Dart ӝыт

"Ээй! Что тут происходит? Кто-нибудь мне объяснит вообще? Что они говорят? А чо не переводишь, бл*?!"- кыӵе ке кудӟем блатнойгес пиосмурт жоб, ямсыз куараен ветлэ столикъёс дортӥ, кылыса, кызьы кутскизы нуисьёс ӝытэз. Бызьыса, чидатэк таӵеез, дораз вуиз Лара Дмитриева, нош пиосмурт сое донгыса лэзиз. Одӥг пияш но интыысьтыз ӧз вырӟы. Ваньзы кылзыса пукизы со пиосмуртэз, а не нуисьёсты. Валазы собере охранаез ӧтьыны.

Озьы кутскиз Dart ӝыт. Ну почти озьы кутскиз. Кутскиз Даралилэн модалиосыныз. Выль модалиосыныз.

Ӝыт нуисьёс: Королёв Максим но Захарова Вика.  Туж возьдаськизы нырысь, ӧзгес но пишмы кадь, чидатэк доразы Дарали но лыктэ утыр, вера мар карыны. Дасяськиллямтэгес кадь. Пумаз гинэ шаплыязы кадь. Арсеналазы одӥг кыл гинэ будто вал: кыӵе чебер. Чебер ныл, чебер кырӟан... Валасько, дышетско янгышъёс вылын. Только янгышъёс трос ик кадь. Кылзы биниське, шонертэм верало кылъёссэс, шонертэм логической ударениоссэс пуктыло. Кема кудог верасько, аж ӝоканы, акыльтыны кутскиськод.
Да мар мон? Ачим ке потысал, Вообще ӧй быгатысал, дыр. Но мон точно ӧй потысал. Мон же тодӥсько, что уг быгатӥськы. Малы мон чуркнасько отчы, кытын мон асме возьматыны уг быгаты?

Та ӝыт понна мон аслым выль нимъёс усьтӥ. Мукет сяин учки тодмо нимъёс шоры. Может мон али туж грубо но резко верало, но сотэк видимо адями уг вала.

Конечно, вылез мон понна со Peace Pu удмурт рок-группа. Туж шӧдӥське, что удмурт эстрадалы таӵе группаос уг тырмо шуыса. Адямиос лӧптэмын вал. Медаз гинэ куашкалэ. Таӵе группаос понна особенно сюлмаськисько кадь.

Мон вообще сураськыса бырисько куарагурчиосын. Вань нимъёссэс но нокызьы запомнить карыны уг быгатӥськы. Малы меда? Может соос ваньзы огкадесь? Огзэ мон всё-таки йырам кельтӥ. Оля Ипатова паймытӥз аслаз куараеныз. Сыӵе чебер куара, кырӟан, но малы дӥсяно вал удмурт стилизованной дэрем? Малы? Если со ни в какую кырӟанлэн смыслэныз не перекликается? Разве только удмурт кырӟан шуыса. Вань образзэ быдтэ. Кушты со дэремдэ, Оля.

Образцова Анялэн группаез. "Ми" нимаське вал кадь. Туж зол кельшиз. "Анае гурзэ эстэм" кырӟанэз кырӟазы туж тунсыко. И одӥг адямилэн верамез та группалы, что "тӥ не доросли на та кырӟанэз кырӟаны" вообще не кстати и некорректной. Пель шумпотӥз но ял кариз соосты кылзыса.

Паймытӥзы Пикулев но Герман Волков. Пушнер но Исьнер) Зэмос удмурт рэп улэ Пуро гуртын)  Со вал туж круто но... даже кыл уг шедьтӥськы кадь. Мынам потэ, чтобы та дуэт мед гожъялоз кырӟанъёс. Соос асьсэды быгато возьыны сцена вылын, чебересь но туалаесь. Только ӧжытак чётчегес кулэ-а мар-а кылъёсты вераны. Ато ныр улазы супыльто, ым пушказы будто тесто. Мон малпасько, что Богдан Анфиногенов MTV-Удмуртия группаяз поноз соосын видео.

Кинъёс шоры мон учки мукет синмын? 10 гужем нунал. Мон дышетӥ даже нимъёссэс. Егорова Алина, Яковлева Ирина, Влада Митрофанова, Ахметханова Ксения. Паймытӥзы. Туж. Зол куараос. Ӵошен кырӟало ке, эшшо но тузӥ. Нылъёс эшшо отдельно кырӟазы. Кулэ ӧвӧл озьы. Ӵошен гинэ тӥ кужмоесь но зрительлэн сюлмаз кылиськоды. Табере, наверно, жестоко луоз. Опять же дӥсь. Зритель не только ведь кылзэ, со эшшо учке. Малы тӥ дӥсяськоды вакчи юбкаос, обтягивающий штаниос ? Малы? Тӥ туж чебересь, но чебердэс ведь тожо шонер возьматыны кулэ. Ну ничего. Вормиды (мон малпамъя озьы ик луыны кулэ вал). Сейчас мыноды Даралилавкае, Дарали тӥледыз дышетоз (Вормисьёслы приз: фотосессия).

Бермуметӥ потӥзы Дыдыкаен Мурӝол но возьматӥзы кин татын кузё:)

...Отдельно вераме потэ жюри ласянь. Жюри залэз серекъятыны быгатӥз куинь минут куспын, ку нуисьёс турттӥзы серекъятыны быдэс ӝытсэ.  Жюри пӧлын вал Белослудцев, Анфиногенов но Ручкина. Ну самой ческытэз удмурт эстрадной десертысь.

...Отдельно вераме потэ оформление ласянь. Мыным кельшиз, что хоть кызьы ке но возьматэмын вал, что та Dart-ӝыт, а не куарагурной вечерина.  А со солы ик кельше вал. Предпати сыӵе.
Типа эшшо люкемын на вал, кинлэн учкемез потэ учке концертэз, нош кинлэн потэ - учке "Пузкар"ез. Кин ке учкисез вал-а?

Так ке туж мусо мар ке вал. Зэм но таӵе мероприятиос уг тырмо.