6 янв. 2016 г.

Пессимизма пост.

Выль 2016 ар. Пумитай кадь. Ӧй но пумита кадь. Ваньмыз со валантэм. Вот малпало адямиос праздникъёсты и однозэ но, пе, соосты пусъёно кадь. Вроде уг поты, а вроде как эшъёсыд ӧтё. Умой ӧвӧл кадь уг шуыны.

Пукиськод ӝӧк сьӧрын сиськыса, возьмаса, ку точно вуоз выль ар, ку вераськоз президент. Изем но потэ. Мар ке ӟабыльтӥськод эшъёсын.

Кутске вераськыны вылӥ кивалтӥсь, и ляп! вӧзӥсь пересь шуэ:"Вань уксёез Украинаяд куштӥськод, нош милям товармы дуно". И пушкын сыӵе жадемский смешок кылдэ. Ну оок. Даже пересь сое вала.

Потӥськод ураме, ӝуатӥськод бенгальской тыл. Чебер. Только малы шумпотон? Со ваньмыз искусственной мылкыд. Турттӥськод аслыд "новогодний мылкыд" лэсьтыны. Будэмъя малы ке аламагес но аламагес пишме.

Телевизорын шуо:"Выль ар мылкыд лэсьтӥськоды асьтэ котыре асьтэос ик". Ну. Ёлка. Гирлянда. Мандаринъёс (кудъёссэ выль ар азьын сомында сииськод, что кӧт висьыны ӧдъя). Кыӵе ке дешёвой, пластмасса зын потӥсь ёлка, сыӵе ик зын потӥсь китайской шудонъёсын. 

Милям дорамы азьло вал советской ёлка, кудзэ легоез кадь бичаськод (бичамед но тузонлэсь миськемед ке уг поты, ваиськод кыз). Собере бордаз ошылӥськод пиялалэсь шудонъёс. Вот зэмос Выль ар мынам соин ик герӟаськемын.

Пичи дыръя малпаськод вал, ну кызьы бадӟымъёс шуо, что ӧвӧл выль ар мылкыд. Кызьы?
А вот озьы. Ӧвӧл. И со в порядке вещей.

Пичи дыръя, со несчастной кока-кола рекламаез адӟыса, эшшо но золгес возьманы кутскиськод вал праздникез.

...В довершение, кытын ке Кузёбай клубын.  3 час уйин. Выль ар дискотека (Варзибашысь с горем пополам вуэм адямиос). Экто, позыръясько. Вдруг кин ке тылэз ӝуатэ, кытысь ке потто арган но кутско тыпыртон эктыны. И мӧзмыт-мӧзмыт фраза неалнашской эшлэсь:"Наверное, татын последний оплот удмуртской культуры".

Комментариев нет:

Отправить комментарий