Крестьянской сиён:-)

Илья шуиз:"Апай, курегпуз сием потэ".
"Qui",-шуса мынӥ холодильник доры. Малпасько: "Так, обычно со сие пӧзьтэмзэ". Пуктӥ пӧзьтыны. 10 минут улыса пуктӥ азяз. "Мыным таӵезэ кулэ ӧвӧл",- шуэ. "Жарить кароно-а", -юасько. Кивалтӥз йырыныз. "Yes,"- шуыса султӥ плита доры жаритьтыны. 5 минут улыса азяз пуктӥ. Мыным таӵезэ кулэ ӧвӧл, пе. Воже потыса:" Кыӵезэ на бон?! " Ыльзэ, пе. "А!?"- паймем синъёсын учкисько шораз. Ыльзэ. Пили кукей, шукки сое, сылал пизьнай. Нянь, пе, еще вай.

Пукисько, учкисько кызьы со ческытэн сие ыль кукей.
Ӧй но малпасал. Ну так-то ыль кукей ческыт. Ачим но куддыръя паймисько ке мар сиыны, озьы ик моктӥськисько.

"Кин бон дышетӥз озьы сиыны",-шуисько. Песяй,  пе. М. Валамон.

Ӝытпал песяй парсьёслы картошка пӧзьтыны пуктӥз горшоке. "Картошка в мундире" нимало ӟучъёс. Илья куриз картошка. Семавӧй пон на, пе, тусьтые и сылал, пе, пызьна отчы.

С кем поведёшься от того и наберешься. Зэм но.

Кино. Учкелэ.

Толон ӝытлы пумит учки кино. "Опасная иллюзия" нимаське. Шудо яратоно, мусо актеръёс: Шайа ЛаБаф, Тиль Швайгер, Руперт Гринт.
Туж чебер кино. Боевик ке но. Так то гожтэмын мелодрама, триллер, боевик. Суро -пожо. Яратон сярысь. Эшшо одӥг кино, кудӥз вера: улонын яратон понна улоно.

Туж чебер актриса. Вакчи, горд йырсиё. Ӥӧно. Контрабасэн шудэ Бухарестлэн оркестраз.

Действиез ортче Румыниын.  Бухарестын. Необычной, мукет город пейзаж. Романтичной.

Учке. Кельшоз,  дыр, тӥледлы но. Ваньзэ верай ке тунсыко уз луы.

Нянь

Нянь шормасько. Пырыез трос усиз. Тряпка кутыса ӝӧк вылме ӵуши но ӝаг куянэ куштӥ пырыосты.

Тодам лыктӥз ӵужайлэн верамез. Куке но со азьын тожо нянь шормам берам куштӥ пырыосты парсь сиён ведрае. Со шуиз:" Эке ке... Азьло, тазьы куяны ик ки уг ӝутӥськы вал. Нянь тырмымтэен пырыоссэ но кырым пыдэсэ бичаса сииськом вал. Нош али парсь но нянь сие."

Котькуд озьы куштыку тодэ лыктэ. А мар карод? Сиёд -а мар-а? Уг ке поты.

Пересьёс... Вужомем нянез но выльдо "парлэсь мунчоын", няньлэсь чурытсэ (нырзэ шуо милям) куасьто, сукари каро, собере шыдазы куяса сиё, вужме ке нянь курегпузэ веттыса жарить каро... Миллион способъёссы кызьы нянь медам куштӥськы.
Соос туж бережливоесь. Человченойгес. Пинал дырысенызы.

Асьмеос со.... Пересьмим ке ваньмыз вылэ шоро луоз, малы ке шуоно асьме вакытэ ваньмыз вань и ваньзылы ваньмыз тырме.

Ашальчи Оки премия

Туннэ, пе, Алнашын пусъё Ашальчи Оки премиен.
Ӵужаез но ӧтиллям.

"Бон со,- шуисько ,- 20 ар талэсь азьло со премиен пусъемын ни ук. Малы ӧтиллям на?"

"Бон,-шуэ мама,- куноялозы, дыр".

Ӵужай со адямиос пӧлын, кудъёссэ самой нырысь пусъйылӥзы та премиен. Передовой кунян вордӥсь шуыса-а мар-а: ) Шонерзэ веран уг быгатӥськы.

Эшшо та премиен пусъемын Нина Александровна. Милям удмурт кылэн дышетӥсьмы. Зарни, визьмо, шаплы нылкышно. Олокыӵе но эшшо прилагательнойёс. Кудӥз адӟиз ке, кызьы мон янгышъёсын гожъяськисько, сяласа быдтоз:)

А эшшо библиотекаын ужасьмес. Кадь.  Уг тодӥськы ни.

Мактаськи.

Кинэ таяз меда пусъиллям?

Оштолэзь

"Ӟечбур, толалтэ" нимаське туннэ нунал. Опять вуиз кадь тол. Быдэс нунал усе ни лымы. Кезьыт тӧл пелля. Туж противной куазь. Ураме лишной раз потам ик уг поты.

Жаль кадь дворникъёслэн ужзы. Чылкыт каро ни вал сюресъёсты, бичало ни вал жагез... Сюресъёс но гужемез возьмаса кцасьмизы ни вал. Адямиос но каньыл дӥсяськизы ни вал... Нош туннэ шымырскыса бызьыса мыно ужъёссыя. Ваньзы паймемын таӵе оштолэзьлы.

Арнянунал

Мода удмурт инстаграммын сиён пуктылыны. Ӵошатскон коть лэсьты, кудӥзлэн пияшез умойгес пӧраське шуса:)

Ми но туннэ арнянунал шуса пыжиським.  Перепеч. Ильямы но юрттӥз. Гуртын котькуд арнянунал малы ке пыжиськыны туртто.

Пичигес дыръям вазь ӵукна ик песяй кутске ни вал пыжиськыны. Ческыт зынэз шӧдыса изён маза уг ни луы вал. Кылем тестоезлэсь удмурт нянь пыже  (малы озьы шуэ вал, незнай) вал.

Мама котьку пайме вал, кызьы песяй сыӵе усто пыжиськыны быгатэ шуса. Котьку вылаз вуэ пирожкиезлэн но, шаньгаезлэн но. Песяй шуэ:"Пинал дыръям уг быгатӥськы вал. Бызем берам гинэ дыши. Голюшурмаын вӧзамы улэ вал ӟуч нылкышно. Со дышетӥз".

Юрттӥсез котьку сюре.

Куноын

Наконец-то толон люгыт куазьын потӥ университетысь)

Даже пайми кадь общежитие вуыса мар карыны. Пукисько,  ял карисько. Телефонэ сообщение вуиз: тон занята? Ойдо модалиосын. Хм..  Дарали. Кин на эшшо. Солы оо шуид ке, олокытчы вуод. Лыкты, пе, пиццерие. Фотоаппараттэ басьты. Верало кытчы но мар. Ну мон малпай,  что кыӵе ке мероприятизэс пуктылоно, дыр.
Лыктыса тодӥ, что Бурановое, пе, мынӥськом. Зоя Лебедева доры куное. Отын, пе, нылъёслы фотосессия лэсьтоно. Ээммм..  Пайми ӧжытак. Мон уг быгатӥськы ук. ..Но ярам. Яратӥсько малпамтэ планъёсты.

Ӧжытак Дарилэн модалиосыз сярысь. Кыӵе ке ненегесь соос. Мусоесь. Но туж неуверенноесь, вӧстэмесь, шыпытэсь. Асьсэ куспын ӧжытак мар ке верасько. Огез вал нырысетӥ бичамысь. Юферова вал кадь. Шаплы. Шӧдске школаез ортчемын ини.

Бурановое вуттӥзы клуб азязы. Татын ик, пе, вӧзаз улэ Зоя. Но нырысь Даралилэн возьматэмез потӥз легендарной клубзэс. Алнаш РДКалэсь но тузи оформить каремын)). Огез "буран песяй" нуэ вал нылпиосын кыӵе ке репетиция.
Нулдӥзы вӧзысьтыз музеязы но. Отын буран песяйёслэн саламъёссы но кузьымъёссы люкамын. Ӧжытак вашкала арбериос но вал. Отын вузало магнитъёс буран песяйёсын.
Вот так. Тӥни озьы шуак вуи песяйёслэн музеязы.

Собере мынӥм Зоя Лебедева (малы ке мынам сое атай нимыныз вераме уг луы, кстати. Зоя гинэ шуэм потэ. Незнай малы)доры. Клуб вӧзын ик зэмзэ но.
Могдос кадь. Буран песяйёсты со тышкаськы улоназ но искусствояз но. Нош соослэн "карзы " вӧзын ик улэ:)

Коркаез паймымон солэн. Пушказ одӥг гинэ ез тыл пульы (мон но быгатӥсько дурацкий малпам кылъёсыныды вераськыны. Только уг тодӥськы кызьы гожтӥське) ӝуа. Кемалась таӵе атмосферае вуылэм. Котыр инсталяциос, вуж зын (сандык зын шуисько мон сыӵе зынэз), выж вылын мерттӥськемъёс.

Улысал.

"Пырелэ, -шуэ, пыдкутчанэн ик. Кынмозы пыдъёсты." Нокин но ӧз дӥсьты. Ваньзы куштӥзы. Негоже корка пуштӥ пыдкутчанэн ветлыны.

Зоялэн тросгес ӟуч сяин вераськемез потэ. Эшъёсы,  пе, ӟучъёс.

Так вот.
Вурылэ на со ас киыныз дэремъёс. Ас киыныз, не машинкаен. 20-эсь трос. Со, пе, будто приданой дасян. Азьло, пе, нылъёс асьсэос вурыса дасяло вал ваньзэ. Ныллэн,  пе, 3 дэремез улоназ. Пичи дырезлэн, бадӟым, нош собере пересь.

Огшоры басма кылем-мылемъёслэсь вуре Зоя. Басьтӥсько, пе, огшоры прямоугольной басма, шораз крестообразной вырез лэсьтӥсько, нош собере - фантазия. Туж чебересь.

Только малы ке кыл ӧз берыктӥськы юаны вузасько -а соос уг-а... Наверно,  уг. Соин.

Нылъёс ӧз чидалэ, бырйыны кутскизы асьсэлы дэремъёс партретэ пуксьылыны. Мон ӧй чида, дӥсяй. Кызьы дӥсяй, озьы ик пумозяз ветлӥ. Куштэм но уг поты вал.

Чай юыса пукыкумы пель сьӧрам кылӥськиз кузнечик куара. Шузи кылисько ни а мар-а малпай. Сверчоке, пе, со мынам.

Асме олокытын кожаны кутски кадь. Будто гужем ини. Капчи дэремэн на эшшо пукисько.

Кызьы но озьы фотое пуктылыса бертон дырмы но вуиз.
Тау, Даралилы нуллэмез понна.
Яратӥсько олокытчы но вуылыны.