Гырон-быдтон

Гуртын шу сяська зын вӧлмемын, сояз бертаку копак сирень зын вал на, нош валляназ улмопэн льӧипу сураськем зын. Буёлъёс но воштӥськиллям. Таяз бертакум одуванчик пурӟе ини. Котыр тӧдь-тӧдьы, капчи буёл, сояз нош таш-таш тӧдьы буёло вал гурт, синэз ик мальдытӥсь...

Толон вал гырон-быдтон праздникмы. Кидык шур нимаськом нюкез кытын со ортчиз. Трос ик адями малы ке ӧй вал. Куноосты ӧтиллям. Бодьяосты. Милям гуртъёсмы, пе, вашкала дырысен эшъясько ини. Ог-огзы доры шудыны, пе, ветлыло вал (кыӵе мусо кыл "шудыны"). Концерт милемлы возьматӥзы, эктӥзы, кырӟазы. Только аргантэк, фонограммаен( Арганчизы ӧвӧл кадь...

Ӝук но татын ик сиимы. Азьло ведь юри вӧсяськон нюкын ик пӧзьто но сиё но вал. Али ваньзэ огазеязы. Вӧсяськон нюк сярысь но вунэтӥзы...

Тюрагай шудон

Борзый, пе

Мынӥмы лавкае мамаен. Сылӥськом,  возьмаськом очередьмес. Пыриз кыӵе ке воргорон. Кытын ке 35 арес кадь. Гань -гань ветлэ, копакеныз возьматэ, что со туж курутой, хотя ачиз кырсь, синулъёсаз "мешокъёс" юыса-юыса.
-Мне водки.
-Сегодня не продаём.
-Что за фигня?
-Закон. День детей.
-А чо, тебе закон - это указ что ли?
...
-Чо даже пивка не продашь?
-Я уже сказала, что спиртного сегодня не продаем.
-Что за вообще закон такой? Что еба **** колхоз?!(куараез каллен будыны кутскиз) В Татарии продают.
-Вот идите и покупайте там.
-Ну и пойду. Ну что ты. Продай.
-У нас видеокамера стоит, я себя подставлять не буду.
-Вот бл ***. Вот поеду, куплю водки и приду. А вы сосите своих коров. Еба **** удмурты. Что за народ? Уперлась на своём.

Ӧз чида нылкышно очередьын сылӥсь:
-Кто вы вообще такой? Что-то больно борзый и материтесь много при детях, да еще и унижайте тут всех.(нылпиос лавка трос, шып сыло паймыса)
-Тебя вообще не спрашивали... Что вообще магазин открывать, если ничего не продаете?

Пиосмуртъёс ӧвӧл, нылкышноос гинэ сыло. Некинлы чурыт кыл вераны. Нош со ассэ эшшо но курутой кожа кадь.
Берлотаз лоп! ӧсэз ворсаса потӥз.

Вот ужа вузкарыса, аслэсьтыд нерваостэ быдтыса, кылзыса сыӵе шузиосты, а ведь адями ке ӧз луысал лавкаын?

....Кӧня ар ортчиз ини, нош озьы ик мыскылляло на. Цивилизация, пе...

В теме

Пукисько ӝытпал интернетын, учкисько кин онлайн. Вӧзын мама пуке. Комментировать каре:
-Даралиды кыӵе ке конкурсын вормем кадь?
-О-о. Древо мира.
-Елена Петрова со уске?
-О-о.
...
-Со Якимова луэмын-а Эль Ныл?
-О-о. Дарина.
-Чебер.
-О-о.

Тӥни озьы пуке. Туж внимательно Дартэз лыдӟе-а мар-а.:)

Психоделика

Кӧшкемыт уйвӧт.
Кыӵе ке гуртын, акшан вакыт. Шур дурын, бус кыстӥське ву вылтӥ, кыӵе ке нылъёс лусьтроесь, тӧдьы дэремъёсын, син улъёссы сьӧдэсь выдэмын пыж пушкы но озьы уяло. Нош кыдёкын ӧвӧл кыӵе ке бигер нылъёс экто национальной костюмъёсынызы, чебурек сиыса.

А М. пересьмем ини и мыным весь гань-гань улыны маза уг сёты на.

И кыӵе ке кузь, ямсыз кый.
Фу. Али лекциын пукыса тодам ваи уйвӧтме.

Артквадрат

http://vk.com/page-70796724_47158743
Мынэлэ туннэ татчы. Мон уг вуы отчы туннэ. Нокызьы уг луы.

Тунсыко маке. Сояз аре ветлӥ вал.
Сояз аре кадь ик, таяз но трос удмуртъёс пырисько. Денис Корнилов, Ксюша Ворончихина, Женя Бикузин, Жон -жон Сандыр, Никита Ильин.  Может эшшо вань на. Кин тодэ?
Ӟуч эше но пыриське. Паймымон кадь. Туж талантливой адями. Возьматӥз вал ужъёссэ.
Ветлэ. Просвещение ӧжытак

кылъёстэк...

Выпускникъёс

Васькисько дугдылонниысь кыз нюк дортӥ. Шулдыр милям отын. Вож-вож кызъёс, векчи сяськаос, ошмес бызе, нош нюк шорын ик бадӟым ива (бадьпу вал-а?) будэ. Толалтэ отчы нискыланы ветлӥськом вал.
Васькисько значит, адӟисько мар ке школьникъёс отын. Ааа. Берпуметӥ звонок шуккем бере люкаськиллям луоз. 3 арзэ озьы люкасько ини. Быръё самой усто нылашез но пияшез выпускной классысь. Пӧртэм ӵошатсконъёс лэсьто. Нылъёс тӥни веник керттыны туэ дышетскиллям кадь, эшшо табань пыжыны. Пиос точнозэ уг тодӥськы мар каро:-) Собере синпель вормисьёслы сёто. Тӥни нылаш чебер, пужъятэм ӵушконэн. Со ик кузьымзы. Нош пиослы мар сётӥллям незнай.

Мукет школаосын лэсьто берпуметӥ звоноксы азьын "день детства". Туж пафосной мар ке мон понна. Лыкто школаязы пичиос кадь дӥсяськыса, шудонъёсын но быдэс нунал ортчыса ветло. Бестолковой мар ке.

Кыз нюк тыр табань зын. Ортчо, шутэтско. Тӥни кутэз гозы борды думылыса шудо.

Монэ но нюке васькытӥзы табань сиыны.
Директоренымы вераськыса сылӥмы.
-Кызьы толон ортчиз берпуметӥ звонокты?
-Ой. Полной цирк вал. Куинь звонок линейкалы шуккимы но ураме, школа азбаре потӥм. Шальтр! карыса кисьтӥз ук зор! Чаляк бызьыса пыримы школа пушкы. Возьмам. Зор быриз. Потӥм. Табере тӧл потэм. Мукет палаз мынӥм азбарлэн, ыркыт интыяз. Всё равно кезьыт. Школьной автобусэз но пригнали, тӧлэз мед кутоз шуса. Собере психовать карыса пыримы актовой залын ортчытыны. Кутскимы гинэ но шунды потӥз.

Ачиз гор-гор серекъя. Угось милям директормы тузи, шоккетэмез но вала, ачиз но серекъя.

Ӧжыт только школаын адями кылем ини. 80 мурт гинэ на, пе(
Ми дыръя ито 100-эсь трос вал...

кыз нюк

кыз нюк

кыз нюк

кыз нюк

туэ выпускникъёс.