4 нояб. 2016 г.

Риторической юан

Мынам риторической юан?
Кызьы Элькуновидениелэн уровенез ӝутӥськоз, если ворме СЫӴЕ кырӟан но ворме СЫӴЕ костюм?

Элькуновидение2016. Прямой эфир, пе

Балезино ёрос. Анай сярысь кырӟан. Бераз кырӟасьлэн фоторяд. Европейской ымныръёсын. Да ну. "Кызьы меда улод яратонтэк" кырӟанлэн гурез напоминает.

Дэбёс. Капец костюмъёс. Опять кыӵе ке рэп.  Мынам но вал пичи дыры, интернет, Байгурезь. Мааар? Кыӵе ке беретъёс но странной пиджакъёс. Беразы эктӥсьёс... Шта?!

Дэри ёрос. "Зарни гур" ансамбль. Ну или "Гаруда ". Со адямиос ик. Арган сярысь кырӟан. Мар сярысь еще кырӟалозы на удмуртъёс? Атласной дэремъёс наконец-то модаысь потӥзы кадь. Но табере ул дэрем выллем стилизованной костюмъёс нагнетают. Тӧдь-тӧдь вылын горд пужы.

Глаз ёрос. Кыӵе ке битбоксер удмурт рубашкаен. Незнай кӧня аресъем воргорон кырӟа рэп в тӧдьы найках но тӧдьы толстовкаен мар ке быдӟа удмурт кизилиен гадяз. Тӧдьы шапка но тӧдьы штани. Вӧзаз нылаш "эктом" шуыса весь кырӟа. Нет. Прикольной кырӟан. Но костюмъёс вань мылкыдэз быдто.

Башкортостан. 4 воргоронъёс. "Ӧрӟи", пе. Куараоссы! Классно. Только мар ке уг тырмы кадь. Сыло 4 воргоронъёс и сыло ваньзы, одӥг кадь дӥсяськемын чилясь пурысь костюмъёсын. Кырӟало. Кыӵе ке нотки "а-ля Ганьков".

Эгра кар. "Эгра нылъёс". Выль ар сярысь кырӟан. 90-тӥ аръёсысь аранжировка. Даже музыкаез мае ке напоминает туж зол. Кыӵе ке 90-тӥ аръёсысь кырӟасьлэсь кырӟанзэ. И опять "ул дэремъёс".

Эгра ёрос. Анае вазь гурзэ эстэм но шаньги пыжем, корка азяз пуксем но монэ возьма. Вот. Анай сярысь, пе. Меӵак эфирын, тулкымъёс вылын чузъяськоз тыныд кырӟан. Валады-а?
Туж странной расцветкаен рубашкаез пияшлэн.

Сьӧлта ёрос. "Забавушки" ансамбль. Опять сыӵе ик тӧдьы костюмъёс. Кырӟасьёс но беразы шудӥсь адямиос инструментъёсын.

Пичи Пурга ёрос. "Аня" сярысь кырӟан. Видимо сьӧразы видеорядын как раз со Аня. Анялы повезло, Аня сярысь кырӟан гожтӥллям но Элькуновидениын кырӟало. Даже пиослэн тӧдьы рубашказы горд пужъятэмын. Аранжировка тоже тыц -тыц 90-тӥ аръёс.

Алнаш ёрос. "Ибырвесь" дуэт. Дэрем цветъёс тӥ валады ни кыӵе. Горд но тӧдьы. Ну хотя бы интересно кариллям. Тӧдьы кузь юбка но горд пиджакъёс. Беразы тыпыртыса экто нылъёс сю миллион аресъем костюмъёсын. Вообщем. Кӧнятӥ арзэ Алнаш - не фонтан. Неужто ӧвӧл яркыт егит кырӟасьёс?! Эй!

Кияса ёрос. "Мылкыд" ансамбль. Уткинъёс. Мон соосыз кытын ке кылзӥ ни вал кадь. Нырысетӥ Эль ныл фестивальын кадь. Классныесь. Романтичной ансамбль. Бас гитара, барабанъёс, арган, гитара. Музыказы интересной. Костюмъёссы сярысь уг вераськы. Ваньмыз озьы ик. Ярам хоть джинсы дӥсяллям. Но соос классноесь. Мон синмаськи) Только крезьгурзы тожо мае ке напоминает.

Шаркан ёрос. Пинал пияш кыӵе ке. Кудӥз туж экспрессивно кырӟа. Ымныр тусыз ничё так. Нылъёслы синмаськымон кадь. Джинсы, тӧдьы футболка, джинсовой курточка но тӧдьы шапка. Кин ке вӧзын пуке но шуэ:"Всё равно я первый был, кто в шапке начал выступать"😃

Глазов кар. "Мон шудо" кырӟан. Куараез тунсыко. Только капюшонэн разноцветной дэрем... Кушты капюшондэ! О, куштӥз.

Ижкар. Первомай ёрос. Куинь нылъёс. Чеберай сярысь кырӟало. Мон та кырӟанэз куинетӥзэ кылӥсько ни. Дэремъёссы норм. Кельше. Кузь куко бабля йырсиё нылъёс. Одӥг шулдыр нуналэ "Финноугорский транзит" концертэ ветлӥ вал, вот отын та нылъёс та кырӟанэз ик кырӟазы. Усточикар лагерьын валтӥсь вожатоймылэн визитной кырӟанэз вал. О, пумыз "Серебро" группалэн Евровидение вожвылъяськон кырӟанзылэн кадь ик.

Можга ёрос. Кутсконыз уже тунсыко. Пеймыт. Кык адямиос пуко пукон вылын. Пияш гитараен шудэ. Нылаш кырӟа. Туж тунсыко крезьгурез. Ёлка кырӟасьлэн кадь ик куараез. Блин, классная. Чын-чын Евровидениын кадь ик луиз кадь. Костюмчикез тожо классной. Вроде и кузь дэрем, вроде и паськыт штани.

Вот. Пумыз. Кияса ёрос пиос форевер!

Философские размышления, пока мынэ голосование.

Вот малы озьы? Кин ке вераз-а мар-а что Элькуновидение арлыдоослы вожвылъяськон? Малы сыӵе ӧжыт егитъёс? Алнашын но егит кырӟасьёс быриллям-а мар-а?
Опять парадокс. Можга ёросысь нылаш кырӟасал ке Куарагурын, со ӧз басьтысал, дыр, отын вылӥ инты. Потому что со кадь кырӟасьёс отын трос. Нош татын со воксё аспӧртэм адӟиське. Кызьы Кияса пиос но.
В общем Элькуновидение - со не егитъёслы конкурс луэ, видимо.

Еще, пе, самой умой костюм быръёзы. Капец. Кызьы можно одӥг кадь костюмъёс пӧлысь умойзэ бырйыны?

21 окт. 2016 г.

Эктоника кельшымоника (питырскем синъёс татын)

В кой то веки ветлӥ мон удмурт дискотекае. Кемалась ини вал ветлэме. Сентябре ку луиз, виси, мынэме ӧз луы, аж ваньзы вдруг ыштӥллям. Жингыръязы.

Мынӥ мон удмурт дэремен знаете ли, кудӥз мынэсьтым но пересь ини. Туганэ шуиз:"Никаких вакчи но прозрачных дэремов". Шучу, конечно. Просто мыным немар дӥсяны вал.

И вот. Мон пыри Резиденция клубе. Асме инопланитянин кожаса. Малы ке шуоно, шорам ваньзы кырыж учкизы.

Пока пукимы, учкимы. Адями клуб тросаз луиз.
Эктоника кельшымоника. Попахивает поздеевщиной. Зэм но Павел Геннадьевич отын вал. Уж слишком визьмо постъёс луизы "Эктоника" группаын. Да и дискотекаоысын заморочкаос типа, возьматом ай ми тӥледлы видео SWG-лэсь оркестрен ортчем концертсэ. Я бен. Ну и эшшо, 8-тӥ сезон (или укмысэтӥ) 2-тӥ серия, пе. Тазьы только сериаломанъёс гожтыны быгато.
Мон заметила, что пияшъёс мар ке мында. Туж трос. Нылъёс кык поллы ӧжытгес вал кадь. И возрастной категория туж пӧртэм. И за 30 и за 40 но кадь. Солянка.

Эктыны потӥмы нылъёсын. Эктӥсько, значит, тур-пар. Удмурт дэремен же. И кыӵе ке пиосмурт синзэ вошъятэк учке, пӧлызэ возьматэ, типа, во! Эктӥз, эктӥз но пель дорам лыктыса вера:"Лушкаса нуо ведь, уд но вала". Пфф. Эшшо раз пель дорам лыктыса вера:"Мон тонэ кен ваё. Сейчас пиме ӧтё". Чалякгес кошки отысь. То есть дискотекае атайёсынызы ветло?! Осто.

Мон валай, удумурт дэрем со - успех. Либо тон шоры лох шоры кадь учко, либо синмаськыса. Кругамы пиос туж ӵем вошъяськизы. Во! шуыса лыкто.

Нош нылъёс лошара шоры кадь учко. Ну, ну малпасько, лучше таза берпалдэ удмурт дэремен ворса вал, а не облегающиеныз. Яке турецкий трикотажен кофтадэ тылскемын сут.

Вераен Галихановъёс нуисьёс вал. Кыӵе ке туж пошлой но абсурдной. Ӝыныез тыршемзэс ӧз но валалэ кадь. Лучше соос тэтчась но черекъясь Пушкин шоры учкозы. Ну яке Вералэн сэзъяськись гадьёсыз шоры.

"Ми но лыктом сояз удмурт дэремен",- шуизы эшъёсы.

17 окт. 2016 г.

Ода курень синъёсылы

Дугдылонниын сылонъя, нылпиос оломар но ӟуро. Ваньзэ автобус вуытозь вуо вераса:
-А мынам потэ, Марина Юрьевналэн кадь синъёс.
-Маиз мынам отын тунсыко. Курень и курень. Тӥни Денислэн но курень.
-Дак со тӥляд кизер но нап но ӧвӧл. Сыӵе шоро-куспо. И тӥ серекъяськоды ке, синъёсты туж ӟечесь луо. Мыным сыӵе кельше учкыны, кызьы синъёс котырады мынякуды кисыриос кылдо. Синъёсты пичиесь кылё, пишто шунытэн, кызьы ке полукругом луо. Вот Дарина серекъя ке, шуом, солэн синъёсыз тожо векчиесь кылё, но не полукругом, а просто. Вот.

Со подмазываться кариськыса веран ӧй вал, мон шӧдӥсько, ку подмазываются)

Этюд

Ӟуч кылъя урок. 
-Марина Юрьевна, что такое РДЕЕТ?
-Прочитай полностью предложение, Никита.
-Рдеет, как алая роза.
-Рдеет, значит краснеет, как алая роза. 
-О. Интресно.
Диалоге пыриз Максим:
-А Лиза, когда стыдится, рдеет.
-Максим, добавь: как роза.
Максим ачиз горд-горд луиз. Нош ваньзы ганяк мынязы.

Милота мынам классам.

5 окт. 2016 г.

Эрико-а мон?

Мар луэ, ку мероприятилэсь особо номыре уд возьмаськы, но шедьтэк шорысь со мертчиське тынад сюлмад, мур малпаськонэ уськытэ?  Правильно, запредельной наслаждение.

Мини-театр "Балда" туннэ возьматӥз Эрик Батуевлы сӥзем вакчияк спектакль Кузебай Герд нимо гимназилэн актовой залаз под эгидой Удмурт Кенеш. Со мини-театр кукольной театрысь шуыса валай мон.

Эрик Батуевлэсь шудиз Сергей Антонов, кудӥз туж кельше Алексей Ложкинлы)) Кыӵе со сюлмам пыриз мынам! Огшоры шудӥз. Туж театрально шудо ке, мынам султыса кошкем потыны кутске. А татын туж улонын кадь. Кыӵе ке прокуренной куараен. Куректӥсь, улонэз адӟем синъёсын.

Сцена вылын конструкция, кудӥз борды ошылэмын суредъёс, газетъёс, ручкаос, блокнотъёс. Ваньмыз, мар герӟаськемын поэтлэн улонэныз. Нырысь ик сцена вылэ потӥз туж кӧшкемыт мар ке: тӧдьы плащен, киосыз но ымнырыз бинемын сьӧд басмаен.  Со -  кулон. Сьӧраз ик потӥз ачиз поэт тужгес но тодмо кылбурзэ вераса "Мон гольык...". Вылаз тӧдьы рубашка, чыртыяз кирос, куттэмпыд, сьӧд штаниен. Сыӵе романтической герой.

Собере улон этапъёсыз кутскизы. Поэт ветлэ сцена вылтӥ, вераськыны турттэ кулонэн, нош соиз уг вазьы солы. Поэт вала, шӧдэ кулонэз, пазяське, куя блокнотъёссэ кылбуръёсыныз, нош кулон шыпыт гинэ ветлэ сьӧраз, ӝутэ но оше берен конструкция борды. Поэт вала обреченной улонзэ. Вазь кулонзэ шӧдэ. Утыр ӟыгырске кулон борды, кулон нош серем карыса палэнтэ, куддыр маялтэ, буйгатэ.

Мыным потэ, та спектакль пыр туж умой адӟыны луэ поэтлэсь пуш дуннезэ, характерзэ. Туж шонер но мур пуштросо кылбуръёс быръемын со понна. Пӧрмиз лаконично. Акылес но ӧй вал.

Пумозяз адӟи но дыртӥ параям. Ӧй кылзы ни мар веразы Захаров но Рябининина.

4 окт. 2016 г.

О наболевшем.

"Я, нылы, нылпи вай ини,"- шуиз мыным мама сема сиёнъяз. Шораз долкай: "Ну и мар каром мон со нылпиен?" Мама шорам опять учке:"Мар тынад тӧдьы кофтаез лыз пыръем?" Мон:" Джинсыен ӵӧш миськи". Мама:"Бон тон уд тодӥськы-а, что тӧдьы дӥсез отдельно мисько?" Мон:"Ну вот, а тон еще нылпи вайыны монэ косӥськод".

Ваньзы юало:"Тон пияно ӧвӧл-а? / Тон декретэ потыны уд малпаськы-а?" Да кӧй мон, кӧй! Узбагойтесь.

Бон.

Мыным кема ӧвӧл на шуизы: "Ну Сергеева, ну что такое. Неинтересно озьы. Мар гожъямысь дугдӥд? Мыным же интересно мукет синмын учкем. Гожъя, бегом!"

Нош мынам кыӵе ке сӥзьыл ностальгия. Берыктысал выльысен 2013-тӥ арез. Малы? Уг тодӥськы.

26 авг. 2016 г.

Сяськаяськы котькуд ар, яратоно Усточикар!

Кема малпаськи мыноно ик-а ӧвӧл-а башкир удмуртъёслэн лагерязы. Шуизы: яке старший вожатоен мынӥськод, яке азьветлӥсьёслэн ӧразы ӧнерчи луиськод. Мынӥ специалистэн.

Лагерь Усточикар ортче Вязовка гуртын, Алёна Тимерхановалэн вордскем гуртаз. Шонерзэгес вераса, Вязовка сьӧрын вань нылпиослы лагерь, огшоры корпусъёсын. Хотя, огшоры ик ӧвӧл. Татын мунчоез но вань, кытысь сыӵе лагерь шедьтод на.

Вуимы ми Удмуртиысь 16 кузя - 10 нылпи но 6 бадӟым муртъёс. Тур-пар потӥзы милемыз пумитаны, сразу пыртӥзы столовое, кытын сюдӥзы тыкмачен. Огшоры тыкмачен, сӥльтэк, подливтэк. Тааак, малпай, что-то пошло не так. Огпол но кожаз тыкмач сиеме ӧй вал на. Собере мынӥмы комнатаосы.

Курдатӥзы монэ вал мынон азям: нылпиос, пе, туж ик уг ярато гужем куазен кыӵе ке проектъёс гожъяны)
Татын система мукет, Шундыкарын кадь ӧвӧл. Отрядын одӥг команда, нош ӧръёсын мукет команда ини. Соин ик нырысетӥ нуналаз люкиськизы нылпиос ӧръёсъя.Вожатойёс алдазы кожай, ку шуизы, что лидер отрядэ тросэз мыно халява шуыса. Но ку сцена вылэ потӥзы 28 нылпи 80-эз пӧлысь, мон йыр бордам кутӥськи но курдатыны малпай. Шуи: "Молодцы, 28 адями лыктӥз. Лагерь пумын, значится 28 проект защититься кариськоз" 28 адями пӧлысь кылиз нырысь 13. Собере всё-таки луизы ик 20 кузя.

Нуналысь нуналэ ужам, 8 проект гожтӥмы. Пумаз ӧнерчиосын огонёк но вал. И вот татын монэ нылпиосы паймытӥзы, сётӥзы кыӵе ке выль заряд дышетскон ар кутскон азьын. "Маринапай (монэ озьы но шуо вал, прикиньте, да), извините, конечно, за выражение, но тӥ офигенная. Мынам та дырозь сыӵе дышетӥсе ӧй вал на". "Марина, тӥ туж классная. Малы мынам сыӵе дышетӥсе ӧвӧл?" "Марина, мон тӥ кадь аспӧртэмлыко адямиез ӧй на адӟы вал. Тӥ шоры учкыса мылкыд ӝутӥське. Тӥ сыӵе жизнерадостная".

Зэм, татын нормально, ку тонэ шуо Маринапай, даже одиннадцатиклассникъёс. Сыӵе но мусо сям со. Башкир удмуртъёс вокщё муспотонэсь вылэм. Вераськемзы но, кырӟамзы но.

Башкир удмурт воргоронъёс дак со вокщё отдельной тема, дыр. Соос туж внимательноесь, хоть пичиез, хоть бадӟымез. Соосты с пеленок дышето кадь ухаживать нылъёс сьӧры. Соос ваньзы но кадь кырӟаны, эктыны, арганэн шудыны быгато. Кыӵе ке романтичноесь. Мон сое валай, ку кыкетӥ нуналаз мыным прудысь ваизы ву лилиосын керттэт))

Камсьӧр кырӟанъёслы синмаськыса бертӥ. Ганяк корпус азе пуксьыса, арганэн, гитараен кырӟамзэс кылзӥськыса пукылӥ.

Татын быдэс нунал крезьгур чузъяське. Котькуд ӵукна кутске крезьгурысен. Причем кыӵе ке Богдан Анфиногеновен сюлэмез вӧсь карыса. Телефон уг куты, роуминг, жингыртыны уг луы.

Нуналъёс шӧдытэк ортчизы. Куддыръя гань-гань, куддыръя туж ури-бери. Лагерь, мар шуод на. Инкуазез татын бесподобной. Мар ке ӝуждаесь пужымъёс но кызъёс, вӧзын лилиосын пруд.

Шумпотӥсько мон "Лучший специалист" луи шуыса. Значит, ваньмыз не зря вал. Ӧтизы на ке, шумпото гинэ. Бадӟым опыт ачим но мон татын басьтӥ. Золгес но, может, валаны кутски мон дышетӥсь шуыса.

Татын 5 гинэ ӧр: азьветлӥсь, туй, эстрада, фольклор но журналистика. Тросгес луысал ке, эшшо но тунсыкогес луысал, дыр. 20 нылпиен cекытгес ик ужаны. Хотя мар мон верасько. Монэ возьмало ини тани-тани 26. Будӥллям ини, дыр. Характеръёссы но воштӥськиз, дыр. Уфала.. (Осто Иньмаре озьы шуо камсьӧр удмуртъёс, сокращенно уф! шуо)

Эш но шедьтӥ аслым. Шумпотӥсько гань-гань адямиез ке пумитасько. Ачим ури-бери бере. Ачим быдӟа ик арескын, но сыӵе лад-лад нылаш. Ваньзэ ганяк лэсьтоз, дыртытэк. Уӵы кадь кырӟа, туж чебер тыпыртэ. Видимо, со мынам сыӵе судьбае, шедьтыны сыӵе эктӥсь-кыӟась эшъёсты, нош ачим юбо кадь но сӧриськем радио кадь)

я, мӧзмыны кутскисько, трос уг вераськы.


14 авг. 2016 г.

Кӧльыёшурма


2-тӥ гудырикошконысен 13-тӥ гудырикошконозь Усоын (Муважиын уске) ортчиз этнофутуристической симпозиум "Кӧльыёшурма" (игра слов. Голюшурма уске). Лэнд-артлы сӥземын вал сие действие. Вань скульптураоссэс, лэсьтэмёссэс пуктылӥзы Голюшурма бервылэ. Со понна соослы кесязы вуж клубез но больницаез гуртысьтымы, чтобы коръёссылэсь мар ке лэсьтыны.

Та симпозиум милям гуртмылы вал туж бадӟым событие. Шер ми дорын та быдӟа ужрадъёс ортчо. Куно пумитанэ мон ӧй сюры, зарезьын пыласькисько на вал. Валай, тунсыко туж гуртын улон ортче шуыса, ку остановкаысь бакча бертӥ бертыкум, ошмес дурысь шыр гольык этнофутуристэз адӟи. Ас дуннеяз мисьтиське вал кадь.

Почти котькуд нунал вуылӥ школае, кытчы художникъёсты интыязы.

Нуналысь нуналэ художникъёс ужазы, нош ӝытазе котькудӥз ассэ возьматӥз - кин маин выре. Калык трос ик ӧз ветлы, но всё равно кӧня ке вал.

Та симпозиумъёс cярысь лыдӟыса, мон котьку малпасько вал кызьы меда милям гурт калык пумитасал этнофутуристъёсты соослэн ӧжытак валантэм перфомансъёсынызы, калыклэсь пӧртэм выросъёсынызы. Ну, знаете ли, туж даже толерантно шуод-а мар-а.

- О, соос куттэм пыд ветло. Даже огез-кыкез концертэ но потӥллям пыдкутчантэк (как раз одӥг нуналэ Алнашысь концерт вуылӥз).
- Огезлэн, пе, пиосмуртлэн йырсиез кускозяз ик. Фин, лэся.
- Огез нылзы урам кузя флейтаен шудыса ветлэ вань пичиосты котыраз люкаса.
- Ужало кадь мар ке. Школа азьын везде коръёс.
-Олокинез но вань кадь: эстонецез но, бигерез но, порез но, финэз но, ӟучез но. Лыктэмзы но ведь та кеме потэ.

Ну и со выллем вераськонъёс.

12 гудырикошконэ вал возьматон. Кудаз тожо тунсыко вал кылдӥськыны гуртоослэсь комментариоссэс.
Туж паймытӥзы дасяськеменызы. Кузёбайёс  но Усоос ӵошен султыса кырӟазы. Вавожъёс но вуиллям (соос дорын следующий симпозиум ортчыны, пе, кулэ), Ӧркагуртысь мусо песянайёс но. Туж трос калык люкаськиз, мон ӧй но малпа вал.