Мон аслым висъяй марийкаез, ханты-мансиысь нылашез, коми нылашез (кудӥз вал вакчи йырсиё. Комиысь кык нылъёс вал ). Ну Настяез уг ик вера ни, валамон.

Мар вераны луоз асьменэз сярысь? Ну уг тодӥськы. Сояз арен ӵошатыса... Сыӵе ощущение кылдӥз, что так лэсьтэмын, лишь бы отделаться. Мон адӟи, кызьы Настя сюлмаськыса бизьылӥз, мыным со туж жаль потӥз. Будто незнай, нокин ӧз юртты. Номеръёсыз мускытэсьгес вал, со ачиз но сое вала, дыр. Но зато, сое туж поддержать каризы. Выль Чипчирган но Чебеляй (дыр, мон уг тодӥськы точно. Кузебай гимназиысь). Мон понна Настя самой чеберез вал. Вот чынзэ. Сыӵе благородной ымнырын, походкаен, фигураен (может али туж некорректной вераме луоз, но чынзэ но Настялэн самой пропорциональной фигураез ваньзы пӧлысь (ну эшшо марийкалэн)). И со самой модной но современной вал. Не всякой со шузимемской сценической национальной дӥсьёсын. Номыр лишноез дӥсяз ӧй вал, туж лаконичной (Полина Кубиста но Татьяна Москвина). И видеоез самой йыре кылись вал, не кыӵе ке попсовой всякой инкуазен, город панорамаосын, патриотичной кылбуръёсын.

Явно та конкурсын кулэ вал вормыны марийка. Со туж зол дасяськемын вал. Эктонзы гинэ чего стоило. Ветлэ чебер, юсь кадь (мисс грация луиз), дӥсез кильтро, ачиз но мунё кадь. Но что-то, видимо, пошло не так. Со луиз вице-мисс. Марий Элын вал ини та вожвылъяськон, может тожо уксё быдтэмзы ӧз поты, дыр.

А вормисьлэсь, чынзэ вераса, мон вообще номырзэ но не запомнила.

Тросэз, кстати, вераськизы ас кылынызы. Сыӵе умой вал кылзыны.

Малы монэ весь не покидало ощущение, что ваньмыз заранее решено? Уг тодӥськы. Мон пуки нырысетӥ рядын. Туж "наигранной" потӥз интеллектуальной вожвылъяськонзы. Будто нылъёс тодо вал ини за ранее ответъёсты. Мае марийка весь кырым пыдэсысьтыз учкиз (Кызьы школьник учке шпаргалкаез, нокин медаз адӟы шуса)? Ку вожвылъяськонэз нуись со доры кыкетӥ пол лыктӥз но юаз верам валэктонзэ. Ой, хрень.

Нырысетӥ рядысен туж адӟиське вал, кызьы нылъёс тулкымъясько.

Даже та быдӟа вожвылъяськонын кыӵе ке хрень вал организациен. Тае валай кутсконаз ик, ку малы ке Тутаева ӧз поты дефилеяз. Звуковик вообще изьыса пукиз лэся, бер лэзе микрофонэз, яке резко лэзе. Весь ӵын лэзьязы. И сыӵе ощущение вал, что мон бусын пукисько (может соин мон пуки прострациын), эшшо эктӥсьёс под конец тузон пурӟытӥзы. Сыӵе тузон, что эктӥсьёс бекмылляськыса, копак тузонэсь луизы.  Яло кырӟасез, нош кырӟась уг поты. Оломар, вакчияк вераса.

Вдобавок берам пуке вал нылкышно, кудӥз ваньзэ комментировать карыса улӥз. Бз.

Самой серемез вал соку, ку спонсоръёслэсь кузьымъёс сётъяны кутскизы. Нырысь ик кузьмазы вычурноесь букетъёс. Перестарались кадь сяська вузаськонниязы. Куд-огез букетъёссы, зэмзэ вераса, кельшо вал... кхм... надгробной венокъёслы. Кин мар. Целофан пакетэн бинялтэм мар ке Шаркан трикотажлэсь. Кыӵе ке пыжиськон фабрика сётэ быдэн пыжиськем, тожо целофанэн бинялтэм. До того чебер уг адӟиськы. Быдэс груда люкаськиз кадь миссъёслэн вӧзазы. Хоть чебер пакетъёсы тыр вал.

Жюриос та конкурсын, конечно, вылӥ адямиос. Со котьку серем. МTV-Удмуртия группаын алигес понэмын вал Тронинлэн кооткометражкаез, кытын таӵе ситуциез серекъяло.

Мыным кельшиз, что Полина Кубисталэн коллекциеныз потазы нылъёс. Кельшиз вакчияк концерт. И чынзэ но валай, что не зря сояз аре вормиз Алина Антонова. Зэмос мисс.

24 апр. 2015 г.

Туспуктэмъёс

Вот али учкиськод "азьло" удмуртъёсыз бадӟым чебер книгаосысь но паймиськод. До того чебересь бон! Валамон, постановочной туспуктэмъёс. Но соосъя удмуртъёс сярысь умой  впечатление адямиослэн кыле. Да и аслад кыӵе ке гордость-а мар-а...

Дыр ортчыса, видимо, удмуртъёс сярысь вералозы Юмшан группаысь фотоосъя. Юзыр-кезьыр луыса кошкисько та сярысь ке малпасько.

Странь

То ли мыным акыльтӥз удмурт дискотекаосы ветлыны, то ли мар. Но скорее всего - акыльтӥз. Тууууж мӧзмыт вал таиз дискотека. Туж кема бичаське калык. Мылкыдтэк. Оломар кадь. Эшшо сыӵе фишка, что одӥг барын сыӵе дун, нош мукетаз - мукет. Одӥг клубын пӧртэмесь дунъёс. Студентъёслы слишком дуноесь.

Кыӵе ке но мурт кадь луиз дискотека, ку Резиденцие выжиз. И сомында пафос. "Кыӵе изощрённойгес куноосыз ӧтёно?" Самой валтӥсь малпанъёссы кадь организаторъёслэн. Туннэ хоккейной клуб "Ижсталь"-лэн эктӥсьёссы эктӥзы. Богдан кырӟаз, Антонова Алина Хохрякова Ульянаен. Влад Лекомцев но кырӟаз Алинаен :) Со сыӵе но огшоры пияш вылэм, чылкыт, ӟеч. Сылэ ваньзы вӧзын, кылзӥське вераськемез. Мон пайми но кадь. Фотое но ӧй пуксьы паймеменым.

Кема ик кыллимы туннэ клубын.

Пиос кудӟемскиесь. Огез ветлэ ми котыртӥ зыраськыса. Шораз уг учко, мукетэз доры мынэ. Берын мар ке сылэ, резко берыктӥськи но юасько:"Мар зыраськыса ветлӥськод, мар мешать вообще кариськод. Уд валаськы-а, что тонэ нылъёс кулэ уг каро? Мын татысь, донгаськыса эн ветлы!" Со мон шоры кудӟемско- дерзко учке но киыныз туж неприличной движение возьматэ но предпоследний глаголме мыным предлагать каре. Мон шуисько:"Тон *****?! Мын татысь, милям тӥни туганъёсмы сыло учкыса." Нош со, мыжгыса лэзён люкет, шуэ:"Ху**  тати ветлӥськоды, туганъёсты ке вань?!" Мон чалякгес вӧзысьтыз кошки, ато охранникъёс милемыз поттыса лэзьысалзы, дыр, клубысь. Дискотекаослэн эксеез, блеать.

Фу. Потыку куинь пиос жиптӥллям нылашез. Нылаш лэзьыны косэ, нош соос уг лэзё. Фу. Фу.

Асьсэды олокин кожаны кутско кадь. Пырон азьысь кызъёс вӧзын кизяса сылыса.
Мыным возьыт. Странь.

23 апр. 2015 г.

БУДӥллям

21 оштолэзе очной диктант гожъясьёсты ӟечкылазы. Кытын меда кожаськоды? Сахарын, конечно. Сыӵе со всё-таки странно. Сыӵе йӧн-йӧн мероприятие кадь, и фотоос пуктылӥськод юбка-дэрем-футболка фонэн. Ну и еще Пронин юмшан фотографен вдобавок со фон вӧзы.
Мукет инты сюрымтэ, лэся (УдГу библиотека? Буш сылэ кадь).
Сылӥсез сылӥз, пукисез пукиз.
Олокӧня вал номинациос. Соосты можно лыдӟыны БУД группаысь.

Мар монэ паймытӥз.
"Удмурт дунне" редакциысь ужасьёс. Сыӵе дерзкиесь. Аж паймыса кошки. Ну журналистъёс сыӵеесь луыны кулэ, дыр. "Я,-шуиз огез Белослудцевлы,- эн кырӟа микрофонэ, кырӟа микрофонтэк". Нош огез Пронинэз адӟыса, кудӥз тушо (тодӥсьтэмез бигер но кожа, дыр), боз-боз шуиз:"Со эшшо удмурт сямен вераське-а мар-а?"

Висъяме потэ нуисьёсты.  Сыӵе гань-гань потӥзы, мыло-кыдоесь. Королёв Максимен Лукерья Шихова вал. Максим вал туж спокойной нуись, а не как обычно тэтчась атаспи кадь. Нош Луша туж ачиз кадь вал. Сыӵе образ вал: божий одуванчик, но туж визьмо, сэзь божий одуванчик. Серекъятыны быгатӥзы учкисьёсты. Янгышамъёссэс серем карыны быгатӥзы.

Мыло -кыдо вал кадь. Только кема кутскыны выризы. Ну со как обычно.

18 апр. 2015 г.

Неграмотной адями

Гань-гань сайкай туннэ 12 часэ нуназе. Толон изем луытэк почти 3 часозь конспектъёс гожъяса пукемен, туннэ нуналэз шӧдытэк, ваньзэ вунэтыса изиськем.

Звонитьто мыным:
-Тон мар, ӧд ветлы-а мар-а Бадӟым Удмурт Диктантэ?
-... Блеать.

Ну короче мон вунэтӥськем. Кыштыр-кыштыр душе мынӥ. Душ улын тодэ лыктӥз: о! можно ведь радиоез кылзыса гожъяны. Пуки возьмаса, ку кутскозы. Гожъяй.
Капчи, пе, диктант. Аха. Дас пол. Сомында собственной кылъёс дак. Кудзэ кызьы гожтыны ик незнай, кудаз кавычка пуктыны ик паймоно. Да и вообще. Мон неграмотной адями. Сояз аре кызьы ке умудрилась 92 балл люканы, таяз ӧжыт ик луоз, дыр. Пуки малпаськыса: "Лэзёно ик-а, ӧвӧл-а?" Ай, ярам, лэзи электронной почта пыр. Учком ини.

17 апр. 2015 г.

Ма маро сооо

Толон мынам духовной наслаждение вал.

Милям кутскизы Кормановской лыдӟонъёс. Б.О. Корманлы сӥземын. Ортче кык нунал.
Мон ветлӥ "котырес ӝӧке " кытын вераськизы туала Удмурт Элькунмылэн литератураез сярысь. Кызьы удмурт литература влияет ӟучез вылэ и наоборот. Ӧжытак бигер литература но сярысь кыл поттӥзы.
Мон синмаськи Татьяна Григорьевна Владыкиналы. Копак.

Собере малпай азьланьтыны духовной наслаждениме. "Туннэ ведь Эль Ныл",- малпай мон.
Но не тут то было лэся.

Маин кутскыны ик уг валаськы.
Умойзэ верано, дыр. Та вал пиршество Пургинской модельеръёслэн. Незнай, кыӵе ке соослэн бенефиссы будто. Трос вал соос. Даже Пургалэн тӧроез лыктэм. Таки ӧй вала малы. То ли солэн нылыз модали, то ли мар.

Кутскиз та мероприятие туж чебер. Светэз кысӥзы, кельтӥзы кык ӝуась лампаосты выж вылэ. Лэзизы Чайковскийлэсь гурзэ. Йӧно, чебер модалиос потӥзы Полина Кубисталэн шикарной дӥсьёсыныз. Нош подиумлэн пумаз ог 15 пала туспуктӥсьёс, кудъёсыз беспрестанно туспукто. Богемной атмосфера (татын г букваез с придыханием лыдӟоно). Выжыкыл.... "Ну,- думаю, - Эль Ныл будӥз куинь ар куспын". Считай, Ижкарлэн музеяз ортче, настоящий (ну почти) подиумен, кудӥзлэн дуръёсаз пуконъёс, трос интыен, прекрасной видэн (пруд туж чебер адӟиське). Мечта. Сейчас мынам мероприятие бере эстетической наслажденилэсь конвульсиос кутскозы. "Ну, - думаю, - бертыса гожто сразу: Эль Ныл будӥз. Филармониысь выжиз таӵе курутой интые".
Не тут то было.

Та прелестной кутскон бере кутскиз ӝук. Оказывается, Дарали и ӝытэз нуись но, и крезьгурез вошъясь но. Крезьгуръёс, естественно, сураськыса но лэзилӥськизы, нош зрительёс, пока модалиос дӥсьсэс вошъязы, Пурга тӧроез кылзыса улӥзы, например (не весь, конечно). Даралилэн юрттӥсез ке луысал, ваньмыз умой луысал.

Вань со ог 15 фотографъёс ышизы-быризы кытчы ке.

Ӝыт люкемын вал кыклы. Но кызьы ке равномерно люкемын ӧй вал. Нырысетӥ люкетаз вал трос дизайнеръёс, нош кыкетӥяз куинь-а ньыль-а. Зато модной перфоманс вал.

Коллекциос вал туж пӧртэмесь. Учкыны вал мар шоры. Татьяна Москвина паймытӥз. Сыӵе ненегесь дэремъёс. Мон даже ӧй ик малпа вал. Катцуро вообще... Со как всегда тунсыко. Сыӵе вдохновение солэсь басьтӥськод. Кудымкарысь дизайнеръёс. Сыӵе огшоры тӧдьы басмалэсь дӥсьёс пужъятэмен. Лаконичноесь туж. И футболкаоссы крутоесь. Пилин! Ну со вообще! Солэн войлоклэсь шапкаосыз... Дыр луиз ке, мыноно Бурановое, солэн, пе, отын музеез вань.

Мар верасал модалиос сярысь. Нырысетӥ бичамысь модалиос, конечно, со вообще идеалъёс. Дыртытэк,  чебер вамышъяло. Егитъёсызлэн, видимо, кышканзы туж бадӟым вал. Со шӧдӥське вал ветлэмзыя.
Зэмос модалиос кадь ӟызыесь, кузь куко. Чебересь вообщем.
Няшной куинь пиос вал. Сыӵе ӥӧноесь потӥзы соос мыным, ӧжытак вӧстэмесь (правда S-BAR-ысь адӟыса, со впечатление пачылмиз).

Эль Нылэз ӧз быръе.  Пумыз вообще кыӵе ке смазанной вал.
Нылъёс сыло в чем попало вообще. Сояз аре, мон тодӥсько на, соос сыло вал кузь чебер дэремъёсын.
Тани, пе, нылаш, кудӥз кельшиз Широбоковъёслы ("Азбар" мастерской, пулэсь лэсьтӥськисьёс) и ме, пе, тыныд кузьым. И басмаосын вузкарисьлэсь сертификат тужгес но кельшымоноезлы дизайнерлы.
И всё. Кытын сяськаос, кытын кузьымъёс? Наверно, спонсоръёс ӧй вал. Собере, конечно, сюриз спонсор, кудӥз сяськаос кузьмаз автэпатиын. Ну ярам.

Чынзэ вераса, сояз аре Эль Ныл красочнойгес вал. Шӧдӥське вал, что со зэмзэ но праздник кыӵе ке. Сяськаосын, кузьымъёсын. Хоть туж пичи, ӝокыт интыын ортчиз.
Татын сомында интыез вал.
Ой всё. Мон ӧжытак в расстройстве. Таӵе дыръёсы ненароком тодэ лыкто веранъёс, что удмурт активистъёслы ӵошен лэсьтоно мероприятиосты. Ӵошен пуксьыса, малпаськыса.

Таин всё.

13 апр. 2015 г.

Висись, пе, мон

Не. Мон, конечно, сыӵе ярой ӧвӧл болельщик всякой шудонъёслэн. Но Юмшанын сыӵе реклама сётӥзы, что Ижстален Торос шудыку Эктоникаез, пе, лэзьялозы. Пфффф, малпай мон ас поннам синъёсме питыртыса. Ну, ярам уж, кызьы уд учкы. Тунсыко кадь потӥз.

Ёмаё, жади кадь напряжённо кылзыса. Пельме телефон бордам ик лякыса, алама кылӥське кыӵе крезьгур лэзё.
Нырысетӥ периодын лэзизы "Чеберина" кырӟанэз. 5 секундлы. 13 минут кыле на вал нырысетӥ период бырытозь, Ижсталь пыртӥз шайба Торослы.

Кыкетӥ периодын удмурт кырӟанъёс пӧлысь лэзизы Аня Камалилэсь ремиксэ. Кудзэ мырдэм но кызьы пельы кылӥз. Даже ӧй валасал, что сое лэзизы, ӧз ке верасалзы. Тожо 5 сек. Со бере ик Ижсталь пыртӥз шайба Торослы.   Собере вал Белослудцевлэн кырӟанэз "Кылзы сюлэмдэ". Быдэс куплет!  Даже татын Ваня красавчик (татын кулэ луыны сыӵе звук: щелчок кылын). А собере вал Айкайлы лэсьтэм ремикс. Кутсконэз. Тожо 5 сек.

Ну ок. Дальше учком. Капец, кыӵе кема реклама мынэ. Пока отын ял каро, лэзьяло меда удмурт кырӟанъёсты?

Ну. 18 минут кыле на вал 3 период бырытозь, Ижсталь пыртӥз 3-тӥ шайба. Лэзизы Уллапалалэсь кырӟанзэ. "Мон удмурт Джеки Чан для безликих ижевчан. Это кубиста коча..." И кысӥзы короче. Вообще в тему кырӟан, аха.
3 минут кыле на вал лэзизы Анисимовез-Тимерхановаез-Котельниковез "Ял карелэ, кидэс чабе..." 10 сек. Нырысь ӧй вала мар кырӟан шуыса. Нефтекамскъёс но кожазы, дыр, что за фигня. Мар ай таос башкир крезьгур лэзизы шуыса.
Ну и шумпотыса, наверно, Торос пыртӥз нырысетӥ шайбазэ берпуметӥ минутъёсаз 3 периодлэн.
3:1 счёт. Ижсталь вормиз. Эшшо шудозы на Торосэн Ижсталь "Братина" кубок понна.

Луоз-а уз-а срач ӟучъёслэсь, что удмурт кырӟанъёс лэзьязы шуыса?

10 апр. 2015 г.

Сюрес

Доре бертон нунал. Буммаше вокщё мыноно луиз, автобусэн бертэм оз поты, акылес (пересадкаосын бертоно луэ). Гуртысь трос адямиос Ижкарын, котькуд арня бертало. Сылиськом магазин сьорын возьмаса нуисьмес. Пуктэ син азяды суред: пичи мугоро ныл сылэ кожаной курткаосын пиос возын. Мукет синмын учкыса, оломар кадь адзиське ик, дыр)

Дынгыр-дангыр, олокыти потимы буммашысь Ленина ураме. Вокщё олокыти мынимы, зато пробкаостэк. Вань сюлме пырись интыости туннэ ортчи кадь. Сюлэм позыртиськыса кыле. 

3 пичиос мыно. Огезлы 3 арес кадь, мукетэзлы - 7, куинетиезлы - 10. Оломар но зульыса мыно. Агрыз пала вуыку мугор жадиз, олокызьы пукыса...
Кырзан бере кырзан... Йыр поромиз ни кадь. Эшшо пичиос дугдытэк верасько. Проигрывательын Богдан шудыны кутскиз. И со 3 аресъём ныл мынэ конгыль-кангыль кырзаса:"Опа вал но скал!" А водительлы акыльтэ, жыны кырзан кылзэ но мукетсэ лэзе. 3 аресъем ныл тожо переключается:"Остэ, остэ, ачим ой вала мар та!" Осто, мар кырзанъёсын будо. Возаз эшшо 10 аресъемез кырза.

...Мамазы удмурт сяин вера нылпиосызлы, нош соосыз зуч сямен вазё, прекрасно удмуртсэ валаса. Мамазы о:ч карыса кадь юри вераське удмурт кылын, нош соослэн зучгес кошке. Куддыръя удмурт кылзы но пыре.

Возам пукись пи юа мынэсьтым:"Мар ке со али переделывать уг ни кар кадь. Оветь? (Богдан сярысь юа)" Мон:"Уг ни кадь". Пияш:"Серекъятыса оломар кырза. Ваньзы озьы быгато. Оломар гожъя но кырза". Мон:"Бон малы ке нокин уг кырза ук". Пияш:"Азьтэм берёт". Андреевлэн "Удмурт нылаш" кырзанэз чузъяськыны кутскиз. Пияш:"Вань уг ай "Удмурт кылбурчи" группа. Вот отын кылбур бере кылбур та выллем смыслэн кылбуръёс". Мыняй. Ярам, лыдзиськод ке, валаськод ке. Туж умой ини.

...Пичи Пурга, Агрыз, Иж-Бобья, Иж-Байки, Мордва, Терси, Русская Шаршада, Нижнее Кучуково, Тукай, Кырынды, Кичкетан, Варзи-Омга, Сьод Ошмес, Усое. Пеймыт Усое. 

...Бусыосын ву пуке ини. Тулыс кузёяське ини. Омыр мар ке мында. Вокщё пеймытэн доре вуи. Урам воже кельтизы. Сач-сач дэрие лёгиськи. Урам шорын резинка сапег воштыса сыли. Собере сач-сач пазяськыса, пычыр-пачыр дэриез нельккыса урам шорти доре вамышти. Мар ке эшшо юбоысь тылъёс уг жуало. Зато кизилиос... Чылк-чылк инбам. Кезьыт омыр. Доре пыри, штаниелэн пидэсаз копак дэри пазяськем. Ильяе изе ни. Мама паймиз кадь берти шуыса. Вераса ой вутты вал берто шуыса, телефонэ пуксиз. 

7 апр. 2015 г.

Удмурт кино кулэ.

Блин, кин ке снять карелэ тожо Хуциев кадь удмурт "Пӧсьтолэзь зор" :) Конечно туж пессимистичной кино, но зато чылкак удмуртъёслы кадь.

Мон подсела Хуциев но Калик вылэ. Соос классноесь. А еще милям туж тунсыко ортчо берпуметӥ дышетскон параосмы. Милям вань парамы "История кино" нимаське. Оломар но учкиськом.


Куазь оломар кадь просто

Малы меда бадӟымъёс асьсэды бадӟым карыны ярато? Асьсэды туж опытной кожало, улонэз адӟем каро? Кутско дышетыны улонлы вокщё мурт адямиосты? 3, 5, 10 арлы бадӟым тынэсьтыд адями и всё. Соос пичи каро тонэ. Мае, пе, тон та улонысь валаськод на? Да, а тон валаськод троссэ 15 аресад пияса, уске пинал дыръяд тордыса ветлыса, яке кыти но оти ветлыса, пинал лэсьтыса . Трос сыӵе "улон адӟем" адямиос, аха.

Школаын но озьы ик. Тросэз дышетӥсьёс малпало, что нылпи со - нылпи, номыре валасьтэм мар ке. Ачимъя, конечно, валасько кадь. Мон но ӧжытак дышетӥ, туж секыт кадь пичиосты аслыд наравне карыны. Но кулэ. Сотэк соос тыныд уз оске, пичиос валало прекрасно, ку тон соосты нуны чот возиськод. А собере дышо, 18 арес беразы но анайзылэн чыртыязы лэйкало на топок курыса. Озьы ик ваньзы сое пичи каро, а солы то мар? Ответственность ӧжытгес ук. Нош соос будо, собере асьсэды визьмо кожаны кутско. И луэ замкнутой круг. И неважно, что со круге пыро мукет сямен воспитать карем нылпиос. Чынзэ но визьмо нылпиос.


2 апр. 2015 г.

Нуналысь нуналэ

Топ, топ, топ. А кудыръя шарк, шарк, шарк. А кудыръя цок, цок, цок.

Смотря кыӵе ӵукна настроение луоз. Ветлӥсько котькуд ӵукна (котькуд!) универозь пудэн 3 остановка. Нырысетӥ паралы. Дас витьтэк тямысэ потӥсько но вамыштӥсько. Соку ик азям сюре кузь куко нылаш. Видимо со мынэ ужаз та дыре. Собере сюре туж мусо пияш мар ке быдӟа сумкаен. 4 классын дышетске, дыр. Собере таза нылкышно. Кудӥзлэн лыз штаниез сапегаз туйылэмын. Ужан формаез, дыр. Гылӟыны курда, ӵӧж кадь мынэ (али но кыти оти чурыт йӧвалег лымы пуке на). Австоянка буш на, жыльямын. Потӥсько сюресэз. Азям - нылаш песочной цветэн пальтоез. Тӧдьы йырсиё, мунё кадь. Только бызырмемын. Ну дӥся вал уске шуныт курткадэ, котькуд ӵукна шымырскыса, йыртэмпол мынӥськод ук. Минингит кутод ай тани. Ой, собере нылкышно, кудӥз почти скандинавской хотьбаен выре. Бодыостэк, просто киосыныз озьы каре, будто бодыосын. Сьӧд очкин, йӧно, лапег. Чорк-чорк вамышъя.
Нош берло кык нунал ӵоже адӟисько воргоронэз мар ке быдӟа спортивной сумкаен. Хоккеистъёслэн кадь. Кытчы со ветлэ сыӵе вазь собыдӟа сумкаен?

Ветлӥсько тӥни озьы учкыса. Вань машина маркаосты дышетӥ ни кадь, скоро видъёссыя тодманы кутско ини. А мар карод со кузьда сюресын?
Инкуазь, кар воштӥське котькуд нунал. Кырсь потэ лымы улысь. Таиз мылкыдэз куашкатэ ик.
Но трос шундыё нуналъёс ӝуто.