Берытскыны но дыр вуоз али

Гимназиын йырин ужаса толком нокытчы уг потаськы. Уен-нуналэн уже выйемын куддыр. Туннэ шуд усиз ветлыны концертэ, кудӥз сӥземын вал Михаил Федотовлы. Мон, жаляса но возьдаськыса верано, туж ляб тодӥсько удмурт литератураез, соин ик таӵе ужрадъёс пыр тодматӥськисько. Ганяк гинэ пуксимы куинетӥ рядэ. Роспрос кариськыса дасяськи вникать. Нуисьёс ӟуч сяменно удмурт сямен верасько. Концертэз кутскиз яратоно Геннадий Кузнецов мамаелэн яратоно кырӟанэныз "Мон бакчаям мертто пинал льӧмпу". Берамы кылӥзы комментаторъёс:" Это что ж, он на удмуртском поёт что ли? (лыдӟоно дикий уральский акцентэн). Дак, давай, подожди. Посмотрим". Собере кыл сётӥзы министръёслы. Татьяна Витальевна Ишматова вераськыку:" Хоть бы на русском говорили что ли. Это что, удмуртский язык что ли?". Татьяна Витальевна вера, нош фоном пель сьӧрын:" Дак хорошо говорит же." Блин, малпаськисько, берыктӥськыса вазёно -а мар-а. Чидатӥськи. Плотникова кырӟаз,  Юлия Кузьмина, ансамбль "Италмас", Владимир Возняков, дуэт "Натӥ " (дэремъёссы до того чильвор пиштӥсесь, аж синмын ворекъян кутскиз), Александр Катков . Ӟуч кылэ берыктэм кылбуръёс но чузъяськизы. Озьы ик тодэ ваёнъёс Михаил Федотов сярысь. Мыным туж кельшиз Удмурт филолгиысь студентъёслэн пичияк постановказы Михаил Федотовлэн кылбуреныз. Фоном: "Это на удмуртском что ли опеть. Чо в удмуртском университете никого не нашлось что ли, чтобы объяснили,  что надо выступать на русском языке". Кылзо, кылзо, но собере опять ымзэс усьто (ай соос вполголоса верало):" В столице Удмуртии живём, чо не на русском-то. Тут вообще кто-нибудь понимает? Они думают, что все тут понимают. Ой, плохо, что на удмуртском".  Ай соос со выллем фразаос куяло, ку верало:"Михаил Федотов сюлэмшугъяськонзэ вераз ни вал ас калыкез, кылыз сярысь, глобализация ласянь..."

Осто, Иньмаре. Бон мар шуса лыктӥды? Дунтэк билет сётӥзы ке, всё равно нырысь учконо,  дыр, кыӵе ужрадэ мынӥськоды. Татын противоборствовал кык сям: удмурт (чиданлык) но ӟуч (дунтэк сётӥзы, даже уг учкы кытчы мыно, главное, что дунтэк).

Мыным ужрад туж кельшиз. Вячеслав Ар-Серги (сыӵе со усто повествователь, ымэз усьтыса кылзоно кадь), Сергей Матвеев шоры синмаськыса учки. Мон понна туж лаконично вал: тырмыт ӟуч кыл, тырмыт удмурт кыл. Фон гинэ акыльтӥз в лице кык ӟуч пересь кокрокъёс. Ай вазьысал ке тырмыт шуса, быдэс зал кылысал, дыр, пельзы секытгес кылэ лэся. Возьдаськи.
Вот собере паймиськод, господи, кытысь сыӵе толыктэм, невоспитанноесь нылпиос лыкто школае шуса. Анай-атай бордысь со ваньмыз. Сыӵе сюбег малпаськисесь эгоистъёслэсь емышез но сыӵе ик пишме лэся... Но дышетӥсь - со дышетӥсь. Кулэ куддыр индылыны. Валэктыны. Например, азямы пукись школоталы, кудӥз Ар-Серги вераськыку султыса кошкиз (аслэсьтымъёссэ чабкыса лэзьысал, озьы ке дауртысалзы (кылыным чабкыса, конечно же, ато оломар малпалоды)). Кытысь соос чиданлык басьтозы, если не привили семьяязы? Конечно, школа дышетоз. Мар басьтоз нылпи, ку со адӟе, что даже ослоп мурт телефонзэ уг быгаты беззвучной режиме пуктыны концерт дыръя? Или шара вераськыса пуко (дикий уральский акцентэн:"И кто такие дурацкие мероприятия придумывает? Кому это надо. Ничего не понятно". Ничего что концертлэн кутсконаз веразы ни Министерство национальной политики шуса. Огшоры смысловой цепочка кылдытэмзэ но уг луы). Кыӵе культура? Нокыӵе.  Слава богу, вӧзам нылпие уг пукы вал (образно). Мон возьдаськысал таӵе бескультурной адямиослэсь со азьын.

Мон всё. Слишком дышетӥсь кадь ини.

Концерт оглом мыным кельшиз чынзэ но. Туж яраз.

Ува

Тодиськоды - а, мон паймылисько малы ке туж шер. Берло малы мон пайми - лазерной эпиляцилы 😄 Нош алигес мон юмшай почти быдэс арня Сьолта палъёсын. Матысь эшелэн сюанэз вал. Так вот. Сюанлы берпумети дасяськон нуналъёсаз котькуд нунал вуылиськиз Увае. Матын ук, 40 иськем гинэ.

Уваын куке проездом вал. Мае мон адзи :вокзал обшарпанной, возаз, рельсаос вылын, писпуосын туллям вагонъёс. Ну кыче ке кошкемыт посёлок.

Нош али мон бакоми. Чынзэ. Никакой Пурга, никакой Алнаш уз чошатскы Уваен. Почти ведь город. Сомында выборез татын. Коня торговой центръёс! Аж городын кадь. Куинь яке ньыль магазин басмаосын но вуриськон фурнитураен. Алнашысь дак фиг мар шедьтод сычезэ. Пырим магазинэ, дак со магазинэ тэретэмын ваньмыз, мар вань вань алнаш магазинъёсын. Алнашын вообще толковой магазинъёс овол, везде только строительной ширпотреб. Даже пафосной нимын "Байлык" торговой центрысь номыр уд шедьты. Особенно Уваын паймытиз бижутериен отдел. Мыным йотиз, что даже Ижын сыче магазин овол. Озьы ик татын диськут магазинъёс тросаз.
Собере адзи на чебер школазэс но стадионзэс. Нуназе Ува "улэ". Урам тыр адямиос!
Увалэн байлыкезлы мон чылкак пайми оглом вераса. Долкай.

Созерцание

Чужай пуке смартфонысьтым фотоос учкыса. Пуктыли лилияоссэ, розаоссэ фотое. Садаз угось оломаиз но вань, только тазалыкез туж ик уг ни тырмы ваньмыз сьоры вуттиськыны. Учкиз - учкиз, но вера: "Пыдъёслы зарядка лэсьтон сямен одиг нуналэ поти губияны. Ферма палэз котырти, азьло ужан интыосме, отын котьку губи будэ вал. Кебит пала вуи но пайми: сомында анютины глазки будэ! Господи, чебер. Ноку озьы уг буды вал. Мар карын паймыса пукси но долкаса пукисько сяськаос шоры. Сыче чебер! Седык ваське вал сюрес кузя. Чаль ай чаль, шуисько, пуксьы возам, учкы кыче чебер. Жыны час пукимы кадь вераськыса, учкыса чебер сяськаос шоры".

Вот. Нош асьмеос озьы пукем интые кемалась поттысалмы ини смарфон, фотое пуктысалмы. Вот и все созерцание.

Мистер Эктоника- 2018.

Мон кемалась нургетисько ини вал, что лэсьтоно мистер Эктоника. Наконец-то таяз аре мон адзи мар со сыче.
Монэ сразу насторожило, ку Эктоникалэн ВКонтакте группаяз поттизы пиос сярысь информация. Нет, не туспуктэмъёс (однозначно, вань пиос чебересь. И шузи со адями, кудиз вера, что "конкурс красоты, а выбрали каких-то уродов". Чеберлык портэм луэ, и сое валаны кулэ, дыр, котькуд образованной адями). Монэ насторожило со, мар веразы пиос асьсэ сярысь. Со же кошмар, господи (мон котьку шуисько вал, что эктоника куддыр воспитывает кыче ке быдлоез). Ти лыдзиды да, мар тросэз вожвылъяськонэ пыриськисьёс асьсэ сярысь верало? Соос шуо:"Мон нокытын уг ужаськы, мон нокытын уг дышетскиськы, мон яратисько сур юыны, мон яратисько тусить". Зашибись жизненная позиция тон возьматиськод группаын, кудаз 10000 ятыр адямиез. А эшшо турттиськод луыны мистер эктоника.
Окей. Допустим.
Ветли ради интереса конкурсэх учкыны. Мон сразу шуи Алнаш болельщикъесыз адзыса, Вася ке оз вормы, ваньзэ просто разнесут клубын. Мыным потэ организаторъёс тоже тае валазы.
Мон татын уг ни вераськы в усрачку тордэм воргоронъёс но кышномуртъёс сярысь. Мон соос сярысь трос гожъяй ни кадь. Мон кышкай, кстати, ку азям лоп! тыбыр вылаз кафель выж вылэ усиз номыре валасьтэм пияш. Или кыче возьыт вал учкыны Шундыкааааар шуыса кесяськись тордэм нылкышно шоры,кудзэ бератаз охранник сцена вылысь васькытиз. Шундыкарлэн ярый фанаткаез или выпускницаез-а мар-а?))

Конкурсъёс в стиле эктоники опять же. Ладно. Хозяин-барин. Я организую, я решаю, а ти ваньды сое воспринимайте. Конкурсъёс типа, лэсьты фото лифчикен, кудзэ куштоз тон азьын нылаш, селфи трусик коже пияшен. Или конкурс туж странный. Тулля ымад ваньзылэсь шаплы 15 пельнянез. Алё. Вроде тиляд конкурс красоты шуыса нимаське вал ужрадды. Нет? Просто та конкурсын сураськиз кадь понятие Чеберлык но Кужым. И асьсэос организаторъёс не решили что к чему и как. Лучше пельнянь тыкемзы интые мед лэсьтозы вал конкурс "купальников" (ну пиослэн уж понятно не купальник). А мар? Нылъёс ке дак, ну-ка давай.
Ну творческий номеръёсын тыршиллям шодске. Ну нырысетиез конкурсант, конечно, вообще кема малпаськымтэ лэся, "стриптиз" возьматиз. Хоть трусик экстравагантнойзэгес дися вал уске. Но татын мыным верасьёс луозы:ну, знаешь ли, коня дисьтонлык кулэ луыны адямилэн озьы потыны, со зечок. Со же прекрасно тодэ вал кыче вожвылъяськонэ пыриське, так что... Ну Вася тоже умойгес лэсьтыны быгатэ вал творческий номерзэ. Эшшо дак сыче юрттиськисен. Татын мыным туж кельшиз Грах ёросысь  Вова Огальцев но Дима Степанов Вавож ёросысь, Барон Гавр шуонзы тоже туж ик алама ой вал. Дималэн но Вовалэн чебер вал номерзы. Продуманный. Уксёзы но кошкиз, дыр, нормально. Вовалэн номераз световой шоу вал.
Слава богу ой вал дурацкий конкурс побирательства. Ку перепечсэс или ещё марзэс ке вузало, но лыдзо кин тросгес уксё бичаз.

Конкурс Тыпыртона. Ну так. Мар ке тыпыртизы кадь. Мон лапег бере, толком ой адзы, адямиос трос котыразы люкаськемын вал.

И берыктиськыса Алнаш болельщикъёс борды. Ну ёмаё-а! Блин возьыт так ке, ку лыдзиськод комментариосты сыче дикой адямиос сярысь. Мон ачим ой адзы, туж ик в гуще событий ой вал, да и бырем бераз сразу доре берти. Но адзыса действительно кыче соос настроенноесь вал, мон предполагаю, что именно озьы ик вал. Кыче ке нылашлэсь комментарийзэ лыдзи, кызьы сое чыжазы. Жесть. И да. Ведущиез вал Вероника Ваулина, кудиз укыр трос внимание висъяз Алнаш болельщикъеслы. Кулэ ой вал, дыр, озьы карыны. Слишком адзиське вал, киньлы организаторъёс сёто предпочтенизэс.

Жюриос, значит. Дарали, "Дукес" группа, Женя Аркова "Пужмер" группаысь, но журналистка Настя Петрова. Мыным йотэ, что самый главный жюри Эктоникаын - Горожак но Пушкин. Шах и мат. И даже в следующий раз кужымдэс ик эн быдтэ жюри утчаны. Все равно Горжак но Пушкин асьсэя карозы.

Малпасько луоз на таче конкурс, но чуть-чуть мукет уровенен, дыр.

30.01

Мынам выльысен потэ пичи дырам. Ку ваньмыз тодмотэм но тунсыко вал. Ку матысь гуртъёс йото вал туж кыдёкын. Ку Чумолёе ветлиськомы вал цирк учкыны (ооо, кыче со событие вал! И не дай бог дорын уксё уг луы. Трагедия). Ку Кузёбай вал мурт но тодмотэм кыдёкысь гурт, йонтэм адямиосын (мынам сыче представление вал. Кузёбаёзь всего-то 3 иськем). Нош Сьод Ошмес - тодмотэм гурт йотэ вал. Шыпыт адямиосын. Кудъёссэ школа дырозь адзылэме ик ой вал кадь, пока куинь одноклассникъёсыным ой тодматскы. Чумолёосты котькуд нунал адзисько вал. Ньыль аресысен гуртмылэн Чумолёпалаз улыны кутскимы яратоно Улмосад урамысь выжыса (трагедия). Укноти учкисько ини вал, кызьы соос школае мыно, бадзымъёс - ужаны.

Мынам выльысен потэ тудвуости коласа ветлэм, тулыс зынэн быдэс гадь тыр шокаса, кылзыса, кызьы куакаос, куашетыса, интыясько каръёсазы. Нош шунды сыче но пось, курткаез но шапкаез куштэм потэ. Только не дай бог кин ке адзоз и мамалы вералоз. Тулыс - самой алдаськись вакыт. Мамалэн индылэмез. Господибожемой. Дыр ортчыса гинэ валаськод сое лэся. Потэ мырдэм шундыя куасьмем дэри вылти наконец-то колошаен ветлэм, а не акыльтэм резинка сапеген.

Потэ кезьыт сизьыл омырен шокам, картошка бичан зынэз шодэм но кезьыт, кот сюй зынэз, кудиз бугырске бакча гырем бере. Кылэм потэ шуныт пала лобзись тылобурдоослэсь куараоссэс чырс палэзь веръяса, пыд улысь усем куаръёслэсь зынзэс шодыса.

Мынам выльысен вуж школа палти эшъесын шудыса ветлэм потэ. Губияме, картошка пыжеме. Картошка пыжыны тулыс яратиськомы вал малы ке, не сизьыл. Али лымы улысь шундыен шунтэм вуж гуждор вылын пакиен шудыны. Милям поламы кык пиос сяна но ой вал. Пи мылесъёс кадесь ик, остоиньмаре, шудиськом вал.

Мынам потэ озьы ик. Ку ас гуртэ - со быдэс дунне. Дунне, кудизлэн бусы сьораз тодмотэм адямиос, тодмотэм интыос. Со тодмотэмъёстэк но улон ганяк вал. Соос кулэ но ой вал. Быдасак выемын эшъёс полы, семья пушкы.