Температура

Мар ке гожтиськод но малпаськод: "А тани татын со серекъясал, а татын тани серем кылын мар ке верасал".

Мар ке фотое пуктиськод но малпаськод:"А тани та фотоез со кельыштырысал. Паймысал, может быть. Может быть, со гинэ смыслзэ валасал. И со гинэ мактасал тонэ".

Куддыръя, видимо, уг тырмы поддержка.

Куддыръя, видимо, сыче шузи луиськод, что зечсэ берло гинэ валаськод.




А еще температурить кариськод ке, астэ туж зол жаляны кутскиськод. Кутскиськод азьло улонад бугыръяськыны, астэ йырйыны.

Нуналысь нуналэ.

Дышетись - со дышетись. Пока ачид од дышеты, уд вала мар со сыче.

Кыкети арняез мынэ ини. Кыче ке странной, неоднозначной мылкыд.

Нылпиос кылдисько кадь, ортчыны кутско ке, чурытгес вераськод но шып луо. Мынам уг луы воземе асме соос азьын йоно дышетись кадь. Пукисько мон жок сьорын пыдме берпал улам поныса, трос серекъясько, эшъёсыным кадь вераськисько. Соин ик куддыръя кылзиськемысь дугдо кадь. Дышетись мынэсьтым алама ик кадь.

... Учительскойын туннэ флиртовать каризы мар ке монэн. Мылкыдзы капчи вал мар ке. Чай юыса пукиськом вал:

-Мар, Марина Юрьевна, бизьыны уд малпаськиське на-а?
-Уг на ай.
- Бон туганды вань ини , дыр, ук?
Мыняй, вераса номыр ой вутты, мон интые веразы:
- Ма вань конечно. Со же вераське всякой адзем карон Чудья Жениосын но Богдан Анфиногеновъёсын. Кудзылы ке но всё равно кельше, дыр.
Чаеным гуньдисько ни вал.  ....

Мукет ласянь учкиськод ке, дышетись луыны умой. Тыныд дан но гажан. Тон шоры гажаса учко (ну со гуртын гинэ озьы, дыр).

Только опять ачид шоры весь учконо, учконо мар тон вераськод. А татын мон оломар гожъяськыса пукисько...

Шузимисько кадь

Мон татын урок дасясько вал. Кылбуръёсын нылпиосты тодматоно вал. Пейзажной кылбуръёсын. И вот озьы-тазьы, пе, валэктыны малпай, что не только гожъяськисьёс инкуазь пыр асьсэлэсь мылкыдзэс возьмато, но и суредаськисьёс, крезьгурчиос. Малпай Чайковскийлэсь "Времена года"-зэ кылзиськытыны.

Табере поиске "Времена года" гожти. Вагнерлэсь сразу шедьтиз. Кылзи. Собере кылзи Чайковскийез.
И татын мон валай, что Чайковский трос поллыгес курутойгес.
Мар со Вагнер. Кылзиськод - валаськод сразу толалтэ-а со яке гужем-а. Кыче ке предсказуемой. Нош Чайковскийез кылзиськыса, кема ик малпаськоно кыче время года. Солэн туж ненегесь крезьгуръёсыз, нош Вагнерлэн кыче ке взрывноесь. Чайковскийез кылзыса, сразу син азе пуксе асьме инкуазьмы, асьмелэн характермы.  Кыче инкуазь? Яркыт буёлъёстэк, векчи сяськаосын, трос-трос шуръёсын, нюлэсъёсын, трос омырен, пространствоен, мар ке пасьта бусыосын, кудъёсызлэн пумзы-йылзы уг адзиськы.
Вот. Кылзэ ти но.

Ӟенелик

Ёмаё...

Ветлӥмы толон куное, выль корка адӟыны. Будто бы арт-экспедиция тусовкаен.

Пукеммы бере ширтӥмы Резиденцие. Таксиын:
-Блин, мынам сюрс манет гинэ.
-Чёрт, мынам но. Векчиятыса ӧй вутты.
-Ладно, мон тыро. Мынам вань.
И татын таксист удмурт сямен:
-Бай улӥськоды, молодцы.
Ваньмы серекъямы паймыса. Шумпотэменыз таксист Анисимовез лэзиз.
-Ми тани удмурт дискотекае мынӥськом. Как раз со туннэ отын кырӟалоз.
-Да ладно!? Татын удмурт дискотекаос ортчо-а?
-7 -тӥ арзэ ини.
-Ничего себе, татчыозь ӧй на кылылы.
-Вань тем кому за 30 но. Кристаллын ортчо сыӵе дискотекаос.
-Зол. Куке но ветлоно луоз на. И кытысь тӥ тодӥськоды сое? Интернетысь?
-Оо.

Туннэ Резиденциын трос вылез. Удмурт мультик, Оля Ипатова, Денис Чирков, Мурӝоллэн но Дыдыкайлэн выль кырӟанзы кыӵе ке но сюрпризэн, пе. Сюрприз вал тӥни со сексуальной пияш Пузкарысь. Весь нимзэ вунэтӥсько.

Дискотекалэн нимыз туннэ Ӟенелик 2 вал. В поддержку приложения "Ӟенелик", пе. Гриша Григорьевен Луша Шихова малпаллям лэся. Электронной "бутылочка" шудон.

Опять мультик борды кутскизы, что за озвучка шуыса. Бон мар, ослопъёс, тӥ понна лэсьто-а мар-а та мультикъёсты? Та мультикъёс пичиослы, кудъёсызлы явно серем но тунсыко потоз таӵе озвучка.  Да, бадӟымъёслы со оломар кадь кылӥське, туж нелепо но театрально, нош пичиослы со - нормально.
Мон даже и не сомневалась таяз, что суредэз туж крутой луоз шуыса. Першин туж усто аниматор. Мон шумпотӥ вал, ку тодӥ, что со лэсьтоз кыкетӥ мультикез.

Остальноез, дискотека ласянь ке, азьло кадь ик - вылез трос ӧвӧл. Тросэз, наверно, лыктӥзы кизилиос понна. Озьы малпай, ку нылашъёс жи! карыса Анисимовез пумитазы.

Оломар но мӧзмыт малпанъёсы вуи вашкала гоу-гоу учкыса. Особенно ку нылъёс удмурт вашкала дэремъёсын потӥзы. Секыт мыным всё равно учкыны вашкала дэремъёсты клубын.

...Сессия ке но, студентъёс трос люкаськиллям.

Выжы.

Просветление мынам.

Юрий- атай
Оддой (Евдоким) - дедушка (бабай)
Сергей - прадедушка (кышноезъя Горей Сергей шуо вылэм)
Азькей - прапрадедушка
???
Азьмакей - прапрапрадедушка (точно меда?)
Азькей - прапрапрапрадедушка

Вылэм Ожмег - Омга выжыез инъясь. 16 -ти даурлэсь азьло улиз.

Солэн пиез Азькей куать пиосыныз Усо-Омга (Муважи уске) гурт кылдытиз. 18 даурлэн кутсконаз вордскиз.

Азькейлэн вылэм 6 пиез:

1. Азьмакей Панфилов (таизлэн выжыяз 22 корка вылэм. Гожтэмын 22 пиосмурт ним: Алеша, Йорги, Андриян, Северян (Чеберян шуиз песяй. Татысь чужай потэмын), Николай, Федя, Иля, Арипа, Сергей, Лягида, Габит, Занбяк, Лазр, Бусулы, Мкылай, Горей (татысь пересь песяй потэмын), Манайыл, Петрша, Азьмей, Педор, Кабыш, Камит);

2. Айтуган Сандыров (таизлэн - 17: Шарип, Загуляй, Сальим, Габит, Микой, Темркей, Абди, Кондратей, Покой, Конон, Митрей, Даут, Самар, Миклай, Сальик, Алеша, Микита);

3. Аяз Мамат или Будрин (таизлэн - 3: Педор, Кузма, Аяз);

4. Азьым Гайнула (таизлэн -7: Кузьма, Степан, Иван, Гайнула, Кузма, Максим, Ваня);

5. Нияз Писяк (таизлэн - 11: Конька, Иван, Васьлей, Гарай, Трофим, Пашка, Бетей, Петрай, Кляй, Герей, Мокей);

6. Макар Курбана (таизлэн - 10: Гриша, Петр, Петрша, Мклай, Миклай, Курбон, Миша, Азькей, Иван, Оринька).

Только малы соослэн портэм фамилиоссы - незнай.

Туннэ пырай краеведческой музеямы. Отын туж тунсыко дневник вань, кудаз вань вакчияк родословной гуртмылэн.

Топольёс.

Тани та жужыт писпуослэсь курдасько вал малы ке пичи дыръям. Соос мар ке быдзаесь, вань куасьмемъёсыз, вайёссы сказкаысь портмаськись писпуослэн кадь. Туж пересесь ини, видимо. Озьы туннэ мамаен вераськыса чужай доры мыниськом. Мама шуэ:"Пересь чужай шуэ вал, что со писпуосты армие кошкисьёс мерттыса кельто вал. Незнай, озьы-а, овол-а". Чужайлэсь юай. Чужай:"Незнай ини. Еще верало, что вашкалаос азьло курдало вылэм пожаръёслэсь, соин топольёс трос мерттыло вылэм". Типа тополь уг ж:уа. Визьмоесь ик со вашкалаос вылиллям. А топольёс милям мар ке мында гуртамы, особенно урам кузя. Мар ке ж:уждаесь. Гужем вуэ ке, тополь пух котыр, так что аллергетикъёслы ветлон сюрес ворсамын ми палъёсти:)

Училка

Толон уйшоре суредаса пуки кыче ке наркоманский цветной паровоз. Малы? Уроклы! Лэстисько 5 класслы. 2 урок соос дорын нуоно чуказе. 1 урок 7  классын. Лэсьтисько малпаса:"Неужто ми таче штукаослы клевали? Со же сыче примитивно." Йыр висе малы ке. жадемын обой лякыса.

Мынисько чукна. Жомал на. Отысь но татысь пото пичи школьникъёс марке быдза сумкаосынызы. Колтык-калтык мыно мынэмзы потытэк. Туж шаплы школае вуи кадь.

Возьдаськыса ик пыри учительское. "Аслам" интыям интыяськи но пукисько возьмаса звонок шуккемез.

Туннэ 19 толшор - нырысети нунал практикаелэн. Яротоно одногруппникъёсы али пуко, дыр, учкыса урокъёсты, нош мынам тани мыноно урок нуыны.

Пыри 5 классэ. Ваньзы паймыса-а, шумпотыса-а ымзэс усьтизы (соослы, пе, веразы, что практикант лыктоз шуыса. "Урррааа!"- шуыса черектиськиллям). Нырысети урокмы русский язык. Урок-повторение по теме "Лексика". Нырысь сабырлыесь пуко, возьдасько. Удмурт сямен шуисько:"Ма мар ти возьдаськиськоды?" Тини озьы суро-пожо кылын ортчиз кадь урок. Да и ми дыръя озьы ик вал, портэмез овол. А мар карод? Если кык пол зуч сяин озьы но тазьы но валэктиськод, а соос тон шоры паймыса учко. Собере ини озьы-тазьы удмурт кылын валэктын кутскиськод. "ААА,"-шуыса успокаиваться карисько.
Кыкети урокам шаплыгес луизы ини. Та классын 6 кузя гинэ - 3 пиос, 3 нылъёс. Группаосын ужаськом, огез ныл юа:"А можно а тиледлы вопрос сетыны?" Мон:" Кылзисько." Нылаш:"Только со не по теме вообще". Мар меда ини? Нылаш:"А ти замужем ни-а мар-а? Просто тиляд чиньыяды зундэс" Ачиз гордэктиз. Серекъясько:"Пока овол на". Мукет нылаш шаплы гинэ вераз:"Ну это пока". Кули:)

Собере кутскиз уроке 7 классын. Татын выль темаез валэктоно вал. Татын 6 пи, но 1 нылаш. Шаплыесь, ортчон гинэ кулэ кадь. Но асьсэсыз умой возизы. Темаазы капчи вал, урокмы вазь быриз, дыр кылиз, вераськыса пуким.

Капчи луиз урокъёс ортчизы но. Берти дорам.

Дышетись

Женя мыняса бертэ. "Шумпоттиз". Понедельникысен мынам практикае кутске. Нырысети арнязэ ветлоно урокъёсты учкыны, нош собере ини ачид дышетыны кутскиськод. А мынам то как всегда. Мукет ласянь. Понедельнике, пе, дышетись кытчы ке кошке, и мыным нуоно ас поннам 3 урок. 3...

Нырме ошыса, поти: ураме. А отын тини кыче чебер вылэм.

Ж:ытъёс.

Туннэ тылэз кыси:ллям. Ч:ужай дорын пукиськом, чай юиськом. Ж:омалгес ини. Акылес. Ж:оканы кутскисько тылтэк.
Мон: "И кызьы азьло тылтэк ули:ллям?"
Ч;ужай: "Озьы ик улли:ллям. Пичи дыръя, ж:ытпал сиськеммы бере атай шуэ вал:"Ну всё, табере можно баяр ко:т карыны".
Мон: "Мар? Баяр ко:т?"
Мама: " Боярин кыллэсь. Бояринъёслэн ко:тъёссы бадз:ымесь ук. Ну мукет сяин уске ял карыны уске".

Оломар но.

Йырвисёнъёс.

Илья акылляське. Туж противной сыче дыръяз луэ.
Со:"Уг поты садике ветлэме, уг поты дисяськеме..."

Вот малпасько мыным бы тынэсьтыд йырвисёндэ. Мон татын уг тодиськы мар карыны дышетскем берам, а тон бызгетиськод, что садике ветлэмед уг поты.
Со:"Акыльтисько. Нерваме сииськод". Мон со шоры паймыса учкисько:"Кытын бон тынад нерваосыд? Вера ай мыным!" Со:" Кытын, кытын! Йырам!" Вот и тодэ ведь вераны но кытынзэ. Мар шуыны но пайми кадь.

Слэм

Вал туннэ поэтической слэм Алнашын. Мон Ижын овол бере, мыни слэме. 

Мар со сыче? Муш Нади (Надежда Пчеловодова) - удмурт кылбурчи, берыктӥсь / поэтэсса, переводчик. Poetry slam сярысь вера:"Poetry slam со Уругвайын но poetry slam, нош Эстониын та валатонлэн эстон вариантэз но вань. Jaan Malin верамъя, Luuleprõmm шуо на poetry slam-ез эстонъёс. Poetry / luule со кылбур, slam англи кылын шуккыса ворсаськемез возьматэ, со понна эстон кылын пӧртэм кылъёс вань: prantsatades sulgema (шуккыса ворсаны), prantsatud (шуккиськем), põmmutamine (куара поттыса изыны, гыркъяны, йыганы, шуккыны, йыгаськыны, гырлы шуккыны). Соосты огазеяса, выль prõmm кыл пӧрмытэмын. Нырысьсэ Луулепрымм Эстониын 2010 арын ортчем. Озьыен, Эстониын вань англи кылысь басьтэм но, англи сямен воштытэк гожтӥськись poetry slam но, эстон кылэ берыктэм luuleprõmm но. Ӟуч кылын англи кылысь лыктэм валатонэз ӟуч букваосын кык кыл вискы дефис пуктыса гожто: поэтри-слэм. Ӟуч традициын поэтри-слэмлы "жугиськон" пуштрос ватсамын, ӵемысь адӟоно луэ "поэтри-слэм - битва поэтов" шуыса ялонъёсты. Кыӵе тусо но шӧмо удмурт poetry slam? Таиз ини удмуртъёслэн асьсэлэн ужзы". 

Так вот. Кин ке Вамышын шуиз вал:"Уг кельшы словосочетание "поэтической слэм". А мыным дак тунсыко потэ. Умой, что удмуртъёс но "в ногу со временем" мыно. Хотя огез эстон шуиз: "Удмуртъёс азьлань учко." "М, -малпасько,-кыче мактаз то". Собере верамысьтыз валай мукетсэ. Европаын, пе, поэтической слэмын пиосмуртъёсгес пырисько, туж ожыт нылкышноос, а тиляд, пе, нылкышноосгес (соин типа удмуртъёс азьлань учко). Одиг пияш гинэ вал. Вамышысь пияше. Мыным потэ, что солы та мероприятие пыриськон - туж бадзым вормон. Со шер гожъяське удмурт кылын.

3 этапен ортчиз слэм. Нырысетияз ваньзы одиг минут куспын лыдзизы кылбурзэс, кыкетияз потизы умойёсызгес, нош куинетияз вормисьёс лыдзо. Жюриос - огшоры учкисьёс. Баллъёс пукто нырысь содержаниез понна, собере - выразительно лыдзем понна. 

Озьыен вормисьёс кык кузя. Оля Камашева но Ганькова (жаляса верано, вунэти нимтулзэ. Удмурт дэремен туж колоритной нылкышно. "Таш-таш" шаплы удмурт нылкышно куараен лыдзылиз кылбуръёссэ ). Трос вал егит кылбурасьёс. Например, Полина Куликова (Пелагея Куликовская "Удмурт кылбурчи" группаын). Ваньзы сое синйылтизы. Сразу шодске - мукет шомын гожъяське. 

Но мон понна та поэтической слэмъёсты ограничить кароно возрастъя. Егитъёслы отдельно, мойыослы отдельно. Егитъёслэн кылзы ожытак валантымонгес мойыослы. Со шодске. "Скалэн селфи лэсьтом", "Ум тодске ма со KFC, МакДак" ну и эшшо мар но со.

Мон верай кадь ини, что Богданлэсь но сборниксэ туала нылпиос гинэ шаплы валалозы. 

Мынам мама но. Хоть современной ке но шуэ:" Да кулэ овол мыным со авангардды. Тини Флор Васильевлэн ик сюлме пырись кылбуръёсыз".

Умой.

Носкиос

Луэ куддыръя туж мусо яратон.

Поездын мыни:ськом вал. Вераськыса, серекъяса. Азям пуко туганъёс. Нылаш выдэмын, нош пияш пуке, киосыныз ныллэсь пыдзэ маялляса. Ныллэн пыдаз туж мусоесь то:дь-то:дьыесь керттэм носки, токылёкъёсын (помпошкаосын уске). Огез эшмы юась луиз:"Ачид кертти:д-а сыч;е носки?" Нош пияш нылаш интые мыняса вера:"Мон кузьмай вал Выль арлы".

Ути. Кыч:е со мусо. Кыч:е со заботливо шуод-а мар-а.

Толшор.

Доре берти:.

Автобусысь поти:. Лымыя. Шуныт то:л пельтэ мусояса, асфальтти: лымыез пурз:ытэ. Котыр то:дьы, син мальдэ. Шиферен липетъёс лымыен согемын, нош профнастилэн липетъёс гольыкесь. Гурт романтика быремын. Секыт, кот лымы.

Адями урам трос, ваньзы лымы поталло. Ваньзылы кужмо кариське шуыса ым жадиз кадь. Ваньзы паймо мар мон понедельнике бертисько шуыса. Практика кутскоз скоро, экзаменъёс сётъямын. Гань-гань.

Ч:указе кар аслым лэсьтыны кутско. Дорын улытэк комнатае но о:во:л. 

Туса

"Вамыш -2015" ортчиз шыпыт, семейной обстановкаын.

Действительно, бадӟым семья вал. 40 адями. 4 удысъя люкиськемын вал: телерадио журналистика (Ваулина кивалтӥз таосыныз), печатное СМИ (Марайко) но блогеръёслэн (кык группа, татчы, пе, заявкаос трос вал. Ми Крестьяниноваен вал ӧнерчиос).

Мар шуыны луоз лагерь ласянь? Мынам туж противоречивой малпанъёсы.

Туж тросэз тодмо ымныръёс. Шундыкарысь. Неважно кыӵе отрядъёсысь даже (мон списокез учкем бере ик, тодмо фамилиосты, нимъёсты адӟыса, поддалась сомнениями ): театр отрядысь, эстрада, суредаськисьёслэн отрядысьтызы но мукет. Кулэ ик-а соослы журналистика? "Ну, ярам,- малпай мон,- кулэ луыны разносторонний адями".

Но сомнениосы мынам оправдались ик кадь, ку мон адӟи нырысетӥ занятиысь ик ӧжытак куака чотась ымныръёсты. "Ярам, - малпай ас поннам,- теорияез тросэз уг яраты кылзыны, может практика луиз ке, тунсыко потоз". Мон виноват асме но кари, может тунсыко уг нуиськы шуыса. Но ку Алина но вераз, что со выллем ик обстановкаез... Ярам. Берпуметӥ огонёкын всё-таки нылпиос веразы, что валазы мар со сыӵе блог, басьтӥзы представление асьсэлы. Нош огез шумпоттӥз вераменыз: "Марина нуэ туж тунсыко занятиоссэ. Вроде бы и серьезно, а вроде бы и нет. Валаськод, серекъяса но вуттӥськод. Школаын озьы огпол мынам ӧй вал на".

Почти ваньзы ог-огзэс тодо. Сыӵе туса. Ог-огенызы адӟиськыны ик лыктэмын.
Нет, вань, конечно, сыӵеосыз но кудъёсыз валаса лыктэмын мар соослы кулэ та лагерьлэсь, соос тыршыса ужазы.

Алама вал, что интернет ӧй вал. Вал но со, но туж ляб. Пиосы йыркуръяськизы, интернетэн капчигес но, пе, луысал.
9 адями пӧлысь ӝыныез мынам ӟучомемъёс вал. Туж трос ошибкаосын гожъясько. Дышемын ӟуч сямен вераськыны, удмурт кылзы с налётом русского. Огез пияше вера берпуметӥ нуналаз:"А Ксюша тросгес кутскиз удмурт сямен вераськыны". Туж шумпотымон, пичи вормон.

Может зэмзэ но шонер вал, что интернет татын ӧй вал. Бертыса малпаськозы, кулэ ик а соослы блог усьтыны. Ну огез нылаше усьтӥз ини. Адӟом мар пӧрмоз.
Огез ӟучомем нылаше гожтэм:" Кытчы мон вуи? Ӵукна монэ сайкатӥзы но парк Кирова доры нуизы. Отын вал туж трос адямиос, кудъёсыз удмурт кылын верасько. Нош мон ӟучомем, кӧшкемыт. Нош дядяй шуиз:"Будущая удмуртская интеллигенция сбивается в кучу, это хорошо..."

Та мон понна бадӟым опыт. Зэм но. Школа практикае вуэ ини.

Саташон

Мӧзмыса.

Кин мар малпа инь. Реакция Чудья кыллы.

-Чудьяос? Дак кыӵе ке страннойгес адямиос. Мар ке ас понназы ветло, кубызэн бзбзбз шудыса. Странной туса, вакчияк вераса. Ветлозы, клубын асьсэ кругазы эктозы мар ке. Чудикъёс ик вань.

-Чудьяос, элита, бл*. Йыръёссы асьсэлэсь вылӥын.

-Чудьяос сыӵе, значит, нырысетӥ общагалэн тусаез.

-Маин вообще занимаются Чудьяос? Асьсэос глинтвейн пӧзьто но юо.

Матэ гинэ тодматӥськыса, яратон кутске, кутске валан но дан, гажан.

Куно

Мама жингыртэ:
-Ми доры куно пи пыраз ай.
Мынам йырам оломар малпанъёс ини сразу бугырскизы.
-Кин?
-Алёша.
-!? (кыӵе нафиг Алёша?)
-Ой, фамилизэ вунэтӥ. Ну вераськод вал ук. Э, мар сыӵе, вунэтӥ. Чайковскийысь, Москваын улэ шуид вал.
Таман йырам бергатӥсько. Кыӵе сыӵе Алёша эшшо? Собере дошло.
-Мар сыӵе пыраз ай со?
-Татын-а, пе, Марина улэ? Татын, шуисько. Мон, пе, соин вераськын пыри вал. Ма, шуисько, со татын ӧвӧл, городын. Мар сярысь вераськыны турттӥськоды вал? Ма, пе, гожъяськемез сярысь. Туж, пе, визьмо гожъяське, туж шаплы со визьмо луиз. Ваньзы нош ярато ай сое. Салам, пе, вераны косӥзы вал тани, адӟи ке. И кин кадь со сыӵе визьмо?
Кылдӥськи ини паймыса. Лапас улын вал, пудо сюдӥсько вал: мар ке быдӟа колошаен, кырсьмем сӥтесь курткаен. Мар, колхозникъёслэн нылпиоссы визьтэмесь кожа -а мар-а. Городэ, пе, ке вуи, пумисько ай шуыса кошкиз.

Серекъяй, оо.

Нырысетӥ

НЫРЫСЕТӤ пост Выль арын.

Охи ахи.  Ӵуказе "Вамыш" лагерь кутскоз ини. Секыт ик бен. Тулкымъяськисько туж. Мон валасько, что отчы туж визьмо нылпиос люкаськозы шуыса. Со кызьы нырысьсэ дышетӥсь луыса школае мыныны. Озьы ик. Урок, дышетон, нылпиос азьын астэ кызьы ке возьматон. Кыӵе мон специалист ини? Асме дышетоно на. Одӥг адями азьын планъёсме верай но мар да мар каро шуыса, серекъяса быдтӥз. Эшшо но курданы табере кутски. Акыльтӥсько, оломар луисько.

Туннэ вуи ӝытпал городэ. Огнам огъяулонниын. Этажам тылъёс ик уг ӝуало. Кышкыт. Огнам ветлӥсько коридор кузя, кузё кадь тылъёсыз ӝуатъяса, кысылыса.

Кезьыт мар ке кадь, обогреватель но уг юртты. Мар ке мында тараканъёс бызьыло. Тазаесь, как раз пияно дырзы. Фу. Чайник тыр тараканчикъёс. Тазаесь но весчиесь. Ярам пӧзьтыны ӧй кутскы, нырысь крышказэ усьтӥ.

Тараканъёсын ожмаськыса чай юи, дӥсьме ӵуказелы дасяй.
Ох.