8-тӥ сезон, господа.

Кылем четверг. Со кылем четверг. Шузи-мази. Жадемской.

Ӵукнаяз мынӥ школамылэн турслётаз. Отын бизьылӥ нылпиос сьӧры, собере эшшо дышетӥсьёсын команда лэсьтыса, старшеклассникъёсын ӵошатским на. Вуи Машиностроительысь, кытын ортчиз сие мероприятие, 7 часэ ӝыт.

Мынод-а, пе, позыръяськыны Резиденцие?

Ну я. Егит на, кужым трос на, пе. Кыштыр-каштыр мынӥ трамваен (наверное, удмуртъёс гинэ дискотекае мыно общественной транспортэн). Онгырам кадь, остановкаме но ортчиськем.

Шып гинэ учко шуисько вал. Гардероб дорысен ик кутӥзы монэ кудӟемской мадамачкаос но сьӧразы нуизы.
Ваньмыз так просто уг луы ук сй со.

Эктоника курировать карыны кутскемын удмурт позыръяськонъёсты, Поздеев палэнскиз та ужлэсь, 7 ар куспын акыльтӥз, дыр. Яке мукет причинаос.

Но толыкез-то ӧвӧл. Озьы ик, Поздеев шӧмо кылемын. Своеобразной изюминка-номеръёсын. Типа, вот тани мелэ тӥледлы битбоксер Едыгаров. Со мусо, егит пияш. Шундыысь потэм мар ке. Эшшо для эффективности вӧзаз Анфиногеновез пуктӥллям на. Ну крутоесь-крутоесь. Номыр уг вера та ласянь.

Собере Mademoiselle Oudmurt нылашкаос мода возьматӥзы. Яркыт дӥсьёсын, яркыт ымныръёсын. Вуж кырӟанъя. Ваньмыз созьы, кызьы яратэ Дарали. Ну йӧноесь, номыр уг шуиськы. Ымныръёссы, йыръёссы недосягаемой идеалъёслэн кадь - вылӥын. Часта гримеркае пырай вал, как раз потон азязы. Модая репортажъёсын каль: котыр дӥсяськись моделькаос, соосты буясь визажист но котыртӥзы бергась кутюрьезы.

Плюс ваньмыз та вылэ всякой пошловатой конкурсъёс Пороз Мафиослэсь но, соослэн ик кырӟан сетсы вунэмгес кырӟанъёсын (типа, например, Загребинлэн). Вот.

Юферова на и Ашихмин диджей. Солянка, вообщем.

Чилаут буддаен, кудӥз мыным туж кельше вал та клубын, уг ужа вал.

Выль факультет

Факультетмы ӧвӧл ни ук. ФФ ӧвӧл ни. Табере ИЯЛ. Институт языка и литературы. Милемыз герӟазы иностранной кылъёсты дышетонъя институтэн. Дышемын ӧвӧл на. Ярам, хоть ФФ-ез быдтыса вуи. Табере незнай мар кентавр луоз ини. Сотэк но ФФ-ын трос иностранной кылъёслы дыр висъямын вал, табере незнай мар луоз.

И вот мон курдаса, мынӥ УдГу-лэн турслётаз выль институтэн.  ИИЯЛ-ысь дышетскисьёс со вокщё мукет адямиос. Ми кык нунал куспын соосын улыса, эшъяським ик. Соос но милемлы синмаськизы. Паймизы, кызьы мон ас киям басьтӥ вань со страховочной тросъёсын, карабинъёсын выронъёсты. Валэкъяй соослы. "Ты хорошая, ты мне нравишься",- шуиз нылаш. Чынзэ ке, тодмотэм адямилэсь кылыны сыӵеез, туж даже умой.

Соослы в порядке вещей англи, испан, немец кылъёсты тодыны. Вӧзазы астэ кыӵе ке беспомощной но ущемленной кожаны кутскиськод. Пиоссы но туж просвещенноесь. Сыӵе соос мукетэсь вокщё, вӧзазы уд йыромы. Дунне кылэз тодо. Ми одногруппникен командаын кыкнамы гинэ вал, мукетъёсыз ваньмыз "иностранецъёс". Соос дружелюбноесь но туж толерантноесь, энергичноесь. Мукет кунъёстӥ ветлэмын, улон шоры учкемзы но мукет.

Одногруппникъёсы шуо:"Да ну, мар ветлэмед потэ на?"
Нош мон ноку пумит ӧвӧл выль адямиосын эшъяськыны. Соос мозгез мукет сямен ужатыны кутско, тынад малпанъёсыд выльмо. Котьку одӥг адямиос вераськид ке, развитиед но уз луы. Одӥг интыяд но пукыса визьтэм кылёд.

Пидагог

Кутскиз сӥзьыл. Дыр номырлы уг тырмы.

Школа, нылпиос. Трос нылпиос. Туж. Ваньмыз ас юанъёсынызы. Кызьы ӵукна лыктӥсько, классэ пырисько, озьы ик юанъёсынызы зӥбо. Пукисько плащен ӝӧк сьӧрам, пока нырысетӥ уроклы звонок уг шуккы. 5-тӥ класс. Выль улонзы кутскемын, номырлы дышемын ӧвӧл на. Осто, кужым сёт мыным.

Сотысь-татысь юанъёс, йыр берганы кутске нунал пумын. Самой кӧшкемыт уйвӧтэ:  мон вунэтӥсько нырысетӥ урок бере нуыны сиськись нылпиосын список столовое и соос сиськытэк кылё. Оломар но.

Ужам бере мынӥсько дышетскыны но, изьыса пукисько. Яке вокщё уг вуиськы университетозь.
Дышетӥсь, пе.
Дышетӥсьлэн ужез секытлэсь но секыт. Кӧня кагаз гожъяно, кӧня проблемаосты сэрттоно...

Зато автобусын бертыку малпаськиськод но нылпиос сярысь, шуныт луэ, мыняме потэ. Син азе пуктӥськод шоре паймыса учкемзэс, яке шузияськемзэс. Бадӟым луэмзэс возьматэмзы потэ, эшъяськемзы потэ. Гижызэс но мынам кадь буяло, браслетъёс кузьмало, яке кампетэн доре лыкто, яке кыӵе ке шуныт кыл верало.
Нылпиос ӟечесь, ку ачид ӟеч но соослэсь малпанзэс уважать кариськод.

Умойтэм-а умой-а

Котькуд нунал ветлӥськод ке автобусэн, дунне шоры учкон воштӥське.
Мынӥськод ӵукна. Ваньзы мырк-мырк ымныръёсын. Ужазы мынэмзы уг поты шӧдӥське, иземзы потэ. Тросэзлэн пелязы наушникъёс, дуннеез уг кыло. Укноос нюлало. Шӧдске толоназ уйзы шулдыр вылэм. Ныр но шӧдэ, син но адӟе. Остэ. Мынӥськод ини озьы. Вырӟыны то уг луы: бертӥ но азьтӥ но ӝиптэмын.

Бертыку таш-таш пуксиьскод. Жадемын. Кык нунал подряд бертай ӝыт. Дооол учкыса мынӥськод укное. Квартираосын тылъёс ӝуатскемын. Валаськод кыӵе тон пичи, кыӵе тон векчи пыры та карын, дуннеын. Нош адямиос тожо жуммемын. Сылыса изё.

Автобусэн ветлыса, йӧтэ, что удмуртъёс трос. Йӧтэ, что соос везде со "Ӟеч луэ, тӧдьы кызьпуос" кырӟанэнызы на звонке. Как кутскиз ук огполаз берам пукись нылкышнолэн телефонэз жингыртыны со крезьгурен! Мынам вань жадеме быриз кадь.
Малы мон весь кылӥсько удмурт сямен вераськемез котыр? Может соин, что билингвальной учреждениын ужасько? Или мар? Или "засиженной юртаосысьтызы" потаны кутскизы-а? Уг тодӥськы.
Может мон озьы уйвӧтаса бертӥсько.

Сӥзьыл-сӥзьыл

Вуи мон туннэ Аксионэ. Отын Брангурт песянайёс концерт пуктӥзы "эшъёсынызы". Луиз озьы, что мон вал кулисаос сьӧрын. Шып пукисько сэрегын но учисько ваньзы шоры. Ветло со Брангурт песянайёс котыртӥ, фотое пуксьыло кадь. Сыӵе ческыт, чебер мыняло, ӟыгырто песянайёсты. И ым пушкын кӧш луэ малы ке. Сыӵе сӥзьыл-сӥзьыл луэ пушкын. Пичи кырӟась ныл ветлэ маменыз. Мамаез сое туспуктэ. Нылашлэн уг поты, нош мамаез зырк! вазе: "А тонэ нокин уг юа. Султы шуи!" 

Нош концерт учкисьёс шумпотыса, мыняса ошыны лэзё чыртыязы пряжалэсь часта лэсьтэм мунёосты. Шӧдӥське, что соос шумпотыса лыктэмын. Удмурт сямен вазиськод но, соос но тыныд вазё. Соослэн зэмос восторг песянайёс борды.