Контактысь

Контактысь толон лыдзыса ули гожъямъесме. Ильялэн, мамалэн, песяйлэн, эшъёсылэн вераськемъёссы:
мон дорын куноос. бадзымесь. кема возьмамесь)
выны Илья: "Мама, оти Таня ветлэ" (Таняез Ижысь общагаысь гинэ адземез вань.паймем кадь)
"Монэ Ксюса яратиз, а Зеня (Женя) шоколад сётиз"

P.S."Чей это бородатый мужик?"

***
я: мама,как надо приготовить тесто для пирожков?
мама: это не передать словами.

спасибо, мама.

***
пастухын.
мама вынме дышетэ: вот ӝытъёсы потаськод а собере ваньзэ веръямед потоз.сигареты, девочки, наркотики, вино..
ми дослушать ӧм ни каре...ибо кӧтлы секыт луиз серекъяса)

***

мама мне: в тебе даже 100 граммов нежности нет

***

это ли не счастье работать вместе с семьёй?..

мама милесьтым турынмес уробоын принимает.
мама атайлы: тыныд кӧня верано санегдэ уллань карыса турындэ сёт. 40 аресъемез дышетоно ведь.. тӥни Марина ито валэктытэк но быгатэ, ужамын ке но ӧвӧл.
мон: !?еще мон ужасьтэме кыли-а?
мама: бон тон турын бӧмад ни-а мар-а?
мон: мааааар??
атай: ма,конечно,мон сое сомында ар дышетӥ ни но..соин ик тодэ.

мон тӥледыз туж яратӥсько.

***
мон: кошко мон Иже. уд яратӥськы тон монэ.
Илья компьютер сьӧрысьтыз султыса: тани щас ярато. эн кошкы.

***

мынам песяе туж деликатно посылать карыны быгатэ))
ӝӧк сьӧрын чай юиськом. Женя опять марке исаськыса сое алда.
песяй номырно солы ответить карытэк, спокойно чайной церемонияезлэсь не отрываясь: "мын ай кусоме шер. ато пушнерез турнаны уг луы"

***

песяез сиськыны ӧтиськом. со уг кылы. телевизор учке.
атай: судиться кариське, дыр,ини опять. маза ӧвӧл)
(песяй яратэ милям учкыны кыӵе ке судебной процессъёсын программаосты, незнай мар кожа)

***

ситуация. Казаньын. психовать кариськом.ум тодиське маин бертыны.спорить кариськом.
Бикузин как ни в чем не бывало юа мынэсьтым не в тему (ма как обычно):
-Шаурма сиид ни-а?
-О:й.
Танялэсь юа:
-А тон шаурма сиид ни-а?
-О:й.
-А зря..Со сыче вкусняшка...

***

Илья: Мар ке но йыры висе..
Мама: Кытитыз бон висе?
Илья: Кымыс висе
Мама: Малы бон со висе ай,пие?..
Илья: Иземез потэ..

)визьмо пичи пимы)

***

эше: Телефонэд ачид кадь ик пересь ини..

***

мама (серьезной ымнырын): "Марина, если ке ми ӧм бертэлэ.. (..татын мынам синъёсы примерно таӵеесь луизы О_О..) Ильялы садике мын.

атай но мама губияны мыно.


***

Илья: Чаль, апай, ярато тонэ..

тӥни кинэ действительно кызьы яратэмдэ, ӟыгыръямдэ, чупамдэ уд вала.

***
так-то илья туж визьмо вераське ини.

Илья: Дядяй, дядяй... нууу..дядяяяй...
Женя: Мааар?
Илья: Потты ни ураме великме..
Женя: Бон киыд пыдыд вань ук. Потты ачид.
Илья: Ну потты ини, мон ведь поттӥ ке, курегъёс но потозы...

вала, что солы собере придётся урамтӥ курегъёсты уйылыса гидкуазе обратно пыртыны.

***

-мы с Таней собираемся на удмуртского скорохода идти.
-вы с ума сошли? я не отпущу тебя. там нужен обязательно парень рядом.
-да не надо нам никого.мы и вдвоем справимся.
-хочешь чтобы вас где-нибудь на лесополосе изнасиловали?
-ничего не будет. все будет хорошо. Мы пойдем.
-вот зайду в "Озорник", который напротив общаги и куплю наручники. Будешь сидеть на кровати. И никакого скорохода.(с)

***

Смотри как грациозно и красиво пробежала сейчас перед нами черная кошка. Может кинем в нее чем-нибудь?))
Инна

***

Бикузин пуке ноутбук сьӧрын, ми дорын общагаын. Мон сое фотое пуктыны турттӥсько.

Со: Ну давай, давай фотое пукты. Собере блогад гожтод, что ветлӥз татчы интернетын пукиз, вань сиёнэз сиыса кошкиз.

))

***

Телефон пыр диалог мусо Ильяеным:
-ма каиськод, апай?
-висисько. Тон бон мар кариськод?
-мон но висисё. Монэ стайший группае тубытизы ни.
-бадзым будэмед ни уске.
-о-о. Тон мыным поезд ваёд-а?..

Мозмиськем ини...

***

Бикузин: Висиськод на-а?
Мон (кулӥсь муртлэн куараеныз): О о...
Бткузин: Уске чупаськыны уг яра на!

***

Я: Я второй год теряю свои спортивные штаны.
Сережа: Как ты можешь...
Я: Не знаю, может в шкафу. Надо поискать...
Сережа: Поищи. Может там у тебя вход в Нарнию...

Таня, ойдо учком)))

***

Илья: Апай..(хитрый куараен)
Мон(соя): Мааар?
Илья: Чаль яратоо..
Мон: Сейчас выжме миськыса быдто ни, ява? Собере яратод.
Илья: Яроз.

***

илья: мамааа, вай уксё.
мама: малы тыныд уксё?
илья: моёженой бодыен басьто.(эскимоез озьы шуэ)

***

Мама: Ильяед йырсияз жвачка лякылэм но собере йырсизэ ӵышкем. Табере придурковатый видэн ветлэ.

=DDD

***

Туннэ пришлось параез прогулятьтыны. А соин туннэ интернет пыр тестироваться кариськоно, туннэ лекциен. Туж дотошной вопросъёсын.
Одногруппникелы шуисько: "Тышкало, если подробно ке ӧд гожъя". (а ми соин решили ӵош лэсьтыны) я, я гинэ шуиз. Мон, конечно, солы ӧй оскы.
Ӝыт , значит вуэ следующий веранэн:" Мон ноку но таӵе подробной лекция ӧй на гожъя вал."
"Малы",- юасько паймыса.
"Малпаса ик, что тынэсьтыд пизд**** сиё шуса, гожъяны тырши"

=DDD

***

вчера
Яна:" Ты сегодня похожа на снегиря, который сидит на ветке"

:)

***

Ильяе. Вазь чукна сайкатисько садике. Синъёс улаз изьыса "мешки".
-вот тини трос изьыса син улад мешокъёс ошылиськиллям.
Паймыса син улъёссэ йотылэ.
-овол. Апай. Овол. Оломар вераськиськод...

Сыче мусо)

***

Илья звонить каре: мон гозясисько (гожъяськисько, пе) мынам буясёнэ быриз ини ай..
Мон: фломастер -а мар-а?
Илья: о-о...
Мон: басьтыса ваём-а?
Илья: о-о..

))

***

Инна: Ну, давай сфоткай меня на фоне пожара деревьев!
Я: ))) да тон метафорами вераськиськод! Филолог, ява.
Инна: С кем поведешься- от того и наберешься.

***

телефон пыр.
илья: а мон сёяе ветли.
мон: кытчы?
илья: сёяе.
мон: мар бон отын карид (думаю сейчас валало кытчы ветлиз)
илья: гозяси ( ну гожъяськем, пе), пудболэн шуди.

так и ой вала кытчы ветлэм но мамалэсь юасько.
мама: алдаське со. школае ветлисько шуэ. Дядяезлэсь сумказэ басьтэ но отчы аслэсьтыз тетрадьёссэ, карандашъёссэ тыре. Тунннэ озьы, пе, бакча бере потэм но пуклек вылэ пуксьыса тетрадьёссэ поттэм но гожъяськыса пуке. Пие, кытчы бон ветлид, шуыса юасько. школае,пе. Мар бон сьорад басьтид шуисько. Куинь пампет (чиньыеныз возьматэ ай со), куинь улмо. мар бон отын карид? футболэн, пе, шуди.

мон еще жыны час серекъяй на)))

***

на паре историч.грамматики рус.яз.

.... в начале 9 века восточные славяне соприкоснулись с венграми. и тут ко мне поворачивается Настя со словами: "О, твои родственники".

))

***

мон: всё, кошко. Тон бордись нуны.
Илья: эныыы...
мон: кошко
Илья: эныы...
мон: кошш...
и татын Илья ымме кык киыныз ворсаз. Мон всё равно "кошко" шуисько. Мар карын паймыса пал киыныз ымме ворсаз кыкетиеныз - нырме.

)))

***

Гарри Поттерез учкиськом Ильяен. Илья бызгетэ, иземез потэ ни кадь. акылляське.

мон: учкы ай исьнер вылын лобало. Тон но чуказе потыса, исьнер вылэ пуксьыса лобаны учкы ай)
Илья: я
мон мамалы: чуказе пиды исьнерен лобаз ке, эн паймелэ

)))

***

мынам вынъёсы шузиесь)))))

Женя до того доигрался компьютерной шудонъёсыныз, что уйвота ни соосын. Мама, пе, чукна кылисько кызьы Женя уйвотаз автоматэн ыбылиське (короче автомат куара,пе, поттэ)

мынам коты шугмиз серекъяса.
могдосъёс.

эшшо вань на двоюродной выны. Женя быдза ик 16 арес. Чужкенаке: "жыт пукиськом телевизор учкысаи Андрей потэ комнатаысьтыз лунатить карыса. Тэтча, киосыныз шона, "лымы, лымы!" шуэ". Мон как представила сое...

***

тон мынам и солнце, и воздух, и луна и еще дох** маркено (с).

:)

***

выражаю радость (подпрыгиваю на стуле и хлопаю в ладоши):
"Знаете что?.."
Настя:
"Замуж выходишь!?"
после этого вся радость куда-то пропала.

***

договариваются адямиос мон пыр:
П: в Ачачач (Богданлэн выль кырӟанэз) кык гинэ кулэ, забыл вераны
Т: Вера, мед лыктоз уске ӵуказе. Каром ачачач

мон кулӥ))

***

и узбагойзя уже давай..)) мар ке тон туж боёк туннэ) (с)

***

Илья: вай мыным гож (вож цветэз озьы шуэ) шобрет.
мон (паймемын естественно): маааар?
Илья: гож шобрет.
Мама: Незнай малы со куре шобрет. Мон Алнаше мынон азям юасько:"Пие, мар салам ваём?" "Гож шобрет",- шуэ. Серекъяй гинэ. Бертӥ но юа:" Ваид-а гож шобрет?"

малы солы гож шобрет?))

***

Песяй сие хурма.

Со: "Хурма, хурма... Ним но малпалозы. Хурма- корма. Ситяндэ корма".

))стихоплёт

***

мама: Илья адӟиз Киндер шоколад сярысь реклама но шуэ: "Мыным таӵе басьтысалзы ке,мон песяйлы но, атайлы но, мамалы но, дядяйлы но сётысал". Ӵуказеяз мыноно вал Алнаше. Басьтӥ юри со шоколадэз. Сётӥ. Ваньмызлы люкылӥз.

***

Илья мамалы: "Чуказе кема-кема изё но и апай бертоз. И мон шумпото".

***

Илья мамалы жыт верам: "Мыным песяй шуиз, апай шудыны потиз ураме."

***

Я: "Мне Ксюша сказала, что я похудела".
Сережа: "Не верь ей. У нее плохое зрение".

***

Илья, пе, чукна султиз но шуэ:" А мыным Инмар мультикъёс возьматиз"
Мама:"Мар сярысь?"
Илья:"Машинаос сярысь".

***

мамаен телефон пыр вераськиськом: Толон ӝыт Ильяен изьыны выдӥм.
Илья: Мама, пичи нуны ваёно ни.
мама: И мар карод тон со нуныен?
Илья: Шудо.
мама: Со пичи ук луоз, тон кадь бӧрдӥсь. И вообще мама пересь ини нуны вайыны.
Илья: Ваёно ни всё равно.
мама: Апаед ваёз ни. Мон уг ни.
Илья кема малпаськытэк: Чаляк звонить кар апайлы. Мед ваёз пичи нуны!

))
тьфу-тьфу!)

***

Ильямылэн алама привычкаез вань: йыръе проводъёсты (писеед но кулэ овол). Учкисько наушниклэн проводэз куртчылэмын:
-Мар йыръид?!
-Мон со ой вал...
-Кин на тон сяна бон?!
-Песяяяяйй..
-Песяйлэн пиньыз овол ни.
-Огез вань на..

))

Улон -кулон

Песяелы туннэ 79 арес тырмиз. Ӵужай лыктӥз туклячизэ ӟечкыланы. Кузьмаз сьӧд чилясь колоша. Ӵужай:"95 аресозь ул. " Песяй:" 85-озь шу". Ӵужай:"95-озь. 100-озь улӥд ке, кадыред быроз, кулӥд ке уз но бӧрдэлэ ни". Серекъязы.

Песяй кияз бергатэ колошазэ: "Эх, туала колошаос кема уг чиляло. Чаляк быро. Азьло мед чилялоз шуыса, курегпузлэн тӧдьыеныз зыраськом вал".

Пересьёс серекъяса верасько кулон сярысь. Курданзы ӧвӧл.

А.

Страннойгес толон нунал вал, зэмзэ вераса.  5 час пала пукимы оломар но сярысь вераськыса. Инопланетянинъёс, Космос, литература, коммунизм, тоталитаризм, удмуртъёс, инкуазьлэн адями вылэ влияниез, кино, теория заговора... Ох. Мӧзмиськем мон сыӵе вераськонъёслэсь.

Со адями, кинэн вераським, империалист. Удмурт. Кыкетӥез но удмурт. Ог-огзы куспын верасько ӟуч сямен, уг луы вераськемзы удмурт сямен куспазы. Нырысетӥез (мед луоз со А) шуэ:"Мон кемалась ини сокема удмурт сямен ӧй вераськы. Странно кадь". Кыкетӥез (мед луоз М) серекъя. Мон шуисько:"Мынам удмурт адямиен, если валасько, что со туж прекрасно владеет языком, ӟуч сямен вераськеме уг лу". Мон азьын вераськизы удмурт кылын. Телефонэн вераськыны палэнэ кошки но опять кутскизы ӟуч сяин зульыны. Паймымонэсь адямиос:-) .

Так вот. Со А - империалист. Со шуэ:"Чалякгес мед бырозы национальностьёс. Огез гинэ мед кылёз. Собере вань ожмаськонъёс но бырозы". Утопичной малпанъёс, конечно. Со ик:"Тодӥськод-а, кытысь ке кылӥ вал кызьы пӧрмем "удмурт" кыл. "Уд"- со ачид тодӥськон мар (короче пиосмуртлэн одӥг арбериез ). Ну и "мор " ӟуч - удмурт "кулон ". По сути дела мёртвый х**. Тодӥськод-а, куддыръя озьы ик йӧтэ. " Ну мон, значит, татын малпай филологической визьменым блеснуть:"Ой. Ну со серекъяны турттӥсь адями малпаз, дыр. "Уд" со арго (пытсэт сьӧрын пукисьёслэн кылзы) по-любому. И, скорее всего, со кыллы трос арес ӧвӧл ай".

Со ачиз удмурт ке но, туж ик уг яраты удмуртъёсты.

Но шуэ:"Конечно, умойгес, если кышное удмурт луоз. Главно визьтэм медаз лу. Оломар сярысь вераськыны мед луоз соин".

Керттӥськоно, чильпаськоно, вуриськоно, пужъятӥськоно.

Вань одӥг эше мынам...  Толон чай юыны пырай со доры. Мон:
-Мар-о кариськод ини ай?
-Ма номыр уг...
-Аха, тодӥсько мон. Весь шудӥськод на-а со компьютерной шудонъёсыныд? Помешана прямо...
-Дак.. Ӧвӧл чик...
-Ну вера ай мар кариськод тон?
-...Киноос учкылӥсько..
-Мукет ужен выремед уг луы-а мар-а?
-Маин?
-Ну уг тодӥськы...Шуом, керттӥськыны...
-Мон уг быгатӥськы.
-Как так?! Пичи дыръяд песяед ӧз дышеты-а мар-а?
-Мон 3 аресозь гинэ соин улэмын. 
-А мамаед?
-Ӧз дышеты. "Аслыд кулэ луиз ке, дышод,"-шуиз. Школаын но ӧй дышы. Эше керттыса сётэ вал
-А картэдлэн керттэм носкиен ветлэмез ке потӥз ма карод?
-Мыно базаре но басьто.
-Ма маро со? Пиосмуртлы кельше ук ку солэн кышноез кибашлы. Мынам, например, атае ыжгон носки нуллэ мамалэсь керттэмзэ, яке песяйлэсь. Со шумпотэ.
-Туэ со кулэ ӧвӧл ни. Ваньмыз лавкаын вань.
-Ну а пужъятӥськыны? Али учкы ай... Кӧня олокыӵе но пужъятӥськыны схемаос, чебересь сӥнысъёс...
-Чиданэ уг тырмы. И эшшо со понна уксё кулэ трос.
-Трос ини, пе...Ну уг тодӥськы.. Бисерен уске вырыны чылкак тынад ӟигаред уз тырмы.
Татын мукетэз вискамы пыриз:
-Ма, ярам ини, дугды сое ёртэмысь. Мед пукоз, мар каремез потэ мед кароз.
-Ма эн ай. Мон солы утчасько кельшымон уж. Весь уз пукы уг кино учкыса но компьютер шудонъёсын шудыса.
-Мон вырысал скрапбукинген. Но солы ведь кӧня уксё кулэ.. Тани ужаны кутски ке, басьто но и выро.
-Ужаны кутскид ке, тон шуод, что дырыд ӧвӧл...

Вот сыӵе вераськонъёс. Мон пичи дыръям пӧрме-а, уг-а моктӥськисько вал керттӥськыны но, чильпаськыны но, вуриськыны но, пужъятӥськыны но. Малы меда? Может мамаелэсь адӟем карисько вал? Может школаын олокыӵе но кружокъёсы ветлӥсько вал? Мама шуэ: "Али кыӵе но сӥныс ӧвӧл керттӥськыны но, пужъятӥськыны но... Азьло кыӵе ке вуж кофтаосты кесяса, синысэныз керттӥськоно вал.. Нош али пересьмемъя мылкыд мыл уг поты ини вырыны. Уж соге". Милям вуж коркаямы вань укно шторкаос, оброс, миндерпуйыос, ӝӧккышет пужъятэмын вал...

Мынам малпамея, нылкышно быгатыны кулэ созэ но тазэ но карыны. Азьло ведь бызён азязы учко вал кыӵе со пужъятӥське, вуриське, керттӥське; сандык бичало вал, соин вань нылъёс кибашлыесь вал.


Ваньзэ лавкаысь октӥд ке, мар луоз со.. Тунсыко-а мар-а озьы? Дышемын ини дасез вылын улыны. Эке ке..

Мон  вырисько ке ки ужен, сыӵе мылкыд каньыл луэ.

Нелётной мылкыд

Луэ куддыр мылкыд. Оломар кадь. Нокинэ но адӟем уг пот, нокинэн но вераськем уг пот. Телефонэз но пеймыт сэрегэ ыргалтӥськод куаразэ кысыса.
Сыӵе дыръёсы шузи малпанъёс йыре лыкто. Кык ар талэсь азьло лыктӥз. Ӝытаз малпай: кемалась йырсиме вакчи ӵышкеме потэ ни вал, вот тани ӵуказе мыно но ӵышко. Мынӥ. Ӵышки. Ваньзы бадӟым синъёсын мон шоры учкизы, парикмахер но шуэ:"Жаль ӧвӧл-а сыӵе кузь йырсидэс ӵышкыны?" Ма мар жалялод? Йырси со йырси. Будэ.

Нош али ӵуказе ик дась мыныны мугорам пужы лэсьтыны. Уксё гинэ ӧвӧл. Так мынысал ини. Куднялась ӧй шузияськы ини.. Кулэ кудог дыръя... Дыр.

Тур Кияса ёростӥ

Мыным Кияса ёрос кыкетӥ родной ёросэ ни кадь. Куинетӥзэ отчы вуи ини.

Нырысьсэ ветлӥмы вал фольклорной практикае Первомайской черкогуртазы.  Фольклорной практика туж тунсыко мар ке. Только пумаз акыльтытӥсь. Весь одӥг юанъёс сётъяса жадёно. Тодӥсько на, отысен мон тодӥ Кечолын кызьы пиоссэс келяло армие. Кепказылэн бераз ошыло яркыт атласной лентаос, чеберъяло сяськаосын. Пайми вал.

Кыкетӥзэ одногруппницае доры куное вуылӥ. Тулыс.

Тани куинетӥзэ но со доры ик. Шулдыр гуртэз. Пичи гинэ. Аксарино нимаське. Киясалэсь кыдёкын ӧвол. Клубе, пе, ветлом. Карамас-Пельгае. Осто. Бон, со гуртэз но адӟоно, дыр."Нош нырысь,-шуэ,-мамалы юрттӥськыны Первомайской черкогуртэ мыном".  Со черкогуртын вань реабилитационной центрзы пичиослы, кудъёсызлэн анай-атайёссы юо. Одногруппницаелэн анаез нянька луыса ужа. Ӝытпал тӥни юрттӥськыны мынӥм, выжъёс миськылыны. Одногруппницае миське, нош мон книгаосын ӝажы шедьтӥ. Пайми. "Удмуртские народные сказки" книга шедьтӥ. Вуж ини. Отын вообще трос вуж советской книгаос. Гуртысь адямиос ваё, библиотекаысь списаннойёссэ сёто.. Шедьтӥ Осеевалэсь весчи гинэ книгазэ рассказъёсын. "Три товарища" нимаське. Ваньзэ лыдӟыса потӥ. Пичи дыръям туж кельше вал сое лыдӟыны. Сыӵе мусоесь солэн рассказъёсыз. Нош сыӵе мусо суредъёсын сюриз эшшо книгаез.. Али озьы уг ни суредалляло...

 Кин ке только лыдӟе меда соосты? Татын сыӵе нылпиос... Тодмо ини кыӵе будыса луозы. Пель шуялоз кылдӥськид ке соосты. Пичиесь шекраос и мар но уг тодо аламазэ... Интыязы пукыны ик уг чидало, обезьян кадесь ик.. Тэк чик кыллемзы уг луы. вань шудонъёссы ваткамын. Сразу, пе, 2-3 нунал ортчыса тӥяло уд ке ватӥськы шудэмзы бере. Компьютерзы но телевизорзы но сӧремын.

Собере нуизы милемыз Карамас-Пельгае.. Мхм.. Уг вера ни отизэ мар вал. Син азяды пуктӥды, дыр. Обычной гуртысь позыръяськонъёс.

Озьы мон сессиме ортчытӥсько, аха.

Ганяк Пепелацын

Секыт но секыт котькуд пол шедьтыны мар ке выльзэ Пепелацысь. Особенно фотое пуктыны.

Сессия ласянь-а мар-а ӧжыт адямиез вал, эркыт. Котькӧня тэтча.

Даралилэн моделькаосыз. Маро. Нырысетӥ "выпускез" вокщё зэмос модалиос кадесь ик. Йыг-йыг сыло каблук вылъёсазы, гань-гань сцена вылтӥ ветло, мыняло. Выль модалиос йыромем писейпиос кадьгес ай.

Антипремизэс адӟытэк кыли.  Берло видеоысь учки, кызьы Поздеев сётъяз антиданъянъёс. Зэмзэ верано ке, мон туж ик ӧй вала мар со вера. Вераське шаплы, зол, волноваться кариське-а мар-а.. Ну ярам, соиз неважно.

...Гримеркаын вал психолог. Геннадий Геннадьевич Голубев. Туж тунсыко. Петыркарысь одӥгез умойёсыз пӧлысь. Ачиз удмурт семьяысь, но ӟучомемын, анай-атаез удмурт, пе. Мар но со вераським. "Учкылӥ вал,- шуэ,- блогдэ, но номырзэ ӧй вала. Чылкак ӟучоми ини. Секыт валаны". Бон мар карод на табере..Со ласянь тӥни опеть потӥз вераськон удмуртъёс гуртысь каре мыныса, кылзэс вунэто шуса. Со шуэ: "Удмурт кыл- со кухнялэн кылэз. Удмурт адями каре мынэ но адӟе - карын мукет кухня, мукет арбериос отын. Соин ик кылзэ вунэтыны кутске". "Ма,- шуисько,- али гуртын но всякой миксеръёс, блендеръёс вань". "Так-то озьы"-шуэ. ...

...Таяз берозь кылли клубын. Троссэ пиосыз охрана поттаз. Туж мӧзмыт сыӵе суред шоры учкыса. Атас пиос кадесь ик тэтчало ог-огзы вылэ. Эх..

Так-то туж непонятной ӝыт вал. Не то тунаськизы, не то мар. Мон кожасько вал таш-таш тунаськозы шуса....

Мурт

Эке кеее...
Лыктӥ "Перепечкин" кафее видео-арт учкыны. Мурт кафе луэм. Шимес. Мусо официанткаос ӧвӧл ини.. Ачид астэ обслуживать кароно. Азьло мусо барной ӝӧк интыын сылэ кортлэсь ӝӧк, столовойын кадь. Да ну.

Даёшь обратно "Перепечкин" официанткаосын!!!

Негодуэ

Осто, Иньмаре! Кыӵе но урод адямиос ведь ӧвӧл... Огназ ведь ыж йырыныз оломар но доказывать карыса улэ но сӥтен пазяське удмуртъёс вылэ. Вера, конечно, шонерзэ но куддыръя.

Кыкетӥ нуналзэ негодуэ тани та вылын http://vk.com/feed?section=notifications&w=wall-63158721_31 ... Кулэ-а удмурт кылэз дышетыны обязательно ваньзылы?

Кулэ, конечно! Сыӵе вож потэ, мукетъёыз шыпыт уло шуса. Тросгес гожъямзы уг луы-а удмуртъёслэн, что кулэ удмурт кылэз дышетыны? Кизы сисьмоз-а гожтӥзы ке? Асьсэлэсь малпанзэс возьдасько-а вераны? Яке вокщё малпанъёссы нокыӵе но уг кылдо?

Озьы ик улӥськом. Озьы ик опять номыртэк кылём. Сюлэм пӧзе.

Кулэ таӵе вераськонъёсы пыриськыны. Со удмуртъёсты ӵош каре. Таня но шуэ: "Ку на мон Бикузинэн соглаш луысал, если не та вераськонын?"

Секыт учкыны кызьы син азьын удмуртъёсты быдтыса кушто. Кызьы соос калленом историе пыӵаса кылё.

ГЕРДовской нунал. Самовольно ваньмыз

Берло кык нунал туж тунсыко вал.

Толон ветлӥмы "Грифонэ". Отын видео-арт возьматӥзы Жон-Жон но Кучыран Юри. Мон уг быгатӥськы аслэсьтым малпанъёссме вераны мукет адямиослы таӵе интыосы ветлӥсько ке. Да и кулэ ӧвӧл, дыр. Котькуд адями сыӵе видеоысь аслыз мар ке поттэ, ас сяиныз вала. секыт куддыръя валаны. Валаськод кык- куинь нунал ортчем бере. О-о, мынам озьы но куддыръя луэ. Кельшиз Кучыран Юрилэн верамез "внутренний Удмуртия" сярысь, мандалаен герӟамез. Тунсыко туж. Кельшиз на удмурт кылын вал шуса. Котькуд видеоын удмурт сямен гожтэмын, ӟуч сяин берыктытэк.

Ветлылэ сыӵе интыосы.

http://instagram.com/p/jH2Fb3kDht/

Ӝыт Танялэсь басьтӥ магнит холодильник вылэ Кузебай Гердэн. Сыӵе со отын чебер. Ӵужатае лэн пинал дырезлы кельше.

http://instagram.com/p/jH1lVFkDg1/

Туннэ сётӥ экзамен. Самой шугсэ. 54 юан дышетоно вал. Озьы верасько но хе! шуо. Ӧжыт со. Аха, зэм но, если со еще Достоевской, Толстой, Чехов, Лесков сярысь. Озьы верасько но шып! луо. 

Ветлӥмы Таняен басма басьтыны. Ветлӥмы шор урамтӥ Ижкарлэн.

 http://instagram.com/p/jJx6VrkDvp/ (паймытӥз, что подсветкалы лампаез вань, но со уг ужа. Реставрировать но кемалась кариллям ни кадь( или вообще карылэмын ӧвӧл?) "Тон тау шу, что со вообще вань",-шуиз Богдан)

Собере случайно вуимы Гердлэн памятник дораз. Кылзимы кылбуръёс. Ӟеч со, люкаськисьёс вань шуса. Ӧжыт ке но.

http://instagram.com/p/jJyMWlEDv1/

Чай юим (опять удмуртъёс сярысь, можете лыдӟытэк, акыльтӥз ни, дыр)

-Ну, вера, кыӵе дорад бертад? (мон)

-Ма кызьы, огшоры. (уг вера кинь)

-Кызьы огшоры? Клубе но ӧд пота шат?

-Потай, Выль ар шуса. Так ӧй но потысал.

-Малы?

-Вот вера, мар вань гурт клубын? Потӥ мон со эшъёсын, кудъёсыныз азьло, школа дыръя потасько вал, эшъяськисько вал и мар? Мыным соосын тунсыко ӧвӧл. Кыӵе ке приземлённой арбериос сярысь верасько. Серем ик потэ. Мон шып пукисько, номыр уг вераськы.

- Ма мынам но пӧртэм ӧвӧл. Мон берло дыре вокщё уг потаськы дорысь ӝытъёсы.

-Конечно уд пота. Мар отчы потод? Соослэн улонзы одӥг интытӥ лёгаськыса ветлэ, соослы тырме маин соос уло, больше уг но поты ини "будэмзы".

-Ма оо, ӝыт вуэ ке одӥг йырвисён: кытӥсь ӟенелик шедьтоно, мае кысконо, кытысь меда приключениос шедьтоно.

-Ма удмурт дӥскотекаосын пӧртэм ӧвӧл ук.Вот вера ай тон мыным, Марина, мар шуса тон отчы ветлӥськод?

-Ну нырысьсэ мон отчы лыктӥ, ку удмурт дискотекаос быро ни вал - куартолэзе. Малы? Ну, уг тодӥськы. Ваньзы верало вал, что отын умой. Мон и мынӥ тунсыкъяськыса. Собере кыкетӥ курсын каждояз ветлыны кутски. Нырысь зэм но, эктыны, шулдыръяськыны, нош собере мон валаны кутски, что отын ваньмыз не просто так :) Отын сцена вылын выступать каро, можно кылзыны "живой звук", оломае но адӟыны ас дыраз. Нош али акылесгес ини. Фотое пуктылэмъяськисько но, опять кыӵе ке выль шӧм кадь. 

-Бон ярам озьы ке. Мынам ёросысьтым отысь адямиосты ик адӟыны уг луы ведь. Мыным вӧсь солэсь, что соос "удмуртэн уг висё". Соослы удмуртъёс - вотякъёс, хотя асьсэос удмурт семьяын вордӥськемын, удмурт кылзэс уг ик потто, удмурт кырӟан кылзон сярысь веранэз ик ӧвӧл.

-Может со солэсь, что тӥ доры всякой электроникъёс уг вуыло?

-Малпаськод, лыктӥзы ке, кин ке отчы мыноз-а? Соослы шоро соос вылэ.

-Ма тон озьы малпаськод. Лыктӥзы ке, паймод, что трос адями люкаськиз.

-Ма ми доры ке "Айкай", "Шулдыр ӝыт" кадьёс лыкто ке отын тодӥськод-а кинъёс пуко? Нылкышноос.

-Ма, конечно, егитъёслы моднойзэгес кулэ ук.

-Ну незнааай. Мон, шуом, ветлысал шумпотыса "Айкаез" но учкыны. Мыным тунсыко.

-Тон малпаськод милям Алнаш ёросамы ваньмыз сыӵе умой?

-Ма о-о. Тӥ доры толэзяз кӧня пол ветло Электроникъёс но мукетъёсыз. Фотоос шоры учкыса, мон шуысал, что егит тунсыкояське.

- Ну и мар? Улонзы ведь сыӵе ик. Сыӵе ик темаос кылё, сыӵе ик дӥсяськемзы кыле, улон шоры учкемзы. Соос удмурт сяин верасько ке но, шӧмзы вокщё удмурт ӧвӧл.(визьмо адями татын ачиз вывод лэсьтоз дыр)

-Соиз но озьы так -то. Алигес туган шуонэлы верасько: "Мониста лэсьтоно". Мон шоры бадӟым синъёссэ усьтыса учке: " Шузи кылиськод-а ни? Малы со тыныд? Шузи." Ну и кызьы сыӵе тупойлы вералод, что мынам кельтэме потэ кыӵе ке семья реликвия, кудӥз киысь кие мыноз. Опять сыӵе ик реакциен пумиталоз. Со туннэ улонэн улэ. Со уг вала малы мон "ваньзы кадь" уг дӥсяськиськы, малы мон ваньзылэн кадь кырӟан уг кылзӥськы..

- Бызид ке сыӵе адямилы - сисьмод улонъяд ик.

-Мон сисьмо сотэк но, дыр. Мама но шуэ бере фотос шоры учкыса: "Ну мар со гольык ныл берад? Фу. Али ик ӵуш. Позорить эн кар". Осто, шуод ни. Милемын вераське ӟуч кылын, нош бускель лыктэ ке - удмуртэн. Али пайме мон ӵемысь удмурт кылэн вераськисько шуса. Мар самой серемез бон. Мон нырысетӥ курсын сыӵе ик вал. Тонэн вераськем бере валаны ваньзэ кутски ук. Мон шумпотӥсько тонэ пумитай шуса.

-Мон но туж шумпотӥсько мукет средае сюри шуса, кытын монэ валало.

http://instagram.com/p/jCE397kDiV/

P.S. Мон малпасько, тае лыдӟыса тросэз кинъёс сярысь татын верамын пффффф шуозы но сялалозы. Ну и сялалэ.

"Шулдыр ӝыт"

Жингыртэм тодмотэм номер. Мон ӧй кылы. Берло адӟи вӧзаз смс лыктэм: "Та Михаил Михайлов "Шулдыр ӝытысь". Мынам вань тыныд куронэ!"

"Аха, - малпасько,- примерно таӵе курон, дыр: "Ми лыктыны малпаськом концертэн тӥляд гуртады, быгатод-а оти ивортыны". Озьыгес ик вылэм. Серекъяй.

Нош ӝыт туннэ зэмос шулдыр вал. Малпамы одногруппникъёсын люкаськыны пиццерие но Лаврентьевлэсь тестъёссэ гожъяны (али ваньзы син азязы пуктӥзы кин со, ваньзылэн нырзы кисырскиз :). Уж журналистъёс но филологъёс точно тодо кин со сыӵе). Ноутбукъёсын пукиськом, ӝӧквыл тыр тетрадьёс, ручкаос пазямын. Ваньзы пӧсямын, лусьтроесь... Пырись адямиос шорамы паймыса учко, валасьёсыз шуо: "О, сессия кутскем студентъёслэн". :) Кудъёсыз просто ми шоры учкыса, наслаждаться карыса пуко.

Быдэс нуналлы выручказэс лэсьтыса отысь кошким кадь:)
Пицца зын 7 час куспын ӧскымон луиз.

Шузимисько

Уйвӧтам Игорь Николаевлы (оо, сыӵе кузь баблесгес йырсиен, ныр улаз мыйыкен кырӟась) Бикузинлэсь "Легенда Италмасазэ" лушкаса сётӥ.

Оломар но адӟод уйвӧтъёсын.

Яратӥсько уйвӧтъёсме. Отын мынам кыӵе странной улонэ мынэ. Куддыръя чидатэк возьмасько уйез уйвӧтъёс адӟон понна.:-)

Опять со сярысь

Мон уг дугдӥськы паймыса мынам 4 аресъем вынылы (о-о со мынэсьтым 16 ареслы пичи. Так что... Мон пересьми ке, со соку гинэ егит дырлэсь шумпотонъёссэ веръялоз:-) ). Дорын, бадӟымъёс пӧлын улыса, со вераське но соос кадь ик, сыӵе ик интонациен, сыӵе ик кылъёсын. Сыӵеез пичи адямилэсь кылыса серем но потэ:-) 

Мӧзмем ик кадь мынэсьтым, дортӥ бызьылыса ветлэ, эркияське, ӟыгыръяське.. акыльтымон ик:-)  Одӥг ӝытаз малпай книга лыдӟыны. Ваньзы изьыны выдӥзы.  Илья вӧзэ выдӥз но бытьыртыны кутскиз. "Эн,-шуисько,-мешать кар. Лыдӟиськисько уг." Со:"Мын мукет, интые. Мон туннэ огнам, маматэк изё". Кошки. Мукет комнатае тыл ӝуатӥ.  Со ас дорысьтыз тылзэ кысыса, мон доры нош лыктӥз но со веранмзэ ик вераз. "Ох, -шуисько,-вожме ведь поттӥськод". Мама:"Тылэз котыр кысӥд ке, сразу умме усёз". Кысӥ. Илья мынӥз мама доры. Шыпыт куараен пеляз вера:"Мынам чай юэме потэ..." Капец. "Мын,-шуэ мама,-мукет комнатаын кружкаед сылэ. Ю." Котыр тыл кысэмын. Илья султӥз. Мынӥз но обратно лыктӥз. "Отын пеймыт. Мынам пыдъёсы (!) уг адӟо. И отын бокоез вань кадь..." Пӧяськись.

...Туж трос шудонэз. Нош шудэ пичи резиновой холмогор скалэн, валэн но осёлэн. Кружкаен вуэ донга соосты. "Мар дауртӥськод? "-юасько. Вуэн, пе, люктасько.  Собере укно дурысь гуль вылэ ошылэ. Турын, пе, мед сиёзы.

Писэйлэсь фломастерен нырзэ буям. Ӝынызэ гордэн, ӝынызэ вожен. Чебер, пе, мед ветлоз. 

Куке но кайчи кутыса, пе, писэй сьӧры уиськылэ. "Малы уйылӥськод?"-юа атай. "Гижыосыз кузь будӥллям, вандылоно". Мискинь писэй.

Серекъялод-а, вождэ поттод -а...
"Эн,-шуисько,-буд, ато кинэ ми вешаломы". Нош со шоре учке но мыня. Троссэ уг вала на. Нош кин тодэ. Может вала но. Со милям визьмо.

Жагтӥськись

Жагтӥськисько инстаграмын, куное ветлӥсько, телевизор учкисько, татчы гожъясько. Вакчияк вераса, деградировать карисько. Экзаменлы дасяськем интые, оломар дауртыса кыллисько.

Дышетскем уг пот. Кыӵе ке апатия. Кин луо дышетскем берам? Кыӵе бакалавр филологии, кудӥз номыре уг тоды? Кӧшкемыт малпаськыны.
Малы пичи дырысен анай-атайёс, дышетӥсьёс уг дышето аслэсьтыд малпанъёстэ быдэстыны, поступить карыны отчы, кытчы тонэ кыске? Милям одӥг нылмылэн потэ вал луэмез актриса, 11 классозь со льӧль малпанэныз улӥз, нош дышетске али юридической факультетын. Солы шуо вал:"Ну и мар карод? Дышетскод кыӵе ке культпросветын но уж уд шедьты. Пукод ужтэк."
Мон но дышетскысал кыӵе ке археологлы, яке кыӵе ке астрономлы, яке кыӵе ке курутой следовательлы. Пичи дырысен веразы мыным:"Дышетсконо солы, кудӥз котькытын уж шедьтоз. Например, филолог. " Аха. Серем. Хоть, пе, гуртэ но кылид ке, дышетӥсь луод, кыедын уд бугыръяськы. Практичной профессия аслыд, пе, быръёно. Эке ке... Улон возьматоз ини.

Нунок

Мамаен бертӥськомы лавкаысь. Юэмгес пиосмурт дорамы лыктӥз. "Ойдолэ, - шуэ,-чай юыны пыроме. " "Ум, -шуиськом,-мунчое пыроно ."
Собере атай сярысь вераськыны кутскиз. "Толон, -шуэ,- парсь вандӥм.  Нокин уг ваньмы юрттӥськыны. Ваньзылэн кыӵе ке ужъёс. Юриклы алло кари но (серем ик потӥз озьы шуэмез бере) часта гинэ лыктӥз, кема ик возьмано ӧз луы. Юриктэк номыр карем уг луы. Котьку юрттэ." Ата та. Шумпотӥ атайме мактало шуыса.

Бускельёсмы доры куное ветлӥм. Пичи нунызэс учкыны, вешаськыны. Атай кутӥз вешаны. Собере ӵужатаезлы нуныез сётэ:"Ме, нуноктэ кут". Мама серекъя:"Нунок шуыны вала, ява". Мон пайми. Мар бон?  Мама:"Удмурт сяин внук - нунок луэ". Ммм.. А мон та дырозь уг но тодӥськы на вал.

Выль ар.. на-на-на-на-на-най..выль ар...

Выль ар. Пумитамы Пуроын. Эшъёсы юало кытын со шуса. Мон валэктӥсько:"Вань ук ай кырӟан "вордӥськи мон Пуроын Пичи Пурга ёросын..." шуса. Вот". Озьы верам бере ваньзы тодазы ваё но кулэтэм юанъёс уг сётъяло ини:-) .
Пуро.  Вань удмурт гуртъёс кадь ик. Пичи, мусо (хотя.. . Усолэсь мусоез ӧвӧл:-) Серекъяса, конечно. Котькудӥзлы ас гуртэз самой мусоез но чеберез). Трос коркаоссы кык укноё малы ке. Обычно куинь укноен корка урам шоры учке.. Нош Пуроын куинь укноен учко бакча шоры. Хм..  Петр 1 указэз виразы пыӵамтэ кадь та палан улӥсьёслы:-) (уг ке сураськы ,со косӥз вал кадь коркаосты пуктылыны одӥг чуре,но фасадэнызы урам пала ). Оломар но зулисько. Визьмо,пе, кариськисько. Аха.

Кызьы ми пумитамы Выль арез. Шыпыт. 5 кузя: Бикузин эш, Чимали, Таня, Марайко но мон.
Клубазы ветлӥм. Мынонъямы удмурт тыпыртонлы Таня дышетӥз. Пыдъёс уг кылзӥсько. Эшшо пельёстӥм гондыр эктыса кошкем кадь, ритмез кутыны уг быгатӥськы. Эке ке..
Эктӥм.  Жуммим. Нырысь лыктэммы бере Бикузин сётиз флэшказэ The Doors-эн. Кыӵе ми эктӥм... мммм... Только милемыз нокин ӧз вала, лэзизы всякой тыц -тыцъёссэс. Эке ке... Милям малпан кылдӥз... Пепелацын но сыӵе кырӟанъёс  лэзьяно вал... Всякой The Doors-ъёсты, Joy Division-ъёсты... Хотя бы ӝыны часлы... Пумаз... Для просвещения... А?