Мекей выжы

Тани та фото понна туннэ оломар но вераськонъёс потӥзы.
Тодӥсьтэмез та пиез шуоз:  о, чыган или бигер. Ӧвӧл. Со копак удмурт. Чебер, оветь? Атае (папае уске. Мон атай шуисько 3 арескысен ини ) со мынам. Татын солы, примерно 23 или 22 арес.
Мон песяйлэсь юасько:"Асьмелэн выжыямы точно бигеръёс ӧй вал-а?"
Песяй:"Ӧй вал кадь".
Мон:"Учкы ай, фотоез. Бигерлы кельше".
Песяй (серекъяса):" Мон шуисько вал, что чыган нылкышно куштыса кельтӥз. Ма незнай, со огназ сыӵе. Мынам песятае сыӵе ик сьӧд вылэм. Сое Сьӧд Атай шуо, пе, вал. Митрей нимыз вылэм. А выросъёсыз  дак бабаедлэн кадь".

Мынам юалляме ик ӧй вал песяйлэсь ӵыжы-выжыоссэ. Тодӥсько, что пересь песяйлэн нимыз Марина вылэм. Солэсь нимзэ мыным понэмын. Со, пе, Пельгалась вал.  Солэн картэзлэн Илья нимыз, пе, вал. Соя мынам пичи вынэлы понэмын ним. Со Кузёбаись.
Песяйлэн выжыез вообщем Кузёбаись. Мекей выжыысь, пе. Кыӵе ке но бадӟым выжы. А со Ильялэн анаез Тылоысь, пе, вал. Туж йӧнтэм вылэм, вань кенъёссэ дораз улыны лэзьымтэ. Песяй шуэ:"Монэ Тыло Зина шуо вал. Сыӵе воже потэ вал. Уг кельшы вал".

Собере мукетъёссэ веран кутскиз, троссэ уг ни тодылы. Но вань нимъёсты тодӥськоды-а кызьы вера? Такан (Таня), Марпа,  Анна, Митрей,  Миклай, Ӟемьян, Ӟемай, Ӝакы, Орина. Мусо кылӥське.