Вашкаезлэсь мӧзмон

Кисьтонэ ветлон - со туж странной ужрад. Пукиськод, шып пукиськод но кылӥськод адямиосты. Чипы кадь кокчаськод на мар ке ӝӧк вылысь. Адямиос кутско вераны кыӵе умой вал адями, кыӵе со кужмо вал, шонер. Может вал кыӵе ке изъянэз, но всё равно со ӟеч но умой. Собере оломар но темаосы пото. Тужгес но кельше, ку арлыдоос кутско пинал дырзэс вераны.
Огез нылкышно, кытын ке 50 ареслэсь ятыргес ини кадь, вера:
"Вот, вож потэ али нылпиос юо ке. Бон азьло шудыны ке потӥськом вал, самогон сьӧре поттӥськом вал ук! (ачиз коскаса серекъя). Ну, конечно, не каждой ӝыт, а ку гужем быре ини вал но студентъёслэн дырзы  вуэ вал городэ кошкыны. Кыӵе шулдыр пукиськом вал лудын арганъя кырӟаса но эктыса. Шудӥськом вал. Азьло ведь ульча кузя мыно вал арганэн шудыса". (нылкышнолы 50 арес. Кемалась но со вылымтэ на кадь йӧтэ. Песяй ке верасал, да. Мыным йӧтысал, кемалась).

Ӵужай верамзэ кутӥз мар ке:
"Усоысь нылъёс Кузёбай пиос доры шудыны ветлыны кутскиллям. Усо пиос вожаса, малпаллям соосы дышетыны. Дӥсяллям муш утён дӥсь, азьло соос тӧдьыесьгес луыло вал и сюрес вамен просекае султӥллям (Кузёбай но Усо вискын вань просека, пӧртмаськись инты. Азьло отын кулэмъёслэсь дӥсьсэс суто вылэм). Нылъёс бертыкузы тае адӟиллям но жиетыса, берзэс учкытэк, пе, Усое бертӥллям. Дугдыны но косыса, пе, уг дугдо ни". (сыӵе дак гурт романтика).

Тӥни озьы куддыр кылзӥськод но малпаськод, малы меда али ке но машина времени лэсьтӥллямтэ? Ветлысал мон, учкысал со вакытъёсты.

Вечной студент

Быдэс нунал туртӥсько ини настроиться курсовойме гожъяны.

Май мынам котьку ассоциируется курсовоен, дипломен. Гань-гань, шундыя гожъяськод уждэ. Нокин уг люкеты. Шуныт тӧл пыре балконтӥ тылобурдоослэн куараосынызы валче. Умой (кин ке монэ али ненормальная шуиз, дыр. Но со уж мыным кельше )...

Нош туэ яке пересьми, яке вокщё азьтэм кыли ини.
"Игра престолов" сериаллэсь но выль серизэ учки ини, кузьымлы но ветлӥ ини лавкае, суредаськыса но пуки ини, унитазэс, раковинаез вдруг миськыны но малпай, мисьтаськи... Нокызьы курсовоелэсь сигналзэ кутыны уг быгатӥськы. Оломар йыре пыре. Инстаграмм, контакт на эшшо акыльто...

...Али бон инстаграммын туж популярноесь видеос, кытын нылашъёс буясько. Вылазы тыро мар ке мында тональной крем, пудра. Оломаин но асьсэды зырало, типа, учке кыӵе мынам ымныры вольыт ӧвӧл, нош буяськеме бере ваньмыз умой (вольыт ымныръёс но асьсэды буяло. И ведь сыӵе нылъёс кинлы ке кельшо). Яке буськыса вошто нырзэс, ымдуръёссэс. Сыӵе шузимемын ини нылъёс, что асьсэлэсь гадьёссэс но выделяют тональной кремен, кӧтазы пресс суредало, пыдъёссэс рельефной каро. Копак мугор суредаськон полотно кадь. Йырсиоссы, синлысъёссы лякылэмын, гижыоссы ог-огзылэсь катаргес но катаргес, синкаӵъёс дак вокщё одтельной тема. Берпалазы силикон, гадязы силикон, ымдуразы. Номырзы асьсэлэн ӧвӧл ни кадь. Ваньзы ӟызыесь, ваньзы фитнесс-клубъёсысь уг ик потало.

Лэсьтӥ вал мон аслым синлысъёс. Учкеме асме потӥз скал кузьда синлысъёсын (вынъёсылы Инмар сётэм, нош мыным жалям). Кык-а куинь-а час лякылӥзы мыным соосты. Жади. Куинь арнялы тырмизы кадь. Собере усьылыны кутскизы. Лишной раз син борды ӧй но йӧтскылы кадь со синлысъёс понна.

Кызьы мынам эше шуэ:"Туала нылашъёсты нырысетӥ свидание ӧтёно мунчое".

Самой кӧшкемытэз то эшшо: пияшъёс но выро со выллем ик арбериосын. Буяло асьсэды, нылъёслэсь уг кылё. Мар ке кадь векчиесь. Ожмаськонэ лэзид ке сыӵеосты, огпол ыбыса, пыдзы шорияк чигоз, дыр. Пыӵалзэс но кутыны уз ворме. Нош нылъёс шузимо сыӵе анорексичной пияшъёслы. Женоподобноесь.

Ну мон кошки курсовой темаелэь. Пуксёно, дыр, гожъяны. Хотя. Сием потыны кутскиз ини кадь. Сиён пӧрано.

Мон уг тодӥськы кызьы ниманы

Толон ортчиз интеллектуальной шудон "Шудком"  "Ковер" интыын.  Кыӵе уг тырмо таӵе ужрадъёс!

Дарали, гоча.

Ми командамес нимамы "Кызьыайсо". Егит удмурт активистъёс, пе: мон, Чудья Жени, Образцова Аня, Гриша Григорьев, Вахрушев Вова но милям капитанмы - Богдан Анфиногенов. Ваньмы чуть ли бер ӧм кыле шудонэ. Зато мон пырыкум валай, кыӵе размах! Приглушенной тыл, диванъёс, креслоос, ӝӧк сьӧрын йӧн-йӧн пуке вань свет удмуртской элиты, ӝӧк выл тыр сиён-юон. Но милемыз возьмась буш ӝӧкмы.

Кема улытэк кутским. Нуись вал Дэри ёросысь. Кыӵе ке но, пе, крутой нуись. Сюанъёсты, дыр. Секытэн вераськиз. Аслаз диалектэныз эшшо. Туж секыт берыктэмын вал ӟуч кылысь удмурт кылэ юанъёс. Дословно. Удмурт Дуннеысь ужасьёс ымныръёссэс кисыръяса ик кылзизы. Зато туж харизматичной. Умой луысал, дыр, ку экран вылэ юанъёсты поттасалзы на. Ато пока йырын перевариваешь, мар али тынэсьтыд юазы, дыр быре. Эшшо ӧз тырме юанъёс, кудъёсыз герӟаськемын удмуртъёсын. Сыӵе юанъёс вокщё ӧй вал.

Правилоосыз ялан: 27 йырвизез сынась юанъёс, котькуд юанлы валэктон команда гожтэ листоке 1 минут куспын но со листокез бичало, собере верало котькуд 9 юан бере результатъёсты. Со кадь шудон вань "60 секунд Ижевск" нимаське.

Командаос 8 кузя вал кадь: ми, "Дэмен", "ГТРК", "Удмурт дунне", Камсьӧр удмуртъёс, "Шунды", Дэри ёрос но УДНИИ.

Нырысетӥ инты басьтӥз "Дэмен" (14 балл), кыкетӥ - "Удмурт дунне"(12 балл вал кадь), куинетӥ - "ГТРК" (11 балл). Ми люкамы 10 балл.

Таӵе мероприятие, пе, 1 пол ке но толэзяз луоз. Мон малпасько ӧз алдалэ.

Азьлань!

Туннэ Калык Эшъяськон юртын ортчиз Аня Бурдиналэн кылбур бичетэзлэн презентациез (Аня вормиз Куарагур вожвылъяськонын).

Аня сярысь мон гожъяй ини вал. Со Усо гуртысь тожо.

... Кыӵе мон пайми, ку адӟи зал трос Усоысь, Чумолёысь но Сьӧд Ошмесысь адямиосыз! Туж шуныт атмосфераын орчиз презентация. Анялэн одноклассникъёсыз лыктӥллям, дышетӥсьёсмы но, школамылэн директорез но, анай-атаез но, одногруппникъёсыз но. Ӝытэз нуизы Андрей Клабуков но Маша Емельянова (вуоно Никитин-Наговицина-Князев-и т.д. и т.п. воштӥсьёс. Тужгес но Машалэн нуэмез кельшиз. Лад-лад, кулэ интонациос пуктылыса, текстсэ вераз). Кӧня ке кылбуръёссэ Анялэсь лыдӟизы эшъёсыз, кырӟазы кырӟанъёс. Куинь-а ньыль-а кырӟан люкаськем ини Анялэн кылъёсызъя.

Аня туж бурдъяськемын вал. Именно та кыл ик тупа кадь солы. Бурдо Аня шуыса ик гожтӥське но со. Кылбуръёсаз но ӵемысь та кыл пумиське. Копак Аняез возьматэ. 

Кылбур бичет ӟӧк ӧвӧл, ӝыт куспын лыдӟыса вуттӥ. Конечно, пока Настя Шумилова дорозь кема на, но кылбуръёсыз тожо сюлэме пыро. Может со понна, что гожъя мынам но тодмо интыосы сярысь. Чебер кылыз. Бай, ненег. Туж лаконичной пӧрмем бичет, кутсконысеныз пумозяз.  Ӧз тырме, конечно, литераторъёслэсь дунъет. Как раз луысал татчы.

Ну, кин дальше? Марина Христофорова, яке Маша Васильева?

Мысс Ектоника

Пфффф....

Мисс Эктоника луиз Аня Шарыпова. Алнаш ёросысь. Ну Алнаш ёросысь туэ трос вал нылъёс. Куинь кузя вить нылъёс пӧлысь.

Мисс Эктоникалэсь волназэ кутыны быгатӥз Вера Трефилова. Со ассэ туж возьдаськытэк возиз, купальникен камера азьын чеберъяськиз, сцена вылын но туж мылкыдыз дерзкой вал, дэремез но соответствующий вал (купальникез бы еще мед озьы ик тупасал на). Ну огкылын вызывающий. Хотя та кылэз вераме уг поты вал. Но со тупа туж. Артистичная, харизмаен. Радио нуись, мар шуод на. Мукет нылъёсын ӵошатыса, вала, кыӵе клубной мисс луыны кулэ.

Но вормыны кулэ вал по-любому Алнаш нылаш. Мукет сяин луыны ик кулэ ӧй вал.

Самой ӥӧноез вал Марина Чумакова. Чебер, веськрес, ненег. Солы кулэ, дыр, Чеберинаын потаны, а не Мисс Эктоникаын. Со клубной мисслы уг тупа. Хотя мон туж шумпотысал, сыӵе сабырлы нылаш луысал ке Мисс Эктоника. Сояз аре со финалэ потыны ӧз быгаты вал. Тодӥсько на. Мисс усточи луиз кадь.

Настя Булдакова. Огшоры, шаплы студент УдГу-ысь, кудӥз удмуртлыкен йӧназ герӟаськемын но ӧвӧл. Так. Отожгла сӥтянзэ зуркатыса (тверк, пе, со нимаське). Мисс бикини луиз кадь.

Вика Макшакова. Чебер нылаш. Алнашын ортчем вожвылъяськонын чеберина. Татын ассэ ӧжытак странно возьматӥз. Хотя, мон вань сюлмыным со понна вал. Мисс вотэс.

Ну и Аня Шарыпова. Кызьы ке но луиз мисс Эктоника. Кызьы? Незнай. Перспектива. Дыдыкай, интыдэ медам басьты.

Удмурт позыръяськонэ кемалась ветлэме ни вал. Таиз позыръяськон нырысьсэ ортчиз Кристалл клубын. Кудаз мон берпуметӥзэ ветлӥ вал нырысетӥ Эктон 30-э.
Электроникъёс туж тухлоесь вал. Шоразы учкыса, мылкыд уг бурдъяськы вал.

Непредсказуемо, как всегда.

Мон карысал 18+

"А вообще сюда нужно вызывать прокуратуру. Здесь пахнет русофобством, ну и пропагандой наркотиков". Примерно тазьы вераськыса сылӥзы 5-7 егит муртъёс тани та борддор борды гожтэм дорын:
"МИФ, посвященный выставке " Удмуртка курит ганӝу " в Арт-центре ГРИФОН:

- А почему удмурты рыжеволосый народ?
- Потому что потребление травки так повлияло. Предыстория этого явления уходит в период Поломской культуры, когда ещё удмурты сплошь были брюнетами и кареглазыми. В одном из древних городов находился Иношмес (небесный родник), где и родилась эта трава. У неё был необычный эффект: жители города начали рыжеть. Мужчины обросли красной бородой, волосы женщин отливали медью. Молва об этой чудной траве быстро распространилась по всему Вятско-Камскому междуречью, и вражеские племена пожелали заполучить это растение. Праудмурты не хотели войны и крови, они просто ушли в леса и малонаселённые земли, где посадили семена той травы, символа добра и духовного богатства. Рыжеволосая чудь смешалась со многими народами, встреченными на пути.
Около 4 веков назад, после прихода русских и установления здесь чужих законов (запрет на выращивание травы), чудь отяцкая загрустила и на долгое время затаила на чужаков обиду. Спустя одно поколение появилась тенденция сокращения рыжеволосого населения и изменения отношения к окружающему миру. Люди стали равнодушны и к природе, и друг к другу. Это способствовало росту воинственных настроений. Но все-таки потребление травы не прошло бесследно.
Состоялось сражение. Всё было предрешено.
На следующее утро после поражения над полем брани разносились слова молитв: «…осто, Иньмаре, юртты Лудмуртлы, уть милемыз…», «…осто, Инмаре, Кылчинэ, Куазе, ваньмыз мед умой луоз ӵуказе…». И во время плача жён по своим муртам на окровавленном поле начала прорастать трава.
Итак, тодса вылысь, возвратились кышноос сӥзьыл кисьтон бере со интые но гуртъёсазы лушкем ваизы сое. Сое, марлы сӥземын та адӟытон. Вӧзысь гуртэз собере Турынгурт ниманы кутскизы..."

Может, озьы, может ӧвӧл.

Толон ортчиз Чудья Женимылэн суредъёсын адӟытонэз. Ӵапак нимаське вал "Удмуртка курит ганӝу". Суредъёс, чынзэ но вераса, туж аспӧртэмлыкоесь, пӧртэм техникаен лэсьтэмын, олокыӵе но материал уже кутэмын. Глина, басма, пияла, пу но мукет. Адӟытонлэн нимыз вӧзын но тунсыко гожтэмын уго: "Выставка археологического поп-арта". Вот и малпаськы мар сярысь со. Кызьы шуиз Юрий Лобанов: "Татын шӧдӥське ик постэтнофутуризм" (та выль термин нырысьсэ кутэмын вал Богдан Анфиногеновлэн "Постэтнофутуризм яке этнофутуризмлэн постэз" статьяяз). 

Адӟытонэз усьтӥз перфоманс йыромем нылашен (ну мон озьы усьтӥ та перфомансэз аслым). Пеймыт залтӥ, синьтэм коӵышпи кадь, ветлӥз удмурт нылаш, тӧдьы бӧз дэремен, синъёсыз ворсамын вал кышетэн. Собере асьсэды возьматӥзы "Дукес" группа но Богдан Анфиногенов аслаз кылбуръёсыныз (солэн ик кылбуръёсыз кутэмын вал Чудьялэн суредъёсаз). Ачиз Чудья Жени шудӥз кубызэн, кудӥз подключить каремын вал Пронин Виталиклэн аппаратураез борды. Озьы кубыз поттӥз электронной куаразэ. Мон паймисько Чудьялы. Ваньзэ, мае со кутэ кияз, пӧрме туж тунсыко арбериослы. Котькуд арберилэсь со шедьтыны турттэ тодмотэм палзэ.

Выставка "до мелочей" малпамын вал. Даже чай юон стаканчикъёслэн пыдэсаз суредамын вал кенем куар. Яке чильым укно сьӧрын, нош укно вылэ суредамын Кузебай Герд. Туж тунсыкоесь малпамын нимъёс суредлы.

Ачим, чынзэ вераса, уг тодӥськы кызьы та адӟытон шоры учкыны. Мыным кельшо та тунсыко суредъёс. Со выль, со кызьы мукет сяин усьтэ удмуртъёсты, может. Туж провокационной адӟытон. Можно шуыны, конечно: "Малы адӟытон кулэ? Удмуртъёс наркоманъёс-а мар-а? Малы соосыз сыӵеен возьматод?" Но мон озьы уг шуы, малы ке шуоно со шонертэм веран. Опять же, та адӟытон возьматэ: егитъёс тыршо герӟаны удмурт культураез дунне культураен. Мон понна та адӟытон бере кылдэ ӧжытак йыромем удмурт нылашен образ, кудӥз вала кадь мар со удмурт культура, малы кулэ удмурт кылэз дышетыны, малы кулэ удмурт дӥсен ветлыны, малы кулэ УДМУРТ луыны. Но озьы ик со вала, что ваньмыз со напрасно, что удмуртъёс всё равно куке но сылмозы мукет калык пушкын.

Я, ветлэ, учке. Адӟытон 1 куартолэзёзь кыстӥськоз на.

Ӵыж-ӵыж

Арт-экспедиция, пе, опять луоз шуыса, веразы вал ньыль-а вить-а толэзь азьло. Шумпотӥ. Пыкмыны ато кутскисько ни вал кадь одӥг интыям пукыса.
Кыӵе нырысь разочарование вал, ку шуизы: "Арт-экспедиция уг нимаськы, а нимаське удмурт лулчеберетъя нуналъёс". Эшшо ке мукет составен почти. Смыслэз сыӵе, что ми потаськом толэзьлы огпол мукет Элькунэ, ортчытӥськом мастер-классъёс, лыдӟиськом пичияк лекциос туала удмурт культура сярысь, ӝытпал концерт возьматӥськом, собере удмурт дискотека.

Нырысетӥ сюрес лёгимы толшоре Марий Эл Элькунэ Карлыган гуртэ. Котькудмес люкизы пӧртэм коркаосы. Мылкыд куашказ.
Карлыган ас сяиныз бадӟым гурт. Вуж ини. Раз одиг нуналлы гинэ ми вуим, даже пыдын ӧм ортчылэ урамъёстӥ, машинаен нулдӥзы. Школаязы паймытӥз инструментальной ансамбльзы. Пумитазы куинь кылын - удмурт, ӟуч, пор. Паймытӥз дасяськемзы. Репортёръёс, журналистъёс. Нылпиоссы люкемын вылэм мастер-классъёсъя. Дизайн, театр, психология, журналистика. Возьдаськисесь. Нырысь юай: "Кин ке тодэ-а удмурт кылэз?" Ымазы ву ӟузем кадь пуко, шып. Ну ярам, вераськи ӟуч сяин. Собере дышетӥсьсы лыктыса шуиз, соос, пе, удмурт кылэз но бигерзэ но порзэ но дышето, вераське удмурт кылын. Пайми.
Татын бадӟымъёс тодо удмуртэз, нош егитъёс кутсемын ини вунэтыны. Арлыдоосызлэсьгес кылылӥ удмуртэз.

Школазэс кемалась-кемалась усьтэм удмурт воргорон. Туж утялтыса возё шӧдске, школазэс. Вуж советской партаос наш-наш краскаен буямын. Директорзы воргорон.

Туж тунсыко калыкез дунъяны концерт учкыкузы. Тунсыко-а, ӧвӧл-а соослы. Чабко-а, серекъяло-а. Татын со ласянь шуг-секты ӧз кылды.
Туж сюлмам кылиз музыкая кабинетсы. Вуж, советской шӧмо. Борддоръёс кузя инструментъёссы ошылэмын, вуж пианино cылэ, мар ке мында пластинкаос. Малы ке кошкылэм ик ӧз потылы та кабинетысь.

Кыкетӥ сюресмы нуиз милемыз тулыспалэ Ошторма-Юмья гуртэ Татарстан Элькунэ. Кукмор ёростӥ ветлэме ӧй на вал. Кукмор сапегъёс cярысь гинэ кылэм вал. Татын тожо милемыз коркаосъя люкизы. 

Школаязы милемыз пумитазы воргоронъёс. Директорзы, мукет поселениосысь председательёссы. Котыр воргоронъёс, даже шумпотымон со кыӵе ке. Школаязы милемыз интыязы кытчы? Шонер. Бигер кылъя но литературая кабинетэ. 

Татын трос удмуртъёс. Со шӧдске сразу. Даже докладъёсты лыдӟылӥзы удмурт сямен, нош Карлыганын ӟуч сяин. Концертэз но туж мыло-кыдо учкизы. адямиез зал трос вал. Дискотекаязы но, пе, сомында адями люкаськемзы ӧй вал на. Зато эктон мастер-классэ гозыен но кыскыса ӧз луысал, дыр скамья вылысь султытыны. 

Татын туж тунсыко вал. Одӥг азбарын вуж пулсь клуб, эшшо но вужгес пулэсь черкно школа.

Школазы сразу адске - директорзы воргорон. Ваньмыз лад-лад. Туж хозяйственно, практично но чебер. Котыр картинаос, гульёс.  Директорзы туж мыло-кыдо. Озьы ик вуж советской вечной партаос наш-наш буямын. Соос вылын хоть лэйка, уз лябӟе.

Татын но туж мыло-кыдо пыриськизы мастер-классъёсы. Гань-гань пуки кадь но, только кыӵе ке нылкышно весь пукиз вераса, что бисерен вырон точно не солэн, лучше со пукоз кертӥськыса. Ярам, малпай, мон же дышетӥсь, эшшо не сыӵе капризъёс кылылӥ нылпиослэсь.

Бигерын туж ярато сюдыны. Кӧт пуштытозь. Татын ӝӧксы сюанлы кадь дасямын вал. Что ӵукна, что нуназе, что ӝыт. 

Ошторма-Юмьяысь ми самой бер бертӥмы, малы ке шуоно Средний Куморе ӧтчаллязы на. "Зангари" ансамбльзэс возьматӥзы, выль клубзэс. До того мусоесь уг-а зангариос. "Тӥ,- шуиськом,- асьтэлэсь кырӟалэ, пожалуйста, ми льӧмлет сяська cярысь весь радио пыр кылӥськом". Пичи гинэ клуб библиотекаязы кырӟазы, эктӥзы, пока Гирыш телефонлы приложениосын тодматӥз пиналъёсты.

...Тужгес но сюлмам кылиз клубысьтызы библиотеказы. 

Куинетӥ сюресмы кожиз Урустамак черкогуртэ, озьы Татарстан Элькунэ. Бавлы ёросэ куинь ар талэсь азьло вуылӥ ини вал. Удмурт Гырон-Быдтонэ. Гожъялляй но вал.

Татчы просто так ӧм вуэ, машинамы сӧриськиз. Колтыр-калтыр сюресъёстӥзы вайизы курутой машинаосынызы. Арт-экспедициын сямен матъёс вылын изим. Кыӵе шумпотӥ! Изьыса но мар но йӧназ ӧм вуттэ, сиськыны сайкатӥзы. Номыр воштӥськемын ӧвӧл, весь сюда. Гырон-быдтонэ ветлыкумы ӝӧк сьӧрисьтӥзы пегаса но поталляммы вал. 

Откытимы кутскиз почти часлы бер. А всё малы? Удмурт министръёс, пе, тани-тани вуозы ни, возьмалэ ӧжытак. 

Мастер-классъёсын монэ пӧсе вуттӥзы, адямиос трос вал, ачим номыр лэсьтыса ӧй вутты, только валэкъяй. Кыӵе ке кышномурт ветлэ удмурт кылын вераське шуыса. Бон я, я. Только мыным веразы вал, что татын пиналъёс аламагес удмурт кылэз валало шуыса. 

Клубзэс воштон понна ваньзэ потталлям вылэм ини, ми лыктӥськом шуыса, вань пуконъёссэс выльысен пырталлям, сценазэс чеберъяллям.

 Татын мыным туж капчи вал.Только концертчиослы незнай. Калыксы туж паймиз кадь туала кырӟасьёслы.

Самой монэ паймытӥз посеенизылэн председательзы. Кыӵе Урустамаклы бадӟым шуд усем.

Та адями милемын ӵукнаысен уйинозь вал. Сцена вылэ концерт бере кыл вераны тубиз но милям ваньмылэн кӧтмы серекъяса шугмиз кадь. Стендаперед но кулэ ӧвӧл. Сыӵе но тунсыко вераське, нош калык шып кылзэ, серекъя но. Милемын ӵош дискотекаын но эктӥз, лулысь-сюлмысь сцена вылын выж вылын пукыса но вераськиз. Туж искренний адями. Ваньзылэн сыӵе председательзы ке луысал, дунне ӟечгес луысал, дыр.     

....Мар мынам пумаз вераме потэ. Ваньзэ тае лыдӟыса, можно малпаны: "Пффф, ветлӥллям, асьсэды развлекать карыса". Чынзэ ке, озьы, дыр. А может ӧвӧл. Таӵе ужрадъёслэн кык миссиязы луэ: кужмо команда люкан но выль омыр пыӵатон пиналъёслы. Асме со пиналъёс, егитъёс интые ке пуктӥсько, малпасько: кыӵе мон шумпотысал, если мынам гуртам тазьы лыктысалзы выль адямиос, кудъёсыз бурдъято но выль малпанъёслы тылгизьы сёто. Гуртын улон шыпыт но каллен, кыӵе шер луо вакытъёс ку гурт зурка. Так что асьтэос малпаське ладом.