Йыры висе. Параме прогулять карыса бертӥ общагае. Изё.
Нылашлэн эшез лыктэм. Массаж лэсьтэ эшезлы. Табере султӥз ини ай но койка вылысь, дэремзэ гладить карыны кутскиз. Сыӵе инфантильной тусо но дӥсяськемо ныл. Ӟызы, гольфикъёсын, накладной йырсиен, буяськемын тачак, чыртыяз но кияз чыры-пыры ошылэмын, сылэ комната шорын ул дӥсеныз.
А милям специальной интымы ӧвӧл гладить карон понна, кин кытын быгатэ, отын ик гладить каре. Выдыса кыллисько но учкисько, ӝуштыса, ӝуштыса гладить каре дэремзэ.
Собере ӧз чида но улонлы йыркуръяськыны дэмлаз:"Ну и кызьы тӥ тазьы улӥськоды? Кызьы тазьы можно гладить? Пукон вылын. Мон тазьы дышемын ӧвӧл".
"Пфф, - малпай мон, - тепличной будос. Кушты тонэ кытчы ке мукет интые - кулод ведь квартирной удобствотэк".
Дышемын ини адями гуртын но. Туалет коркан, душ, ванна, микроволновка, мультиварка. Ваньмыз вань. Кышномуртлы ужанэз но кухняын кулэ ӧвӧл ини. Мультиварка ачиз пӧзьтэ, микроволновка ачиз пӧсятэ, посудомойка но мисьтаськон машина ачиз миське. Малы кулэ на кышно? 😊
Ах да, нылпи вордыны лэся.
Улон капчия - адями азьтэмме.
Комментариев нет:
Отправить комментарий