Вераськон сярысь

"Простой эн шуы,- шуизы мыным,- огшоры шу".
"ОгшорЫЫЫ, - ыыы карыса кыски, - со кылэз мон вераськонам уг кутӥськы вал ноку, мынам вераме искуственной пӧрме. Вераськонам ке кутысал пичи дырысен, шуысал огшорӦ. А мынам уг луы".

Куарагур

Куарагур туэ куинетӥзэ ортчиз. Ортчиз со и ортчиз. Уксё, наверное, трос сётэмын ӧй вал. Шоу ӧз пӧрмы. Сояз аре сомында фишкаос вал.

Нырысь ик нуисьёс - Дима Софронов но Аня Пислегина. Аня ӟечок, тыршиз хоть мар ке но карыны, нош Дима долказ. Таӵе концертъёс бадӟым сцена вылын солэн форматэз ӧвӧл шӧдске. Клубын ассэ капчигес возе, нош татын зависать карись компьютер кадь. Залэн диалогзы ӧз пӧрмы.

Син жадиз учкыса тӧдьы занавесъёс шоры. Фоновой заставкаос соосты ӧз ватэ. Просто одӥг проекторысь задник вылэ суред лэзьяллязы кадь.

Кызьы кутскиз ури-бери, озьы ик быриз. Ӧй вал кыӵе ке особой сценарий. Огшоры: кырӟась бере кырӟасез ӧтчаллязы. Малпа вылэм сценарий кыӵе ке для разнообразия.
Ну, малпай, если обстановка ке уг шумпотты, значит шумпоттозы кырӟасьёс. Соос чынзэ но шумпоттӥзы, малы ке шуоно куараоссы золэсь. Но тулкымъяськемзы всё равно шӧдӥськиз.

Жюриос пӧлын: Зинаида Кирилловна Рябинина, Наталья Ушакова, Марина Германовна Ходырева но Света Ручкина.

Нырысетӥ кырӟаз  Марина Матвеева. Образэс туж странной вал. Ворекъясь, чорыг азвесь вылтыр кадь дэремен но кык эктӥсь пияшъёсын. Чебер кырӟа. Нырысетӥ кырӟаменыз-а мар-а йыре ӧз кыльы.

Женя Аркова ненег. Самой чебер образэз вал. Но шӧдске бадӟым сценалэсь кышкамез. Мон слишком зол малы ке со понна сюлмаськи, йӧназ ӧй но вала кызьы кырӟаз. Удмурт Кенешлэсь кузьымзэ утӥз. Огез самой яратоно крезьгур именно Женялэн кырӟанэзлэн. Нош кылъёссэ гожтӥз Аня Бурдина, кудӥз вормиз как раз таки.

Ксения Ахметханова возьматӥз кызьы быгатэ кырӟаны (куараеныз шудыса). Аудиозаписьын кырӟамез мыным кельшегес. 2-тӥ толэзьзэ кылзӥськыса ветлӥсько ини. Тодмо вал, что Ксения вормоз. Солэн самой зол, уверенной куараез. Да и заслужила, со ассэ кылем арын но зол возьматӥз. Туж дерзкой образэз вал.

Радис Гайнуллатов кельшиз аслаз огшорыеныз. Кылъёссэ но крезьгурзэ но гожтэм Анисимов. Вераны кулэ ӧвӧл, дыр, кыӵе шӧмо кырӟан. Та номер туж лаконичной вал. Самой лаконичной шуысал. Котыраз нылаш эктыса ветлӥз, нош Радис арганэн шудыса кырӟаз. Куараез туж зол. Фоновой заставкаез но мынятӥз.

Герман Волков огназ ваньзы пӧлысь валаз кадь мар сярысь кырӟаз. Лулысь-сюлмысь. Выражениен. Быдэс кырӟанзэ отвлекаться кариськытэк кылзӥ. Пуро рэп самой малпаськытӥсь маке.

Анастасия Сапожникова. Крезьгурзэ гожтэм Иван Белослудцев. Та крезьгур вормиз. Ачиз Настя вормиз смс-голосованиын. Дӥсез туужжж маскара вал. Малы укша уг вера. Куатаськозы. Куараез тожо зол, ӵемгес потаз ке сцена вылэ туж крутой кырӟась луоз, дыр.

Ирина Яковлева. Ну кырӟан и кырӟан кадь. Куараез чебер. Дӥсез чебер. Со луиз интернет-голосованиын вормись.

Валерий Мадазимов - со удмурт Александр Рыбак, романтичной туж.

Яна Кузьмина ненег, только сюлмыныз не прожила кырӟанзэ. "Король лев" мультикысь кадь гурен кырӟанэз.  Пафосной диснеевский мультикысь каль уске.

Елена Григорьева выросъёсыз уг тупало вал крутой музыкаезлы. Музыкаез тожо туж крутой вал. Ручкина кадь кырӟаны турттӥз кадь. Но солы ужано но ужано ай.

Кыкетӥ частяз кырӟазы уже тодмо кизилиос: Юля Гаврилова, Аня Образцова, 10 гужем нунал (кудъёсызлы ӵошен ик кырӟано, а не отдельно), Мария Бочкарева, Эльвира Панченко (самой яркыт но дерзкий образ - полукупальный кыӵе ке костюм, сьӧд лаковой басмалэсь), Peace Pu группа (самой крутой выступленизы вал кадь соослэн, кудзэ адӟылӥ, туж кельшизы) но Сайлентъёс.

Кизилиос соин ик кизилиос, быгато асьсэды сцена вылын возьыны, йыг-йыг сыло. Но ӝуатымтэ залэз так и ӝуатыны ӧз быгатэ.

Лиана Корепановаез (кылем арын вормись) так и жадим возьмаса, особенно клипсэ. Так и ӧз возьматэ. Ачиз но сцена вылэ ӧз поты.

Учкомы ини маин сояз аре паймытозы.

Алнаш - со Алнаш.

Алнаш - со Алнаш. Даже со борды немар добавить.

Бертӥсько вал, Алнаш заправкае пыримы. Пичи заправка магазиназы мон но пырай. Мичисько кассирлы товарме. И со юа:"11 манетты может вань?"
Мынам, видимо, йырвизь-то дышемын ини, ӟуч сямен вазьыны (Ижкарын-то лавкаосын котьку ӟуч сямен) и солэн шок вал, ку удмурт кыл чузъяськиз, но чаляк малпаськиз но вераз:"Эммм, ӧвӧл". Хотя ым усьтӥське вал ни ӟуч сямен вазьыны.

Весья, Эбга, Идна

Та веран почти дышетӥсь сярысь.

Решила мон, значит, нуыны нылпиосме походэ Глаз ёросэ Весья карез адӟытыны. Ну кызьы решила, предложили. Милям же вань туристической кружок. Да и мынам весь одӥг интыям пукеме уг луы.

Номыре ачим тодытэк мынӥ 10 нылпиме кутыса но со туристэн, кудӥз нуэ кружокез.

Курдай кыл но татчы уз тупа, дыр. Бырйыны ик уг быгатӥськы кылъёс.

...Секыт сумкаосын, кыштыр-кыштыр сюрес лёгыса нюлэстӥ, вуимы чорыгасьёслэн коркаосазы.

Анайёссы тодысалзы ке, адӟысалзы ке кыӵе интыын уломы, ӧз но лэзьысалзы, дыр. Вагонкаен обшить карем борддоръёс, кыӵе ке обшарпанной пуконъёс, ньыль кык ярусъем койкаос но куинь огшорыез. Корка шорын пичи гур, ӝӧк, ужасьтэм холодильник шкаф интые. И одӥг лампочка ошиськемын вӧлдэтысь.

Асме кожай гуртысь мать-героиня, кудӥз туж куанер улэ. Кудӥз вордӥз незнай малы дас нылпи.

Плитаез эстыку, самой ненавистной зын потӥз: кот ӵын. Ас поннам малпаськисько:"Инмаре, малы? Малы мон лыктӥ татчы."

Нылпиос со дыре интыяськыны кутскизы. Жи! Куаш! карыса инты бырйизы, сумкаосысьтызы поттазы сиёнъёссэс но тыризы ӝӧк вылэ.

Потӥ ураме омырен шоканы. Берын нюлэс, азьын Чепца.  Кыдёкын - Весья кар, кытчы ӵуказе ми вамыштом. 

Туристмы ялан нылписыз интыяз пуктӥз. Дежурнойёс, ву ваисьёс,  пу пыртасьёс. Кин ӧз кылдӥськы - котёл миськись. 

Мыным кылиз ӧс палась койка. Нылпис пото - ӧccэс уг ворсало. Утыр футболка коже юрк! потыса кошко. Кӧня верай, собере ярам шуи. Висьыны асьтэос усёды. Корка пуштӥ ветлон шлёпкиосынызы ураме часта гинэ пото.

Сьӧрос, кстати, тожо урамын. 

Нош вулы ошмесе 300 метр кеме точно ветлоно вал.

И вот пеймытаз. Туристмы малпаз соослы легенда:

-Вот озьы да тазьы вал азьло сыӵе батыръёс - Идна но Весья. Вал нылкышно Эбга, кудӥз предать кариз соосты. Со понна Эбгаез Чепцае куштӥзы. И вот котькуд нунал, уйин, Эбга потэ мисьтаськемзэ ошылыны...

-А кызьы со пота то? Шур кынмемын.

Мон татын ортчыны кутски:

-Дак мар ӧд адӟе-а мар-а кӧня чорыгасьёс шур вылын. Соос бератазы кӧня лункаос кельто. Оти ик пота.

Собере шудыны потӥм. "Радиус" нимаське. Пеймыт нюлэстӥ. 15 минут куспын одӥг команда мукетсэ уг ке шедьты определенной радиусысь, то всё - ӧз ворме. Собере воштӥсько командаос. Туристмы доре кылиз, нош мон кошки шудыны. Нылпиослэн сюлэмзы пыдтышказы ке но вуиз легенда бере, однозэ но шудоно кариськизы. Кулыса быро пӧртэм ужастикъёслы.

Шудэммы бере сиським но изьыны выдӥм. Быдэс уйзэ изьытэк потӥ. Оломар уйвӧтаса ӧй но вала изи-а ӧй-а. Ӵукнаяз нылпиос туж вазь сайказы, хотя кулэ вал дежурнойёс гинэ султыны. 10 часозь жи! куаш! карыса сиён пӧразы, сиськизы. Мон самой бер султӥ кадь. Понӥзы мыным ӝук, лэзизы кружкаям какао.  

Час ортчыса потӥмы Весья каре. Конечно, ми отчы ӧм вуэлэ. Ӝыны сюресэ но ӧм ортче. Та походлэн мукет назначениез вал, нылпиосты огазеяны. 

Бертэм беразы озьы ик - жи! куаш! Нылъёс пиослы мар ке доказывают, пиос нылъёслы. Умме усиськем. Туристмы но. Куаляк луыса сайкай. Дышиськем ини сыӵе куараосын но изьыны. Пайми адӟемелы. Ӝӧк выл в кой то веки чылк-чылк, вань тусьты-пуньы миськемын, выжез ӵужо, плита ӧстӥське, ву ваемын, пу пыртамын. Султыса, ваньзэсты уню-нюнь карем потӥз.

Быдэс нунал ортчиз. Ӵуказеяз кулэ вал 5 часэ ӵукна сайкаса, Глаз каре вуыны. 

Кельшиз. Нылпиос шоры мукет синмын учкыны кутскиськод, ку соос школаын ӧвӧл. Котькудӥз мукет палысен усьтӥське.

Мон даже асме куддыр "Географ глобус пропил" книгаысь валтӥсь героез асме кожаны кутски. Только татын не географ глобус пропил...

Удмурт Кенеш.

Мынам сыӵе но толон странно нуналэ ортчиз.
Школаын карантин бере, дышетӥсьёс шал-шал кабинетъёсын пуко ужаса. Мар ке дауртӥ, нунал но ортчиз кадь. Нервной вераськонъёс вал кыӵе общественной организация понна луоно шуыса. Ма со вераськонъёс гинэ.

Нош кинъёс ке Удмурт Кенешлэн съездаз ӵукна ик ширтӥзы.

Мынӥ нылпиосылы кузьым басьтыны. 14 февраль, да мар да шуыса. Билетлы  уксёянчикме потонъям сумкаысьтым оломар усиз. Возьдаськыса кулӥсько ини вал. И вообще, туннэ мында, городской транспортлы ноку уксё быдтэме ӧй на вал. Причем, кузьым басьтонъям,киям удмурт библия но вуиз.
Собере мукет кузьым басьтыны мынӥ. Опять автобусэн. Бизьыса мынонъям, небыт гинэ сӥтян вылам уси. Куинь буквалэсь кыл вераса, султӥ но дальше бизьыса кошки. Адями вӧзам султӥз вал ини юрттыны.

...Быдэс нунал куспын учки инстаграммез. Лента тыр со съездысь Фотоос. Разной ракурсысен одно и то же. Ммм. Удмурт театрын ортчем. Ммм. Горд гвоздикаосын-а розаосын-а сцена вылын кык куды сылэ. Ммм. Шифоновой кузь басмаослэсь удмурт флаг лэсьтэмын задникын. Сцена вылын, кузь ӝӧк сьӧрын пуко пӧртэм кивалтӥсьёс. Собере вдруг столовойын сиськись Бикузин. Сюдӥллям но, ява...

Со ваньмыз дыртон, чтобы парае медам кыль шуыса, малы ке шуоно со туж тунсыко луыны кулэ. Литературное краеведение нимаське.

И вот мон пукисько, сыӵе крутая, ваньзэ мар вера дышетӥсь тодӥсько и со тодэ мон тодӥсько шуыса. Что ӟуч гожъяськисьёсыз, что удмурт гожъяськисьёсыз. Собере дорысь уж сётэ. Верано, пе, любой кельшись туннэ нуналлы Удмуртиысь автор сярысь. Со шуэ мон шоры учкыса:"Мон шуэ не настаиваю, чтобы тӥ Афиногенов сярысь мед вералоды...Но..." Анфиногенов шуэмез йӧназ уг луы. Серекъясь синъёсын мон шоры учкиз. "Вы в прошлый раз, когда говорили об этнофутуризме, слишком вскользь прошлись по нему". "Окааай,- ас поннам малпай, -доехали".

Лобаса потӥ универысь но кызьы ке БикузинШтыковаМарайко доры куное вуи, йогаез возьманъям.

Собере опять транспортэн, паськаса, вуи.

Вообще, мон туннэ кык, куинь полэс ортчылӥ одӥг и тот же интыостӥ. Вакчи дыр куспын.

Бертыкум ини, дас час ӝыт котырын, берам мынэ нылкышно телефонэн вераськыса. Удмурт сяин.
"Да милям туннэ аренда вал. Удмурт Кенешлэн бадӟым съездэз вал. Ну первой ӟечкыланъёс да мар да вал, собере сиськизы кадь, собере вить часкын концерт кутскиз. Али кытчы ке дискотекае кошкизы кадь. Ӵуказе операя театрын люкасько кадь. Незнай". Собере вераськон резко кидысъёс сярысь кошкиз.

Чынзэ, ӧй малпа. Шуисько ук странной нунал вал.

Мылкыд

Мон тодӥсько, трос удмурт нылъёсты кыске ас бордаз Ирландия но Исландия. Со безмятежной инкуазенызы но тунсыко адямиосынызы. Со секыт но огшоры чеберенызы. Со чылкыт но трос омыренызы.

"С похмела тон весь оломар вераськод" (на самом деле нет)

Али котькытын ялонъёс:"Кулэ европейской ымныртусъёсын нылкышноос, пиосмуртъёс, пичиос рекламаын сниматься кариськыны".

И учкисько вал мон сыӵе рекламаосты пичи дыръям, кытын воргоронъёс вань куамын кык чиль-вор пиштӥсь пиньёсынызы серекъяло, кыӵе ке чагыр буёло дӥсен. Но мынам синмы усе вал соослэн ки шоразы. Соос вал чылкытэсь, однозэ но зундэсэн. И мон котьку вожъяськисько вал, ну малы атайлэн киосыз сыӵе чылкытэсь ӧвӧл, малы со сюан дыръяз чиньыяз зундэс понымтэ?
Мамалэсь юаме но вал малы атайлэн киосыз рекламаын кадь ӧвӧл шуыса. Мамалэн малы ке вожез потӥз вал. Собере мон сыӵе юанъёс ӧй сётка ни.

Нош табере мыным атаелэн киосызлэсь номыр но дуногес ӧвӧл.

Со туж кема ужамын тракторен. Киосыз соляркаен пыӵамын вал (али со, ужзэ воштэмез бере, киосыз чылкытазы). Оломаин но миське вал. Тусьты-пуньы миськон майталэн но.

Соляркаен тамак зын пыӵам киос. Мар ке быдӟа киос. Мынам кие солэн кырым пыдэсаз как раз луэ кадь.

Пиослэн ки шоразы котьку учкисько. Луо ямсыз но чебер киос. Луо шонер но кырыж формаё гижыос. Пилэн киыз ке уг кельшы, вераськеме но уз поты соин.

Уг кельшо зундэс нулдӥсь пиос. 

Котькудӥзлэн аслаз бзикез шуо.