Финита аля комедия

Луо сыӵе нуналъёс,  ку вообще дорысь уг яра потаны. Бродский шонер вераз:" Не выходи из комнаты, не совершай ошибку".

Луо сыӵе тодматсконъёс, кудъёсыз бере дырез берыктэм потэ, чтобы со тодматскон медаз луысал вообще.

Туннэ монэн туж шузи ситуация кылдӥз. Хоть бӧрд, хоть серекъя. Кыӵе ке дурацкой киноысь сюжет кадь. Лучше туннэ нунал мукет мед луысал.

Потӥ остановкае Иже мыныны. Вуиз тырмем автобус. Кырындыёзь сылыса мынӥ, собере нуисьлэн вӧзаз интыез бушаз но пукси. Агрыз палозь мон быдэс сюрессэ малпаса мынӥ ву сярысь. Кулӥсько ни вал. Синме кыньыса, малпасько кызьы мон Агрызысен ву басьтыса юо. И татын берам пукись пияш пичи усьтымтэ бутылка мыным миче:"Хочешь пить?" И мон совершенно тодмотэм адямилэсь паймеменым басьтӥ вузэ но гульк-гульк юи. Будто со шӧдӥз.
Агрызысен 15 минутлы дугдӥм, обратно сётӥ вузэ, тау шуыса, верай серекъяса, что тон кылид мынэсьтым пуш куараме. Нош пияш серьёзной ымнырын вазе мыным:"Мынам душае кылӥз тынэсьтыдзэ". Озьы ик вераськон герӟаськиз.

Отдельно вераны кулэ вылтусыз сярысь. Сыӵе тип хиппи, миру мир, вань адямиос ӟечесь, дунне тонэ кылэ и эшшо со выллем. Горд туш, турпар йырсиез, бадӟым холщовой рюкзакен.
Кыӵе ке семинарысь бертэ, кудаз, видимо, йырвизьзэ умой ик сыналлям.  5 минут вераськемез бере кизэ понӥз пельпум вылам. И татын мон валай: всё, быриськиз та, лякиськоз сейчас. Киыз мар ке кадь ӟырдамын, будто пельпумме ик сутӥз, монэ аж передернуло. Мон сыӵе лобӟем адямиосыз ведь послать карыны но уг быгатӥськы ай. Вера вал, конечно, что тон чудик, перестань мон борды йӧттылӥськыны. Но нет ведь. Сыӵе адямиосты обидё карыны жаль, чурыт кыл ик уг мыны.

Пукси  интыям, со озьы ик сьӧрам. Кылем сюрессэ фразаос куяса мынӥз пель сьӧрам, типа, мынам мугоры вунэтӥз жадемзэ, малы ке шуоно тон вӧзам. Или, тон автобусэ пырид но мон валай - шедьтӥ.

Вообщем, со сыӵе высокопарной кылъёс вера, нош мон ас поннам трёхэтажноен. Конечно, романтичной барышня луысал ке, виясал но, дыр.

Инмаре, малы сюрисько котьку олокытчы но?

Кызьы ини бон автобусысь потом? Потӥ. Келяз остановкаёзь. Куриз  телефонме, кинлы ке, пе, жингыртоно. Аслазэс пуксем. Я, сётӥ. Только не дозвонился мар ке.

А со говнюк жингыртэм ас телефоназ, сое мон валай, ку ӝытпал вуиз смс с предложением  руки и сердца, ёмаё.

Извини, малой, но мон почти кышно ини.

Лучше та ваньмыз уйвӧт мед луысал. Кыӵе ке неприятной осадок.

Дэрем

Куке вань- а  вуылэмды Татьяна Москвиналэн "Удмурт дэрем" лавкаяз-мастерскояз?

Мон наконец-то вуылӥ. Басьтӥ аслым качественной тузи алнаш дэрем.
Пичи гинэ лавка, туж мусо. Интыяськемын ышык интыын, гань-гань.

Пургае вуыса, однозэ но пырано кожай, только вуи, ку 5 минут кылиз на вал ворсаськытозяз. Татьяна Никитична укнотӥз адӟыса, пыртӥз ик.

Пуксись шунды небыт гинэ пыре мастерскояз. Кыӵе ке загадочной аура кылдытэ. Дэремъёс тачак, бырйы но бырйы. Вӧзазы ик вашкала дӥсьёс. Вузаськоды-а шуыса юай но веразы, та, пе, юри возьматыны адямиослы, кудъёсыз куддыръя споръясько, что мынам шонертэм вурылэм дэремъёсы.

Татьяна Никитична туж тунсыко но визьмо собеседник вылэм. Со не только быръёз тыныд дэрем, эшшо валэктоз на маин дэремъёс, айшетъёс висъясько ог-огзылэсь. Тунсыко вераське, визьмо вераськемаз огшоры вераськонъёс пыртаса. Ато вань куддыр нылкышноос, кудъёсыз туж чаляк визьмо вераськеменызы акыльто.

Учыр вераз. Пыриз, пе, нылкышно нылпиосыныз но кутскиз вераны кыӵе кулэ луыны "шонер" удмурт дэрем - атласной. А мынам, пе, ваньмыз неправильной огшоры басмалэсь. Нылпиоссэ но, пе, монэ но дышетӥз.

Дӥсьсэ мерттаськод но куштэм уг ни поты. Дукес озьы мерттай, синмаськи чылкак. Сӥзьыл басьтыны вуоно одно.

Ческыт кофеен сектаса келяз, айшет заказать карыса кельтӥ на ай.

Республиканской фестивале "Учке мынэсьтым дэремме" мыно ини таре дэременым.

Эмезь кисьмаку

Толон ӝытпал доре бертыса, умме усиськем. Султӥ вазь ӵукна, ымдуръёсам эмезь шӧм кылемын на вал кадь.
Уйвӧтам ческытэн сии шарк-шарк бадӟым эмезь. Гурт вӧзысь посадкаысьтымы, кудаз узы сяна номыр уг буды. Даже зынзэ но шӧдӥ кадь. Нош собере боры. Шундыя кисьмам боры. Бадӟымесь, кӧнязэ ке бичаськод но ведра сразу тырме...

Сиён уйвӧтад ке адӟиськод, шуэ мама, висьыны, пе кутскод.

Уг поты вал висем. Зарезь монэ возьма ини.

ышем адями.

Контактысь отмеченной туспуктэмъёсме учкисько. Учкыса, малпаны можно: "Кыӵе Марина тунсыко улэ, кытчы но уг вуы! Кыӵе со тузи интыын ужа! Кыӵе со серекъя котькуд тунспуктэмын, эх, шудо адями." А мон шуо:"Сӥть. Чик улонэ мынам тунсыко ӧвӧл и ваньмыз акыльтӥз ини. И уг тодӥськы малы котькуд туспуктэмын мон серекъясько. Мон вообще серекъясь адями ӧвӧл, мон йӧнтэм но ваньзэсты пыкылӥсь."

Телефонэ сӧриськиз. Ветлӥсько урам кузя, ышем адями кадь. Зато капчи.

Маркеслэн вань вакчи гинэ рассказэз "Я пришла только позвонить по телефону" кытын нылкышнолэн сӧриське машинаез сюрес вылын. Сое  пуктэ автобус, тодыса, кытын можно телефон пыр жингыртыны. Нош со автобус вае сое визьзэс ыштэм нылкышноослэн юртазы. Сое отчы пытсало, шузи кожаса. Озьы со картсэ ыштэ. Нош соиз кожа, кышноез любовникез доры кошкиз шуыса. Даже адӟиськемзы бере но картэз кожа - кышноез чынзэ но шузи.

Мон но али озьы сюри ке, кельтозы, дыр.

Шуд кудыос

Таиз арня ортчиз туж шудо. Именно та кыл.
Мынам весь: ну малы мон отчы мыныны "я" шуи? Малы? Малы со мыным кулэ вал?

Котькуд потон азям верасько, но озьы ик мынӥсько.

Вань сыӵе межрегиональной ужрад "Бабушкина дача" нимаське, кудӥз ортче Тол Бабайлэн резиденцияз Шарканын. Так вот, монэ отчы, можно шуыны, нуизы. Эшъёсмы малпазы отын ужаны, нош ми Ленаен -  тузон пурӟытыны. Мар мон тодӥсько вал та ужрад сярысь: татчы лыктэ кырӟась Сергей Трофимов. Всё.

Тол Бабайлэн но резиденцияз вуылэме ӧвӧл. Да и Шарканэ но йӧназ.

Нырысетӥ нуналаз, а та ужрад куинь нунал кыстӥське вылэм, эшъёсмы ветлӥзы инты утчаны, кытын соос асьсэлэсь лохотро... а нет пичиослы шудон атракционъёссэс пуктозы. Ӝыт вуэ ни вал, трос адями, машина... Ог 4-6 КПП-ос сыло пырон сюрес кузя. Мон просто вамышъяй учкыса, кыӵе татын чебер вылэм: бадӟым пруд, нюлэс бамалъёсын, каллен вӧлмись бус, шулдыр крезьгур, шудо семьяос, кудъёсыз палаткаосын, котелокъёсын вамышъяло палаточной городоке...Номырзэ но валаса ӧй вутты кадь. Билет басьтӥзы, киям браслет лякизы.

Котырскыса, кӧлыны кошким Пороз гуртэ, споръяськыса, Шарканын-а Алнашын-а тузигес шуыса. Ну тӥ валады - извечной проблема. "Мон",- шуисько, - ӝоканы кутскисько нюлэсъёсты пушкын, мыным эрик кулэ - бусыос". "Ну, конечно, бусыосты сяна номырды ӧвӧл ни но,- валатэк вазе эше-юлтоше,- учкы кыӵе милям инкуааааазь. Бамалъёс, нюлэсъёс! А тӥляд бусыостылэсь син жаде" "Да-да-да,- синъёсме питыртыса вазисько, - Удмурт Швейцария, епт".
"Всё равно Алнаш палъёс тузигес", - ас поннам малпай.

Кыкетӥ нуналаз, ӵапак, самой шулдыр вал.
5 часэ ӵукна султӥсьёс, тямыс часэ султыса, ширтӥзы фестивале (толло кумышкаен варсь винамат вал, дыр).

Мон пайми сомында адямилы. Машина пуктон инты ик ӧй вал ни кадь, нош палаточной городок совсем не городок, а городище. Тодэ сразу лыктӥз удгушной турслет аслаз романтикаеныз. Ваньзы ӵукна ветло солань-талань, мисьтӥсько, зарядка лэсьто, сиён пӧраны кутско. Сайкало огкылын вераса.

Программкаез учкыса, валай ини: вань 4 сцена. Валтӥсь бадӟым сцена, Евгений Лисицинлы сӥзем сцена, сцена, кудӥз нимаське "Крым" (дортӥз ик малы ке ӧй ветлы, вунэтӥ со сцена вообще вань шуыса. Иронично пӧрмиз гожтэме, но малы ке со озьы ик вал), сцена кудпалаз тусуются йогаен вырисьёс. Берпуметӥосыз, кстати, та фестивальын мар ке мында вал. Берлогес верало.

Собере мон валай, что та фестиваль кыкетӥ пол ортче ини. И та фестиваль "пропитан духом бардов". Котыр тушо, кузь йырсиё пиосмуртъёс калго, огшоры дӥсен. Да и фестивалез радъясьёс пӧлын "Общество бардов Удмуртии".

А так мыным яра таӵе атмосфера. Будто вуи 60-тӥ аръёсы но калгисько хиппиос пӧлын. Татын но озьы ик: синмаськемъёс ваньзы азьын мусоясько, ваньзы туж шудо ымныръёсын ветло, изьыны выдо чуть ли не пыд улэ, котыр кырӟало, котыр гитара но мукет инструментъёс. Реальносте вуттэ арган куара: детка, тон не 60-тӥ аръёсын хиппиослэн тусняязы, тон Шарканын и али ортчоз конкурс "Самой усто арганчи". Кудаз, кстати, Ашихмин вормиз туж чебер тӧдьы ӵыж выль арган.
Куд-ог индийской шароварыос пӧлтӥ ворекъя стилизованной удмурт дӥсь. Ну всё, точно Шарканын, а не 60-тӥ аръёсын. Со озьы ортчиз ансамбльёслы вожвылъяськон.

Олокыӵе но площадкаос вал. Ми но Ленаен ортчим туристической полосаез. Шокпуль луыса кыкетӥ инты басьтӥ ик "среди женщин от 18 до 30". Сётӥзы мыным, значит, картина шарканской трикотажлэсь кык юсьёсын (пересьми ке, нылпиосылы верало:"А вот, тани тазэ ворми вал Шарканын. Отын ортчиз вал сыӵе фестиваль. Я, эн йӧтылы, кыжмытод. Синпель всё-таки") но футболка рюкзакен "Бабушкина дача" логотипен.

Конечно же акустической рок но вал, кытчы сотэк. Пӧртэм мастер-классъёс, перепечъёс, табаньёс, шашлыкъёс, сахарной ватаос, шарикъёс...

Таӵе интыосысь адӟыны луэ кыӵе ке идеальной семьяез: шудо анай-атай но нылпиоссы. Огшоры походной дӥсен, сандалиосын, кроссовкиосын, загорелоесь. Быгато ӵошен ял карыны. Куинь нуналлы пот ай тазьы. Кинъёс но соос вокщё писейёсынызы но пуныосынызы лыктылэмын вал.

А эшшо пумаз бырйизы самой-самойзэ кырӟасьёс, арганчиос, поэт-песенникъёс и тд и тп пӧлысь. Гран-при 50000 манет вормизы ИжГТУ-сь кырӟась студентъёс.

А эшшо пумаз - Сергей Трофимов. Кудӥз понна телефонэ чуть ӧз ышы. И кудӥз понна ми точно валамы Ленаен - ми шуд кудыос. Концерт кутскон азьын 1 час вал на, нош адямиос главной сцена палась быдэс гурезь бамалэз оккупировали. Пуксён интыез ик ӧй вал ини. Нош сцена азьын, гурезьлэн улаз, щебень кисьтэмын, кудӥз вылэ пуксьылыны уг ни лэзё вал. Но милемлы пичи гинэ инты кылем, каръяським  за 20 минут до начала. Нош беромем адямиос лыкто но лыкто. Организаторъёс сцена котырез кутскизы лентаен биняны, ми чуть со лента сьӧры ӧм кыле, чаляк берпалъёсмес ӝутыса пуксим ик со щебень вылэ. Нош беромемъёсты куто, уг лэзё пырыны, учкисьёс кутскизы сооос вылэ черекъяны. Котькудӥз аслэсьтыз интызэ кутскиз утьыны. Ӵаш-ӵаш зорыны кутскиз. Эшмес вайыны косӥмы покрывало шобырскыны. Я, пуксим, шобырским, вискамы телефонме но бутылкаен вумес понӥмы. Ми дась учкыны, давай пот, Трофимов. И мар, со потэ но шуэ: "Мон не привык, что адямиос сценалэсь сыӵе кыдёкын пуко, что мон но учкисьёс пӧлын собыдӟа вис. Чале, султэ, лыктэ сцена доры". И ваньмыз, со бере кылем адямиос, кудъёсыз сыло вал лента сьӧрын, вырӟизы. Берамы гурезь бамалын сылӥсь адямиос но. Ми ке ӧм султысалмы, лёгасалзы интыямы ик. Ваньзэ киямы кутыса, милемлы но пришлось бизьыны сцена доры. Собере гинэ валай:"Лена, телефонэ!" Лена кутске судорожно утчаны телефонме покрывал пушкысь. Мынам йырам:" Телефонме точно дэрие лёгазы ини или кисыязы понӥзы ни. Ваньмыз ведь отын.  Кыӵе уксёен выль телефон басьтом? Лишной уксёе точно али ӧвӧл". Лена шокчиз - татын. Осто. Ышыны валасьтэм телефон. Сое мыным вӧсяса вузазы, дыр. Кӧня пол ышемлэсь кылиз ини.

Ярам, зато Трофимов ӟеч вал. Зато ныр улаз ик сылӥмы. Вань кырӟанзэ сюлмысьтыз кырӟа.

Куинетӥ нуналаз ми, конечно, ӧм ни кыле. Номыре валатэк, кытынме валатэк пырс-пырс изи. Ӝуамын, жадемын, шудо.

Вот. Тазьы ик опен-эйр ортчыны кулэ. Но со озьы уз ортчы. Потому что ваньзы лыктозы кильтыръяськыса, палаткаостэк. Потому что Эктоника.

Гербер дыръя

Котькуд нунал ортче уйвӧт кадь. Луылэ-а тӥляд озьы? Мон уг тодӥськы ни мар толон сии, мар кари, мар мон вылын дӥсямын вал. Ваньмыз чаляк сылме, кызьы сылме ӵукна адӟем уйвӧт. Вань детальёс ышо, тодад вайыны тыршиськод но нокызьы уг пӧрмы.

Озьы лобаса быдэс июне ортче ини. Дорысь Иже, Ижысь доре.

Гербер ортчиз озьы ик, уйвӧтын кадь. Мар ке весь акыльтытӥз. Тополь пух ныре, пеле, синме, копак мугоре лякиськиз. Гужем вискын тол вуиз кадь. Уйвӧтын кадь.

Ужай. Милемлы кулэ вал ортчытыны нылпиослы шудонъёс 4 час ӵоже.

Вӧзын Шундылэн площадкаез жингыртӥз. Учкем потыса ик кыли.
Мукет палаз Айкай потаз.

Адямиос ветло солань-талань, ял каро, сисько, шулдыръясько, нош мон вӧзтӥ тэтчало нылпиос. Со, видимо, навечно...

Удмурт дэрем басьто шуыса лыктӥ вал. Москвина лыктымтэ. Нош палэнынгес Угланова гочатыса вузаськиз кильтыръяськонъёсыныз.

Ма бон. Сомында ужам бере, тунсыкоез кыльымтэ ини. Котырски огпол но бертӥ. Мар ке адямиос шулдыръяськыны уг ни быгато кадь. Яке программазэ воштоно.

Тунсыкоез вузаськон азбарын но ӧй вал. Котыр вузало разноцветной, одноразовой ширпотрёб нылпиослы. Ческыт вата зынлэсь ӧскем потэ...

Туэ мон нырысьсэ сии "вӧсям" ӝук. Огпол но Ижын Герберын ӧй сиылы на вал. Вот что, значит, ужаны бюджетной учреждениын.

А вообще потэ вылысен пичи дыре. Уг поты арысь аре адӟеме кызьы ваньмыз пересьме, сисьме, куажга.

Пичи дырысеным, кызьы асме тодӥсько, Усоен Кузёбай вискысь бусыын будо пужымъёс. Одӥген одӥген соос сыло. Пичиысеным соос мыным пото волшебноесь.
Адӟи бертыса, огез куасьмыса, жыныя тӥяськем. "Кызьы? Малы? Соос же волшебноесь!"- йырам чилектӥз. Мама гинэ шуиз: "Пересьмемъя ваньзэ гинэ ваньзэ валаськод. Озьы гинэ адӟиськод воштӥськонъёсыз". Ньылонам комок кугӟаз.

Лыктылэ куддыр

Выпускникъёслэн казыр пӧсь вакыт.
Ачим али гинэ сеткай кадь ЕГЭ, нош табере пукисько учкыса, жалостливой ымныръёс шоры, кудъёсыз тыршо гожъяны ОГЭ. Туэ милям школаямы ортче 9-тӥ классъёслэн экзаменъёссы. 3 школа лыктэмын. Пуко, учкыло куддыр тон шоры в надежде, что подсказка кыӵе ке сёто. Нош мон кылтэм-ымтэм кадь.

Жаль пото.

Уг валаськы, кинъёс малпало сыӵе правилоос, кудъёсызъя, соос даже сьӧросэ мыно сопровождающиен. Сотэк но куалекъяса, ошибкаос лэсьтыло бланкъёсазы.

...Куартолэзь шорын 5-тӥ классъёс но сётказы переводной экзаменъёс. Огез параллельлы сюриз литератураен экзамен. Билетъёсын.

Осто, кыӵе соос тон азьын пуко куалекъяса. Куаразы ик дырекъя валэктыкузы. Нош мон пукисько валаса, сыӵе тон лабуда вераськод, что куинь секыт пуктыны, а со тырше. И жаляса 4 пуктӥськод. И ымнырзы воштӥське, пальышаны кутске, чуть ли йыбырттыны уг кутско тыныд. Яке бӧрдон калэ вуо, куинь ке салиськод.

Со нимаське "кожа астэ препод,  кудӥз кылзэ студентъёслэсь еще тот лабуда ".

Взмахом красной ручки мон решаю судьбу: велик тыныд басьтозы-а уз-а, яке выль телефон.
Дышетӥсьёс правят миром, хохохо.

Ну мон так, ортчисько. Почти 4 час бездельник кадь ОГЭ-ын пукем шузияськем потыны кутске.