ПарИжевск

Ноку ПарИжевск фестивале ветлэме ӧй вал на, зэмзэ вераса.
Туэ мыноно луиз. Даралилэн модалиосыз Москвиналэсь, Полина Кубисталэсь дэремъёссэс возьматӥзы. Пуктылоно, пе, соосты.

Монъя дак, мӧзмытгес мероприятие. Хотя адӟиське, что тыршемын. Олокытысь но куноос ӧтемын.
Француженкаос кырӟазы, эктӥзы, уличной театр возьматӥзы. Кырӟамзы туж кельшиз.
Сарапулысь нылаш песяеныз кырӟаз (туж быгатэ, кстати).
Мукетъёсыз малы ке сюлмам ӧз пыре. Может умой кылыса ӧй вутты, модалиосыз фотое пуктылӥсько пока (осто, мар мында фото ни со)...

Атмосфераез туж ӟеч вал. Ваньзы гань-гань пуко, кылзо, экто. Парк Космонавтовын ортчиз ужрад. Пичи нуныос кадь, мынӥмы лэйканъёсы (пичи дырысеным кулыса бырисько соослы:)).

Мон яратӥсько, ку ужрад ортче ульчаын. Можно хоть мар карыны. Ветлэмед ке потэ - ветлӥськод, пукемед ке потэ - пукиськод, сиськемед ке потэ - сиськиськод.

Туж кема ортчиз кадь концерт. Кутсконысеныз почти пумозяз вал. Жади ик кадь. Бертыса каньсырай. Сразу умме уси.

Тодам берло гинэ лыктӥз. Кошкисько вал нылкышно вӧзтӥ, 50, примерно, арес кадь. Как раз кырӟа вал Сарапулысь нылаш песяеныз. Нылкышно соос шоры учкыса, эшезлы вера:"Придурки, кому это надо?" Вечоркаоссы кулэ вал, дыр...
Фу, оломар луыса кошки...