Эн кыс шунды

Вуи блоге доры, остэ Инмаре.  2 ар тырмиз ини. Ӧжыт но ӧжыт гожъямъёсы луо кадь. Азьтэмъяськисько-а мар-а. Туннэ сюриз повод гожтыны.

Туннэ вал берпуметӥ бадӟым концерт Шундыкарын. Шундыкар-2015 йылпумъяськиз. Ми юромо лыктӥмы вазь. Нуназе бере кутскизы отчётной номеръёссы отрядъёслэн. Вал трос паймытӥсьёс.

Нырысь вал суредасьёслэсь адӟытонзы. Ӧнерчизы - Чудья Жени.  Мон пайми. Собыдӟа, наверно, опыт басьтӥзы нылпиос сыӵе егит ӧнерчилэсь! Котькуд нунал пӧртэм темаосъя суредаськиллям. Со суредъёс шоры можно вал учкыны бесконечно. Сыӵе со ювелирноесь суредъёс (шуом, удмурт уксё суредамзы), яке "мынам гурезе" темая суред. Наверное, сое ваньзы адӟыны кулэ. Сое кыл пыр вераны но уд быгаты.

Собере яратоно крезь лэсьтӥсьёсы шудӥзы инструментынызы. Ӝыныез пиос - сояз аре ветлэмъёс. Ӧнерчизы - зарни киё Вася Широбоков. Туэ лэсьтӥллям сизьым струналэсь крезь, улыз но, пе, цельной, лякылытэк. Мыняса дорам лыктӥзы. Огез шуиз:"Кидалово. Тон маро милемыз кинула?" "Ма,-шуисько,- куддыр вожатойёслэн но гожтэтъёссы уг вуо кулэ адресъя". Трос нылпиос юазы малы мон таяз аре ӧй вал шуыса. Со сыӵе шунтэ :) Ӟыгыртӥсько бордэ.

Театрен туэ кивалтӥз Дмитрий Корепанов. Тунсыко пьеса, вот только нимзэ вунэтӥ. Пересьёслэн юртазы действие ортче. Вань нылъёсты пересь кариллям :) Тожо разной шудӥсьёс вал. Кыкез туж зол кельшизы. Мон туж ик уг  яратӥськы любительской сценкаосты.

Собере вал возьматонзы журналистъёслэн но видеоисскуство отрядлэн. Ӵошен ужаллям. Телерадиожурналистика, пе. Ӧнерчиоссы - Ваулина но Нуриахметов. Вал, пӧртэм видеос, кудъёсыз, конечно, трослы дышетӥзы нылпиосты. Но соос куддыр примитивноесьгес вал. Со профессиональной камеразы ымныръёссэс туж шӧтэм поттэ экран вылэ. Тани эшшо поттозы на ужъёссэс контактэ.  Отын туж туала нылпиос, продвинутоесь.
Вообще туж тросэз отрядъёс ваче ужамын, со туж зол шӧдске вал.

Собере крезьгурчиос вал. Выль отряд. Ӧнерчизы - Вова Жуйков. Мон отын вообще пуки паймыса. Та отряд монэ самой паймытӥз. 4 пиос синмаськытӥзы. Ваньзы тодмоесь, огез сяна. Соослы юрттӥзы эстрада отрядысь нылъёс. Вот можно соосты хоть али ик сцена вылэ пуктыны. Со пиосты адӟыны но, кылзыны но кулэ однозэ. Выль отряд - выль шӧм лагерьлы.

Собере Вера Кузнецова возьматӥз мар вуриз нылъёсын ӵош. Дизайн отряд. Чебересь но аккуратноесь дэремъёс.

Фольклор отрядэн туэ кивалтӥз Катя Коротаева. Отчётсы умой ортчиз. Карамас-Пельгаысь бичам фольклорной материалъя вал возьматонзы. Нылъёс дӥсяськемын вал во что попало. Мынам со эстрадной атласной псевдоудмурт дэремъёсты потэ ӝуатэм. Сыӵе соос шӧтэмесь. Кулэ, дыр, та отрядын ке но " прививать вкус" зэмос удмурт дэремлы. Хоть удмурт кроен дэрем дӥсяса мед лыктозы-а мар-а лагере.

Литература отрядэн кивалтӥз Богдан Анфиногенов. Паймымон, литератураос зуркатӥзы сценаез. Самой шыпыт отряд котьку но. Туэ нош тэтчазы, эктӥзы. Вал вераса пукисьёс:"Нда... Мыным туала литература однозначно уг кельшы. Ляб". Можно, дыр, оо шуыны куддыр.

Выль отряд - "Эктӥсьёс". Ӧнерчизы - мисс Эктоника - Лиза Бехтерева. Ӝыныезлэсь трос нылпиос - "Чебеляе" ветлӥсьёс. Толыкез? Соос сотэк но быгато эктыны малы на татчы? Ну ярам. Нырысь шумпоттӥзы. Таш-таш удмурт эктонъёс эктӥзы, нош собере кыӵе ке но аэробичной эктонъёс. Малы? Уг тодӥськы.

"Эстрада" отрядэн кивалтӥз Регина Музиянова. Тросэз кырӟанъёс Куарагурысь вал кадь. Тожо хоть али бадӟым сцена вылэ потты, сыӵе но жингрес куараоссы. Мон, конечно, верасько сое огшоры зритель кадь. Мыным туж кельшиз. Сыӵе яркыт, жингрес точка вал отчётъёслэн пумаз.

Отчёт номеръёс туж умоесь вал. Нылпиос туж паймытӥзы. Бадӟым артистъёс кадесь ик. Зол куараосын, зарни киосын, пыдъёсын.

Собере ини кутскиз берпуметӥ концерт. Кудӥз монэ вообще ӧз паймыты. Чынзэ. Хоть али обидё мед луозы, хоть мар. Мон валасько со туж секыт уж шуыса. Вот сояз аре веразы ляб вал шуыса. Кыӵе ляб? Сояз аре сыӵе но насыщенной концертной программа вал, нош туэ 30 минут но мынӥз-а ӧз-а. Сояз аре отрядъёсысь номеръёсын вожатойёслэн номеръёссы суро-пожо сётэмын вал, нош таяз кӧня ке отряд вал, ито кыӵе ке туж странной номеръёсын (Едыгаров битбоксэныз не в счёт, со вообще молодец). Вожатойёс жуммем ымныръёсын, уг но мыняло (ӧз но эктэ отчётной номеръёс дыръя. Обычно сцена вӧзын котьку тэтчало ваньзэсты шулдыртыса вожатойёс). Незнай. Мон мар вераны уг тодӥськы. Залысен мукет сямен адӟиське. Вал, конечно, тунсыко номеръёс вожатойёслэсь (шуом, частушкаос), но ӧз тырмы всё равно.

Таяз егитэсь ӧнерчиос почти. Мыло-кыдоесь. Соосъя но будто нылпиос но туж продвинутоесь. Соос шӧдске юрттӥськизы вожатойёслы. Концерт дыръя но шудӥзы, кырӟазы. Соослэн энергизы тросгес кисьтӥськиз кадь учкисьёс вылэ, чем вожатойёслэн.

Извините.