Суперменша

Вань мынам одӥг ӵош дышетсокн эше. Туж простой нылаш, кылэзлы кисыяз уг пыралля ӵем, мар верамез потӥз - вералоз.

Соин весь мар ке луэ. Сояз аре кизэ тӥяз усьыса, пыдзэ но мар ке вӧсь кариз. Толон, пе, йыр вылаз вокщё гардина усем :).

Туннэ но нунал солэн приключенитэк ӧз ортчы. Потаз сиськон перемена вискын переходэ. Пыре шокпуль луыса. Мар луиз ни меда? Вера: "Васькисько подземной переходэ. Учкисько чыганъёс котыртӥллям пиосмуртэз. Соиз соос шоры долкаса уксёянчиксэ поттэм ини. Мон кема малпаса ӧй улы, соос пӧлы пыри но пиосмуртэз кунылтыса поттӥ.  Со номыре уг вала. Собере нылашез лыктӥз, а мон кошки". 

Вот. Чаклалэ ог-огдэс.

...и лыдӟиське. Мыным огнам лыдӟиськыны мӧзмыт. Уськелэ выль синмын Достоевский шоры выльысь лыдӟыса.

P.S. Камень в огород нимаське. Мар ке опять вераськыны кутскизы, кызьы удмуртъёс ямсыз ӟуч сяин верасько. Ну, тодӥськод-а, ӵошатыса соосын кин дышетске удмурт факультетын и вераське ӟуч сямен, тон Инмар. И сразу дасэз йыренызы утвердительно шоназы. Мон ымме ӧй усьты. Мылкыдме эшшо но юн куашкатэме ӧз поты ченгешыса.

Космической нунал

Туннэ ӧм дышетске. Факультетмылэн нуналэз вал. Вот. Дышетскон параос интые вал мукет параос.
Не менее познавательнойгес.
Космос сярысь. Толэзь сярысь. Вселенная сярысь. Туж кельшиз.

Одӥг нылкышно (уг ни тодӥськы нимзэ) вераз кызьы удмуртъёслэн кылазы кизилиос нималлямын, что удмуртъёслэн тросэз герӟаськемын космосэн. Инмар (валэктэ ӟучъёслы "ин"- "небо", "мар"- "человек". Собере малпаськонэ уси мар ке. Так. Мынам нимы Марина ке... Пумысьтыз а буквазэ куштӥд ке..Букваосын шудӥд ке.. Ну валады, короче :). Мон тасярысь ноку ӧй ик малпаськылы вал. Табере нимы эшшо но юнгес кельше.), Кылдысин, Куазь но мукетъёсыз. Вот.
Полярная звезда удмуртъёслэн - йырвыл кизили, Млечный Путь - ӟаӟегъёслэн сюрессы (наверно, малпасько, соин, что ӟаӟегъёс огзы сьӧры огзы ветло но сюбег сюрес лэсьто. Ӧвӧл.) Со, пе, лудӟаӟегъёслы возьматэ доре бертон сюрес тол ортчем бере.
Тунсыко кадь.

Эшшо Ижевске пуктыны туртто, пе, самой бадӟым скульптура, шуод ни-а мар-а, толэзьлы. Бадӟым, ӵуж, котрес. Вот.

 Тӥ тодӥськоды вал-а, что пуны, кудӥз лобаз космосэ, Иже приземлиться кариськемын и что татын, космосэ лобӟон азязы, Гагарин но эшшо кӧня ке космонавтъёс дышетскемын. 

...и улӥллям соос ӵошен, и кулӥллям соос одӥг нуналэ...

Ваньзылэн потэ улонзы умой мед пӧрмоз шуса. Кышно вайыны/ бызьыны, нылпи вордыны, керетытэк улыны, нылпиосыдлэсь нылпиоссэ вешаны. Самой идеальной вариант тросэзлы.

Толон, бер уйин ини Таня ни с того ни с сего серьезной ымнырын но куараен шуэ: "Всё равно тӥ соин ӵош луоды. Хоть если 70 аресады но. Тӥледлы ог-огдылэсь нокытчы пырыны. Судьба, дыр, со." (ма уг вера ини кин сярысь).

Так вот. Кылем воскресение "сыӵегес" вал. Семья сярысь малпаськытӥсь. Странно кадь. Роман эшшо лыдӟисько на.

"Сто лет одиночества" Габриэль Гарсиа Маркеслэсь произведенизэ. Кылылӥ вал, конечно, что туж усто, ӟеч гожтэм роман. Но мыным пришлось лыдӟыны сое, кызьы шуод мед-а, не самой умой вакытэ. Ӵуказеозь мыным сое лыдӟоно, ибо соя тест луоз. Нош именно та романэз лыдӟоно шуыса тодӥ толон нуназе. Учкыса кӧня страницаез мынам йыр ик ужамысь дугдӥз кадь. Сомында!. А ведь мукет гурт ужъёс вань на. Быриськиз шуисько ни вал но... Но кутски лыдӟыны. Кемалась мон сыӵе "с упоением" ӧй ни лыдӟиськы вал. Зэм но. Трос страницаез гинэ кышкатӥз. Туж тунсыко роман. 

Вераське бадӟым семья сярысь. Аслаз ужъёсыныз, яратонъёсыныз, кайгуосыныз, ченгешонъёсыныз, чиданъёсыныз. Быдэс поколение сярысь. Семья кудӥз кылдытӥз гурт. Семья кудӥз ортче ожмаськон пыр.

Малы ке семьяе тодам лыктӥз кадь. Пичи дыръям (куинь аресозь) мон улӥ бадӟым семьяын. 9 кузя. Одӥг липет улын. Пулэсь коркан. И кызьы тэриськом вал? Незнай. 

Шумпотысал, мынам но озьы ик ке луысал. Трос нылпиос пӧлын малы ке асме адӟисько пересьмем берам.

Лыдӟэ. Кельшоз. Мон тодӥсько.

Элькуновидение

Ветли. Аха. Озьы луиз, что пуксён интые тупам Уткина возы. Со жюри вал.

Мар тунсыкоез, вылез луоз таче вожвылъяськонын? Да номыриз.

Малы мон ветли татчы? Нырысь ик, учкыны, кылзыны Богданэз. Ну подтанцовказэ шуысал. "Чипчирганъёс" эктизы. Шодиське, учкисьёс дась овол на таче кырзанъёслы но эктонъёслы. Кин ке серекъя, кин ке чуть уг сяласькы, кин ке ымзэ усьтыса учке. Нылъёс выль шомо удмурт эктонэз каризы кадь.

Кыкетиез, конечно, Бурановской песяйёсыз адзыны. Мон соосты татчыозь ой адзы вал на. Кыче приятно кынмыса кошки кырзаны кутскизы но. Акапелло. Пель ик ял кариз кадь вань кырсьсэ кылэм бере. Со вокщё мукет сямен соос шоры учконо вылэм. Телевизор пыр нокыче но уг йоты кадь. Нош татын... Малпаса, что со песяйёс мынам кадесь ик. Простоесь, гуртысь, мусоесь, зечесь, наивноесь. Сюлэм шунаса кошке. Малпало меда вал соос, что сыче пересь дырзы луоз? Ноку но уд тоды мар тынад улонад луоз.

Мар ке лыктиз тодэ газетысь гожтэм кыче ке критиклэн Евровидение азьын:"Бурановские бабушки- это такие же фрики, как Lordi.." Ныр выжыяд со кылэн. Аха. Кызьы соосты фрик шуод? Со кыче ке оскорбление кадь.

Зал пумитаз песяйёсты султыса. Мыным потэ тросэз соосты адзон понна лыктизы. Туж трос адями вал.

Куинетиез, кылзыны "Гаруда" группалэсь выль кырзанзэ. Кельшиз кадь.

...синэз вандись удмурт стилизованной костюмъёс...

...пелез вандись аранжировкаос, яратон сярысь текстъёс...

Шумпоти нуисьёс понна. Мусоесь. "Алнашесь". Только мар ке опытсы уг тырмы-а мар-а. Яке трос сюлмаськизы-а.

Озьы.

Кема ӧвӧл на мар ке син азям усиз Юмшанысь (мерлыко бам) партретъёсын альбом. Партретъёс лэсьтэмын ай "Авиатор" клубын.

Тодӥськоды-а мар синэз "вандэ"? Егитъёслэн дӥсяськемзы. Осто... Малпанъёс: таиз лыктэм со дӥськутэн, кудӥныз ужа но, поръя но; таиз вокщё дораз ветлон дӥсен лыктэм кадь; таизлы кызьы пӧсь ӧвӧл меда керттэм кофтаен? А вӧзаз ик почти гольык ныл сылэ. Контраст.

Пыдкутчан сярысь веранэз ик ӧвӧл.

Сыӵе со ваньмыз неэстетично адӟиське.

Вот зэм но, учкелэ ай. Серекъялоды-а бӧрдоды-а меда.

Ма али но пӧртэм ӧвӧл кадь. Хотя...

Та темая Янцен вераз: "Радует одно: от дискотеки к дискотеке люди одеваются всё лучше".

Всё-таки чылкак безнадёга ӧвӧл сыче веранъёс вань бере.

юнкор =DD

Мон... Мар ай... Шуак Госсоветэ экскурсие вуылӥ.

Толон ӝыт Дарали гожтэ. "Хм..-малпасько,- если со гожтэ ке, значит мар ке но точно куроз".

"Ойдо,-шуэ,- ӵуказе тунсыко экскурсие "дартъёсын" ӵош".
Ас поннам малпасько:"Мон бон ку дартъёс полы, кыӵе нуналысен пыремын? Ах. Точно ведь. Толон "Дартэ" пичильтык гожтонме печатлаллям."
"Бон,- шуисько,- мар массовкаед уг тырмы шат?"
"Ӧвӧл, табере тон корреспондент Дартлэн."
Эээммм.. Вот озьы толон луи мон (шуак) корреспондент. Аха. Серемгес. Валасько.

Мон нырысьсэ отын вал. Чебер отын. Особенно вӧлдэтъёссы :)
Экскурсия сое уд шу. Урок правоведениен яке обществознаниен шуод-а мар-а.. Веранъёс, кудъёссэ школаысен йыре тыро.

Идеализированной веранъёс.

Серемгес ӧжытак.

Кӧт ӝож

Сыӵе ӟучъёс толерантноесь ӧвӧл... Кыӵе воже потэ соос шоры учкыса куддыръя. Со, наверно, одӥгнам дышетскеменым ӟучъёс полын. Вань ямсыз пушсэз адӟисько каждой нунал. Мынам ноку но озьы улонам ӧй на вал. Тани 3 арзэ ини соос пӧлын. Мон валасько. Вань адямиос, учкытэк кыӵе соослэн национальностьсы, одӥг выллемесь, ваньзылэн одӥг кадесь порокъёссы. Малы мынам ӟучъёс вылэ воже потэ?.

Мынам учкеме уг луы кызьы соос удмуртъёс шоры учко. Зэмзэ. Сюлэм вӧсь луэ. Кыдёке примерлы мыноно ӧвӧл. ФУдФ-ен ӵош параос луо ке. Удмуртъёс кутско ке лыдӟыны семинарын презентациоссэс.. Учке вал тӥ кыӵе пренебрежительной ымнырын учко но кылзо соосты мынам одногруппникъёсы. Кыӵе мыскыл ымнырын берыктӥсько кудъёсыз но соосыз мон пала, ку презентацизэс лыдӟисьёс ударенизэс янгыш пукто, яке туж удмурт сямен верасько ӟуч кылын. Собере малпасько: "Неужто монэ но соос озьы каро, ку мон озьы лыдӟыны потӥсько?" Так вераськыку мон нокыӵе уг кариськиськы кадь...

Нош кыӵе соос серем каро туала кырӟанъёсты. Шуо: "Да как так можно песни коверкать? Как можно петь "мы супер удмурты". Как можно читать удмуртский реп?" Да кызьы соос валаны уг быгато, что со кыӵе ке пичи вамыш, что удмуртъёслэн но кылемзы уг поты туала улон сьӧрысь. Весь кытчы ке пыдэсэ кельтыны туртто.

"Нафиг нам в городе остановки еще на удмуртский переводить? Удмурты по-русски читать будто не умеют",-шуэ огез. Ох собере ченгешиськом ук!
"Не люблю когда при мне на чужом языке разговаривают. Отойдите от меня или разговаривайте подальше". Куке но еще огпол озьы шуэмез бере ныр выжыяз сёто ини, дыр.

Лэзёно вал кытчы ке Африкае соосты.

Уяськом, вераськиськом, кайгыриськом

Толон одиг классын дышетскем эше жыт ураме потыны косиз. Кемалась, пе, адзиськеммы ини. Бакча берти курдаса огнам мынисько. Урамти мынысал, дыр, но... Тылъёс но жуало.. Только туж ямсыз сюресъёс. Дэри омыртымон сапеге..

Вуи вераськем интыямы. Сылим, вераським. Мар но уг вера! Вань вераськонъёсты, аламазэ но, умойзэ но тоди кадь. Серем но кадь, кошкемыт но кадь малпаса, кытчы "катится гуртысь адями". Осто шуод ини.

Табере бертон но дыр вуиз кадь. "Келя,- шуисько,-огнам курдыт". Шор урам кузя мыниськом дэри омыръяса, кызьы сапег дэрие лякиськыса уг кыльы.

Вань мылкыд куашка та понна. Бертыны мылкыд но быре кадь. "Воооот,- нёжтисько мон,- выннапалъёс но уллапалъёс шудоесь. Щебень кисьтазы но отчы, табере хоть кроссовкиен ветлы  оти. Малы шор ураме но уг лэсьто?". Эше шуэ: "Так-то та шор сюресэз ведь Алнаш лэсьтыны кулэ. Со ведь федеральной считается... Легенда ветлэ, что документъёсъя татын асфальт :)."

Зэм но. Кудняла милемлы шуо ни "лэсьтомы, лэсьтомы". Собере весь алдало. Куке но, коня ар талэсь азьло, лэсьтыны кутскизы вал кадь. Глинаен нырысь, собере вылтиз гравий. Ито коня ке ар умой кыллиз сюрес, но тракторъёс, камазъёс ветлыса гопъёс кылдылизы.
11 классын (ортчиз ини 3 ар) нулдо милемыз ёросмылэн кивалтисьёссы доры, вераськыны соосын (котькуд  школаысь старшеклассникъёсты). Ми отын дасяськом юанъёс, нош кивалтисьёс соослы валэктон сёто. Ми но дасям вал юан "ку Муважие сюрес лэсьтозы ини" шуыса. "Вот,-шуизы, -таяз аре вань коньдонмес быдтимы Ляли но Кибья вискы сюрес лэсьтыны. Вуись аре Муважие лэсьтомы".
Аха. Лэсьто кадь. Соин котькуд сизьыл но тулыс дэрити уяськом, нош гужем тузонэн шокаськом (мисьтаськем но садэ ошылыны уг лу, жокыт коркан укноосты но уд усья вань тузон пуксе. Нош урамти мыниськод ке и машина ортче ке 1 минут тузонлэсь бусын улиськод номыре адзытэк). Укно миськемлэн толыкез ик овол.
Тьфу!

Доре!

Кыӵе со умой ку тонэ дорад возьмало. Тон тодӥськод кытчы мыныны, ку тынад сюлмыд интыяд ӧвӧл. Дорын  тыныд юрттозы, вералозы мар карыны..Умой, ку тон анай-атайдэ вань сюлмысьтыд яратӥськод, ку соос тонэ ярато. Ку соос куатасько, тон ке уд бертӥськы, малы ке шуоно, мӧзмемын. Ку соос жингыръяло тыныд просто так. Ку бертэм берад вӧзад эркияськыса выдо но оломар но сярысь верасько, юаллясько. Ку сумкаяд: "Мар салам ваид?" шуыса пыро. Ку магазинэ мынӥськод но юало:"Мар сиемед потэ?" Дась басьтыны котьмае но. Пичи 4 аресъем нылпилы кадь.

Доре!

Тау нунал.

Нунал кутскиз толон 3 параысен. Вуи 2 корпус азям но отын "Чипчирганъёс" эктонъёс ортчыто. Собере тодам лыктӥз туннэ "тау-фест" шуыса.

Ӝыт ветлӥ концертэ УдГу-э. http://instagram.com/udmurto4ka Нуи сьӧрам ӟуч эшме. Туж ик мынэмез уг поты вал кадь. "Ойдо, ойдо,- шуисько,- адӟод маин уло туала удмурт егитъёс"...
Мар шуиз со концерт бере вакчияк: "Понравилось начало (ку Чипчирганъёс кырӟазы). Понравился звук музыкального инструмента (кубызэн шудӥз Бикузинэш). Потом понравилось акапелла (Ручкиналэн импровизациез). Вообще молодец девушка. Красиво поёт. И всё." Мон пайми. Как так? "В некоторых местах просто глаза себе выколоть хотелось. Аха." Мынам мылкыд лапказ мар ке та кылъёс бере. "Но в целом, нормально. Конец, конечно, подвёл. Что за девушки были? Извини меня, неприлично одетые для своих форм?" "Эээммм,- шуисько,- мон ачим уг тодӥськы кинъёс со. Нырысьсэ адӟисько". Дас нунал гужем вал-а мар-а. Осто.
Бегешев шумпоттӥз. Трос удмурт кылъёс тодэ так-то :). Мактай но, "да мар тооон, со импровизация гинэ вал".. шуэ :). Ӟечок.
Даралилэн выль коллекциез вал. Чеберистой. Сӥзьыл шӧмо.  Маиз ке уг тырмы вал только. Чилясез-а мар-а.. Ма мон коӵо куака.

Мынӥмы собере Пепелаце. Марайкоен. Одӥг кадь дӥсь дӥсяса). Паймизы кадь ваньзы. Учкимы кызьы блогъёсмыя миниатюраос пуктӥзы. Непривычно кадь мукет сямен кылыны сое, мае тон гожъяд. Совсем мукет интонация, совсем мукет пуштросэз со понна. Кытын ке ӧжытак ирониен но верано вал, дыр. Мукет сямен учки мон толон аслэсьтым ик текстъёсме. Ми паймим кызьы нылъёс дышетӥллям ваньзэ. Собере соос шуизы: "Ма милемлы Поздеев сётӥз текстъёс но дышетэлэ шуиз". "Туж секыт суро-пожо текстэз дышетыны. Мон дышемын правильной удмурт кылын вераськыны. Секытэн дышетӥ. Эшшо трос гожъяськоды ",- шуэ Наташа. Кудӥз Алексеева.
Ммимими чебер но мусо сяськаос понна:)

Собере адӟи вӧзысь гуртысьтым эшме. "Ӧй вуы учкыны, адӟеме потэ вал, ужай, -шуэ,-мон ведь каждой нунал лыдӟисько гожъямдэ. Тунсыко уг". Мыным со сыӵе паймымон вал. Кызьы синъёсы кымесам ӧз тубелэ:).

Даралилэсь коллекциысьтыз чилясьсэ адӟымтэеным-а мар-а котыр клубысь чилясь, пиштӥсь дэремо нылъёсты адӟылӥ. Кыӵе ке толон тенденция вал-а мар-а сыӵе дӥсьлы. Тросэз нылъёс чилясь дӥсен (кудӥз копак) но весьёсын, угыосын, браслетъёсын вал. Трос вал "леопард" суредо дӥсен, чилепо. Эшшо мар ке пиос ваньзы клетчато вал. Горд клетчано малы ке тросгес вал...

"Амисоос". Мар соос даурто милемын... Остэ.. Бичаське ни обратно. Гожъялэ ни выль кырӟанъёс ("Гарудаослы" со тоже относится. Аха.) Возьытгес вал толон видеоме учкыны. Ваньзылэсь юн кырӟасько кадь. Эше шуэ: "Мар? Трос юид-а мар-а?:)"
"Ӧй",- шуисько. Просто со шумпотэмлэсь-а мар-а.

Шумпотон вал  толон. Уг тодӥськы малэсь.

Калленом. Ганяк

3 час уин. Ӵуказе султоно нырысетӥ паралы. Тодӥсько, мугоры ӵуказе мать карыса сайкалоз. Комнатаын шыпыт, ваньзы изё. Мугор жадемын, вырӟылэмез ик уг поты. Алигес вуи Калленомысь. Малпай блогме али ик гожто. Ато ӵуказе вань шумпотэме но вожпотэме тӧлӟез.

Шуак мон туннэ билет вузась луи Калленомын. Тодматӥськи Никитаен.http://vk.com/nikita_gum Соин ӵош вузамы.  Аха, со пияшен, кудӥзлы мон ымныртусэным кельшисько шуиз вал эше. Вот. На самом деле туж сабырлы, вераськись, эшъяськоно кадь пияш. Нылъёс мимимммими карыса дораз лыкто. Ӟеч пияш. Аслым туннэ выль тодмо шедьтӥ.

21:00 часысен сылыны кутским. Адямиез лыктэ, нош организаторез Палэзя на, бере кыле. Ваньзы утчало Даралиез. Со милемлы телефон пыр вераз список "вип персонаосын". Соосты, пе, дунтэк пыртоно. Ми бон мар? Яроз, шуим. Нырысь лыктӥз Поздеев. Коньдон миче. Ми шуиськом:"Тӥ дунтэк пыриськоды". Нош со:"Мон удмурт ужрадъёсы дунтэк уг пыраськы". Вот так вот, "вип господаос". Басьтэ пример. Ӝыныез Калленомын сыӵеос вал. Нош нокин уг малпаськы, что аренда понна тыроно. Визьмоосыз но валасьёсыз тодо таӵе экспериментальной ужрадъёсы адямиос трос уг люкасько шуса... Йырзэс урдыса пыро.

Нырысь, оломар дауртон вал. Кыӵе ке переполох. Ӝук. Мон малпасько:"Мар сӥть та"... Калык ӧвӧл.. Нош собере Палэзянысь вуыны кутскизы. Адями люкаськиз. Шулдыр луиз. Ярам, кык нылъёслы тау, кудъёсыз шудон ортчытъязы. Кыӵе ке разнообразие вал.

Вузкаризы, газетлы гожтӥськыны но луэ вал.

Паймытӥзы монэ реп кырзасьёс. Йӧноесь. Чебересь. "Берекетъёсты" но дӥсяллям адями кадь дӥсен. Ну.. Нылъёссэс. Пиоссэс дӥсяно на.

Кенӟали - со Кенӟали. Мусо но чебер. Чылкыт куараен. Кырӟамзэ кылыса ӟаӟег ку луэ мугор. Кынмыса кошкиськод :).

Богдан выль проектэныз Пашаен (кудӥз пырон дорысен Богданлэсь юаз мон шоры возьматыса:"Та-а мар-а со удмурточка?" Кыче ке специфичной куараен). 

Богдан удмуртъёслы, зэм но, Инмарен сётэмын кадь. Тросгес кулэ удмурт эстрадае таӵе талантливой адямиосты. Мон куинь нунал кылзӥсько ини со выль кырзанъёссэ но уг оскиськы, удмуртъёслэн ик-а со. Мыным со сыӵе паймымон вал. Кыӵе ке чылкыт омыр кадь. Шокаськод но со тыныд уг тырмы

.

Модалиос уже мар ке не те...

...ми кема кыллим на. Ваньзы доразы бертӥзы. Нош ми эктӥм. Дарали милемлы салам кариз: лыдӟиз реп. Вот так вот.

"Ярам асьмелэн Даралимы вань"- шуса Уткина кырӟаз импровизированной кырӟаназ.
Озьы ни. О-о.

Пичи диалог.

Туннэ пумиськи одӥг тодмоеным. Кемалась  ӧм адӟиське ини вал. Со ӟуч, удмурт кылэз ӧжыт вала, но уг вераськы. Со мыным шуэ: "Кстати, давно хотел тебе сказать, что читаю твой блог (пайми, конечно, мон). Знаешь, читаю и всё понимаю. Я был очень удивлён, что не только читаю, но и всё понимаю с одного раза. (ну татын мон засмущалась. Тау, тау шуисько, приятно туж). Читая тот же "DART", например, мне приходится перечитывать по 2-3 раза, так как очень сложно понимать. Иногда просто листаешь и смотришь фотографии".

Воооот.

Оломар нооо...

Толон адзи "Лолита" киноез, кудиз снимать каремын Набоковъя. Кельше мыным книгаез, да и киноез но туж кельшиз. Прямо шудисьёсыз тупало рольёсазы. Книгазэ кемалась лыдзи ни вал. Тросэз шуо: "Да ну..Кыче ке педофил сярысь гожъямын". Со сяна номыр но вераны уг тодо. Соослэн йыразы но уг лыкты, что валтись геройёс пыр возьматэмын пересь Европа аслаз пересь устойёсыныз но еж, Америка. Нокин но уг учкы кызьы та книга гожтэмын. Кыче кылъёс, кыче малпанъёс... Ммм.. Шер шедьтоз сыче книгаез, сыче тузи кылэн. Кин оз на лыдзы, лыдзэлэ одно и кинозэ но учке. Актеръёс тууууж умой шудо. Сыче естественноесь, мусоесь.

Быльтыртонъёс.

Мама кутске ке вераськыны телефон пыр...

Мама: Чужаед юа Ильялэсь (4 аресъем выны кудиз недавно писейлэсь берпалзэ чышкем):" Кин бон писеез чышкиз?" А Илья мыным шуиз вал, что "песяй чышкиз". Табере шыпыт первой мон шоры учкиз, собере песяез шоры и шуэ визьмо ымнырын, серьезной куараен:"Адямиос". ))

Мама: Милям дорын война вылэм. Мар ке Илья песяеныз керетиллям. Песяед, пе, ременен сьораз уилиське, а Илья, пе, уг сётиськы - небыт шудонъёсын лэзья.
Мон: Театред но кулэ овол.

Илья, пе, жок сьорын пуке пуньызэ жок борды кокаса.
Мама: Тани Инмар аслад йырад пуньыен шуккоз.
Малпаськиз, пе. Кокамись дугдиз.
Илья: Уз. Тини со пельпум вылад пуке.
Мама,пе, долкай. Мар вераны пайми.
Илья: Ой. Тини мон возы пуксиз.

Мыным интересно. Кызьы меда со сое представлять каре.

Мама: Илья векчи уксё люка. Малы бон люкаськод шуса юасько.
Илья: Трос трос люкало но тыныд телефон выльзэ басьто, мама.

Оломар но...

шайвыл

Что за мар куазь та валантэм? Кезьдэктэ ке, мед кезьдэктоз ини. Акыльтӥсько.
Мар ке пурысь, валантэм, кекатӥсь мон пала вуэ кадь. Депрессия нимо мар ке-а мар-а. Номыр карем ик уг поты кадь.

Марайколэсь эшшо оломарзэ лыдӟи шайвыл сярысь... Ма мон соглаш соин так-то. Котькуд адямилэн потэ ас гуртысьтыз шайвылаз. Зэм но. Лена Ильина гожтӥз ни вал Усо шайвыл сярысь: "Вообще, Марина, мон быдэсак мӧзмисько Усолэсь. Вот кытын удмуртъёс тась-тасесь дак - со Усо) Ӧм тросазӧ вераськозӧ))) Чик но соос возьдаськисесь ӧвӧл кадь пото. Куаразы бадӟым, йыг-дым пырозы, курозы, ӟечьяськозы, умой мылкыд сӥзёзы но озьы ик потозы. Туж шаплыесь со Усоос. Урамъёссы - Ванна пал, Улмо сад - сплошная романтика)) Нош шайвылзы кыӵе усоослэн!! Маиз но отын уг буды - эмезь, улмо, боры, олокыӵе но тылобурдоос лобало. Чик но кӧшкемыт уг поты Усо шай. Вуиськод отчы кыӵе ке югыт котыртэме кадь: адямиос тань тазьы ик лад-лад верасько кулэмъёсын, сюдо соосты, эркиям каро, иворъёссэс мадё". 

Милям со кык гурт вискын сылэ, бусы шорын. Мама куке мукет гуртэ ужаны ветлэ вал, бертонзэ бер ӝыт бертылэ. "Туж курдасько малы ке шай палтӥ ортчыны",- шуэ вал со. Нош мыным малы ке нокыӵе уг йӧты. Куке но тожо озьы бертыны кыли вал. Огнам (а гурт вискамы 1 км, дыр). 

Учкиськод но тодэ лыктэ сравнение: пустыня шорын вож оазис. Сыӵе ик. Мон малы ке песяй сьӧры пичи дыръям отчы ветлыны яратӥсько вал. Ноку но сьӧрысьтыз уг кылиськы вал. Пичи дырысеным мыным отын кельше. Умиротворение. Шунды. Писпуос. Тӧл. Тӥни сыӵе кылъёс тодам сразу лыкто ку Усо шайвыл сярысь малпасько ке.

Только мар ке берло дыре отчы ветлӥсько ке, черласько. Зол. Кемалы. Тодӥсько на куке но вокщё укол пуктылыса йӧнатӥзы вал.

Тӥни али но. Мама звонить каре. "Уд бертӥськы- а,- шуэ,- кисьтон лэсьтыны турттӥськом".

Инлыкъёс.

Вот усьяськод контактысь бамъёсты, но валаськод кинлэн  улоназ али мар луэ. Таиз тазэ яратэ, соиз созэ, нош таиз тазэ уг яраты, нош таиз сярысь кыӵе ке алама вераськонъёс тыбыр сьӧраз и со сыӵе "чебер соосты посылать каре" типа, Как мало знаете.Как громко судите. Вот.

Мынам серем потэ куддыръя. Вроде адями бадӟым ини, нош возе ассэ 13 аресъем кадь. А эшшо паймыто монэ малы ке инлыкъёс, кудъёсыз вордӥськоно нуныенызы герӟаськемын. Будто со нылъёс, кудъёсыз сыӵе статус пуктыло, оправдываться ваньзы азьын карисько, что соос пияно луизы. Вот уг тодӥськы малы, мыным озьы потэ. Малы ке уважение ик быре кадь сыӵеослы.

Малпаськыса быръёно инлык пуктыкуды.

Арган ӝыт

Азьло гуртъёсын шудонъёсы ветло вал. Егитъёс арганэн шудо вал, кырӟало, экто. Али дыре сыӵеен уд пумиськы ини. Туала пиналъёс кафеын арганэн шудонъёс лэсьто. Таня, Лиля, Бикузин эш, Марайко - та адямиос понна ортчиз шулдыр ӝыт арганэн, кырӟанъёсын, шудонъёсын, эктонъёсын "Перепечкинын". Яратӥсько соосты.

Шулдыр вал, зэм но. Мон таӵе мероприятиосы ветлыса, между прочим, дышетӥ ини удмурт шудонъёс. Скоро, оло, тапыртыны но дышо. Ветлоно сыӵе ужрадъёсы. Дышоды хоть кулэезлы. Пепелацын позыръяськыса тросэзлы уд дышелэ. Разве что калорийдэс куштоды но тамак зынэн пыӵалоды :)

Огъяулонни

Вот пукисько конспект гожъяса (быронтэм конспектъёс. Осто. Каждой предметъя почти. Со, пе, гарантия того, что ми лыдзомы материалэз. Жестоко. Киын эшшо гожъяса) и малпаськисько: "Огъяулонниын улон понна нерваос кортлэсь мед луозы". Сотэк нокытчы. 

Нырысь, 4 адями та пичи комнатаын. Ярам, мынам нылъёсы зечесь. Ну, кызьы зечесь... Дышид ке куддыръя ымдэ кулэтэм интыяз усьтытэк - зечесь. Куддыръя шып улиськод ини, ваземед но потэ ке. Лишной раз куаш карем уг ке поты мылкыдэз аслэсьтыд но эшедлэсь но быдтонтэм понна.

Кыкети, соседъёс борддор сьорысь. Огъяулонниын туж весчиесь борддоръёс. Туж. Тани али но гожъяськисько но кылзисько соседъёсылэсь крезьгурзэс. Мон даже тодисько ини соослэсь предпочтениоссэс. Йыламы уло пиос, кудъёсыз нылъёсты, видать, ярато. Причем ярато физически. Бон номыр уд вазьылиськы ини. Тодисько ук, что ми но шыпытэсь шырпиос овол. Тожо быгатиськом куашетыны. Милям комнатаысьтымы чем кылоды арган, кубыз, гитара, крезь (причем тазэ хоть 1 час уинэ но. Танямы зеч) но кыче ке курутой кырзанъёс. Эшшо на ярато ми дорын бичаськыны "Чипчирганъёс". Со нуналъёсы соседъёсмы кылзо бесплатной концерт.

Куинети, "домашний животнойёс". Мусоесь, гордэсь, шаплыесь, родноесь в конце то концов:). Стасикъёс но Валерикъёс шуиськомы ми соосты. Ярам, тьфу-тьфу, али отпуске кошкиллям- а мар-а. Уг адзылисько ини ай.

Ньылети, изентэм уйёс. Огъяулонниын дышод крезьгур кылзыса но изьыны, вераськонъёс но кылзыса, вуриськон машинкаез но кылзыса, тыл жуатэмын ке но даже. Вообще олокызьы но. Особенно озьы изиськод сессия вадес. Ма мар так-то. Милям обычной нуналъёсы но озьы.

Татын улыны шулдыр. Нерваос ке железноесь.

Инмарлэн кирпичез.

Бертисько доре. Ачим машинаын на, нош малпанъёсы кемалась дорын пичи Ильяеным эркиясько ини. Мозмыса нокытчы пырон инты уг шедьтиськы ни вал кадь берло дырзэ. Бадзым будиз ке, озьы уз луы ни, дыр. Весь таче пичи но мусо мед кылльысал:)

Толон таче учыр вал. Сиисько бутерброд. Ческыт, но малы ке няньзэ туж секыт кушаны. Резинка кадь. Эшелы верасько тае. "Бон,- шуэ, - сялзы жагкуянэ". Мон со шоры учкисько визьтэм шоры кадь но дальше кушасько. "Тонэ пичи дыръяд песяед оз дышеты-а нянез гажаны. Сое уг яра куяны шуыса, что соин бережно вырыны кулэ шуыса? Со умойтэм нянез сялзыса куштыны. Тонэ песяед малы ке дышетиз- а оз-а?" Со мон шоры долкаса учке. Паймизгес кадь ожытак мыным со. Мар веран но пайме. Нош мон весь аслэсьтымзэ верасько. "Да мыным али но будэм берам но умойтэм йотэ жок вылэ шуккыса лэзьыны, хотя тодисько, что шукки ке дунне уз куашка, Иньмар йырам кирпичен уз лэзьы:)( мыным песяй шуэ вал, что если жок вылэ шукки ке Иньмар кирпичен лэзез :)))). Тон, например, кытчы шуккыса курегпузэз пилиськод?" "Ну..." "Вот, вот. А монэ песяе дышетиз пукон борды. Жок вылэ уг лэзьы вал". Умойтэм али но.

Мон малпамъя, пичи дыръя пересьёс тоже дышетыны кулэ пичиосты. Соос дышето солы, марлы уг дышето анай но атай. Пересьёс все равно мукет сямен учко дунне шоры. Со умой ук. Яратэ но гажалэ пересьёсты. Уг жадьы мон сое дас пол но вераса.

...Кельшо кузь сюресъёс... Сизьыллэсь чеберзэ туэ понна али адзисько. Городын солэн чеберез ожыт.

Морозильник но обогреватель.

Ох, кезьыт! Вань йырвизь сазь. Морозильник, ява, что урамын, что комнатаын. Перчаткаос басьтоно ини. Ато весь шуныт киосы весь кезьытэсь ветло :)

Вань ведь адямиос кудъёсыз весь пӧсесь :). Али сыӵеосыз вӧзын гинэ ветлоно :). Мынам одногруппнике вань. Со котьку но "шуныт, пӧсь" (ну не в смысле, что со шузи). Вӧзаз сылӥськод но шуныт :). Уд оскиське-а? Зэмзэ верасько. Турслётын обязательно ваньзы со борды ӝыт карисько обогреватель доры кадь :). Вот, адямилы повезло, оветь:).
Мынам атае сыӵе. Со возы шунтӥськыны выдӥськод но пань-пань умме усиськод :). Вот доре берто но шунтӥько :)

P.S ;) S-Bar-э ветлӥм же толон )). Мусо-мусо. Адямиез трос вал.

Шузияським

Серем :)

Одӥг эше вань. Со яратэ картаосын гадатьтыны. Ӵемысь шонер пӧрме верамез.

Лыктӥз мон доры картаосты учкыны юмшановской http://vk.com/photo-1966810_310800618.
Вот.
"Ну, давай, серекъялом. Ойдо та картаосын тыныд гадать каром", - шуэ.
Ма, карыны немар. Пуксим :). Луонозэ, ализэ, вылэмзэ учким.
Ну серекъям уг! :)
Жаляса верано, мон тодӥсько на ализэ гинэ :).

Ну вот :)

Улонад, пе, сьӧд эксей (то бишь Поздеев).http://vk.com/yumshan57?z=photo-1966810_311099495%2Falbum-1966810_180150815%2Frev  Со, пе, вӧзад али но луонояз но :) Паймоно кадь.

Эшшо, пе, вӧзад сьӧд нылкышно (то бишь Дарали) http://vk.com/yumshan57?z=photo-1966810_311099490%2Falbum-1966810_180150815%2Frev, кудӥз тонэ гажа но яратэ.

Эшшо на горд нылкышно (то бишь Сайлентъёс)http://vk.com/yumshan57?z=photo-1966810_311099490%2Falbum-1966810_180150815%2Frev. Непонятно только малы, пе.

Синмаськемын, пе, тыныд сьӧд пиосмурт (то бишь Эркишев. Татын ачиз но ӧз чида ини, серекъяны кутскиз)http://vk.com/yumshan57?z=photo-1966810_311099486%2Falbum-1966810_180150815%2Frev.

Одобряю, пе, картаостэ. Куд-ог картаос (одни и те же) гадать карыку весь потылӥзы.