2 июл. 2014 г.

Кызьы Марина ужаны кутскиз

Кызьы шуо толэзед кутскиз, озьы ик тон сое ортчытод. Мда... Кутскиз со пӧсяса. Пӧсьтолэзь, блин, ведь.

Мон кутски Даралилэн удмурт лавкаяз ужаны.  Мыным же делать нечё, мар ке кароно однозэ. То ли мон энергетической вампир, то ли Дарали. Кыкнамы но ужан нунал бырем бере шу кисаль кадь луимы.
Так то мон, можно шуыны, толон ужаны кутски. Но самой ужез туннэ вал. Фотое пуктылӥ. Собере со фотоосыз вӧтэсэ куяй. Мар но чыры-пыры дауртӥ на.

Асме ыжен чувствую, кыӵе ке беспомощной, визьтэм арбериен. Дышемын суро-пожо гожъяськыны, озьы ик постъёс но вӧтэсэ гожъясько. Дарали черекъя:"Щас, мон тонэ заставлю лыдӟыны Красильниковез или "Удмурт дуннеез", гожъяськод собере шонер!" И ведь номыр уд вазьы, блин. Али но гожтӥсько но малпасько, что шонертэм гожъяськисько, трос ӟуч кылъёсы,  но пока соослэсь удмурт значенизэс утчаны кутскисько, вунэтӥсько мар гожтыны ӧдъясько вал.

Бертӥсько зор ултӥ ӝытпал, ӟигар ик ӧвӧл мар ке, уж йырин боксэ сярысь но вунэтӥськем, бӧрдэм ик потӥз кадь (сыӵе ваниль: мон яратӥсько зорез,  малы ке шуоно соку мынам уг адӟисько синкылиосы ).
Сылӥсько дугдылонниын. Вӧзам егит пурысьтам пияш сылэ. Уд но оскы, дыр. Солы примерно 28 арес, нош ӝыны йырсиез пурысьтамын ини. Ымныраз секыт малпаськон, выемын телефон пушказ. Сыӵе тодэме малы ке потэ вал, мар луиз шуса. Мон паймисько аслам 10 алигес шедьтэм пурисьтам йырсиосылы, нош кинъёслэн ке ужъёссы эшшо но алама...

Собере автобусэ пукси. Вӧзам сыло кык кылтэмъёс но туж мае ке обсуждать каро. До того эмоционально, будто тон кылӥськод кызьы соос ог-огенызы туж зол споръясько, но, на самом деле, шыпыт. Турттӥськод кадь марзэ ке кылыны, но уд кылӥськы. Уд но валаськы, кызьы гипнотизированной кадь учкиськод соослэн вераськемзы шоры. Туж чаляк возьмато киосынызы, ог-огзы бордӥсь синъёссэс вошъятэк. Кызьы меда соос уло? Секыт, дыр.

Автобусысь потэм берам азьтӥм мар ке быдӟа велосипедистъёсын уллё лобатыса кошкиз. Сыӵе курутоесь! Таш-таш рок, дӥсьсы спортивной, вызывающий кыӵе ке тушо воргоронъёс шоре долкаса ик вӧзтӥ ширто. Ох...

Ну тӥ лыктэ лавкае, ява? Милям татын крутой арбериосмы вань.
Можно просто ӟабыльтыны лыктыны)

2 комментария:

  1. :) Ӟечкыласько нырысетӥ ужан нуналэныд! Кытысь ке но утча Удмурт кылын гожъяськонъя кыллюкам (Ижевск, 2002). Сое Даралиен ӵош но лыдӟыны луэ, ваньмон дыръяды шуисько. А так, огъя, вузкаронниды туала ук, соин ик гожъяське озьы, кызьы тӥ вераськиськоды! Мон уг оскиськы, Тон "мынам дэрем потэ" яке "газет сылэ 10 манет" шуыса вераськемедлы. Тон шуиськод, дыр "мынам дэрем басьтэме потэ" (удмурт кылын потэ глагол котьку но кулэ каре притяжательной суффиксэз) яке "газет 10 манетэн". Эн кылзы нокинэ но, со тодосчиосты яке тодэмъяськисьёсты - соос асьсэос нырысь Тон кадь удмурт кылын вераськись ныл мед будэтозы али! Вераськы но гожъяськы озьы, кызьы вераськиськод! Мынам дэмланэ :) Сакыразы пырай, пичигес отын интыез, но та инты мыным туж кельшиз!

    ОтветитьУдалить