30 мая 2014 г.

Психоделика

Кӧшкемыт уйвӧт.
Кыӵе ке гуртын, акшан вакыт. Шур дурын, бус кыстӥське ву вылтӥ, кыӵе ке нылъёс лусьтроесь, тӧдьы дэремъёсын, син улъёссы сьӧдэсь выдэмын пыж пушкы но озьы уяло. Нош кыдёкын ӧвӧл кыӵе ке бигер нылъёс экто национальной костюмъёсынызы, чебурек сиыса.

А М. пересьмем ини и мыным весь гань-гань улыны маза уг сёты на.

И кыӵе ке кузь, ямсыз кый.
Фу. Али лекциын пукыса тодам ваи уйвӧтме.

27 мая 2014 г.

Артквадрат

http://vk.com/page-70796724_47158743
Мынэлэ туннэ татчы. Мон уг вуы отчы туннэ. Нокызьы уг луы.

Тунсыко маке. Сояз аре ветлӥ вал.
Сояз аре кадь ик, таяз но трос удмуртъёс пырисько. Денис Корнилов, Ксюша Ворончихина, Женя Бикузин, Жон -жон Сандыр, Никита Ильин.  Может эшшо вань на. Кин тодэ?
Ӟуч эше но пыриське. Паймымон кадь. Туж талантливой адями. Возьматӥз вал ужъёссэ.
Ветлэ. Просвещение ӧжытак

кылъёстэк...









26 мая 2014 г.

Выпускникъёс

Васькисько дугдылонниысь кыз нюк дортӥ. Шулдыр милям отын. Вож-вож кызъёс, векчи сяськаос, ошмес бызе, нош нюк шорын ик бадӟым ива (бадьпу вал-а?) будэ. Толалтэ отчы нискыланы ветлӥськом вал.
Васькисько значит, адӟисько мар ке школьникъёс отын. Ааа. Берпуметӥ звонок шуккем бере люкаськиллям луоз. 3 арзэ озьы люкасько ини. Быръё самой усто нылашез но пияшез выпускной классысь. Пӧртэм ӵошатсконъёс лэсьто. Нылъёс тӥни веник керттыны туэ дышетскиллям кадь, эшшо табань пыжыны. Пиос точнозэ уг тодӥськы мар каро:-) Собере синпель вормисьёслы сёто. Тӥни нылаш чебер, пужъятэм ӵушконэн. Со ик кузьымзы. Нош пиослы мар сётӥллям незнай.
Мукет школаосын лэсьто берпуметӥ звоноксы азьын "день детства". Туж пафосной мар ке мон понна. Лыкто школаязы пичиос кадь дӥсяськыса, шудонъёсын но быдэс нунал ортчыса ветло. Бестолковой мар ке.
Кыз нюк тыр табань зын. Ортчо, шутэтско. Тӥни кутэз гозы борды думылыса шудо.
Монэ но нюке васькытӥзы табань сиыны.
Директоренымы вераськыса сылӥмы.
-Кызьы толон ортчиз берпуметӥ звонокты?
-Ой. Полной цирк вал. Куинь звонок линейкалы шуккимы но ураме, школа азбаре потӥм. Шальтр! карыса кисьтӥз ук зор! Чаляк бызьыса пыримы школа пушкы. Возьмам. Зор быриз. Потӥм. Табере тӧл потэм. Мукет палаз мынӥм азбарлэн, ыркыт интыяз. Всё равно кезьыт. Школьной автобусэз но пригнали, тӧлэз мед кутоз шуса. Собере психовать карыса пыримы актовой залын ортчытыны. Кутскимы гинэ но шунды потӥз.
Ачиз гор-гор серекъя. Угось милям директормы тузи, шоккетэмез но вала, ачиз но серекъя.
Ӧжыт только школаын адями кылем ини. 80 мурт гинэ на, пе(
Ми дыръя ито 100-эсь трос вал...












кыз нюк

кыз нюк

кыз нюк

кыз нюк
туэ выпускникъёс.

24 мая 2014 г.

Фотоос

Ветлӥз удмурт дискотекае ПРОФЕССИОНАЛЬНОЙ ФОТОГРАФ (Электроникъёслэн льӧль малпанзы вал ук сое ӧтьыны). Ну ничо так фотоосыз. Только номыриныз пӧртэм ӧвӧл Барминлэсь. Разве что умой обработать каремын и всё.

Фонзэ воштоно ни, дыр, просто. Собере фотоос но тунсыкоесь луозы. Весь учкем уг поты уг кызьы, например, али ваньзы пуксьыло улмопу сяськаос пӧлын. Син жаде одӥг фонэз учкыса.

Бертон сюрес

Бертон сюресэ потӥ. Толон сайтысь учки автобусъёслэсь ветлэмзэс. Лыктӥ туннэ ӵукна центральной автовокзалэ. Агрызе, пе, автобусъёс уг ветло милям. Мар уске сайт лэсьтӥллям, ку отын номыр но обновляться уг кариськы? Психовать карыса таксист доры лыктӥ. "Алнашозь,- шуисько,-кӧня?" 400 манет шуиз но синъёсы кымесам тубизы кадь. 400??? Ма, пе, автобусэн 290. Мда... Кытчы питырске улон? Али гинэ кадь 260 манет вал, нош таксиен 300. 1500 стипендие шоры учкыса пуком шат? Малы студенъёслы ӧвӧл скидка транспортлы? Что за нах?!

Берто ай пересадкаен. Агрыз пыр 230 манет тыр бертӥсько.

23 мая 2014 г.

Ваулиналэн позыръяськонэз

Асме туннэ мырдэм валес вылысьтым ӝутӥ. Синъёс лякисько, изем потэ, нош йырын малпан: туннэ 4 пара. ньыленыз но гужем экзамен. Бӧрдэм потыса ик султӥ. Изи 3 час гинэ. Ма Пепелац бере одно олокытӥ калтыртоно ук ай, тодыса но, что ӵуказеяз нырысетӥ паралы мыноно. Ма ярам, таяз уважительной причина вал...

Ӝыт кутскиз БВИ-ысен (сиськемын нуназе, бокс бере мынэмын сразу клубе). Мынӥмы Таняен концерт учкыны (вообще-то концерт сӥземын культпросветлы. 4 ар туэ тырмиз). Нина Карлссон, пе, кырӟалоз. Сайлентъёс эшшо. Шулдыр, конечно, но ӧжытак дежавю. Ручкина туж быгатэ учкисьёсын вераськыны, соослэсь мылкыдзэс ӝутыны. Выль кырӟанъёс ини кылэм потэ та группалэсь. Туж.

Нина Карлссон. Туж паймымон но тунсыко кырӟась. Маиз сразу синэз паймытэ - солэн туж, нереально кузесь киосыз. И со весь киосыныз "эктэ" кырӟанэзъя. Куараез, конечно, туж шикарной. Опера удысын выремын,  дыр.

Собере мынӥмы Пепелаце. Ваулина туннэ нуэ (кыӵе со чебер дӥсяськем...) Мыным солэн нуэмез кельше, нежели Наговициналэн но Степановлэн. Быгатэ со вераськыны учкисьёсын. Хотя Эркишев Поздеевен критиковать каризы сое.
 
Туннэ Анфиногеновлэн (Дыдыкаен огзэ кырӟазы) выль кырӟанъёсызлэн премьераез. Паймытӥз ӧжытак. Пепелац клублэн контенгентэз сярысь сыӵе кырӟан. Смачной. Горжак куке шуиз вал (аслэсьтыз льӧль малпанъёссэ шараяз):" Мон, пе, представляю, что гуртысь пияшъёс машина тыр кылзо "Шонер пияшез", но ёроссэс котыръяло.

Кырӟазы на Ганьков,  Тимерханова, Котельников.
Кыӵе эшшо событие на? А. Эркишев, пе, кошке диджей удысысьтыз. Ваулина серекъяз:" Бадӟым кӧтыз пичияз ке, обратно лыктоз". Озьы. Зато со интые выль диджей (мон малпамъя) Саша Митюхин. Мусо гинэ, котьку мынясь пияш Улӥ Юриысь.

Адямиос мар ке сьӧд дӥсен тросэз вал. Паймымон. Ку ваньзы клетчатой дӥсен, ку эшшо маин. Вераськыса будто дӥсясько)

Ӝокытгес вал. Адямиез тросгес вал кадь, соин. Пыримы но клубе, адями очередь охранникъёс дорозь, ява. Пайми. Нырысьсэ адӟи таӵеез.

...Урамтӥ эшъёсыным поръямы. Ӵукнаозь. Кыӵе трос омыр машинаостэк но адямиостэк. Город тыр чирдо тылобурдоос. Чорыгасьёс чурен пуко оӵ дорын. Идиллия. Шунды сайкам бере эшшо но...

22 мая 2014 г.

Ӝытэз возьмаса

Этот. Мар ай. Туннэ ведь берпуметӥ удмурт позыръяськонъёс. Сӥзьылозь.  Мар возьмасько туннэ ӝытлэсь?  Да номыр. Огшоры котьку. Акыльтэм, дыр, ни 2 ар ветлыса. Яке вокщё позыръяськонъёс акыльтӥллям а?
Быдэс ар фотое пуктылӥсь вал. Нырысь тунсыко вал, нош собере мӧзмыт. Весь одӥг кадь атмосфера. Отчы котькуд ар выль фотое пуктылӥсь кулэ, дыр.
Таяз адямиез но ӧжыт луоз, дыр. Хотя. Кин тодэ? Эктониказы луоз ук.Удмуртъёс соосты ярато.
Адӟом ини. Ӝыт туннэ мынам насыщенной луоз.

19 мая 2014 г.

Гуртын

Осто. Кыӵе гуртын верантэм чебер... Выемын вож, ӝужытэсь, пересесь писпуос пӧлы. Котыр потылэмын весчи сяськаос.

Котыр ческыт зын вӧлмемын. Улмопуос, льӧмпуос, сирень но усьтӥське ини.
Великен Ильяен ворттылӥськом.
"Ой, -шуисько,- кыӵе ческыт зын..."
"Льӧмпу со", -шуэ Илья.
"Малы меда весь тазьы уг сяськая, "-ӝожтӥськисько.
"Бон улмо собере потоз отчы, сяська интые," - вазиз мыным.

Наоборот вераны мон кулэ вал, дыр, солы озьы))

Возьвылъёс, сюрес дуръёс  вож-вожесь (скоро со ваньмыз гужектоз, скалъёс, ыжъёс пастухе поттэмын ини). Сюлэм шымыртӥське таӵе шоры учкыса.

Весь куартолэзь мед луысал)

15 мая 2014 г.

Чипчирган

Шокпуль луыса, бызьыса вуи Чипчирганлэн отчётной концертаз. Тренировка йырин.

Ганяк кариськыса пукси но учкыны кутски. Сразу синме йӧтэ: калык залын трос (кылем аре ӧжыт вал), Чипчирганъёс но тросгес кылем арлэсь, выльёсыз лыктӥллям (вӧстэмесь на). "Пересьёсыз" йыг-йыг сыло ини сцена вылын.
"Ку ини, ку эктыны кутскозы,"- пуке вӧзам ӟучомем эше.

Кутскизы. Сюлэм ик юнгес йыгаськыны кутске шоразы учкыса, кезьыр-юзыр луыса кошкиськод.

"Это ведь круче любых dram and bass",-шуыса учке:).

Чипчирганэ ветлытэк но со мыным туж мусо но родной шуод-а мар-а... Кызьы валэктон сётыны уг быгатӥськы.

Нырысетӥ курсын тодматски Тихонова Таняен. Со йырин, каллен, ачим валатэк синмаськи Чипчирганлы. Ачим валатэк дышетӥ кадь кырӟанъёслэсь кылъёссэ. Таня котьку но комнатаын кырӟа, керттӥське -а, сиён-а пӧра... Выль эктон движениоссэ дышетэ... Мон азьын монистазэ лэсьтӥз, дуно кышетсэ ыштыса, выльзэ басьтэмзэ тодӥсько на :) Кызьы, кытчы ветлэмзэс вераса пуке. Йыркурзэ, шумпотэмзэ..
Ӵем люкаськыло комнатаямы Чипчирганысь нылъёс, пуко, кырӟало.
Таня поннагес но мон валатӥськи кадь - мон удмурт ук, яратоно удмурт кылме,  гажано удмурт культураез, историез (туж пафосно, конечно, али гожтӥ, но со зэм но озьы). Просто со дырозь йырам со ӧй вал. Неосознанной удмурт, шуод-а мар-а...
Таня шоры учкисько но паймисько вал сыӵе удмурт культураен тунсыкъяськеменыз.
Собере Бикузинэн тодматски.  Тожо пайми туж зол тунсыкъяськеменыз удмурт культураен (ма ваньмыныз вообще-то). Та кык адямиос мынам сузэре но агае кадесь.

Таня табере берпуметӥ курсын ини... Тросэз Чипчирганысь берпуметӥ курсын ини. Ваньзы ӝожомизы берпум кырӟаназы. Аслам но синкылиосы соос шоры учкыса питырскизы. Будто ачим ветлӥ та ансамбле.

Самой самобытной шуысал удмурт ансамбльёс пӧлысь Чипчирган. Пафосной ӧвӧл. Учкисьёслы матысесь. Айкай, Эктон корка кыӵе ке недостижимоесь (главной табере эшъёсы сыӵеесь медаз луэлэ, кудъёсыз отчы ветлыны кутскизы).

40 ар тырме ини сояз аре Чипчирганлы. 40. Нош Пчеловодова кошкыны турттэ. Интызэ сётэ. Жаль кадь...


14 мая 2014 г.

Камали.

Туннэ Удмурт драмтеатрын ортчиз туала удмурт кырӟан  "Камали" студилэн концертэз. Нуизы егит артистъёс Костя Исаков но Настя Шубина. Даралилы шуисько:"Ааа.. Бесит правильно верасько ке удмурт кылын..." Со ганяк гинэ вера(али сыӵе йӧно нылкышно луэмын, йырсизэ ӵышкем ):"Сергеева, тон безграмотной адями малыке шуоно удмурт удысын. Так что шып! пук." Ярам, уг споръяськы. Зэм но. Вӧзам же удмурт удысын образованной кык удмурт филолоос пуко - Белослудцевен Тубылов.
Дарали сьӧраз пакетэн ваем басма-образецъёс. Камалиослы, пе, дӥсь вуроно.  Озьы, пичи дырысенызы мед дышозы сцена вылэ потаны нестилизованной удмурт дэремъёсын.

Концерт кутскиз. Мусо, пичииииии гинэ нылаш потӥз нырысь. Юля Романова . Таш-таш вераськемез но уг луы на, но сыӵе йыг-йыг сылэ сцена вылын.
Тужгес но шумпоттӥз Полина Келарева. Кыӵе со эктэ, кыӵе со кырӟа. Мусо дак! Зэмос артист луоз ини. Син гинэ медаз усь. Туж усто кырӟазы Женя Барановен ӵош. Бадӟымъёслэсь кырӟанзэс пичиос ке кырӟало сыӵе со маскара. Умиление прямо.

Камали кырӟасьёс шоры учкыса, дышетӥсьёссылэсь выросъёссэ адӟиськод. Аня Образцоваез тӥни Ручкина Света дышетэм эктыны. Адӟиське сразу. Образцова паймытӥз таяз зэм но. Белослудцев но паймиз кадь, таӵеен, пе, адӟеме ӧй вал на. Мукет шӧмоесь кырӟанъёсыз. Бохо -бохо кызьы мон ас поннам шуисько). Ярам, умой со. Ваньмыз одӥг кадь медаз луы.

Тросэз пӧлысь адӟиськод: тани таиз луоно Алина Антонова, таиз, может быть, Котельников Ваня, нош таиз Тимерханова Алёна чылкак :)

Учкисьёс пото сцена вылэ сяськаосын, уг чидало чупатэк,  вешатэк пичи артистъёсты. Уню-нюнь.

Берпум кырӟаназы потӥзы анайёссы. Нош ик сыӵе умиление. Мур-мур.. шуэм потэ. Мамаелэсь мӧзмыса ик кошки кадь.

Сыӵе со пичи мусо комокъёс тыршо.

Вӧзам Тубылов тожо пуке умилённой ымнырын.

Каньыл мылкыд таӵе концертлэсь кыле.
Выль вормонъёс Камали студилы сӥзем потэ но тросгес спонсоръёс. Мед эшшо но золгес пушъёз. Эркишев лэсьтэ ӟеч уж.

10 мая 2014 г.

Бусыостӥ, возьвылъёстӥ

Толон чылкак огнам кылиськем каре. Ваньзы доразы бертылӥллям. Огнам калги шулдыръяськись но шумпотӥсь адямиос пӧлтӥ. Собере жингыртӥзы: "Ойдо, пе, ми сьӧры. Фотое пуктылод. Ми клип снимать карыны инты утчаны мынӥськом." Мон шумпотӥ гинэ. Эшшо ке Вавож ёросэ. Ноку но со палъёстӥ ветлэме ӧвӧл.
Танӥ ӧжытак фотоос пуктылӥ.















Чыртыё пужым

6 мая 2014 г.

Бышкаськись Йӧнылэсь булка. (мынам но кылы йылсо)

Мама телефон пыр вера:
-Илья толон кӧльыен -а мар-а лэзем машинае. Бампераз йӧтэм, ӵабтӥськем кадь ӧжытак. Машинаын пуко вал маменыз пиез бускель гуртысьтымы.
Мамаез ми доры пыриз но жоб куараен черекъя (Илья азьын): " Вераны пыри. Пидэс воспитать карелэ! Йырисьтыды йырсиды уз тырмы машиналы ремонт лэсьтыны!" Собере потӥз но кошкиз. Бераз бызьыса потӥ но пиезлы кияз берпуметӥ 1000 манетме донги, басьтӥз, кисыяз понӥз ныр улаз нургетыса:"Ма... Бамперзэ сотэк но воштомы ни. Вуж ини, ӵабъяськемын..." Номыр вератэк пыри. Собере малпасько, вераз меда пиез мон уксё сётӥ шуса. Жингыртӥ. "Бон, вераз-вераз, бон Валя, малы озьы кариськод? Уг яра вал сётыны... Ой табере Ильядэ жалясько.."- таиз но нургетӥз возьдаськемъяськыса. Номыр вератэк кысӥ телефонме.

Эшшо урамын черекъям на Илья шоры. Со тырмытэк ослоп пиез но кылзэ верам пельдэ вандо, берпалдэ бамперам ляко шуса.
Дорын но эшшо тышкаським на.

Мораль.
Со нылкышно, кудӥз ми доры пыриз но милям коркаямы черекъяз, интеллигентной адями считается (ибо солэн ужез интеллигентной). Так что уж ке интеллигентой, со эшшо уг вера на, что адямиез но сыӵе.

Ильяе жаль потэ...

5 мая 2014 г.

Куштӥськем гурт кадь

30 оштолэзе дорам бертӥ. Куазь монэ туж ик шулдыр ӧз пумита. Шунды уг пишты вал. Ӝытпал ик малпам Ильяеным (пичи выны) мыныны ӵужай доры. Сюрес кузя мынонъя фотое пуктылӥ.

Берло учки но фотоосме куаляк луи. Гуртэ куштӥськем гуртлы кельше...



Добавьте подпись


Мулэсь выж. (та выж понна Муважи)





неньнюк шуиськом (так то Нӧд нюк). Азьло татын адямиосты вӧсь каро вылэм, кудъёсыз маин ке провинились. Вуж клуб но вуж больница тӥни сыло


тожо неньнюк


Сабанай шуиськом (официально Центральной. Центральной урамлэн пумыз). Самой пересь урам, самой пересь топольёсын