20 окт. 2017 г.

Палэзямы 2017

Таиз арня туж аспортэмлыко ортче мар ке. Уг тодиськы ачим маин  быроз нуналэ. 7 час жытозь пукиськод тетрадьесты эскерыса, а собере оломар малпанъес лыкто йыре. Ярам со малпанъёсты быдэсто каньлэн жутиськись коллегаос. Шуом понедельнике нунал быриз 12 часын уйин кинотеатрын, вторнике 1 часэ уйин бильярдын, средае 10 часын ДДН-ын, нош  туннэ тожо отын ик. Кутскиз толон "Палэзян" фестиваль. Ми жытпал как раз мынимы этно-мода учкыны. Разнокалиберной дизайнеръёс возьматизы ас быгатонлыкъёссэс.
Мынам котьку - учкисько детальёс шоры, но паймисько, кызьы дизайнер ассэ шуись адями 21 дауре кутэ ужаз 20-30 манетэн сылись тесьмаез, кудаз пужъятэмын удмурт кизили-оберег? Кызьы? Кызьы дизайнер шуись адями сыче безвкусно кутэ дунтэм  атласэз? Кызьы дизайнер шуись адями уг вала коллекция одиг  шомо луыны кулэ шуса?

Оглом вераса, мон туж шумпоти Играысь дизайнерлы, вот кин  шодэ туала тулкымъёсты. "Look Игра пал" коллекция Надежда Касаткиналэн. Куаш-куаш. Да оглом вераса, удмурт мода вамышлы азьланьгес поръёслэсь, комиослэсь. Поръёс слишком гольтресэсь но сценическоесь. Удмуртъёслэн матынгес огшоры улонлы.

Нош  декоративно-прикладной центръёслы кулэ отдельно лэсьтыны показъёс. Со мукет жанрысь, потэ мыным.

Ми жадьыса бырим, пумаз чуть умме ом  усе, кема  кыстиськиз.

24 авг. 2017 г.

Отпуск - не отпуск

Отпуск - не отпуск, блин. Быдэс июньзэ магистерской диссертация гожъяськиз психовать карыса но сюлмаськыса. Собере быдэс июль ортчиз утялтӥськыса, видите ли кин ке но кисьмам ныл кураны. Нош август кутскиз Усточикарысен. Отпуск кошкиз ныр ултӥ.

Башкир удмуртъёслы мынам кыӵе ке но трепетной отношение. Мыным соос кыӵе ке но волшебной странаысь геройёс кадь пото. Гань-ганесь, мусо вераськисесь. Чебер коркаосын улӥсесь,котьку утялтыны, кунояны дасесь. Мон шумпотыса отчы мынӥ.

Усточикарын мон валтӥсь вожатой луыса ужай. Темаез вал "Дырлэн тулкымъёсаз", котькуд нунал кыӵе ке но дырез возьматыны кулэ вал. Мон уг кутскы вераны, мар вал нуналысь нуналэ.
Котькуд нунал лагерьын тунсыко ортче. Ачид ке шулдыръяськиськод, котыр ваньмыз шулдыр луэ. Берло дыре сыӵе правилоя улӥсько. Ма чынзэ но. Кулэ же оглом усилие лэсьтыны, чтобы ужрад мед пӧрмоз шуыса.

Конечно, котькуд ар сыӵе тема: Шундыкар, яке Усточикар? Котькудӥз та юанлы валэктон утча кадь. Вот, шуо, "Усточикарын аслаз, неиспорченной аураез. Татын туж зол кутӥсько вашкалаез борды, нош Шундыкар берло дыре слишком в ногу со временем мынэ, куддыръя валатэк кытын удмуртэз, нош кытын ӟучез". Строчки философии. Учке ай лагерьёслэн кричалкаоссы шоры. Шундыкарлэн кричалкаез обращается дуннелы: котьку мед пиштоз Шунды! Соин ик дуннеен герӟаськыны тырше Шундыкар (глобализация, да мар да). Нош Усточикарлэн герӟаськемын асэныз: сяськаяськы котькуд ар, яратоно Усточикар! Вот и кутӥсько вашкалаез, родноез борды. Ладно, бред.   "Кыӵе умой, Усточикарын вожатойёс но ӧнерчиос сыӵе ог-огзылы матын, ӵошен одӥг ӝӧк сьӧрын планеркаын пуко". Зэм но. "Нош Шундыкарын нылпиос РЕАЛЬНО ужало". Конечно ужалозы, со быдӟа конкурс пыр ортчы ай. Усточикаре конкурс пыр уг ортчо уго, соин нылпиослы нырысетӥ нуналъёса валэктыны кулэ луылэ мантра сямен: ТӤ ТАТЧЫ УЖАНЫ ЛЫКТӤДЫ". "Шундыкар слишком пафосной". Ну и ярам. Ведь нылпиос али мукетэсь, интернет соосты воспитывать каре. "Усточикарез Шундыкар уровене ӝутоно". А мар уровень. Конкурс лэсьтоно Усточикаре пырыны. Собере собыдӟа результат луоз, что ваньзы паймозы. И кӧня пол убеждаюсь: 10 пол ветлэм нылпи 11 полаз пассивной луэ. Со отчы эшъёс понна гинэ на мынэ, какой нафиг уж на солы. Со Шундыкарын но озьы, Усточикарын но. Татын мыным жаль соосты, кин улоназ ог пол но ӧз ортчы конкурсэз но таки ӧз вуы лагере.

Тунсыко кадь ваньмыз.
По ощущениям ке. Милям туж уютно ортчиз Усточикар. Ӧнерчиос но вожатойёс ог кыл шедьтӥзы, зэмос команда луизы. Берлояз ужрадын нылпиос синкылиоссэс ньылыса бӧрдӥзы. Со тожо мар ке сярысь вера, дыр. Даже "бӧрдӥзы" кыл но татчы уг тупа. "Вузӥзы". Реально. Быдэс помещение тыр. Со вал "Самой усто вожатой" быръён вожвылъяськон. Надя Антонова луиз, кстати. Нош усто ӧнерчи - Дарали, кудӥз Лолита кадь, без комплексов.
Мыно на? Мыно. Однозначно. Мед гинэ ӧтёзы.

23 авг. 2017 г.

Тысь!

Мон понна Можга - со туж странной кар. Пичи дыръямы милемыз отчы парке нулло вал, аттракционъёсы. Со, конечно, шумпотон вал, но всё равно та кар пыр ортчыса, мынам малы ке мылкыды котьку пуксе.

Можга таяз аре тужгес но висъяське. Элькун Гербер, Виль - ваньмыз та ортчиз Можга музъемын.Можга cярысь али ӵем кылӥсько. Отысь школьникъёс кыӵе ке группа но кылдытӥллям, пе. Чеберай конкурссы но cярысь даже кылӥськиз мар ке.

Женя Александров (да-да, со Кылзы ёптэ группаез нуэ) - егит гожъяськись, малпам ас гуртаз Даралиез ӧтьыны. Тысь! фестиваль ортчытӥзы, озьыен, Поршур гуртын (Можга ёрос опять же). Кыӵе вал программаез? Нырысь ик вераськизы егит гожъяськисьёс: Настя Шумилова, Лариса Дмитриева, Богдан Анфиногенов, Маша Векшина (кин ке тодэ на со Марайко шуса? Или ваньзылэн образ "Удмурт дунне" газетысь журналистка?), Аня Бурдина, ачиз Дарали, конечно же, кытчы сотэк, ну и Женя Александров (кудӥз ас гуртаз, на минуточку, кизили но герой). Егит гожъясьёс лыдӟизы ас ужъёссэс, кудъёссэ вряд ли кин ке валаз. Может, нырысь кин ке пельзэ но визьзэ поднапрячь карыны тыршиз ик, но, мыным потэ, безрезультатно. Даже пумаз акыльтыны кутскиз кадь. Таӵе лыдӟонъёсты отдельной интыын лэсьтоно и не бадӟым аудиторилы, мыным потэ. Вот.
Сре вал мода, конечно же. Ас коллекцизэ возьматӥз Дарали но Надя Сапожникова. Мынам йырын кылдӥз образ: коллекция элитной но коллекция ваньзылы, вождэс эн вае. Мар йырин? Басмалэн качествоезъя, дыр, кроезъя. Уг тодӥськы. Даралилэн сыӵе фильдеперсовый коллекциез: спокойной буёло, дуно буёло, дуно секытбасмаё, минималистичной, кыӵе ке монументальной. Нош Надялэн буйство мелочей, яркыт, векчи басма. Нет, мон уг шуиськы, что Надялэсь ӧй басьтысал дӥсьсэ. Басьтысал, но по отдельности-а мар-а.

Калык мода бере сайкиськиз. Пиослэн синъёссы ӝуатскизы. Вераны татын кулэ, дыр, калык трос люкаськиз шуыса.
Шӧдске, Дарали вуиз нылпи лагерысь шуса. Мар публикаен вераське, чабыны косэ. Только, Дарали, гурт калыкен вераськоно простойгес кылын-а мар-а. Валэктыса ваньзэ. Отын ведь не доктора наук (извини, со мынам профессилэн замечаниез)...

Собере вал мон понна премьера. Кырӟаз школьникъёслэн "Дэмдор" группазы. Фишкаез - 8 аресъем барабанщик. Сыӵе но мусо. Та группа кырӟа каверъёс удмурт хитъёслы, типа, "Ӟичыпи мон тонэ нимало", "Ӟеч луэ, тӧдьы кызьпуос" но мукет. Туала интернетной нылпиос валало, кызьы сцена вылэ чебер дӥсяськыса потоно. Туж минималистично но со вкусом. Нылашъёс вакчи "а-ля этно" узоро юбкаосын, тӧдьы кедыосын но тодьы футболкаосын, гадь вылазы - мониста,  пиос - джинсы, тӧдьы рубашка но бабочка. Туж чебер куараез кырӟасьсылэн. Шӧдске, конечно, сцена вылэ трос потамын ӧвӧл на. Одӥг гинэ минусэз - кырӟась кырӟа без эмоций. Однотонно.

Вот. Но собере кырӟаз на Гынсапег, Паша Александров, Настя Иванова,  кыче ке но Бобья Учаысь пияш кадь, Мария Гроздова, Малыми группа.
Последнийёсыз cярысь. Адямиос как ни странно эктӥзы. Толи соослы зэм но кельшиз, то ли соосыз эктытӥз градус, кудӥз ӝутӥськиз кадь котькуд кырӟан бере

Верано на Чудьялэн стрит-артэз cярысь. Чудья но Ш+ ш суредазы суред столовой бордазы. Кудзэ котькуд столовое пырись, пе, комментировать кариз. От мата до похвалы :)

Мон малпамея, таӵе фестивальёс лэсьтылоно гуртъёсын. Именно карысь куноосын. Со туж тунсыко гурт калыклы, необычной событие. Не Эктоника кырӟанъёсын. А кыӵе ке неформальной кырӟанъёсын. Фестивальзэ только ортчытоно озьы ик, кызьы со ортчиз Ижкарын. Площадкаосын.

21 июн. 2017 г.

Mi Li An

Эктоника выль проект лэзем. Кыӵе ке тодмотэм (нимыз гожтэмын ӧвӧл, удмурт дӥсен но маскаен нылаш суредамын. Типа Эктоника интригуЭ. Берло модазы - маскаен проектъёс.) нылашка кырӟа "мон Удмурт шаерысь" шуыса. Татын, пе, "нылъёс нырысетӥ сорт, ӧтисько, пе, мынам шаерам". "Туж чебер, пе, калык татын улэ и шунды но зарни". Короче пуштросэз: удмурт нылъёс классноесь и пиос но. Почти со ик мар вал ини ("Шонер нылаш" но "Шонер пияш"). Только хайп но инвестируй в Удмуртию хештэгъёсын.
Кырӟанлэн нимыз "Udmurt National Hype" (Англи кылысь берыктыса, хайп - со акыльтӥсь реклама, шумиха, ажиотаж.Удмуртская национальная шумиха? Фу. ).

Шуд, пе, шыпытэз яратэ.

15 июн. 2017 г.

Ми кизиськом, нош аралозы мукетъёсыз

"Тысь-дыдысь - со удмурт кыл", - шуэ мынам одногруппнике. Уг тодӥськы малы со озьы шуэ. Фиксикъёс тожо озьы ик, возьматӥ ини.

Марина кутске бызгетыны улоназ номыр тунсыкоез ӧвӧл шуыса, сразу сюре повод калгыны.

Дарали малпаз ужрад Тысь! Фестиваль современной удмуртской городской культуры, пе. Ортчиз со Музей изобразительных искусствлэн азбараз (Азбарез вань! Да еще кыӵе! Туж атмосферной).

Мынӥ мон горд удмурт дэрем дӥсяса, поястэк, вӧл-вӧл, вылаз джинсовка, пыдам кроссовки. Ощущениос, конечно...

Программаез мон понна выль ӧвӧл. Дукес, SWG (одӥг кырӟанзэс потэ ини кылзэм туж зол дискысь), Паша Александров (со нуналэ как раз поттӥз выль крезьгурзэ, кудзэ мон до дыр кылдӥськи кадь), Маша Игонина, Маша Бочкарева, Ксения Ахметханова (сыӵе дак дерзкая), Боболенин... Кин на еще. А выль коллекцизэ возьматӥз Дарали. "Гуль" нимаське (пель шумпотэ та кылэз кылыса), эшшо нырысьсэ адӟи Софи Разинаез. Ачиз Разин но вал, только вераськемзэ кылыса ӧй вуы. Кызьы ӧй вуы кылыса Даралилэсь но Марайколэсь выль романысьтызы люкетъёссэ. Вуз каро соос ик: Намер, Даралилэн кылем-мылемъёсыз "Сахарысьтыз". Черсӥськизы но кадь.

Бадӟым адямиос но вал. Кожасько вал мар ке вералозы, но Дарали шуэмъя, соос по своему хотению лыктэмын.

Бератаз Вишневый скверын Белослудцевез кылзыса сылӥмы. Собере кошкимы дальше калгыны. Выль адямиосын тодматӥськыны.

Мон тодӥсько, что номыр выльзэ уг басьты таӵе ужрадъёсысь. Мон атмосфераез поннагес втлӥсько кадь, незнай. Ганяк гинэ ортчиз ужрад, дыртытэк. Ял кари диплом гожъян куспам

ӧвӧл на бер, ӧвӧл на бер.

Жааааль! кисьтыса зоре. Кызьы лавка пушкы пыреммес ӧм валалэ лэся. Быдэс час зориз кадь йӧтӥз. Лоп-лоп капляосын нырысь усьылӥз, собере куакакеньыр кисьтӥз уга! Малпаським на: мыноно ик-а, ӧвӧл-а Гербере Кеч парке? Тӧдьы кедыосмы сӥтьлы пӧрмозы ведь.

Мынӥм ик. Куазь весь кытчы ке воштӥське. Сояз аре Гербер нуналэ тополь копак пурӟе ини вал. Нош туэ сӥзьыл кадь.
Как раз но вуиськеммы лэся. Бречаловен ӵош аж пыримы Кеч парке. Э экто ук, кырӟало ук азяз. Серем но бӧрдэм но потэ кадь. Хотя. Маро сылозы-а мар-а истукан кадь, чале, пыре шуыса?

Чалякгес кошкимы. Герберлэн азбартӥз котырском шуса. Бречалов сцена дорын ини. Вераське. Микрофонъёс зор бере уг ужало. Номыр йӧназ уг кылӥсько. Удмурт сяин "Ӟечбуресь, гажано эшъёс!" шуэмез бере Бречалов вань удмуртъёслы идол луиз кадь. Ваньзы чуть ли не ура! шуыса черектӥськизы. Вриолэн сьӧраз сылэ "Италмас" ансамбль советской одеяниен. Туж тунсыко суред. И дӥсяло солы кыӵе ке попсовой удмурт рубашка. Хоть мар ке тунсыкозэ малпалэ вал егит муртлы. Тӥни поръёс кыӵе туала толстовка солы кузьмазы...

Ай, да ну, шуыса кошкимы сцена палась. "Марина Юрьевна!",- кытӥсь ке кылӥськиз. Нырысь кожай вал пель оломар кылэ шуса. Табань сиыны асламъёсыз ӧтё вылэм (аслам - со значит мынам уженым связанной). Сылӥськом табанен зыретэн Удмурт Кенешлэн азбараз. И пыре татчы но Бречалов. Сиськын маза сётытэк. Ваньзы тур-пар! Султэ татчы! Султэ отчы! Да, господи. Потон пась но уд шедьты. Азяд целой армия чиновникъёслэсь лыктэ. Аж табань но зыретэн ыме уг ни пыр...

Каллен гинэ зор усе, собере опять шунды потэ. Тӧдьы кедыос точно оломарлы пӧрмизы ини. Разинэз нокин уг кылдӥськы, ваньзы почти "Италмас" бере азбаръя вӧлмытскизы.

Котырским ик Герберлэн азбартӥз - номыр тунсыкозэ ӧм шедьтэ. Вуз карисьёс ӧжыт вал. Ваньзэ зорлэсь ваткамын. Озьы ик, арысь аре кадь, ӝуклы миллионной черод. Озьы ик писпуос улын экто кудӟем нылкышноос но пиосмуртъёс.

"Шулдыр ӝытэз" кылзӥм на. "Шунды" огазеяськонлэсь концертсэ (тазэ возьмаса жадим ик. Пока кыӵе ке ансамбльёс кырӟазы, собере кырӟаны быгатӥсьтэм арганчиос. Малы? Малы мынам юан кылдэ), "Камали" студияез.

Воштэ ни мае ке. Сыӵе ощущение вал, что Гербер ортчытэмын вал одӥг адямилы. Кудӥз кӧня ке минутлы лыктэмын.

Калыкен шудоно, калыкен ӵош эктоно. А не сцена вылысен гинэ учконо. 

12 февр. 2017 г.

Мон весь егит дышетӥсь на

Берло дыре блоге сярысь ӵемысь кылылӥ мар ке. Кемалась ик ӧй гожъя татчы. Копак уже выемын кадь.

Уже, чынзэ верасько, туж cекыт (да кинлэн со капчи ини так ке). Пичи миллиметровой вамышъёсын дышетӥсь луыны тыршисько кадь, но туж cекыт. Егит ымныр шоры учкыса, нокин тонэ дышетӥсез сямен воспринимать уг кары. Вот пересьми ке, соку может быть. Да и малпанъёс адямиослэн ӵемысь: тынад нылпиед ӧвӧл на, мар милемыз дышетӥськод? Хотя со строны вань шӧкъёс адӟисько.

Алигес таксиен лыктоно луи Алнашысь. Сюриз егитэз, вераськись. Озьы но тазьы но вераським кадь, юанэз кылдӥз ик кытын ужасько шуыса. "Дышетӥсь",- шуисько. "Мон озьы ик малпай!"-шуиз. Веаськемды, пе, дышетӥсьлэн кадь ик, куарады пуктэмын, лад-лад вераськиськоды, ымез усьтыса кылдӥськоно кадь ик. "Блин",- ас поннам малпай сразу.
Вераськемея ке валало дышетӥсь шуыса, дӥсяськемея ноку озьы уз шуэ. Кытчы ке экскурсие ке мынӥськом, монэ нылпиос пӧлысь нырысь уг шедьто. Хотя семимильной вамышъёсын дышетӥсь кадь почти луисько ини :) Шуом, маникюр лэсьтыны кутски (гор серекъясько ачим). Ма зэм но, кыӵе гинэ семинаре эн мын, вань дышетӥсьёслэн почти маникюр. Сыӵе дыръя аслад йыръем гижыосыдлэсь  возьдаськоно луэ. Нош маникюр лэсьтӥськод - проблема сразу ыше. Тем более проблема ӧвӧл, ку тынад дунтэк лэсьтӥсь маникюристэд вань :) (ато малпалоды кыӵе дышетӥсьёс умой уло шуыса, таксиен ветло, маникюр лэсьто :))

...Хотя мон али туж наслаждаюсь югдуреным. Ну, пинал. Ну и мар. Зато кыӵе ӵемысь паймо, что сыӵе егит дышетӥсь.