Мылкыд-аръян

Дорысен. Ӵужай (супер-бабушка, аха. Куке но гожъяй вал. Самой кутсконаз блогелэн ) лыктӥз ми доры куное.

"Мар кариськод ини ай, "- юа ӵужай туклячиезлэсь.
"Ма тани, черсӥсько,- шуэ песяй, собере серекъяса дальше вера- ато вдруг куло но, а черсэм ыжгонзы уз луы".
"Оломар вераськод",- вазе ӵужай.

Вераськи ни вал кадь, кызьы пересьёс верасько кулон сярысь. Кышкатэк, серекъяса. Тодыса, что дырзы вуэ ини.

Мон нош али малпасько: ведь 21 арес. Мар гинэ адӟыса вуи ай? Номыре кадь. Самой пестро дыр. Калгы, дышетскы, басьты улонлэсь котьмазэ. Егит вир, егит кужым. Задор,  чебер. Нош дыр то ортче. Ортче шаплы. Дыр ортче шаплы будэмъя, пичи дыръя малы ке со тууууж кема кыстӥське йӧтэ. Эшшо кык-куинь ар и вуоз ини семья кылдытон вакыт. Всё. Эрикед сомында уз ни луы. Пересьмем уг пот, потэ егит мугор, егит кужым.

Песяелы тырмоз 80. 3 поллы бадӟымгес. Мар со та улонын адӟемын но ӧвӧл, дыр.
Пичи дырыз ортчемын война вакытэ, егит дырез война бере. Кулэ ӧвӧл, дыр, татын в красках описывать, кызьы соку улон секыт вал. Со на слуху, почти ваньзылэн песянайёссы-песятайёссы со пыр ортчемын.
Воштыны куинь юрттэ. Берлозэ, ку ми доры выжиз, учкыны секыт вал. Чутык -чатык ке но огпол арняяз мукет гурт пуме мыноз вуж дораз. Али ито пичи сӥяз ни кадь. Кадырез но, видимо, быре ини, жадисько шуэ. Берлозэ пенсизэ басьтыны ветлэм но черласа бертэм.

7 нылпи вордыны, будэтыны, адӟыны, кызьы соос улонысь кошко. 7 пӧлысь куинез (а может кыкез, потому что огез ышемын -быремын) гинэ на кылемын. Ито огзэ 20 ар талэсь азьло адӟемын.
Адӟыны, кызьы картэд улонысь кошке.
Со, наверно, самой секытэз. Куддыръя йырыз кур луэменыз вера:"И малы улӥсько на?"
Даже малпаны ик уд быгатӥськы, просто не представляешь кадь кызьы озьы ваньзэ чиданы.
Шайвылэ мынэ но шуэ:"Вот ведь, чик мыным инты ӧз кельтэ ни бабайед вӧзы".

Видимо туннэ мылкыд мынам сыӵе. Оломар.