12 дек. 2015 г.

Удмурт, дыр.

Ортчиз удмурт егитъёслэн форумзы "Удмурт-а мон?"

Та форумъёсы мон котьку туж странным образом вуисько. Таяз но озьы ик, чик уг малпаськы вал мыныны.

Ортчиз со 10-12 декабре Дзержинец лагерьын. Вал ньыль секция: наука но образование, СМИ, политика но культура. Туж сжатой секциослэн нимъёсыз, но туж паськыт пуштросэн.

Мон даже уг тодӥськы мар мон татысь басьтӥ. Практика, дыр. Ну, или выль тодматсконъёс. Мон татын больше наблюдатель вал, нежели кин ке мар ке выльзэ басьтӥсь. Собере верало малы. Нырысь ик мар кельшиз, дыр, верано. Ато яратӥсько язвить но придираться котьку но.


Тунсыко, трос мон понна тодмотэм ымныръёс вал. Со умой. Котькуд почти ёросысь адями вал кадь (али тунсыко уз пот тӥледлы, трос букваос малы ке шуоно, можете быдэс абзацэз кельтыны).

Мон вал "Наука и образование" секциын. Тодматски институт финноугроведения но журналистикалэн (или кызьы со отын, даже запомнить карыны уг быгатӥськы) директореныз, (пайми блоге cярысь тодэ шуыса), собере 56 гимназиысь удмурт кылъя дышетӥсен. Соос вал милям секциямылэн гуруосыз. Аслым кулэ нюансъёс пусйи. Милям группаямы вал Лилия Кондратьева, Микаль Михайлов но эшшо логопед, 2 студент, воспитатель но англи кылъя дышетӥсь. Сётӥзы таблица заполнить карыны: кыӵе проблемаос вань удмурт кылэз дышетонын садикын, начальной, средний, старший классъёсын, колледжъёсын, ПТУ-осын, техникумъёсын, ВУЗ-ъёсын. Малпаськиськод ке, ваньмыз син азьын кадь. Тем более весь со проблемаосты муссировать каро интернетын но газетъёсын но. Мыным со выль ӧй вал. Лилиялы но Микальлы но, на самом деле. Ми часта, шаплы шедьтӥм со проблемаосты. Нош со проблемаосты сэрттонъёс асьсэос курисько ни вал кыл йылэ. Дискутировать карыса, малпамы юанъёс, кудъёссэ сётом министръёслы но главалы (но главалы мыным малпазы воксё мукет юан, кудиз как бэ ни ногой вообще герӟаськемын ӧвӧл наукаен но образованиен). Дышетӥзы милемыз, кызьы правильно юан сётоно, если ке тынад правильной ответ кылэмед потэ. Как бы монэ солы дышетӥзы факультетам, милям вал предмет "Теория дискурса". Но татын мынам вал туж умой практикае та ласянь. Вообще, со проблемаос туж кыӵе ке бадӟымесь вал, глобальноесь, так что милям секциямы пӧрмиз только дискуссия. Например, ӧвӧл преемственность садик, школа, университет вискын, ӧвӧл методической разработкаос, ӧвӧл специалистъёс начальной классъя но садикъя, студентъёс уг мыно наукае и т.д. и т. п.

Форум бырем бере котькуд пыриськисьлэсь вакчияк рефлексия вал. Тросэз шуизы: "Классно, мыным кельшиз, мон сомында тодӥ туала удмурт культура cярысь!" и собере патриотической высказываниос взахлёб. Да, шонер, вот сыӵе тодӥсьтэмъёсыз ик таӵе форумъёсы лэзьяно. Соослы та умой инты тодматӥськыны туала удмурт культураен но проблемаосын.
Нош мон, видимо, ачим "пӧзисько" бере вань со информационной потокын, номыр выльзэ ӧй усьты та форумын.

Мон наблюдатель вал. Мыным тунсыко вал учкыны, кызьы политикъёс котыръяса, котыръяса сётэм юанъёсты асьсэлы удобной каро вал, кызьы пуке но возе ассэ глава. Кстати, юанэ cярысь. То ли бӧрдод, то ли серекъялод. Сюрес cярысь. Мынам юанэ вал из области "мед ял кароз, мед шумпотоз ас сфераысьтыз юан сётӥзы шуыса". Мон юасько: "Ӟечбуресь, Александр Васильевич! Мон Сергеева Марина, Муважи гуртысь, Алнаш ёросысь (та сочетание бере со мынь потӥз. Вот, малпай, хоть тазьы ке но). Нокинлы секрет ӧвӧл, что тӥ трос саклык висъяськоды сюресъёс лэсьтонлы (издалека, типа, сыӵе кутски). Берло аръёс ӵоже, сюресъёс умоесь луизы, ваньзы та залын пукисьёс монэн соглаш луозы (подмазалась). Вот мынам тодэме потэ, 2016 арын планъёс вань-а Чумолё-Муважи-Cьӧд Ошмес сюресэз лэсьтыны (конкретно мар юаме потэ вал). Именно тӥледлы, Алнаш ёрослэн пиезлы, сётэме потӥз та юанэз (типа, догадайся, что Чумоле, Муважи но Сьӧд Ошмес Алнаш ёросын)". Мыняса ик кутскиз та юанлы валэктонзэ. но... Ӧжытак, возьматӥз, что Алнаш ёросын гурт расположениосыз уг тоды шуыса. Ярам, малпай мон ас поннам, зато тон мыняд мон шоры учкыса (на самом деле мон али язвить карисько). На самом деле ярам, мыным собыдӟа практика луиз. Асме вормыса, сётӥ юан, вазиськи собыдӟа адямилы. На самом деле, трос кин форумын сюрес cярысь юан сётыны турттэ вал, но бырйизы монэ: а) мынам юанэ ӧй вал; б) мон Алнашысь. Остальной цепочкаез асьтэос выстраивайте.

Зэмзэ вераса, двоякой восприятие мынам таӵе мероприятиослы. Вроде как и валаськод, что так ву вылтӥ санеген нулдӥськод, яр дурын пукыса. Всё равно тон умой ответ басьтод юанэдлы (и даже тодӥськод кадь кыӵе), кудзэ тыныд порекомендовали. Вроде как и валаськод, что кулэ таӵе пумиськонъёс. Вот, считай Соловьёв вераськиз, мылкыд ӝутӥськиз. Сыӵе со событие огшоры адямилэн улоназ. Сыӵе антураж. Хоть кӧня язвить кар глава, политика сярысь, но ку тон азьын пуке собыдӟа адями, тон невольно шоканы ик курдаськод. Мон валасько, что таӵе пумиськонъёс, конечно, дасяськыса ортчыны кулэ. Оломар шузи вопросъёс с бухты-барахты медам сётэ шуыса, сразу быръё кулэоссэ, умойёссэ (адями ведь куддыръя уг вала, главалы-а вопрос адресованной, яке министръёслы).

Государственной Советтӥ ветлӥськод бахилаосын, музейын кадь. Кыӵе ке унизительно.

Глава бере, пумиським министръёсын. Ми культура секциен ӵош пуким, одӥг кабинетын. Пукизы и пукизы. Тон шоры ӧжытак пренебрежительно учкыса. Юанъёс (вкратце,утрированно но грубовато ӧжытак, без прекрас): "Кулэ вал удмурт энциклопедической изданиос нылпиослы, а еще удмуртско-русский словарь, кудӥз 1987 арысен выльдэмын ӧвӧл ни", "Кызьы тӥ адӟиськоды, например, УдГу-лэсь но ИжГТУ-лэсь судьбазэс, в связи с тем, что али будут создавать образовательные площадки", "Малы удмурт энтузиастъёслэсь больше пользы для удмуртской культуры, нежели от хотения государства", эшшо мар ке сельский туризмъя вал на, удмурт сюанъёс сярысь. Вроде как и юанъёслы ответ сётӥзы (таосыз, шӧдске на, дышетско гинэ ай дискурсын "белый шум" методлы). Океееей, ас поннам малпаса, потӥ Госсоветысь.

Вал на одӥг ӝытэ презентациос Марайколэсь (Дарт газетэн тодматон) но Павел Геннадьевич Поздеевлэсь (современной удмурт культурая), кудӥз, кстати, туж востребованной вал кылзӥсьёс пӧлын. Шӧдӥське татын но, что ёросын улӥсьёс уг "пӧзё" туала культураын, соослэн тодэмзы потэ тросгес. Но дыр ограниченной вал.

... Развлекательной программа форумын усто вал. Нырысетӥ ӝытамы ветлӥзы "Эктон корка", кыкетӥ ӝытамы - "Электроникъёс". Берпуметӥ ужинмы туж шуныт атмосфераын ортчиз. Туж семейно шуысал даже. Татьяна Витальевна тыршиз.

Тау, форумлы. Котькудӥз аслыз мар ке татысь шедьтӥз но валаз.

3 дек. 2015 г.

Учыр

Мамалэн вордӥськем нуналэзлы малпай пуртъёс басьтыны. Мон яратӥсько практичной, кулэ кузьымъёсты.

Пыри бадӟым лавкае. Вуз карисьёс ваньзы ӟеч ымныр тусъёсын ӟечъясько.  Мынӥсько, утчасько кытын сыло пуртъёс. Бертӥм кин ке лыктыса, шуэ:" А журналистам у нас еще и скидки". Мон долкаса, шораз учкисько:"В смысле?" "Дак удмурт блогеръёслы уске". "Ааа",- серекъяй.

Туж приятно вал консультация басьтыны удмурт кылын, чынзэ вераса. Умой пуртъёс басьтӥ.

21 нояб. 2015 г.

Дас ымныр

Куддыр луэ киноысь кадръёс кадь. Вот чынзэ. Пуктэ син азяды.

Бертӥсько туннэ тренировкаысь. Туж зол тӧла, буран кыӵе ке, тӧллы пумит эшшо мынӥсько на. Тани-тани монэ кытчы ке тӧл ӝутоз но нуоз. Пеймыт, пелляськись лымы пыр номыр йӧназ уг адӟиськы.

И мар шузи куен оломар но йырам бергатыны кутски: "Кӧня ымныр мон воштӥсько нуналаз? Шонер дышетӥсь, кудӥз яратэ нылпиосты, туж мыло-кыдо вераське соослэн анай-атайёсынызы, лад-лад кылзӥське коллегаоссэ. Нош пушказ куддыр ямсыз кылъёсын лэземез потэ кытчы ке кыдёке. Со интые - мусо гинэ мыняны но "оо" шуыны. Пумитаськод адямиосты, но гань-гань астэ кариськод, будто чынзэ но тон сыӵе адями. Мар ке однозэ визьмозэ верано, однозэ визьмо диалоге пыриськоно. А кызьы сотэк? Мон визьмо дышетӥсь, пе. Нет, не дышетӥсь, а ПЕДАГОГ. Дӥсяськоно озьы ик. Куддыръя анай-атайёс кутско юанзэс: "Вы, как педагог..." И мынам йырам жоонн! табаосын шуккись обезян потэ.     Школа бере - дор. Кытын тон ӟеч пӧраськыны быгатӥсь нылаш, бервылзэ утялтӥсь (кин ке али хахах шуиз), вань сюлмын яратӥсь. Тренировкае мынӥськод но отын луиськод сыӵе брутальной апок, кудӥз, будто бы пель сьӧртӥз лэзе кырсь шуточкаосыз. Дорам бертыса, гуртэ, мон визьмаськем мамалэн-атайлэн нылзы. Я, пе, озьы мед луоз.... Турттӥськод кадь олокытчы но вуыны. Эшъёс но вань кадь, кудъёсыныз туж шер адӟылӥськыны кутскиськод ке, совсем не эшъёс луо ни.  Тунсыко кадь. Куддыр пумиськиськод соосын, а вераськыны немар cярысь. Может со эшъёс вылӥллятэ? ....."

И сыӵе мон озьы мынӥсько малпаськыса, эпично, что даже ӧй вала, мынам наушникъёсам Лилиана Корепанова нёжтэ:"Тон бича со пырыосты, тон люка ваньзэ огазе...." Точно киноын кадь.

14 нояб. 2015 г.

Машка

Магистратураын вань предметме "Детская литература". Тунсыко преподаватель вера туала пичиослы гожтэм веросъёс cярысь. Лыдӟиськом но шумпотӥськом. Асьмелы выль дунне усьтӥськом. Тӥ но лыдӟе. Шуом, Аника Торлэсь "Остров в море", Шмиттлэсь "Оскар и Розова Дама", Марина Арамштанлэсь "Когда отдыхат ангелы", Приставкинлэсь "Ночевала тучка золотая". Туж тунсыкоесь.

Берлозэ лыдӟимы Ульф Старклэсь "Звезда по имени Аякс" вероссэ. Зар-зар бӧрдыса. Школаын. Урокъёс вискын часта лыдӟи.

Вераське пуны но пияш cярысь, туж огшоры история. Пуныен ӵош будо, висё, поръяло. Собере пуны пересьмыса, кулэ. Но солэн вужерез кыле пияшлы, солы кузьмало выль кучапи.

Малпаськоды, мар, Сергеева, сыӵе ванильная-а мар-а, что простой сюжетъёслэсь синкылиосыд пото?
Зэмзэ вераса, мон ӧй но бӧрдысал, дыр, если ке аслам со выллем ик историе ӧз луысал. Только не пуныен, а скалэн. Оо, огшоры скалэн (гожъяй но ни вал, дыр).

Скал,  мон понна, со вань пудо-животъёс пӧлын королева кадь. Вот милям скалмы сыӵе ик вал. Дыртӥсьтэм, туж своенравная, курень, нокыӵе но куӵо-маӵотэк. Сое вузазы. 2 яке 3 ар ортчиз ини со дырысен. Отчыозь мон сое тодӥсько вал сомында, кудмында асме. Со скал мон быдӟа аресэн. Пичи дырысен сьӧраз ветлэмын олокыти утчаса, пастухысь пегӟылон дыръяз. Вож потэ вал сыӵе дыръя. Дэри, сӥзьыл куазен яратэ вал пеганы. И утчаськод сое, ӝомал луытозь кыти ке гурт пумысь, собере бертӥськод улляса, шлёп-шлёп. И сыӵе али син азям пуксе мӧзмыт идиллия: пурысь куазь, (сӥзьыл омыр но пурысь луэ кадь), гольык писпуос, напра котыр, пурысь коркаос. "Кызьы нылыд тодма скалдэс?"- паймыса, юало, пе, вал гуртоос (а мон начальной классысен озьы утчаса ветлыны быгатӥсько ни вал). "Чынзэ но. Кызьы?"- юа вал мама. "А солэн синъёсыз самой ӟечесь. И вераяз туж чебер пужы". Куке но утчаны ӧй мыны, школаысь лагерьлэн то ли открытияз дасяськиськом вал, то ли закрытияз. Скалмы бертымтэ. Мама сюлэм шуген (а мон виноват, что ӧй мыны скалэз пумитаны пастухысь), сайкатӥз монэ вить часэ ӵукна но ӵошен мынӥмы утчаны. Сыӵе но соку воже потӥз вал солы. Берло аръёссэ, ку мыным 17-19 аресъёс вал, Машкамы (скалмылэн нимыз) ӵем висьылыны кутскиз, пересьмиз. Мама вералляз:"Мынам уг поты адӟеме кызьы со кулоз. Лучше вузало но син азям уз кулы". Пока мон городын, вузам. Нуназе жингыртӥз но вераз: "Вузай. Бадӟым машинае пуктӥзы но нуизы. Дол шорам учкыса, кошкиз. Синъёсаз синкылиос потӥзы. Ӧй чида, ачим но бӧрдӥ". "Лучше дорын, пересьмыса, мед кулоз вал", - синкыли пыр верай. Собере, тодӥсько но, изем луытэк, опять скалмы cярысь малпаськыны кутски но, ӝожомыса, бӧрдыны кутски. Бертыса, гид дортӥ спокойно кошкеме ик уг луы вал, синкылиос вияны кутско вал. Али но ортчыкум чепылляны кутске. Малпасько ке со cярысь, ӝожомисько. Со кыӵе ке анай кадь, песяй кадь. Кыӵе ке семьяысь мурт кадь вал, кудӥз кулӥз, кудзэ уд берыкты ини..

Машка бере, так скал вылэ вуыны ӧм ни быгатэ. Ваньзы оломар кадесь. Куӵоесь, чебертэмесь. Кыскыны но уг луы. Огзы борды но сыӵе зол уг ни биниськы, дыр.



4 нояб. 2015 г.

Сабантуй

Да мон мар бордысен кутскыны ик уг тодӥськы.

Со вал уйвӧт.

Чынзэ. Просто таӵе действие не может луыны туннэ нуналъёсы.  Берло чупало промолэсь очередной туса. Удмуртилэн Государственностезлы сӥзьыса, быдэс сабантуй ортчиз. Сабантуй, шабаш... не знай мар.

Ваньмыз кутскиз #даралилавка ын. Кин "Иднакрен", кин глинвейнэн, кин "Куинь гондыръёсын", кин кыӵе ке коньякен но водкаен. Кин мар шедьтӥз, дӥсяз. Пронин лыктэм шинелен, госнаркоконтроль нашивкаен (запомните тае, та понна сыӵе учыр берло вал на). Мон удмурт дэремен, Дарали дукесэн, монистаен, керттэм гетрыосын но кышетэн. Арганчиосмы. Огез чагыр парикен (Мальвиналэн йырсиез кадь), мукетыз бертсыосын, куинетӥез сьӧд очкиен. Туспуктӥсьмы тожо шинелен. Моряклэн шинеленыз. Пичи мусо тӧдьы баблес йырсиё пияш нс кыӵе ке мундирен. Кин маин, вообщем.

Пока автобусмес возьмаськом, кудӥныз ми кулэ вал ворттылыны Ижкар кузя, ми мынӥмы матысь Иосиф Наговицынлэн памятникез доры. Бехтерев милемлы ваньмылы вераз кин со шуыса. Собере пуксьылӥм фотое, эктӥмы. Паймем адямиос учко укнотӥ.  Нош ми вунэтӥмы кадь ми шоры шузиос шоры кадь учко шуыса.
Вуиз автобусмы. Кытысь ке 90-тӥ аръёсысь. Попсовой автобус. Кыӵе ке дерзкой аэрографикаен. Пушкыз чиля. Горд кожаной диванъёсын, шораз шест, выжез но вӧлдэтэз подсветкаен. Эшшо 90-тӥ аръёсысь дискотечной кырӟанъёс.
Пока возьмаськомы билет басьтӥсьёсыз, опять кутскимы кырӟаны арганэн. Урам трос. Укноосысь кылӥське ӥӧнтэм куараос. Мыным йӧтыны кутскиз, что ми пырак та автобусэнымы ик обезьяннике вуомы...

Собере мынӥмы Трокайлэн синпелетэз доры. Татын кема им ӧм сылэ. Фотое пуксим, Богданлэсь кылбурзэ лыдӟимы.

Пастухоылэн но синпелетэз дорын кема ӧм сылэ. Бехтерев-экскурсоводмы ужзэ умой лэсьтӥз.

Гердлэн синпелетэз дорын туж кема сылӥмы. Шудӥмы небыльтокен, капкаосын. Эктӥмы, кырӟамы. 

Собере ми малы ке мынӥмы 3-тӥ огъяулонни доры. Отын но эктӥмы. Дыр 12 час уйин. Урам эктонэз эктимы. Адями трос но трос луэ, нош автобусэ мырдэм но мырдэм тэриськом ини.
Кудӟем транс кыӵе ке автобусын. Кин ке арганэн шудэ, дискотечной кырӟанэз согыны турттыса, кин ке эктыны турттэ, Дарали укноез усьтыса, монистаныз ваче мичиськыса, мынэ.
Оломар. Адями вылын адями. Инты уг тырмы. Ларёк доры дугдэ автобус. Резко коже но адямиос чуть уг усё. Вуимы набережное. Отысен автобусмылэн лимитэз быриз. Пудэн мыныны малпам "Ошмес" кафее.

Отдельно вераны кулэ, кызьы ми мынӥмы. Быдэс сюрессэ, урам кузя арганэн шудыса. 1 час уйин. Машинаос йӧназ уг ветло ини. Кытысь ке сюриз половик, кузь половик. Мар но соин ӧз дауртэдлэ. Сюрес дурын, плакат выллем кутыса, пумит! шуыса черекъязы. Сыӵе, пе, со перфоманс.

Урам шоры султыса, одӥг манет кык манетэн но шудӥм.

Пыримы "Ошмесэ ". Малы именно татчы? Единственной заведение, кудӥз ужа уйин но нуналэн. Собере, Дарали верамъя, татын кылдӥзы трос удмурт произведениос. Знаковой инты та, шуиз Дарали. Так вот. Та выллем интыосын контенгентэз туж злачной. Райцентрысь кыӵе ке пельменной, кулинария выллем инты, кытын вечной посетительёсыз  вань. Пронинмес чуть ӧз жуге нашивкаез понна. Кыӵе ке Чечняын служить карем муртлы ӧз кельшы, что со так просто нулдэ сыӵе дӥсь. Но ми тросгес вал бере, жугиськон ӧз поты. 30 минут пала ми сылӥм арганэн шудыса,  пока Дарали пельняньзэ сииз. Кин ке уже гольык кылиськыса, дӥсьсэ но воштыны вуттӥз.  Ми 15-20 кузя вал кадь.

Собере вамыштӥм мукет кафее, кудаз милемыз пырыны ӧз лэзе. Но ми азяз эктӥмы, кыӵе ке левый 50 аресъпм воргоронъёсын.

Собере калленом ваньзы доразы бертылӥзы.

Даже урам кузя мыныку, мыным йӧтэ вал та ваньмыз уйвӧт вал шуыса.

2 нояб. 2015 г.

Хоп, мизантроп!

Чем больше городын улӥськод, тем больше тон мизантроп луиськод кадь. Особенно, ку тон ветлӥськод мерлыко транспортэн. Кошмар. Вазь ӵукна, ваньзы тулляськемын. Шоканы ик секыт луэ кадь.

Султоз азяд кыӵе ке ныл, кудӥзлэн кузь йырсиез лэзьямын. И со йырси электризоваться кариськемын. И со йырси тынад синмад, ымад пыре, мугоре лякеське. Малпанъёсад тон просто кутӥськод со йырсиез выжытӥз но вандӥськод!

Эшшо ке мар ке кадь зол духияськем, яке кема мисьтӥськымтэ адямиос. Тон мынӥськод остэ шуыса, только бы не ӧскыны со зынлэсь.

Яке дорад пыдкутчандэ чылкыт карыса,  потӥськод но, сое сачь-сачь лёгало со автобусын ик.

Уске умме усиськод пуконъяд (вазь ӵукна изем потэ мар ке кадь зол) но тонэ резко кыӵе ке нылкышно донге мын укно пал дураз пуксьы шуыса. Собере эшшо шапказэ тупатэ на пуксем бераз чуть гырпуменыз син дуре вуттытэк. И фиг вазёд сыӵе мадамаослы, астэ сӥтен кисьтозы. А тыныд собере нылпиосын ужано на сыӵе мылкыдын.

Яке бертыку пуксиськод бушам пуконэ но кыӵе ке нылкышноос берын кутскозы зульыны (будьто бы ог-огзылы верало, но чтобы и мон но мед кылом):"Вот нынче-то молодежь она такая, не понимает, что взрослые устают после работы. Сидят целый день в школе. Не устают что ли сидеть". Стою, бл**. Берыктӥськыса сыӵе но шуккем потэ. Ах, да. Мон же рюкзакен но джинсыен. Какой монэ дышетӥсь кожалод. Ачим виноват.

Огполаз ӵукна мынӥ вал таксиен, секыт пакет нуоно шуыса (школьной мероприятилы "Магнитын" 365 кампет чотаса, пуйые тыри вал. 5 килоез пельпум вылам, автобусын сылыса, ӧй вуттысал, дыр). Таксиысь школа азьын потыкум таксист юа:"Ну что, учиться?" "Мхм,- шуисько,- учить". "Учить? Не молода ли?"

Берло дыре автобусъёс монэ изьто. Жадемлэсь, дыр. Всё, будто лэйкато монэ люлькаын, сразу син кыниськыны кутске. Азьло вообще изем уг поты вал транспортын.

Кошконо кытчы ке ял карыны. Срочно.

1 нояб. 2015 г.

Школа

Школаын ужаса, аслад куддыр выльысен школа дыръёсты берыктэмед потэ. Мимими шуыса учкиськод кыӵе ке пияшен нылаш переменаосы ӵошен пуко ке. Кызьы пияш синмаськыса учке нылаш шоры, нош соиз мар ке валэ. Яке нылъёс синмаськем синъёсын учко егит дышетӥсьёс шоры. Гордэкто мар ке оосыз вазё ке, кытчы пырон инты шедьтытэк.
Алигес школьной дискотекаын вал. Экто, шулдыръясько. Собере гань-гань кырӟан лэзё но, нылъёс борддор кузя скамъяос вылэ пуксьыса возьмало, ку пиос соосты ӧтёзы. Шаплыосызгес асьсэос ӧте пиосты) Умиление.

Кыӵе возьмаськод вал со школьной дискотекаосты). Толэзьлы огпол ортчытъяло вал. Нош мар ке йӧнтэмъясько ке школьникъёс, со дискотекаосты уг лэсьто вал. Эшшо милям "модно" вал мукет школаысын вечер встречи лэсьтылыны). Выль Утчанъёсын, Байтэрегъёсын но Варзи-Ятчиосын лэсьтылӥм вал. Нырысь ми куное соосыз ӧтчаськом, нош собере ми соос доры мынӥськом. Однозэ но пумитаськом, ӝӧк пуктӥськом, кыӵе ке конкурсъёс тодматсконъя лэсьтӥськом, нош собере позыръяськон. Тодматскем бере кутске вал ни собере аська пыр романтИк. Кузёбайёсын ӧм лэсьтылэ, соослэн классы пичи вал. 5 адями. Ньылез отын ныл, нош огез пи.
Учко ай туспуктэмъёсты. Мар ке тунсыко аслым ик луиз. Ностальжи луоз.

26 окт. 2015 г.

Загадка

Мыным йӧтэ, что кин ке асьмемын шудэ)

Кызьы валэктод сое, что Ижкарын (всё-таки не пичи город) тон куинь нунал ӵоже ӵукна потӥськод пешеходной сюрестӥ нылашен, кудӥзлэн тынад кадь ик кроссовкиез. Яке куинь нунал ӵоже тупаськод весь одӥг автобусэ, весь со ик кондукторен, кудӥзлэн туж серем юбкаосыз (пушистой яркыт  синтетической пряжалэсь. Видимо, со туж яратэ керттӥськыны). Ну яке весь пумитаськод пичи пиен нылэз, кудъёсыз дырто школае. Огполаз, ӵукна мынӥ уже, ваче пукыса, воргоронэн (причем пӧртэм дугдылонниосы потӥмы). И мар? Бертыны потӥ ужысь, нош со пиосмурт тожо бертэ.
Яке тулыс адӟиськод дугдылонниысь странной нылкышноез. Кема со сярысь малпаськиськод. Собере случайно адӟиськод сое ӵуказеяз ужан интыысьтыз, нош сӥзьыл со луэ тынад одногруппницаед. Зол, да?
Дунне - бадӟым загадка, кудзэ нокин уз быгаты, дыр, ноку валаны.

Отголоски из прошлого

То есть сояз арняысь.

Соиз арня мар ке шабутной вал. Кык пол клубе вуиськиз мар ке. Факультетмылэн вал посвятэз БВИ клубын. Шулдыр ортчиз. Крезьгурез туж умой вал. Ваньзэ дунне вылысь вунэтыса, эктӥ кадь. Вуж кырӟанъёс но выль кырӟанъёс лэзьяз диджей. Мон туж ик уг валаськы со направлениосты, чынзэ вераса. Валэктыны уг быгаты. Сыӵе крезьгур ачиз косэ кадь вӧл-вӧл бурдъяськыса, эктыны.

Собере ик, ӵуказеяз, ортчиз удмурт позыръяськон. Мон ӧй но мынысал, дыр. Ӧтизы. Я бон. Мынӥ лёгам сюрестӥ. Концертной программазэ йӧназ ӧй адӟы (Котельниковез гинэ адӟи дембельской дӥсен но арганэн). Удмурт позыръяськонлэн воштӥськемез уг поты. Нокызьы. Особенно кырӟанъёсын. Сыӵе замызганной кырӟанъёс, кудъёсызъя мугор отказ сётэ эктыны. Мон безӥ ни кадь. Куинь ар подряд одӥг кырӟанъёс. Куинь! Со кыӵе ке неуважение эктӥсь но кылзӥсь шоры. Мыным йӧтэ, что кулэ ик 50% удмурт кырӟанъёс лэзьяны  но 50% мукетсэ. Вошъяны ритмзэ кырӟанъёслэсь. Вот озьы.

Пиос мар ке мында вал. Нылъёс ӧжыт, нош пиос котькуд сэрегын.

25 окт. 2015 г.

Ильялэн малпанъёсыз

Илья мамалы вера:" Мон удмурт ук. Удмурт сяин вераськисько, ӟуч ӧвӧл мон. Апай, вера ай кызьы гожтоно удмурт".
Мон малпасько, мар со сыӵе вераськыны кутскиз? Оказывается, Илья дышетэ кылбур. Кыӵе ке ужрадлы садиказы:
"Мон пичи пияш - удмурт
Мынам доре - удмурт гурт
Гуртэ вӧл-вӧл пуксемын
Шулдыр удмурт шаерын".

18 окт. 2015 г.

Ӝож

Илья, пе, толон изьыны выдон азяз зар-зар бӧрдэм апаез ӧз берт шуыса.

Ӝожомыса, аслам бӧрдыса дугдэме уг луы ни.

Мамалэн но куараез ӝожмыт. Котькуд арня пумын юа:"Бертоды -а?" А мынам уг луы. А мон ужасько.

Собере малпаськиськод. Собыдӟа нылпиос будэтӥськод, и соос кошко вӧзысьтыд. Со вӧсь, дыр. Туж.

14 окт. 2015 г.

+Эктон+

Гочатӥзы монэ. Мынӥ Эктон корка+ пумиськонэ. Отын туннэ мадьяръёс, поръёс но сетоос вал. "Палэзян" фестиваль мынэ али.

Мон жумми эктыса. Быгатӥсько-а уг-а эктӥ (чынзэ вераса, пыдтӥм мынам таш-таш гондыр лёгаса кошкемын ). Зато дӥсяськыкум пиосмурт лыктыса шуиз:"Зол эктӥськоды, от души. Шорады учкыса, эктэм потэ". Ирониен ӧз вера. Хоть кин ке мактаз.

Мадьяръёслэн но сетоослэн эктонъёсы капчиесь, мыным кадь. Нокыӵе дас полэс притопъёстэк, кудъёссэ мон ноку уг дышеты, дыр.

Мадьяр воргоронъёс туж чебересь) Син бордазы кыле. Озьы вераськыса пока Аня Образцоваен сылӥськом, вискамы резко султӥз мадьяр пияш но милемын эктыны кутскиз. "Юхош" нимаське ансамбльзы.

Чынзэ удмуртъёслэн верамъёсы поръёс шаплыесь шуыса. Эктӥськом Аняен, лыктӥз пор пи, но люкиз милемыз. Аняез пересь воргорон доры нуиз, нош ачиз монэ кутӥз. Ми Аняен долкаса ик кылим, эктон кутскиз. Сыӵе шуры-мурыос.

Нош сетоос гань-ганесь.

Клубысь позыръяськонъёслэсь акыльтӥды ке, ветлэ таӵе пумиськонъёсы.

Пыдъёс жадизы. Зато сыӵе каньыл луиз, вань шуг-секытъёс кытчы ке тӧлӟизы.

8 окт. 2015 г.

Ваньмыз берло

Первой час уин. Пока кубистае парлана газ вылын, малпай гожтыны (сием потыса, кулӥсько ини).

Яратӥсько Даралилэсь позыръяськонъёссэ. Туннэ (наконец-то) ортчиз кема возьмам "Берло чупало" ужрад. Резиденцилэсь акыльтэм адямиос кыстӥськизы татчы, дыр. Та мукет шӧмъем ужрад. Выльдӥськем БВИ-ын. Пока учкыса ветлӥсько клубез, модалиос берпалъёсынызы шонаса ветлыса вуттӥлям. Выльёсыз пӧлазы вань. Кыдёкысен адӟисько: мылысь-кыдысь шузиясько, экто. Асьсэды возьматэмзы потэ.

Туж модноесь дӥсяськемын, немар вераны ик: удмурт дэремъёс, саестэмъёс, кислотной буёлэн шапкаос, сьӧд очкиос, курутой кроссовкиос, конопляен носкиос но африканской сямен пунэм йырсиос. Ческыт салат, кӧтэз тырытӥсь. Адӟем карымон  пример, кызьы ветлоно таӵе ужрадъёсы. Поттэлэ песяйёстылэсь-ӵужайёстылэсь сандыкысьтызы дэремъёссэс!
Ачиз Дарали но синмаськымон модная. Лилия Брик ми сое туннэ нимам.

Калык бен, огшоры дӥсен. Кышкалогес, дыр, эксперементировать карыны, яке уг быгато, яке мон кадь, кышкало басьтыны супер-крутой юбка, кытчы собере мон соин мыном шуыса.

Эктыны но туж секытэн кутскизы. Модалиос тэтчало котыртӥзы, ойдолэ эктом, шуо, нош калык сылэ учкыса.

Тросэз Белослудцев шоры учкыны лыктӥзы, дыр. Финляндие, пе, мынэ чебер пиосыныз. Пелез шумпоттӥсьёс. Кыӵе мон наслаждалась барабанщиклэн шудэменыз! Огпол но сыӵе крутой шудӥсез адӟеме ӧй вал на)
Тузиесь, чынзэ ке. Соосты но я мар пыртозы фин учебникъёсы?

Собере кутскиз невнятной действие. Шузияськон "Шунды" пияшъёслэсь. Перфомансъёс (кудъёсыз не катят ини, чынзэ ке), безбашенной эктонъёс. Соос шоры тунсыко вал учкыны, соосъя шузияськыны. Со мар ке выль. Егит, задор.

Трос егит ымныръёс, трос тодмотэм ымныръёс.

Жаляса верано, Пикулевез кылзыса ӧй вутты.

Зато вуттӥ кылзыны Бехтеревез. Мар ке жестокой действие вал. Остэ Иньмаре, шуизы, дыр, ваньзы. Но со вал круто. Костюмен, при параде, но тӧдьы кепкаен Бехтерев, нош вӧзаз чикуляос дешевой, пластмассовой чилясь монистаосын зырасько. Гольык кӧтъёс, пеканъёсты облегающий колготъёс, кузесь каблукъёс, чилясь кофтаос. Только что пырем адями номыре ӧз валасал, дыр. Да и сылӥсьёсыз тросэз ӧз валалэ лэся.

Крезьгуръя ке, мыным кельшиз.

Тунсыко вал но ваньмыз погмаса сётэмын. В принципе, ужрадлэн нимыз кадь. Берло валалоды. Берло чупалоды.

5 окт. 2015 г.

Мон просто пикап мастер

Лыктӥ парае. Одӥгназ ныл пуке аудиториын но телефон пыр вераське эшеныз :
-Ну знаешь, он мне сказал, что я скучная, что со мной не о чем разговаривать. Он сказал мне, что я не читаю, поэтому со мной долго разговаривать не получается. Прикинь.

Мдэ. Хоть мар шу, но лыдӟиськись муртъёс чынзэ но тунсыкоесь. Эшшо ке, пиос. Лыдӟиськись пиос туж сексуальноесь, мон малпасько. Эшшо ке, ку лыдӟемзэс вераськон висказы пыртыны быгато. Так что кылӥськоды ке кельшись пияштылэсь яратоно авторъёссэ но произведениоссэ, бизьыса дорады бертэ но лыдӟе соосты. Собере точно сое синмаськытоды ас бордады.

Ну, осто, мар эшшо быгатоз на тӥледлы литератураен дышетӥсь ӵектыны...

4 окт. 2015 г.

Удмурт кырӟанъёс

Ӵемысь ветлыку понӥсько пелям наушникъёс. Не то чтобы мон прямо сыӵе фанатею со наушникъёсын кылзыны кырӟанъёсты, но всё-таки ку но соку кулэ ик понылыны. Уже мыныку, шуом. 
И тазьы  куддыр чур гинэ удмурт кырӟанъёс сюро плей листэ. Малпаськиськод собере: трос ик удмурт кырӟанъёс. Пӧртэмесь луэмын ини. Трос кырӟасьёс. Даже можно бырйыны пӧлысьтызы, и даже уг акыльто. Рэп, рок, попса, фолк.

Нимтэк

Мон, пе, блогер, а значит ваньзэ сразу гожтӥсько блогам. Адямиос мон доры лыктозы но и шузиос кадь шуозы: "ой, ну табере гожты блогад" (эшшо сыӵе иронично вераны моктӥсько) или "ой, ну тыныд вера ай, сразу блогад гожтод". Сыӵе дыръя куинь кылъёс доры лэзем потыны кутске. 

Нимтэк

Пукси автобусэ. Бертон сюресэ потӥ.
Пыриз нылаш. Туала дӥсяськемын но буяськемын: дуно пусэн пыдкутчан, штани но кофта. Ымныраз шӧдӥське но адӟиське таш-таш быгатыса зырам тональной крем, типа, естественной карись ымнырез макияж. И вот со учке презрительно автобусын пукисьёс шоры, понэ пеляз наушникъёс, кисыръя нырзэ, кыне синзэ. Ӧжыт улыса, умме усе. Ымыз усьтӥське но дӥльдыез вияны кутске.

ӧжытгес пысыръяське адямиос азьын. 
и не пишется, и не хочется

20 сент. 2015 г.

8-тӥ сезон, господа.

Кылем четверг. Со кылем четверг. Шузи-мази. Жадемской.

Ӵукнаяз мынӥ школамылэн турслётаз. Отын бизьылӥ нылпиос сьӧры, собере эшшо дышетӥсьёсын команда лэсьтыса, старшеклассникъёсын ӵошатским на. Вуи Машиностроительысь, кытын ортчиз сие мероприятие, 7 часэ ӝыт.

Мынод-а, пе, позыръяськыны Резиденцие?

Ну я. Егит на, кужым трос на, пе. Кыштыр-каштыр мынӥ трамваен (наверное, удмуртъёс гинэ дискотекае мыно общественной транспортэн). Онгырам кадь, остановкаме но ортчиськем.

Шып гинэ учко шуисько вал. Гардероб дорысен ик кутӥзы монэ кудӟемской мадамачкаос но сьӧразы нуизы.
Ваньмыз так просто уг луы ук сй со.

Эктоника курировать карыны кутскемын удмурт позыръяськонъёсты, Поздеев палэнскиз та ужлэсь, 7 ар куспын акыльтӥз, дыр. Яке мукет причинаос.

Но толыкез-то ӧвӧл. Озьы ик, Поздеев шӧмо кылемын. Своеобразной изюминка-номеръёсын. Типа, вот тани мелэ тӥледлы битбоксер Едыгаров. Со мусо, егит пияш. Шундыысь потэм мар ке. Эшшо для эффективности вӧзаз Анфиногеновез пуктӥллям на. Ну крутоесь-крутоесь. Номыр уг вера та ласянь.

Собере Mademoiselle Oudmurt нылашкаос мода возьматӥзы. Яркыт дӥсьёсын, яркыт ымныръёсын. Вуж кырӟанъя. Ваньмыз созьы, кызьы яратэ Дарали. Ну йӧноесь, номыр уг шуиськы. Ымныръёссы, йыръёссы недосягаемой идеалъёслэн кадь - вылӥын. Часта гримеркае пырай вал, как раз потон азязы. Модая репортажъёсын каль: котыр дӥсяськись моделькаос, соосты буясь визажист но котыртӥзы бергась кутюрьезы.

Плюс ваньмыз та вылэ всякой пошловатой конкурсъёс Пороз Мафиослэсь но, соослэн ик кырӟан сетсы вунэмгес кырӟанъёсын (типа, например, Загребинлэн). Вот.

Юферова на и Ашихмин диджей. Солянка, вообщем.

Чилаут буддаен, кудӥз мыным туж кельше вал та клубын, уг ужа вал.

Выль факультет

Факультетмы ӧвӧл ни ук. ФФ ӧвӧл ни. Табере ИЯЛ. Институт языка и литературы. Милемыз герӟазы иностранной кылъёсты дышетонъя институтэн. Дышемын ӧвӧл на. Ярам, хоть ФФ-ез быдтыса вуи. Табере незнай мар кентавр луоз ини. Сотэк но ФФ-ын трос иностранной кылъёслы дыр висъямын вал, табере незнай мар луоз.

И вот мон курдаса, мынӥ УдГу-лэн турслётаз выль институтэн.  ИИЯЛ-ысь дышетскисьёс со вокщё мукет адямиос. Ми кык нунал куспын соосын улыса, эшъяським ик. Соос но милемлы синмаськизы. Паймизы, кызьы мон ас киям басьтӥ вань со страховочной тросъёсын, карабинъёсын выронъёсты. Валэкъяй соослы. "Ты хорошая, ты мне нравишься",- шуиз нылаш. Чынзэ ке, тодмотэм адямилэсь кылыны сыӵеез, туж даже умой.

Соослы в порядке вещей англи, испан, немец кылъёсты тодыны. Вӧзазы астэ кыӵе ке беспомощной но ущемленной кожаны кутскиськод. Пиоссы но туж просвещенноесь. Сыӵе соос мукетэсь вокщё, вӧзазы уд йыромы. Дунне кылэз тодо. Ми одногруппникен командаын кыкнамы гинэ вал, мукетъёсыз ваньмыз "иностранецъёс". Соос дружелюбноесь но туж толерантноесь, энергичноесь. Мукет кунъёстӥ ветлэмын, улон шоры учкемзы но мукет.

Одногруппникъёсы шуо:"Да ну, мар ветлэмед потэ на?"
Нош мон ноку пумит ӧвӧл выль адямиосын эшъяськыны. Соос мозгез мукет сямен ужатыны кутско, тынад малпанъёсыд выльмо. Котьку одӥг адямиос вераськид ке, развитиед но уз луы. Одӥг интыяд но пукыса визьтэм кылёд.

Пидагог

Кутскиз сӥзьыл. Дыр номырлы уг тырмы.

Школа, нылпиос. Трос нылпиос. Туж. Ваньмыз ас юанъёсынызы. Кызьы ӵукна лыктӥсько, классэ пырисько, озьы ик юанъёсынызы зӥбо. Пукисько плащен ӝӧк сьӧрам, пока нырысетӥ уроклы звонок уг шуккы. 5-тӥ класс. Выль улонзы кутскемын, номырлы дышемын ӧвӧл на. Осто, кужым сёт мыным.

Сотысь-татысь юанъёс, йыр берганы кутске нунал пумын. Самой кӧшкемыт уйвӧтэ:  мон вунэтӥсько нырысетӥ урок бере нуыны сиськись нылпиосын список столовое и соос сиськытэк кылё. Оломар но.

Ужам бере мынӥсько дышетскыны но, изьыса пукисько. Яке вокщё уг вуиськы университетозь.
Дышетӥсь, пе.
Дышетӥсьлэн ужез секытлэсь но секыт. Кӧня кагаз гожъяно, кӧня проблемаосты сэрттоно...

Зато автобусын бертыку малпаськиськод но нылпиос сярысь, шуныт луэ, мыняме потэ. Син азе пуктӥськод шоре паймыса учкемзэс, яке шузияськемзэс. Бадӟым луэмзэс возьматэмзы потэ, эшъяськемзы потэ. Гижызэс но мынам кадь буяло, браслетъёс кузьмало, яке кампетэн доре лыкто, яке кыӵе ке шуныт кыл верало.
Нылпиос ӟечесь, ку ачид ӟеч но соослэсь малпанзэс уважать кариськод.