Шундыкар.

Даже уг тодӥськы марысен кутсконо веранме...
Сомында эмоциос, малпанъёс Шундыкар бере. Сомында умоез но аламаез но...

Ну кутско кызьы ке. Умоисеныз, дыр.
Мынам льӧль малпанэ быдэсмиз, мон вуи Шундыкаре. Вожатоен ке но, но всё равно вуи. Туж секыт ке но та уж, мон всё равно шумпотӥсько.

Мыным туж повезло отрядэным, зарни пиосыным. Соос самой-самоесь. Сабырлыесь, востэмесь, кылзиськисесь. Соос вормизы главной вожвылъяськонэз Шундыкарысь - шедьтӥзы воршудлэсь ватоссэ. Тани кызьы огез пие вераз почти берпуметӥ огонёкын:" Ми лыктӥмы лагере, сыӵе востэмесь, сыӵе лузеръёс. Мынам малпанам ик ӧй вал вормомы шуса." Нош мон сыӵе кылъёсыз кылыса ӝожоми, шумпотӥ. Шыпытак, медаз гинэ адӟе шуыса синкылиосы потӥзы. Ку мон адӟи, что пиосы шумпотыса бызё дорам Шунды мумы статуэткаен, пыдъёсы ик кужымзэс ыштӥзы кадь, дыркуалекъяны кутскизы, чуть ли шумпотэменым уг бӧрдӥськы. Соку мон валай, что та 6 (Вадим, Матвей, Никита, Тимур, Никита, Гриша) пиосы мыным вынъёс кадь луизы. Мон соос понна сюлмаськисько, соос понна бӧрдыны дась. Тросэз шуо вал:"Да конечно, соос самой пичи отряд, отын ӧжыт споръёссы, соин ик ваньзэ чаляк лэсьто". Уг тодӥськы, адямилэсь зависит. Мынам отрядэ пушкын лидерез ӧй вал, так что вань юанъёсты но проблемаосты ӵошен сэртто вал. Огпол но нокыӵе конфликт ӧз кылдылы, огпол но алама кыл ӧз вералэ. Соос басьтӥзы котькуд нуналлэсь шумпотон. Ми куспын туж доверительноесь кусыпъёс пӧрмизы. Котькуд нунал почти соос мыным кузьмаллязы мар ке ас киын лэсьтэм ужзэс.

Туж удалтӥз мыным ӧнерчиен но. Вася Широбоков нырысьсэ та удысын. Самой нырысетӥ но самой берпуметӥ нуналозяз со вуылӥз милям огонёкамы (мукетъёсыз сярысь лучше уг вера), со котькуд мероприятиосы пыриськиз.  Со туж бадӟым пример возьматӥз пиослы, пиос нырысетӥ нуналаз ик юазы:" Нош Вася лыктоз-а милям огонёкамы?" Вася туж сюлмаськиз отряд понна, котьку соос доры пыраз. Нуналаз дас пол но, дыр. Просто так, чтобы юаны, умой- а соослы, нокыӵе шугъяськонъёс ӧвӧл-а? Мон но пиосы но шӧдо вал солэсь поддержказэ.

Миша Николаев но сыӵе ик. Мон сое вокщё мукет палысен адӟи. 11 ар ке но ӵошен дышетскыса, таӵеен ӧй на адӟылы сое. Вальс но эктӥз, аватар, джокер  но дӥсяськыса шузияськылӥз. Тау кылъёс вераз. Ку мон солы предложить кари вал Шундыкаре ӧнерчие мыныны, со шугъяськиз ответэныз, курда вал со быдӟа ответственность кутыны. Нош берпуметӥ нуналаз шуиз, что солэн кошкемез уг поты, что со туж мӧзмоз. Та кылъёсты кылыны сыӵе сабырлы но востэм пияшлэсь туж умой но бесценно мон малпасько.

Мукет ӧнерчиос сярысь верай ке, йыркуръяськозы, дыр. Шуозы,  да кин тон сыӵе, Сергеева, ми сярысь озьы вераны? Кин тон сыӵе, тон Шундыкаре огпол но ветлэмын ӧвӧл и не имеешь права судить.
Именно со стороны ик адӟиське. Именно чужой адямилы адӟиське ваньмыз. Мон малпамея, ӧнерчисты вошъяно. 3 ар ветлӥзы - тырмем. Сомында ведь егитъёсыз, тунсыко малпанъёсын но трос кужмын.  Куд-ог нылпиос озьы ик вераллязы(ӧжыт ке но, но вал сыӵе веранъёс):" Милемлы мӧзмыт, милемлы неинтересно, милемлы кулэ ӧнерчимылэсь юрттэт". Кстати, со нылпиос сярысь ик. Кудогез лыктэ 6-тӥ ар ӵоже ини. Соослы немар карыны, ортчыса ветло, выль, пинал вожатойёс шоры вылӥисен учко. Огез нылаш озьы ик шуиз ымнырам:" Туэ Шундыкар ӧз пӧрмы, мыным ӧз кельшы". Конечно. Кызьы тыныд кельшоз, если тон татчы чуть ли не дас пол ӧд ветлы ни.
Мон пичи дырысеным кӧня лэзьялляй ужъёсме, огпол но ӧз кутэ, нош кинъёс ке 5 пол ветло. Мон уг валаськы вал сое. Кӧня нылпиос, кӧняосыз кылё льӧль малпанэн Шундыкаре вуылыны...

Вожатойёс туэ егитэсь вал. Огез гинэ сояз аре ветлэмын. Кылемез нырысьсэ вожатойлэн роляз. Мон ӧй шуысал, конечно, что ваньмыз идеально вал, но ми тыршим. Тыршим выль шӧм пыртыны, тыршим, чтобы пиосыз нылкышно дӥсян йылол мед быроз шуыса. Мед Шундыкар в ногу со временем мыноз шуса, а не медаз кылльы кытын ке в 2000-ых. Будэтоно нылпиосыз туала крезьгуръёсын, чтобы собере соослэн медаз луэ кырӟанъёссы а-ля 90-е годы. Секыт ке но вал, но ми тыршим. Без опыта ке но, но тыршим. Копилкае люкаськизы выль визьнодъёс.

Трос ямсыз кылъёс но кылӥмы. Обезьянъёс кадь, пе, тэтчаны только и быгатӥськоды сцена вылын. Извините, конечно, но Шундыкар лэсьтӥське пиналъёслы, а не арлыдо кышномуртъёслы. Пиналъёслы,  кудъёсыз уло туала культураен. Кудъёссэ дышетоно но тодматоно  туала крезьгуръёсын но эктонъёсын. Арлыдоос уг валало, что со туж серем туннэ нуналын кырӟаны вужмем аранжировкаен. Соос шуо:" Шундыкар уже не тот". А мар? Со весь одӥг интыяз сылыны кулэ? Весь ваньзэ арысь аре повторять карыны?
Огез шуэ:" А со лагерьын,  кытын мон ужай, озьы ӧвӧл. Отын тазьы вал. И вообще, что за ӟучомем вожатойёс и кытын соослэн футболкаоссы?" Мон, конечно, ӧй вала кызьы ми солы возьматӥм ӟучомеммес. Вообще ӧй вала. Ну, а лагерьёсты ӵошатыны дак вообще...

Та лагерьын туж-туж визьмоесь но активноесь нылпиос. Мон туж пайми на самом деле. Соос асьсэос но кыӵе ке современноесь ини. Соос ярато Богданэз, соос вал в восторге фольклор отрядлэсь отчётэзлэсь. Правильной туала нылпи сыӵе ик кулэ луыны: гажаны вашкалаез но улыны туала культураен.

Мынам представление вал:" Шундыкар - со переодетой нылкышно дӥсен пиос". Прямо син азям ик пуксе вал. Ас поннам шуи:" Ни за что, одӥг мероприяитие но одӥг пиме но уг дӥся нылкышноен ". Шуг ке но вал, но мон ӧй дӥсялля соосты. Утчай, например, удмурт кырӟанэз театрализовать карыны, именно пиослэсь кырӟанъёссэс но обрядъёссэс.
Та лагерь республиканского значения ведь. Татчы вуо не вань нылпиос. Соос гуртазы но озьы шузияськыны быгатозы, но не татын. 

Трос нылпиос, кудъёсыз татчы вуылэмын ини кыкетӥзэ, куинетӥзэ, ньылетӥзэ шуизы, что Шундыкар зэмзэ но мукет и что соослы туж кельше. Выль вожатойёс выль шӧм пыртӥзы, выль эмоциос сётӥзы.

Мон жади, туж жади. Эмоционально но физически. Но жадён приятной. Арт-экспедициын мынам семьяе кылдӥз, но со резко мукет семьялы воштӥськиз. Ӧжытак секытгес потӥз. Берпуметӥ нуналаз мон умудрилась шонер асфальт вылэ, бызьыса мыныкум, усьыны. Ярам, сгруппироваться кариськыса вуи, ымнырме ӧй пазьгы. Киосме гинэ. Боксэ но ветлыса сыӵе раньӟылэме ӧй вал (кстати, туж мӧзми ини боксэлэсь). Собере ньылонэ концерт дыръя ик резко висьыны кутскиз. Дӥльдыме ньылыны ик вӧсь вал, вераськыны но. Пыдъёсы каждой нунал тэтчаса бызьылыса висё, эктыны но через боль, шуод-а мар-а. Чабыку киос но висё. Весь чабиськод, тэтчаськод, ньылон кесьытозь черекъяськод поддерживать карыса, мед отрядъёс эшъяськозы шуыса, мед ваньзы валалозы, что соос понна сюлмасько шуса. Берпуметӥ нуналъёсаз соос асьсэос ини тон интые ваньзэ тае каро. Со туж шумпотымон. Соос валало, что вожатойёс тожо ӧжытак жадё. Ми интые куддыръя (косытэк но) мероприятиос азьын яке столовой азьын залэн шудонъёс ортчытъяло.

Эктыны уг быгатӥськы ке но, через силу поталляй сцена вылэ. Ку пӧрмиз ку ӧз. Серекъяса пиосы шуизы:" Ну тӥ не расстраивайтесь, кыӵе нылпиос, сыӵе ик вожатой но". :)

Мон малпасько, что таиз смена бере трос мар воштӥськоз. Мед. Весь одӥг интыын сылыса сисьмод.