Юнме

Быдэс мугор висе толлолэсь. Будто картошкаен мешок жутъяй. Секыт толон потӥз боксын лэся.
Ваньмыз умой. Тренереным но умой.  Серекъя, вераське, нимме но вералля ини. Мукетъёсыныз но ӟечъяськыны кутским ни кадь.
Нылъёс только непостоянноесь маке. Лыкто, кык-куинь нунал уг ветло, собере опять лыкто.
Выль потӥсь блогеръёс кадь. Малы ке сыӵе ассоциация кылдӥз. Лэсьто блог, собере огпол-куиньпол толэзяз гожто.

Литература

Литератураын ортчиськом 60-тӥ аръёсты 20 -тӥ даур. Ожмаськон бервыл литература. Туннэ лекциын ӧжытак веразы Светлана Алексиевичлэн "У войны не женское лицо" произведениез сярысь. Со, пе, адямилэсь "синъёссэ усьтӥз". Произведенияз гожъяз кыӵе вал улонзы нылкышноослэн ожмаськон бере. Если, пе, пиосмурт дораз бертэ вал фронтысь кышноен, то всё. Анаез сое виыны дась, пе, вал. Малы? Малы ке шуоно фронтысь кышномуртъёсыз ӵошато вал проституткаосын. Фронтысь нылкышно - фронтовой проститутка. Соин, тросэз нылкышноос вато вал, что соос вал ожмаськонын. Справкаоссэс, что ранӟемын, кесяса кушто вал, медальёссэс ваткало вал пыдлогес. Ато кинлэн потоз кышное вайыны сыӵе порочной кышномуртэз? Ожмаськонэ ветлэм пиосмуртъёс вазь пенсие потылӥзы, льготаос пӧртэм справкаосынызы. Нош нылкышноослэн ӧвӧл. Озьы ик кылё вал номыртэк.

Кыӵе со несправедливо. Кыӵе со ямсыз. Кышномуртлэн секыт улонэз котьку вал.

Пужы, пус.

Гужем ай лэсьтӥ вал аслым тыбырам пужы. Туж афишировать карем ӧз поты. Да али но уг ветлӥськы вераса но возьматъяса. Адӟисез адӟе кадь.
Мон же сое аслым лэсьтӥ, а не кинлы ке. Малпасько но тыбыры сярысь, ас поннам шумпотӥсько:) Шунтэ со монэ.
Туннэ ветлӥ опять пужы лэсьтӥсе доры. Денис Зверев. Тодӥсез тодэ. Туж курутой адями. Вот син азяды пуктэ: кыӵе луэ пужы пуктӥсь. Ну татуировщик. Тросэзлэн сразу образ: кыӵе ке юись, кыскись, калгись, секыт крезьгур кылзӥсь, кырсь, йырисен пыдозяз пужъятэм.
Обычной ассоциациос. Таиз сыӵе ӧвӧл. Таиз туж визьмо, вераськись татуировщик. Ас ужзэ гажась, ас клиентъёссэ гажась. Со тунсыкъяське оломаин но. Удмурт ке, ойдо вераськом удмуртъёс сярысь, бигер ке - бигеръёс сярысь. Нырысьсэ ветлыкум ик пайми вал сыӵеезлы. Шӧдӥське туж начитанной адями. Пыри-а ӧй-а сразу юаз: "Кызьы, пе, удмурт сяин луоз друг, товарищ, кореш?". "Эш",- шуисько.
Собере эшшо паймытӥз:"Учки со клиптэс (мыня) кудӥз гуртын снимать каремын. Сыӵе не пафосно, сыӵе ӟеч. И со круто. Тросэзлы эшъёсылы возьматӥ но соос паймизы, что за фигня шуизы. Номырзэ ӧз валалэ". Со озьы "Мыным кельше" клип сярысь вераз. Тросэз, пе, солэсь юало:"Нахер вообще со тыныд кулэ. Кыӵе ке "удмурт пужы".  Нош мон, пе, тунсыкъяськисько. И больше номыр. Денислэн проектэз вань (если сое озьы можно шуыны) "удмурт пужы" нимаське. Со лэсьтоз, косӥды ке удмурт пужы мугорады. Со шуэ:"Мон туж гажасько адямиосты, кудъёсыз гажало ас культуразэс". И со ачиз но гажа. Солэн, кстати вань книгаез но удмурт пужыосын. Со яратэ "Тылобурдоосты".
Ӵем уд шедьты сыӵе адямиосты. Мон шумпотӥсько, что сыӵе адямиен вераськи, что сыӵе адямиез тодӥсько.

...Мон уг яратӥськы ёрто ке со тыбырысь пужые ласянь. Одӥг кадь юанъёсты ог дасо адями юаз ке акыльтоз чаляк.
Тросэз паймо но кырыж учко. Малы, пе, со кулэ? Визьтэм йырын лэсьтӥд-а? Сыӵе но юанъёслы паймисько. Каждоезлэн аслаз мугорыз но улонэз. Пересьмид ке, пе, ямсыз луоз? И? Пересьмыса котькинлэн мугорыз ямсыз луэ. Мон гольык ветлыны уг турттӥськы пересьмем берам, так что нокин уз адӟы.
Лэсьтэм потыку лэсьтоно. Собере быдэс улондэ пукод малпаса, малы дырыз дыръя ӧд лэсьты.

Выжыкыл

Толон туж жадемын вал. Туж иземе потэ вал. 23 число. "А туннэ удмурт дискотека. Мынэм уг поты. Но мыноно. Фотое пуктыло но берто. Доре бертыны уксё кулэ:)".
Сыӵе малпанъёсын мынӥ "Резиденцие". Пырыкум адямиез сомында ӧй вал кӧня сентябре вал.
Малы ке пырисько ке клубаз, мон йыромисько, мар карыны уг валаськы. Кыӵе ке неудобно.
Таняос туннэ эктӥзы. Мурӝол диджей, пе, опять. Таня, Лиля, Олеся. Батл, пе. Сыӵе но мусоесь. Син ик кыле эктэмзы шоры учкыса. Собере мультик возьматӥзы. Мурӝоллэсь ик. Солэн кыӵе ке али зарни дырыз. Клип гужем гожтӥз, мультик солы лэсьтӥзы, али опять клип гожто, скоро сборникез потоз кылбуръёсыныз. Ну син медаз усь ини. Мультик сярысь ма. Ну на первой раз нормально кадь. Конечно туж примитивно, но ярам. Марысен ке кутсконо ук.
Собере "Айкай" потӥз сцена вылэ. Кыӵе соос шоры ваньзы синмаськыса учко, эктон сярысь но вунэтӥзы кадь. Сыӵе... Верано кылъёс но уг шедьтӥськы кадь.
Со туж али актуально потэ мыным котькытчы пыртыны удмурт эктонъёсты, кырӟанъёсты. Мыным йӧтэ, что егит удмуртъёслэн йыразы всё равно мар ке берыктӥське, мае ке валаны кутско. Валало кызьы зэмос шулдыръяськон ортчыны кулэ: удмурт эктонъёсын, кырӟанъёсын, чебер дӥсен. Нылъёс адӟо, что сабырлы дӥсяськыса но пиослэсь йырзэс берыктыны луэ. Ох, кыӵе мон идеализировала али:) Ну зэм но, мон сылӥ балконын учкыса калык шоры, соослэн сыӵе блаженноесь ымныръёссы вал. Выжыкыллы но сыӵе дыръя осконо кадь.
"Айкай" может быть концертной залын соослы тунсыко уз поты, нош клубын со мукет атмосфера. Соос сыӵе энергия сёто. Йыр пороме кадь.
Эшшо но крутогес луысал, если соос танцполын ке эктысалзы, егитъёсын ӵош. Чтобы егитъёс но соос сьӧры мед кыстӥськозы.
Ну таӵе понна "Эктон коркаез" ӧтёно. Только узгес лыктэ, дыр:)
Мон шумпотӥ, что таяз позыръяськонын туж трос вал зэмос удмурт тыпыртон, зэмос удмурт дӥсь. Сыӵе идеально. Вообще.
Вазьгес кошки, чтобы идеализированной представление медаз тӧлӟы.

...Изем потэ шуыса туннэ одӥг параме прогулять карыса бертӥ огъяулонние. Малпаса, кыӵе мынам небыт но шуныт койкае. Ӝытпаллы кужым туннэ трос кулэ луоз лэся. Боксэ ветлоно. И мар? Комнатаын нылъёсмылэн чуть ли не быдэс группазы. Окно видите ли. Бл ***. Изи, пе.

Пуштырес

Котькудаз нуналэ, боксэ ветлӥсько пыдын. Кыдёкын ик ӧвӧл, нырысетӥ общагаысен цирк дорозь. Котьку пӧртэм сюресэн мынӥсько но бертӥсько. Со мынам пичи шудэ: мынӥськод ас дуннеяд, пельын наушникъёс, музыка зол шудэ и номыре уд кылӥськы. Копак ачид асэныд кылиськод, нокин уг ёры. Мынӥськод отчы, кытын тыныд кельше.

Туннэ туж нежной но пуштрес ӝыт. Каллен гинэ усе лымы. Мамык кадь, лэй-лэй. Фонарьёс толэзь интые пишто. Пыд улын лымы пытыртэ,  бамъёс ненег кынмо.
...Тодэ сразу лыктэ таӵе дыре, кызьы ми быдэс семьяен бертӥськом вал кытысь ке куноысь. Толэзь пиштэ, кезьыт, пыд улын лымы пытыртэ. Атай вӧзын мама, дӧдьыын мон но выны. Малы ке ми весь соин одӥг дӧдьыын ветлэмын, тэриськом вал. Ӵош. И вообще бускельёс али но дорамы пыро ке паймо, кызьы ми одӥг диванэ тэриськом (ми выдыса телевизор учкыны яратӥськом)...

Тренере но туннэ пуштрес, небыт вал. Ӟеч гинэ котыртӥ мыняса ветлӥз. Мынам пичи вормонэ: интыяз ӧжытак ке но пуктӥ. Но всё равно аслыз в удовольствии не отказал: кругтӥ разминка лэсьтыса бызьылыку,  чаль ай, шуыса чиньыеныз ӧтиз. Круг шоры султӥ но син шорам, пе, учкы ай. Учки (кыӵе ке лушкем ухмылка татын солэн потӥз). И возьматыны кутскиз, кызьы шонер киосын бергатоно. Зашибись, ас поннам малпай мон. Но больше ӧз ни ёры, видимо ваньзэ туннэ ӟеч лэсьтӥ.

Шумпотӥсько толалтэ вазь кутске шуыса. Яратӥсько толэз.

Ӝикыт, ӝокыт

Туннэ вань усем лымы шунам. Шулеп копак. Ву котыр пуке. Коть уя. Мед ӝыт кынтысал но лымы усьысал.

Туннэ Палэзянэ мыноно кариськи. Нырысьсэ. Огнам гань-гань. Дыши ини берло дыре огнам ветлыны. Странно кадь даже. Аслым ачим кузё. Ку кошкем потэ кошкиськод, кыллемед потэ на ке кыллиськод.

Палэзян ортчиз удмурт театрын. Паймытӥз то, что та фестиваль 4 -тӥзэ ортче ини, нош чик но ваньмыз не по маслу. Фонограмма не тот лэзё, солань-талань марке таукаронъёсынызы бызьыло... 3 час кыстӥськиз концерт.

Тужгес но вепсъёс кельшизы. Кышноен карт. Сыӵе лад-ладэсь, чылкыт куараен, чебер дӥсен. Куинь кырӟанзэс ымме усьтыса кылзӥ кадь. Уд ке но валаськы кылъёсты, валаськод будто мар сярысь кырӟало.
Берло автобусысен пиосмуртэныз вераським (Шундэктонэ мынӥмы, ДДНэ). Ми, пе, нотаосты но ум тодӥське, трос кырӟанъёсты асьмес малпам. Пересь песянайёс ныр улазы кырӟало вал ньыль чур и больше уг. И вот со кырӟамзэс за основу, пе, басьтӥськом но кылдытӥськом кырӟанъёс.
Таняме туннэ нырысьсэ Эктон коркаен адӟи. Йӧн-йӧн, мусо.

Шундэктонын паймытӥзы пор пиос. Мар ке кадь шаплыесь, только так кыскыса потто эктыны. Не зря азьло кышкато вал, тани пор пиос лыктозы но лушкаса кошкозы шуыса. :)

Толалтэ октябре

"Мар, - юанэн вераськонзэ кутскиз тренере, - трос толон юид-а?"
"Ӧй юы",- шуисько. "Мар гордэктытэк но алдаськиськод. Мон учкыса улӥ так ке".
Вот сӥть. Уждэ ужа вал, а не мон шоры учкыса кылльы вал. Быдэс тренировкаез пыкылыса улӥз.
"Я, - шуэ, - неправильно мыжгиськод, гырпумыд малы ӝутӥське. Ну, представь: тон ӝикыт интыын. Бур палад но паллян палад борддоръёс". Берам султӥз но киоссэ пуктылӥз, борддор, пе.
Эшшо раз син усиз мар быдӟа адями со (зеркало азьын сылыса). Куинь йырлы точно мынэсьтым ӝужыт. Солэн мугор вӧзаз мон эшшо но пичи адӟиськисько. Со сьӧд водолазкаен, нош мон кислотной цвет футболкаен. Разницаез вообще адӟиське. Берам будто борддор сылэ.

Туннэ вообще 5 кузя гинэ вал. Мон самой первой лыктӥ, нокин ӧй вал на. 5 минут кыле на вал тренировка куськытозь. Тренер шуэ:"Ну, тон огнад, сейчас жуммыто ". Ваньзылэн пятница, лэся. Кин ке лымы понна лыктыны быгатымтэ. Туж резко кынтӥз туэ, туж резко лымы усиз. Бокс азьын изи вал ӧжытак. Потӥ но ураме боксэ мыныны, пайми. Машинаос вылын 20 см лымы пуке. Тӧло, лымы пелля. Толалтэ ик кадь. Октябре.

ЗОЖ

Малы меда шулдыръяськыку малпаськем ик уг поты, мар луоз ӵуказеяз?
Мырдэм мугорме ӝутӥ койка вылысь туннэ. Изем потэ мар ке кадь. 4 час гинэ иземын, нош парае однозэ мыноно. Шобрет улын шуныт, комнатаын салкым, опять форточкаез нылъёс ворсаллямтэ, нош мон форточка улын ик изисько. Толон куинь часэ бертыса адӟиськымтэе усьтэмын шуыса, ярам шуныт пижамаме дӥсяй.

Толон посвящение первокурсников вал. Мыноно кариським одногруппницаосынымы. "Шувалов " клубын вал. Нырысь ик мынӥм берпуметӥ курс шуыса, нош собере ку вуод на та клубе. Адӟоно ук:)
Пырыса вуттӥ-а ӧй-а адӟисько: гардеробын ужась нылэз тодӥсько. Собере бар вӧзтӥ кошкыку бармен вылэ син усиз. Тожо тодмое.  Ярам. "Докатились", - ас поннам малпай мон.
Эктӥськом, шулдыръяськиськом. И вдруг мон берам учки малы ке. И кине мон адӟисько! Тренерме. Выль тренерме. Мон долкай.  Со татын ужа охранник луыса. Мар? Что за?

Со монэ ӧз адӟы. Умой.
Жади эктыса. Сылӥсько. Нош 5 метр кемын сылэ тренере. Учке сак адямиос шоры. И татын солэн синмыз усе мон вылэ, валатэк учке дальше, а собере резко опять мон шоры учке паймыса. Типа, что за хрень? Тон татын мар кариськод? (А мон вакчи дэремен, йырси лэзьямын, каблукъёсын, чиль-вор пиштӥсь кофта дэрем вылам. Со то монэ адӟе буяськемтэен, лосиныен, футболкаен, кутэм йырсиен). И чыртыяз возьматэ:"Капец тыныд ӵуказе". Мынам то тренировка. Собере эшез пала берыктӥськиз. И будто вань серьёзностез быриз. Адями кутскиз мыняны, интыяз чуть ли не уг экты. Берыктӥське, учке, обратно берыктӥське.
Кошки эктыны. Табере эктон но не эктон ини. То адӟисько сое балконысь, то мукет интыысь. Мар ке эктыны ик неудобно луиз.
Нахрен, шуыса диванъёс доры вырӟи. Опять не знай кытысь азям потӥз. "Мар, юиськод-а?"- юа. "Уг", -шуисько. "Ну смотри"...- шуиз со мыжыксэ возьматыса.
Кошкиз дальше атас кадь.

Нокытчы ветлыны но скоро уз луы ни.

Шулдыр вал. Бертӥськиз только вӧлегаса. Тол вуэ.

Каньылгес.

Кыкетӥ нуналзэ ветлӥ тренировкае выль адямиос пӧлы, выль интые. Туннэ каньылгес ини. Но.

Капец кыӵе ке. Вообще веранэз ик вылымтэ тренерелы, что мон ӧжытак ветлэмын боксэ. Со табере оценивающе учке. Аслэсьтыз, видимо, самооценказэ ӝутэ. До мелочи монэ тупатъя, ку мон вӧзын сылӥсь пияш дас поллы аламагес лэсьтэ. А тренер сое так, ӧжытак гинэ тупатэ, хотя мон адӟисько, что со пияшлэн шонертэм стойкаез, киосыз мыдлань кошко. Сӥть.  Со монэ ӧжытак напрягает так ке.

"Ну мар, таец, - шуэ со мыным, - вера ай кыӵе та мыжгем? " Иронично, насмешкаен мон доры лыктэ. Нош мон со шоры учкисько номыр вератэк, типа, давай, ачид вера, мон тренер ӧвӧл, тон милям татын царь и бог. Со ке ӧч каре, мон ӧч каро. 10 адямиос пӧлын со монэн озьы вераське. Воргоронъёс тожо учко серекъяса.

Солэн методикаез мукет. Со техникаез отрабатывать карытэ. Воздухе мыжыкъёсын шонаськыса, дугдылытэк 10 минут но сылӥськом кадь.
Соиз тренере сразу пуктэ азяд адямиез, и тӥ ӵошен мар ке дауртӥськоды.

Валай малы мукет нылашкалэн йырыз вылӥынгес. Со, пе, Удмуртилэн сборнояз пыре суро-пожо нюръяськонэн. Зато техникаез ӧвӧл йӧназ. Результатэз ке, пе, вань, мыным, пе, техникаез сӥтьлы но кулэ ӧвӧл. Тӥни сыӵе брутальной нылаш.

...Мон тодӥсько малы со монэн сыӵе иронично вераське. Сое вераны но уг яра, дыр. Просто со тодэ, что мон удмурт.

Тем временем Сергеева предательница

Векчи зор кыдыра, машинаос жух -жах кошко, адями урамын ӧжыт, 9 час ӝыт ини. Пельын наушникъёс, пыдын горд резинка сапег. Котырысь номыре уг валаськы, уг кылӥсько, хоть бертӥм лыктыса мед конгытозы. Бертӥсько мон озьы тренировкаысь кефир гульккатыса. Туннэ мон нырысьсэ мынӥ мукет интые, мукет адями доры боксэн вырыны. "Атлантисысьтым" кошки "Чемпионэ".
Конечно, разницаез мар ке быдӟа. "Атлантис" бай клуб. Дуно отын. Но со ассэ оправдывает. Отын ыркыт, трос омыр но люгыт. Трос персоналэз, трос пӧртэм тренеръёс. И, наконец, со отдельной зданиын. Ну, кызьы, пристрой улон корка вӧзы.

"Чемпион " всё-таки эконом класс шуысал мон. Учкыса ик, кыӵе дӥсен адямиос ветло клубе, луэ тае валаны. Алигес усьтӥськиз кадь шуыса валай мон. Ваньмыз пока татын сумбурно ай. Таиз клуб интыяськемын то ли подвалын, то ли нырысетӥ этажын. И вообще арбитражной суд сьӧрын. Кадь. Пеймытэн ваньмыз алама адӟиське. Соин клубын ваньмыз ӝикыт. Тужгес но ӧз кельшы раздевалка. Туж ӧжыт интыез, мар ке ӝужда шкафчикъёс. Душазы ӧй на пыра. Учконо луоз мукет дыръя. Персонал пӧлысь будто пересь нылкышно гардеробысь но рецепшынысь нылашка. И всё. Мукетъёссэ ӧй адӟылы.

Со адямилэсь уж нимзэ уг вера. Пинал на, егит. Огез тужгес но кужмоез боксёр Удмуртиысь можно шуыны. Контактын гожъяським вал тренировкаос ласянь. Ас синмыным адӟи туннэ. Пайми. Кемалась соӝужда адямиосты адӟем ӧй вал ини. Ӝужыт, начар, синъёсыз лызэсь (кыӵе ке лучезарноесь), мунёлэн кадь, мынякуз туж мусо ямочкаос кылдо бамъёсаз. Йӧтэ, что та пияш йыг-йыг пыдвылаз сылэ и незнай кин гинэ быгатоз сое равновесиысь поттыны. Идеал просто. Сыӵеоссэ гинэ подавай мыным. Аха. Пияш туж воргоронистой, но ӧжытак визьтэмгес ик кадь. Со сыӵе ик схемая:бесплатный сыр только в мышеловке. Кин ке сярысь вераса сылӥз эшезлы: со, пе, сыӵе очарованный, то есть ӧжытак шуккемгес. Или фитнес залысь коврикъёс вылэ выдылэм нылъёсыз ас ныр улаз бегемотъёс шуыса кошкиз. Туж тунсыко вераське, на самом деле.  Ну ладно, может зэм но дышетоз вылезлы.

Нырысетӥ тренере туж ик пинал ӧвӧл ини. 40 арес котырын. Лапег, мынэсьтым 5 см. ӝужыт, дыр. Улонэз адӟемын, Кавказ пала сюрылэмын. Таш -таш ӟуч, ай ӧвӧл, бигер воргорон. Материть кароз, оломар вераськоз... Но ас эш кароз. Туж огшоры пиосмурт.
Быдэс кык час милемын вань упражнениосты лэсьтэ вал, нош таиз почти весь сылӥз сцена вылын (залын пичияк сцена вань) королевич кадь. 
Контенгент шуод-а мар-а... Татын валаса конечно ӧй на вуы кто есть кто. Ну адӟиське ини. Нылаш (кудӥз вал основной причина малы мон воштӥ клубме) сыӵе огшоры. Сьӧд-сьӧд буям йырсиен,  воргоронистой замашкаосын ӧжытак, вразброс кытӥ но оти мугораз  дунтэм татуировкаос (тодыны бы мар означает пыдысьтыз иероглифъёсыз). И вот. Пиос но сыӵеесьгес ик. Огезлэн дак вообще футболкаез пасямын вал. Нылашлы примерно 27 арес. Ветлылэмын ини таӵе интыостӥ, типа сыӵе бывалая. И мон шоры серемпыргес учке. Пияшъёс пӧлын пӧртэмез вань. Кудӥз ке вокщё нырысьсэ лыктэмын кадь.

Нош нырысетӥяз клубын туж тунсыкоесь вал воргоронъёсы. Опрятноесь, кужмоесь не только физически но и духовно. Соос улонэн довольноесь вал. Уксёё муртъёс бере. Пиналъёсыз но. Соос нырысетӥ нуналысен ик монэ эш каризы. Асьсэос доре лыктыса тодматӥськылӥзы.

Татын дыр час гинэ малы ке. Так что туж шаплы тренировка ортчиз. Каньыл шокан маза ик ӧй вал. "Атлантисын" гань-ганьгес ортче вал.

Ортчоз ваньмыз. Дышо, дыр. Адями ваньмызлы дыше ук.

Кытын?Ку?Мар?

Кыӵе мылкыд ӝутӥськиз малпаса, что туннэ ортчоз "Кытын? Ку? Мар?" шудон. Ми арт-экспедициен отчы пырыны малпаським.  Вал на Кузебай Герд гимназиысь нылпиос, Алнаш ёросысь Писейгурт школаысь но удмурт филфакысь егитъёс.
Мон яратӥсько таӵе шудонъёсты. Тросгес мед ортчылысалзы.

Мар шудон сярысь. Туж тунсыкоесь юанъёс, номыр веранэз. Но блин, капец кыӵе ке. Соос до того чылкыт удмурт кылэн гожъямын, что пока ми сое лыдӟиськом, смыслзэ валан турттӥськом дырмы туж шаплы ортчиз кадь. Мынам автоматически йыры берыктыны турттэ ӟуч кылэ со кыӵе ке канцелярской (мон уг тодӥськы кызьы валэктон сётыны со кылъёслы) кылъёслы. Тросэз юанъёс берыктэмын вал ӟуч кылысь. И притом берыктэмын ӧжытак...Ммм... Шонертэмгес кадь. Смыслэз воштӥське. Берыктыса ӟуч кылэ но смыслзэ не догоняешь. Даже Образцова Наташа почти в истерике пуке блииин, блин, блииин шуыса. Асьме шузиенымы вормытэк кылимы. Веранозэ но вератэк.

Да. Ӟучомемъёс.

Конечно трос шӧкъёсыз на. Но ӵемгес луиз ке таӵе шудонъёс, ваньмыз вӧлялоз. Можно зэмзэ но ӟуч версияяз ветлыны (УдГУ ын ортчылэ тожо) ӧжытак опыт басьтыны.
А так ӟечокъёс. Даже видеовопросъёс вал.

Но скоро монэ нокытчы но уз ӧтчалэ ни, дыр. Кылыд, пе, кузь. Потыкум шуизы:" Сергеева только не чмори, пожалуйста ".

Ойдолэ коммуникативнойзэ табере ортчытом. Туж тунсыко луоз :) Таяз то арт-экспедиция точно вормоз:)

Гулёна

Туннэ понна туж тунсыко нунал вал мон понна.
Ветлӥ Полина Кубисталэн выль студияз фотое пуксьылыны:)

Рябова Татьяна отын визажист луыса ужа. До того мыло-кыдо нош. Паймоно кадь. Мон котьку паймисько сыӵе адямиослы, кудъёсыз быгато тодмотэм адямиен кыл шедьтыны.
Котькуд нылаш кулэ, дыр, визажист доры вуылыны (умой визажист доры). Уж куспаз трос кулэ арбериос вераз мыным Татьяна:) Ас ужзэ со вала, пыр-поч тодэ.
Собере вуизы Гришаен Полина.
Гармония сыӵе. Син медаз усь.

Только Гриша шуиз, что троссэ уг вала мар мон гожъяськон . Со, пе, туж алама валасько удмурт кылэз. Мон шуисько:"Удмурт кылэз тодӥсез но ай уг вала малы мон блог нуисько. Толыксэ уг вала". Серекъяз. Довольно серекъяз ку шуи, что тросэзлы уг кельшы, что Поздеев мон пала кариське, ку мынэсьтым блогме кулэтэм каро.

Мон нырысьсэ озьы фотоаппарат азьын сылӥ, тодмотэм адямилы позировать карыса. Малпасько вал туж кышкыт шуыса. Ӧвӧл вылэм :)

...Мед пушъёз та студия, татын ӟеч адямиос ужало.
Кыӵе мон синмаськи соослы :) ну и еще салатовой костюмлы,  кудӥзлэсь дунзэ ик юаны кышкай:)