Туннэ вазь ӵукна вырӟимы Кабачи гуртэ, Эгра ёросэ. Сюрес кузя дугдылӥм пӧртмаськись писпу доры. До того впечатление кельтэ со... Уг тодӥськы. Просто ымез усьтыса учкиськод со куасьмем писпу шоры. Вайёсыз конгыръяськемын, вӧлъяськемын. Отчы мушъёс но каръясько на. Бортничествоен выро на. Тросэз, пе, со писпу доры ветло. Копак векчи монетаос куямын уго вӧзаз но бордаз но.
Кабачи гуртын ми 2 уйзэ кӧломы воргорон дорын. Олег Николаевич. Со улэ огназ, бадӟым, туж мусо вӧл-вӧл юртын. Котыр будо сяськаос, гидкуазьтӥз ветло курегъёс. Мусо пуныез милемыз пумитаз, а эшшо кык горд писэйёс.
Интыяськеммы бере нуизы клубазы. Со сыӵе туж интересной инты. Дом культуры можно шуыны. Татын вань библиотеказы, читальной залзы, музей выллемзы. Ӧжытак котырским но мынӥмы бускель гуртэ, кудӥз километр кемын но ӧвӧл. Гереево нимаське. Маиныз паймытӥз. Кырыж-бекыр ке но, но татын кылемын на кеносъёссы. Нырысьсэ улонам ас синмыным адӟи та архитектурной сооружениосты:) Вот. Бадӟым семья кадь уло та гуртын. 25 пала юрт гинэ. Туж кемалась пуксем ини та гурт, 1600 -тӥ аръёсы. И али но пуктылӥсько на. Соизлы вот пайми. Пумитазы милемыз отын, капка азязы ӝӧк пуктӥллям сиёнэн-юонэн, забор бордазы чебер ӵушконъёс, керттӥськемъёс ошылӥллям. Татын мон асме олокытын кадь кожай, будто вуи кыӵе ке 20-тӥ аръёсы 20-тӥ даурлэн.
Кабачи гурт вӧл-вӧл. Кыдёкынгес адӟиське бесконечной нюлэс, но гуртазы тожо трос кызъёс. Гопо гурт, прудъёсын. Чебер туж. Тожо кылемын на туж ӝужытэсь кеносъёссы.
Так вот. Со клубзы. Сыӵе отын увлеченнойесь адямиоссы. Мон пайми. Азартэн верало ужъёссы сярысь, туж трос рефератъёс гожъялляло кадь отын. Олокыӵе но темаосъя.
Блог усьтӥмы. Даже кыксэ. Огзэ библиотекаын ужась. Чильтро кабачи нимамы. Мон малпасько та блог улоз. Эшшо огзэ нылаш усьтӥз. Школазэ туэ быдтӥз. Мандаринка нимаз. Может эшшо огез усьтоз на. Пинал дышетӥсь. Туж тунсыко малпанэз. Мед усьтысал. Вот. Туж с интересом кылзӥзы. Может мар но со валазы.
Мукетъёсыз асьсэ мастер-классъёссэс ортчытӥзы кадь. Вот. Ӧй адӟы, ачим кема пуки валэкъяса.
Собере мынӥмы ял карыны. Интеллектуальной шудонъёсын шудыса пуким, кӧт шугмиз кадь серекъяса.
Ӝытпал возьматӥмы Пузкарез. Берысь комментарий:"Весь юо но юо". А мон ведь верай вал, между прочим. Учкизы, нокыӵе публичной комментарий ӧз вералэ. Вот. Кино бере Игонина опять ваньзэс паймытӥз тылэн шудэменыз.
Жумми мар ке туннэ мон, мунчое кошки.
Комментариев нет:
Отправить комментарий